هل لديكم طفل يعاني من التوحد- خلونا نتجمع

[ريحانة_14]

أفا

طردة ؟

خلاص يبا أعلن إنسحابي

مع السلامه وبالتوفيق لجميع الأمهات يارب

 

[همسات ليالي]

مشكووووورة علي الزيارة ونشوفج علي خيييير

 

[سنع ومنع]

شلونكم خواتي ..
ان شاء الله بخير ..
حبيت اليوم أبعث من خلال هذا المنتدى شكر خااااااااااص ..:33_1185028183:
لأختي الغالية :nbvppw: همسات ليالي :nbvppw:
للأمل اللي قاعدة تبعثينه في نفسي والطمأنينة إن ولدي راح يتحسن وانها مسألة وقت .. للمعلومات والفايدة اللي حابة تفيدين فيها غيرج وتشاركين الكل فيها من غير أي طمع أو أنانية .. كفاية كلمة : آنا حاسة فيج .. آنا مريت باللي مريتي فيه ..
مشكوووووورة يالغاليه وكثر الله من أمثالج ..
للحبيبة :33_1185028183: emanova :33_1185028183:
للجهد الكبييييييير اللي قاعدة تبذله عشانا كلنا .. لمحاولتها بشتى الطرق ان تفيد الكل بكل المعلومات اللي عندها .. أشكرها انها مستحملتني ومتحملة مكالماتي كل شوي داقة عليها أسألها بشغلة والحبيبة عمرها عمرها ما لقيت منها الا الصدر الرحب وسعة البال والترحيب .... مشكورة يالغالية ..

مشكورين خواتي .:aha:.
والله ثم والله احساس الواحد انه مو بروحة وان في أحد معاه هذا بحد ذاته شي تشكرووووووون عليه من القلب .. جزاكم الله ألف ألف ألف خير .. وشافا عيالنا ان شاء الله:yaaaaaarb: .. ​

 

[ريمه الكويت]

متى اجتماعكم الثاني ؟؟؟

 

[سنع ومنع]

حبيبتي ريمة الكويت ..
بفضل من الله سبحانه وجهود أختنا emanova ..
اليمعه اليايه عند الدكتوره فاطمه العوضي للامهات فقط ,, راح يكون فيها اخصائية نفسيه ..

القعدة للفضفضه و الاستشارات و تبادل الخبرات بين الامهات
التاريخ للحين مو أكيد بس راح تبلغنا فيه إختنا emanova ..
حياج الله

 

[* العروب *]

بالنسبة لتجمعكم عند الدكتوره: بليز عطونا خبر قبله بوقت بس يا حبذا مو وقت اختبارات عيالنا

 

[ناني سيكرتس]

بنات اشفيكم شبيتوا على مركز التوحد وريحانه, يبا ميخالف انه صار معاكم جذيه بس الحمد لله انهم فعلا قاعدين يشتغلون, يعني مو اهم احسن من الطب التطوري الي بعد يخرعون الواحد على عياله, عالاقل اهم قاعدين يحاولون, وبعدين لا تنسون ان هالظاهره توها قاعده تنتشر بالكويت والمساله قامت تكبر وليما الحين ماكو وعي كامل حق هالمشكله وشنو نسويلها ووين نروح, عشان جذيه احنا تيمعنا اهنيه عشان نتحاور مو نتناحر..

الله يهديكم ميخالف البنت فجت ادينها لنا خل نستقبلها بكل حب, والله ادري انكم مريتوا بتجارب مو بس انتوا حتى انا وياكم وانا اكثر وحده استفدت منكم ومن هالموضوع, لما البنت ادخلت وحبت تعرض خدماتها نستقبلها وناخذ من معرفتها شوي, والمفروض انها تدخل معانا بالقروب لان عن جد نبي احد بروفيشنال يعلمنا شنسوي ووين نروح..

ميخالف استحملوني بس حبيت اقول كلمة الحق وانا ادري انكم بتعذروني, وانا اصلا عاذرتكم لان مشاعركم ونفسيتكم تعبانه من الي قاعدين تشوفونه والواقع الي قاعدين تعيشونه, وبصراحه ما نلام كلش..

كل الحب اهديه لكل وحده عندها طفل متوحد او طفل معاق والله يشافي عيالنا وعياكم وجميع مرضى المسلمين يارب.

 

[* العروب *]

خواتي: في دكتورة أردنية جاية الكويت في الأكاديمية التخصصية للاستشارات التربوية . تخصصها للتدخل المبكر . والاسبوع هذا مجانا . شوفوا الإعلان في جريدة الوطن اليوم ص 23

 

[ريحانة_14]

كثر الله خيرج يا ( ناني سيكرتس ) بصراحة رفعتي معنوياتي بعد ما حبطتني همس الليالي

شرايكم بنات أعطيكم دورة بسيطة جدا في كيفية التعامل مع الطفل التوحدي ووضع الأنشطة له خلال فصل الصيف ؟؟؟



تشاوروا وخبروني

وبيتي وقلبي فيهم مكان يسع الجميع بدون إستثناء

أي وحدة تبي أي شي أنا موجودة

أختكم

ريحانة_14

 

[همسات ليالي]

بنات اشفيكم شبيتوا على مركز التوحد وريحانه, يبا ميخالف انه صار معاكم جذيه بس الحمد لله انهم فعلا قاعدين يشتغلون, يعني مو اهم احسن من الطب التطوري الي بعد يخرعون الواحد على عياله, عالاقل اهم قاعدين يحاولون, وبعدين لا تنسون ان هالظاهره توها قاعده تنتشر بالكويت والمساله قامت تكبر وليما الحين ماكو وعي كامل حق هالمشكله وشنو نسويلها ووين نروح, عشان جذيه احنا تيمعنا اهنيه عشان نتحاور مو نتناحر..

الله يهديكم ميخالف البنت فجت ادينها لنا خل نستقبلها بكل حب, والله ادري انكم مريتوا بتجارب مو بس انتوا حتى انا وياكم وانا اكثر وحده استفدت منكم ومن هالموضوع, لما البنت ادخلت وحبت تعرض خدماتها نستقبلها وناخذ من معرفتها شوي, والمفروض انها تدخل معانا بالقروب لان عن جد نبي احد بروفيشنال يعلمنا شنسوي ووين نروح..

ميخالف استحملوني بس حبيت اقول كلمة الحق وانا ادري انكم بتعذروني, وانا اصلا عاذرتكم لان مشاعركم ونفسيتكم تعبانه من الي قاعدين تشوفونه والواقع الي قاعدين تعيشونه, وبصراحه ما نلام كلش..

كل الحب اهديه لكل وحده عندها طفل متوحد او طفل معاق والله يشافي عيالنا وعياكم وجميع مرضى المسلمين يارب.

ضحكتيني صج توج بادية مع ولدج نعيييييييد ونكرر نبي امهات وتجارب شوفوا اختنا ايمان شنو كاتبة العنوان بس الصراحة صصصصصصار مساحة اعلانية

 

[Emanova]

كثر الله خيرج يا ( ناني سيكرتس ) بصراحة رفعتي معنوياتي بعد ما حبطتني همس الليالي

شرايكم بنات أعطيكم دورة بسيطة جدا في كيفية التعامل مع الطفل التوحدي ووضع الأنشطة له خلال فصل الصيف ؟؟؟



تشاوروا وخبروني

وبيتي وقلبي فيهم مكان يسع الجميع بدون إستثناء

أي وحدة تبي أي شي أنا موجودة

أختكم

ريحانة_14

مشكوره و ما قصرتي ... اذا هالدوره مجانيه ؟!
و مثل ما قلت انا من قبل نبي امهات ... ما نبي مدرسيين و لا نبي ناس تقولينا تعالوا اعلمكم و بعديين يطلع كلام فاضي....
و مثل ما قلت لج من قبل اللي في السفينه مو مثل الغرقان ... و ما يحس بالام الا ام مثلها .. و الله لا يبليج بياهل فيه توحد او فيه اعاقه

 

[Emanova]

بنات يا حبيباتي يناسبكم يوم الجمعه 6-6 علشان اذا يناسبكم راسلوني على الخاص لاني راح اسوي بطاقات تعرفه علشان محد يدش غير الامهات

 

[ناني سيكرتس]

خواتي: في دكتورة أردنية جاية الكويت في الأكاديمية التخصصية للاستشارات التربوية . تخصصها للتدخل المبكر . والاسبوع هذا مجانا . شوفوا الإعلان في جريدة الوطن اليوم ص 23

ايه شفت اعلانهم بمركز الوراثه وخذيت الرقم باجر انشاء الله بدق عليهم..

 

[Hello_kitty]

شدني عنوان الموضوع وسهرت عليه اقراه صفحه صفحه

والله دعيتلكم مع اذان الفجر والحين بقوم اصلي وادعيلكم

ان الله يعطيكم اضعا اضعاف صبركم ومعاناتكم ولا يضيع تعبكم

واسال الله العظيم رب العرش العظيم ان يشفي ابناءكم وكل مرضى المسلمين

اسال الله ان يشافيهم شفاءا لا يغادر سقما ويقر اعينكم بصحتهم وعافيتهم


مأجووووووووورين وفعلا جزا الوالدين على الله

 

[Hello_kitty]

آسفه على المداخله وتسمحلي ايمانوفا صاحبة الموضوع بحكم انها صديقتنا وحبيبتنا بتجمع الأمل...

اخت همس الليالي لاتزعلين مي بس اسلوبج وطريقج ردج على الإخت ريحانه كلش مالها داعي ولا مبرر

مو من الذوق ولا الأدب انج تحرجينها وتردين عليها بهالطريقه وعلى العام والكل يقرا

واهي الله الشاهد قاعد ترد بكل ادب وذوق وبدون غلط

حتى لو كانت لج تجربه مو حلوه او فاشله مع المركز هذا مو سبب يعطيج الحق تجرحينها بهالطريقه الغريبه بصراحه!!!

انه مقدره مشاعرج وعواطفج ومعاناتج ..وترى بالنهايه اهو تجمع مثل اي تجمع ثاني يالمنتدى اي واحده عندها مداخله

او تعقيب تقدر تدخل وتشارك ما سوت الأخت ريحانه لا عيب ولا حرام...

الله يشافي اعيالكم ويعافيهم ويلبسهم ثوب الصحة والعافيه يارب

 

[Emanova]

مشكوره كيدي حبيبتي .... ولهت عليج و الله ...

 

[سنع ومنع]

مشكورة أختي كيدي عظيم وما قصرتي على المشركة والدعاء ..
أسأل الله ان يشافي عيالنا يا رب ..

 

[ناني سيكرتس]

ضحكتيني صج توج بادية مع ولدج نعيييييييد ونكرر نبي امهات وتجارب شوفوا اختنا ايمان شنو كاتبة العنوان بس الصراحة صصصصصصار مساحة اعلانية

ضحكتج عسى دون ان شاء الله تضحكين..

شوفي صج انا توني باديه بس ترا وراي وايد ناس بتبدي لان المشكله توها تبدا وتنتشر, واذا انا رحبت بالريحانه لاني بصراحه ابي استفيد منها وغيري بعد يبي يستفيد, لان الحين من عقب ما تبطل الموضوع في امهات وايد شاكين بسلوك اعيالهم ويبون معلومات اكثر عن هالموضوع, اذا انت وايمان وسنع بادين من زمان وعندكم معلومات هذا ما يمنع ان غيركم هم يبي يعرف ويستفيد منكم ومن الريحانه, منكم لانكم امهات ومن ريحانه لانها مدرسه متخصصه بهالمجال, ابسطها انها تقدر تعلمنا ابسط الطرق الي فيها نقدر نتعامل فيها مع اعيالنا.
التوحد حبيبتي انواع وانت عارفه هالشي, فالي يفيد حالت عيالج يمكن ويمكن ما يفيد حالة ولدي ويمكن ما يفيد حاله ثانيه,عشان جذيه نبي احد يعطينا معلومات دقيقه وطرق صحيحه عشان نبدأ فيها نتعامل مع عيالنا من غير اخطاء, لان بصراحه مو وقته الحين نجرب فيهم بعد, يمكن في امهات يعطونا حل او اتنين بس يمكن هالحلول بعد ما تفيدنا, عشان جذيه الاخت ايمان يزاها الله خير قاعده تضبط لنا موعد ثقافي مع الدكتوره فاطمه عشان منها نتعلم ونستفيد كلنا..
عشان جذيه انا راح اطرق كل باب وكل مكان بروحله وبجرب كل شي عشان مصلحه ولدي وصحته..




الله يشافي عيالنا وعيالكم وجميع مرضى المسلمين ..

 

[ناني سيكرتس]

اختي ريحانه اذا تقدرين حطيلنا او علمينا المبادئ الي نقدر نبدي فيها بالتعامل مع الطفل المتوحد, نبي طريقه تمشي مع كل الحالات..

يزاج الله خير..

 

[ريحانة_14]

راح أحطها بموضوع منفصل حبيبتي ناني سيكرتس عشان إذا فيها حرج للبعض أتفاداه

وماقصرتي على المداخله اللطيفة أختي كيدي عظيم


أختكم

ريحانة_14