اللي راحووو ديزني لاند يدشووون

[وين^العهود]

مساء الخير

انا ابي اروح دزني لاند مع ريلي وبنتي صغيره عمرها سنتين و8 شهور

وابي اعرف من البناات اللي راحووو دزني شنو انسوي لاني مااعرف شي

جم كلفت السفره؟؟؟

و اي فنادق سكنتوووو؟؟؟

وتستاهل انطول فيها ؟؟

وشلون على الاكل هناك في مطاعم اكلها حلال او اخذ معاي؟؟؟

واي دزني لاند احلى امريكا او فرنسا ؟؟؟


ياريت كل وحده راحت تكتبلي بالتفصيل الممل سفرتها ووين راحت

وان شاءالله استفيد منكم

مع تحياتي:tek:

 

[Hello_kitty]

انه رحت ديزني لاند امريكا وايد استانست عجيبه وكبيره وما تخلصينها

بامريكا في ثنتين اللي يفلوريدا واللي بكاليفونيا

انه رحت الي بكاليفونيا

ما اتذكر جم كلفتني لأن المصاريف على ابو الشباب

بس تحجزين الرحله عن طريق الفندق قوليلهم برح الديزني لاند

وهم ينظمون لج خوش رحله باليوم اللي يناسبج

 

[جنات الورد]

امممممممممم سوري ماعندي فكره

بس اتوقع دزني بامريكا احلا واكبر من مال فرنسا

 

[نيران]

انا رحت اللى بفرنسا بصراحة حلوة وايد رحنا بقطار من باريس ما اقدر افيدج بالتكاليف لأن ابو العيال اهو اللي متكلف بكل شى

 

[نيران]

على فكرة ما انصحكى تسكنين فى فنادق دزني لاند لان ريلي يقول رفيجة سكن فيها 5 ايام خذوا منة 3 الاف دينار ناااااااااااااااااااااااااااااااااااااااااااااااااااااااااااااااارررررر

 

[فرنسا]

دزني لاند باريس جدا حديثة واليونيفيرسال 15 كان العام ومحد يقدر يفيدج بالاحلى الا اللي شاف الاثنين بس انا رفيجتي امدحت تطور دزني اوربا وتقول ارقى بس ذمت الاسعار مقارنة بامريكا
تذكرة الدخول ليوم واحد 80 يورو للشخص اهي غالية بس تستاهل لانها روعة وانا اسكن بفندق نيو يورك ثاني فندق بعد دزني مباشرة يعطوني عرض تذاكر مع السكن بس الصراحة مو عارفة جم بس لايقصون عليج السفريات بفنادق ثانية ترى الباقي بمواصلات فقط دزني ونيويورك مشي
والمطاعم متروسة بس مافي اكل حلال الا بفندق ماريوت لازم اتروحين لة وتقدرين تاكلين من ماكدونالدز فش ولافيجي اذا تبين حلال وبالنسبة للبرنامج شتسوين اول ماتدخلين اخذي الخرطة وشوفي وقت العروض مثل عرض طرزان وايد حلو وفخم وعرض ميكي والشارع وفيها سوق حلو وايد ويكفيها 3ايام

 

[^^ ريان^^]

فرنسا بالصيف جوها احسن من امريكا خيسة

 

[وين^العهود]

يعطيكم العافيه حبايبي

وماقصرتووووووو


وناطره باجي البنات

 

[rawona]

انا رايحة الثنتين اللي بفرنسا واللي بامريكا ..

من غير اي كلام اللي بامريكا واااااااااااااااااااااااايد احلى هذا ما يمنع ان اللي بفرنسا وايد تطورت عن قبل بس اروع واحلى وحده اللي بامريكا وبالاخص اللي باورلاندو لانها الاقدم والاكبر واللي بكاليفورنيا للامانه مارحتلها بس اعرف ناس رايحيلها ورايحين للي بفلوريدا يقولون ان اللي بفلوريدا وايد احلى ..

اللي بفلوريدا - اورلاندو الاصليه واهي اللي يسمونها the place where dreams come true المكان اللي فيه تتحقق الاحلام واناا وايد احبها لووول انا استانس فيها اكثر من اعيالي هيهيهي بس صج مافي مجال للمقارنه بينها وبين اللي بفرنسا مالت اورلاندو وايد احلى واكبر واونس ..

موفقه :tek:​

 

[وين^العهود]

مشكوره ياعمري

وياريت انج تردين على اسألتي اللي بالموضوع

لان ماشاءالله رايحه الثنتين فأكيد عندج اجوبه على اسألتي

ابيج تعطيني فكره عن الاسعار والفنادق والأكل وراح اكون شاكره لج

ويعطيج العافيه

 

[دمـوع الشـموع]

احنا سكنا في منتجع شنقل قريك حلو مره ومو غالي يعني ب 140 دولار
وممكن تسكنين بالفندق الي في دزني

طبعا
فيه يني فيرسال استديوم
وعندك الس وورلد
وشارع انتر ناشيونال درياف
هذول كلهم باورلاندو

وطبعا حلو انكم تستاجرون سياره احسن لكم
لان التكسي هناك غالي
وممكن تتنقلون بالباص السياحي
بس السيارة اريح

التكلفه يعني احنا تكلف 40000 ريال او 50000 ريال
يمكن انتو 4000 دينار او 5000

الاكل
لا تشيلين هم كل شي متوفر ومطاعم الوجبات السريعه منتشره واسعاره جدا معقوله
وان شاء الله حلال
لانه يجوز ناكل من اكل اهل الكتاب
وذبح اليهود مثل ذبح المسلمين
وهناك السوبر ماركت يونس
تاخذين لك لو حبيتي الخبز والاجبان
واكل لبنتك

امريكا ماتملين منها بصراحه

واذا على دزني امريكا طبعا مافي مقارنه مع فرنسا
امريكا اكبر بكثير

تفاصيل رحلتنا العام الماض
رحنا
نيويورك
اورلاندو
شيكاغو
واشنطون
نيويورك

وهالسنه ناوين مدن كاليفورنيا ولا س فيجاس
ان شاء الله

 

[شروق أم يوسف]

شوفي حبيبتي أنا رحت اللي بأمريكا مرتين بصراحه روعه بس اذا بتروحين بالصيف الله يعينج على الحر ترى الجو خيسه مثل الكويت وزحمه على الالعاب يعني توقفين بالطابور نص ساعه بالحر عشان تركبين لعبه وحده و يمكن أكثر بعد بس بالشتا اتهبل و الجو وايد حلو ونصيحه سوي تامين السفر ترى العلاج وايد غالي اذكر صار في أختي انفلونزا دخلت الكلينك 300 دولار غير الادويه والله يعينكم عليهم بالمطار اهم شي تعرفين اسم الفندق و عنوانه بالضبط لانه اكيد راح يسألونكم عن مكان الاقامه وأخذي طيران الابرتش يروح ترانزيت لندن وبعدين دايركت اورلاندو والله معاكم

 

[وين^العهود]

مشكورين ويعطيكم العافيه بنوتات

ماقصرتوووو

 

[Hambka Q8]

انا رحت اللي اب فرنسا 3 مرات

وايد حلوة بس صغيره نوعاً ما..

تذكرتها اذكر 58 يورو

رحنا يوم واحد
بس اهيا يبيلها يومين عشان تدشون البارك و الاستديو..

موشرط تسكنون اهناك تقدرون تسكنون اب باريس

و احنا رحنا بالقطار

كلفنا 12 يورو روحه و رده..

 

[euros]

امريكا ويييييييييييييييييييييييييييييين وفرنسالا وين
امريكا ديزن بروحها اربع مدن منفصلة كل وحدة عن الثانية
1-ماجيك كينج دوم (عالم السحر والخيال)
2-انيمال كينجدوم (حق الحيوانات وتسكر 5 العصر)
3-ايبكوت(هذي علمية بس رهيبة)
4-ام جي ام (كلها شخصيات ديزني ولايطوف العرض والشو الي عالمسرح)

ويونيفيرسال داهية
انتي عندج الانترناشونال درايف شارع طويل سرحي ومرحي فيه
وعندج مكان ما يتطوف اسمه ميد ايفل تايز عجيييييييييييييييييييييب
وفي محل اسمه مارشال كله ماركات ستوكات اسعارها خيااااااااااااااااااااااااااااااال

 

[اوركيدا]

مساء الخير

انا ابي اروح دزني لاند مع ريلي وبنتي صغيره عمرها سنتين و8 شهور

وابي اعرف من البناات اللي راحووو دزني شنو انسوي لاني مااعرف شي

جم كلفت السفره؟؟؟

و اي فنادق سكنتوووو؟؟؟

وتستاهل انطول فيها ؟؟

وشلون على الاكل هناك في مطاعم اكلها حلال او اخذ معاي؟؟؟

واي دزني لاند احلى امريكا او فرنسا ؟؟؟


ياريت كل وحده راحت تكتبلي بالتفصيل الممل سفرتها ووين راحت

وان شاءالله استفيد منكم

مع تحياتي:tek:

مساء النور ..

ببتدي بسؤالج عن اي احلى فرنسا او امريكا .. طبعا مافي مقارنه .. دزني امريكا فيها 4 حدايق .. ديزني فرنسا اتيي كبر بس حديقه وحده اللي اهي Magic Kingdom من دزنيات امريكا او اصغر شوي ..ديزني فرنسا اللحين مسوين عرض .. اليهال اصغر من 7 سنين ماياخذون عليهم فلوس .. لا تذاكر ولا سكن ..تكاليف السفره كامله مااقدر احددها لج لانها تيي على حسب العروض والايام .. ديزني فرنسا اذا تبين تتمشين على راحتج لازم تباتين في فندق من فنادقهم عشان يصير عندج يومين .. انا سكنت بنيويورك وايد حلو .. متعه او كان ودنا نسكن فيه اكثر .. امريكا نسكن برى ديزني بس بدزني في فنادق او انتوا عددكم قليل فبتلاقون غرف بسعر مناسب اتوقع ..
اكلهم طبعا مافيه حلال .. بس اهما مسيحين .. و المسيحين واليهود اهل كتاب يعني تقدرين تسميين بسم الله وتاكلين .. لانج مضطره اولا او ثانيا الرسول كان ياكل عند جيرانه اليهود .. ويسمي
طبعا انتي بعد سألي مابي يصير بذمتي :dddds:

 

[Assolah]

انا رحت اللي بأورلاندو حدها عجيبة وعقبها بسنة رحت اللي بفرنسا وايد أصغر وحسيتها بايخة لاني قارنتها باللي بأمريكا

ديزني لاند تناسب الصغار أكثر من الكبار وانا أنصحج تروحين يونيفيرسال ستيديو اللي بأمريكا أحلا من الديزني وتناسب الكبار

 

[وين^العهود]

يعطيكم العافيه بنات ماقصرتووو

 

[منوتي]

اللي في أورلاندو أكبر و أشمل من مالت كليفورنيا و فرنسا من غير مقارنة.... الأفضل من غير منازع هي اللي في أورلاندو واللي يقول لك غير هالشي اما ما يعرف أو يقص عليك.... بالنسبة شنو تسوين روحوا كل أماكنها ماجيك كنجدوم و يونيفيرسال ستيديوز و سي وورلد .... بوش جاردنز.... و فيه سيرك عالمي ينعرض هناك سإلوا عنه لايطوفكم
إن شاء الله رحلة سعيدة و عليكم بالعافية..... احنا هالسنة بعد بنروح لها إن شاء الله.... سيي يوووو

 

[فرنسا]

بنات انتوا اي سنة رايحين دزني باريس؟؟؟؟؟كانت سابقا حديقة وحدة وحاليا 4 حدايق !!!!!الاولى بعد الحديقة الاساسية دزني اهو الاستيديو كبيرة كبر دزني تقريبا انا دخلتة وما خلصتة بس يصلح حق يهال من عمر 8 و الثانية الحديقة المائية انا ما دخلتها لاني ماحب سوالف الماي واخاف عيالي ياخذون برد لان جوهم غير عن جونا ونفس الشي كبيرة والرابعة نسيت شنوبس كانت على وشك الافتتاح وبالنسبة للي قالت التذكرة 58 يورو حبيت اوضح هذا سعرها بعد العصر ولكن اذا انتي بتروحين من الساعة 10 الصبح فهي 80 يورو
وجوها متقلب
سنة 2001 مطرررررر مو طبيعي وبرد حتى لبست ولدي كوت وفجاة يصير حر
سنة 2002 حرررررررروخيسة
سنة 2003 حر بس عادي فية نسمات حلوه
سنة2005 حررر وقمتة على رطوبة بس هذي السنة كانت احر سنة على اوروبا
سنة 2006 حر بس معقول
سنة 2007 براااد والجو فظيع براد مو برد بس خرب علينا المطر
واوربا جوها متقلب يوم برد ويوم حر ويوم مطر حتى صديقتي العام راحت دزني قبلي باسبوع ماتت من البرد ولابسين شتوي ويوم رحت مالبسنا الشتوي بالعكس تيشيرتات وساعات جاكيت فا1ا نويتي اخذي احتياطج منكل النواحي لانج ماتدرين شنو الجو