{ ...الدكتورة رشا الصفي تجيب على استفسارتكم ..} استضافة اسبوعية

[red_rose8278]

السلام عليكم دكتوره ......
عندي استفسار ما عليج امر
بنتي عمرها سنه الله يحفظها ومن فتره صار خروجها اعزكم الله اسهال مصحوب بمخاط وصار مكان الحفاض احمر والتهب الجلد وينزف دم... رحت الطبيب وقالي غيريلها الحليب من بروميل 2 ( قبل لا تكمل السنه ) إلى بيبيلاك إف ل
ووصفلها كريمين ... الحين الحمد لله عقب اسبوع وشوي تحسن خروجها اعزكم الله ( هل اقدر ارجعلها الحليب القديم وطبعا صار عمرها سنه يعني لازم تاخذ رقم 3
وشنو الاكلات اللي لازم ابتعد عنها هذي الفتره
وآسفه عالاطاله
مع جزيل الشكر يا دكتورتنا الغاليه

 

[آآم شهد]

السلام عليكم دكتوره بنتي عمره 7سنوات باليل ماتنم زين تتقلب ترافس اارق خلال نوم تلاحضين تشد اعصاب يديه ورجليها ماتنم في النهار سويناتحليل دم شامل مافيه شى والحمدالله عرضنها دكتور عظام اسبب تحس بعوار بساق قال بعض الاطفال بتمدد لاعظام اهم شى عندي انوم لانها تداوم هل يؤثر على صحتها قلت النوم . يضحك علي الدكتور اذا قلت ماتنام
وشكرآ

 

[omdoodoo]

أرسل أصلا بواسطة omdoodoo
السلام عليكم دكتوره
انا ولدي عمره 3 شهور من اول ما ولدته واهو يشرق لما يشرب وللحين يشرق واايد اخاف عليه حتى لما يرجع يشرق من الترجيع؟
والسؤال الثاني احس راسه حار (صماخه) حار مع انه مو مصخن هل طبيعي ولا لا؟
والسؤال الثالث انشالله اذا كمل 4 اشهر شنو ياكل؟
ومشكورررررررررررررررررة

بالنسبة للشرقة اهم شي تأكدي من قياس حلمة الرضاعة لا تكون كبيرة و تنزل له حليب وايد

و اذا يرجع على طول خليه بعد الرضعة قاعد على كرسي و راسه و صدره ارفع من باقي جسمه

بالنسبة للسؤال الثاني

عادي انه راسه يصير حار طبيعي هالشي

السؤال الثالث

من 4 شهور ما ياكل لا يذوق بس العيش و الخضار

لما 6 شهور ياكل وجبة كاملة من الخضار او الفواكه او البسكوت




مشكوره على الرد
بس انا ارضعه من صدري وهم يشرق يخرعني(واهو ولدته بس 4 ايام من التاسع ماكمل التاسع)
وبالنسبه حق الاكل مااعطيه عصير برتقال او سريلاك او بسكوت اذا كمل 4 شهور

 

[أم ^ علي]

السلام عليكم

إشلونج دكتوره

بغيت أسأل عن التطعيمات وخصوصا تطعيم سنتين ونص صج لغوه ومنزلين جدول جديد لأن ولدي كمل سنتين ونص
ورحت أطعمه قالتلي تعالي لما يصير ثلاث ونص وماطعمته تفاجأت والله وخايفه لا يكون في ضرر على ولدي



وشكراا

 

[د. رشــا الصفــي]

هلا دكتورتنا .. شلونج ؟؟


انا عندي سؤال واحد اصغيرووونو ..


بنتي عمرها سنة وشهرين ..
وايد وااااااااااايد يحوشها تكرمين اسهال ..
بدون صخونة ولا شي .. بس اسهال ..
يعني بطنها يوم طبيعي .. 3 ايام اسهال .. يرجع طبيعي يومين .. 4 ايام اسهال ..
وقاعد يسبب لها تسلخات والتهابات مهما حطيت لها يخرع المكان يصير ..
انا قلت يمكن من التسنين بس الحين ماكو ضروس يديدة فليش جذيه ؟
وشنو اقدر اسويلها ؟ لأني اعطيها بطاط وعيش وشغلات تمسك البطن شوي .
بس هذا مو وضع مؤقت يعني قاعدة احرمها من وايد اشياء مفيدة بسبة الاسهال .
.
غير جذيه كلشي طبيعي طولها وزنها حركتها مافيها الا العافية الحمدلله

رفرف

ما تشوف شر بنتج

حالات الاسهال المتكرر بهالطريقة

يكون الخروج سائل و يطلع بصوت قوي مثل الانفجار و يكون فيه رغوة

و تتسلخ المنطقة من تحت

كل هذي دلائل على انه الخروج حمضي

و الخروج الحمضي يكون سببه اما حساسية من سكر الحليب او حساسية من بروتين الحليب البقري

اذا كانت البنت ترضع طبيعي و عقب ما حولتيها عالصناعي صارت هالحالة فالحساسية تكون من بروتين الحليب لان الحليب الطبيعي يكون البروتين فيه عادي بس الصناعي بروتين الحليب فيه بقري وهو اللي يسبب الحساسية

و بالنسبة لسكر الحليب فهو نفس السكر بالحليب الطبيعي و الصناعي

الحل هو تغيير الحليب حسب الحالة

اذا حساسية سكر الحليب او اللاكتوز نعطي الطفل حليب خالي من اللكتوز فترة شهرين و نحاول نرده عقب عالحليب العادي بالتدريج

و اذا حساسية بوتين البقري للحليب فالحل هو حليب الصويا

و كلاهما متوفر بالجمعيات بقسم حليب الأطفال

 

[د. رشــا الصفــي]

شكرا دكتورة فعلا انا كنت اشرب جاي اخضر كل يوم كوب مشكوورة بس حالتها الحين الحمد لله احسن

الحمدلله

ما تشوف شر

دكتووورة مشكوورة على ردودج انا عن نفسي كل جمعة ادخل على الرابط بس عشان اقرى ردودج و استفيد ماقصرتي حبيبتي

حياج الله

يسعدني مرورج

مشكووووووووووووووووووره دكتوووورتنااااااااااااا على الرد وعسى يكثر من امثاااالج

حياج حبيتي

يسعدني مرورج

لا تنسوني بالدعاء

مشكووووووووورة دكتورتناما قصرتي

العفو انتو اللي مشكورين

 

[د. رشــا الصفــي]

مساء الخير دكتوره
والله يجزاج خير ان شاء الل على هالمجهود
سؤالي الاول ولدي عنده اكزيما من انواع معينه من الاكل واكزيمته جدا شديده حاب اعرف هل من الممكن انها تختفي وباي سن ممكن يصير هالشي للعلم ولدي عمره الحين سنتين والاكزيما ابتدت معاه من الشهر الثالث
وثاني شي بنتي عمرها تسع شهور حاليا وما شربت حليب صناعي ابدا هل الحليب الطبيعي يمدها بكل شي تحتاجه حتى واهي اللحين بهالسن واذا الطبيعي مو كافي شنو ممكن اعطيها حليب صناعي
وبالنسبه هم لبنتي لاحظت عليها امس وجود نفر صغار برقبتها وبداية صدرها ما ادري من شنو مع العلم اني بديت اوكلها من الشهر السادس
واسفه على الاطاله

تروبيكانا

بالنسبة للأكزيما احتمال انها تخف بس بأي عمر الله اعلم بصراحة

محد يقدر يقول لج بأي عمر بالضبط

بس الأغلبية انها تختفي مع تقدم العمر




بالنسبة لبتنج الحليب الطبيعي كافي بهالعمر بس بشرط :

انها تاكل اكل فيه كميات كبيرة من الحديد و تعرضينها للشمس وايد

لأن حليب الأم بعد سن 6 شهور يكون قليل الحديد و فيتامين د

و أغلب الأطفال الي نشوفهم يضعون طبيعي لي عمر 9 شهور بدون اكل جيد نلاقيهم مصابين بلين العظام و

فقر الدم

انا ما اقول لج و لا اشجعج انج توقفين رضاعة بالعكس استمري و غذي البنت عدل من ناحية الأكل و عرضيها

للشمس

بالنسبة للنفر لصغار هذي شغلات طبيعية تظهر بالطفل من الحر او التعرق لا تهتمين لها

الا اذا زادت و انتشرت وايد وديها الطبيب يشوفها

 

[د. رشــا الصفــي]

السلام عليكم دكتوره ......
عندي استفسار ما عليج امر
بنتي عمرها سنه الله يحفظها ومن فتره صار خروجها اعزكم الله اسهال مصحوب بمخاط وصار مكان الحفاض احمر والتهب الجلد وينزف دم... رحت الطبيب وقالي غيريلها الحليب من بروميل 2 ( قبل لا تكمل السنه ) إلى بيبيلاك إف ل
ووصفلها كريمين ... الحين الحمد لله عقب اسبوع وشوي تحسن خروجها اعزكم الله ( هل اقدر ارجعلها الحليب القديم وطبعا صار عمرها سنه يعني لازم تاخذ رقم 3
وشنو الاكلات اللي لازم ابتعد عنها هذي الفتره
وآسفه عالاطاله
مع جزيل الشكر يا دكتورتنا الغاليه

اهلا red_rose8278

المفروض يستمر الطفل المصاب بالإسهال على الحليب الخالي من اللاكتوز من 6 - 8 اسابيع

حتى لو رجع الخروج طبيعي

و ما يضرها هالفترة اذا شربت هالحليب حتى لو كملت سنة

اهم شي تبتعدبن عنه في الأكل هم منتجات الألبان لأنها تحتوي على اللاكتوز

فكأننا ما سوينا شي بالنسبة للحليب اللي قاعدة تشربه

حليبها خالي من اللاكتوز و احنا نوكلها لاكتوز من الحليب الموجود بمنتجات الألبان و السيريلاك و البسكوت

ما في مانع تعطينها الخضار و الفواكه و العيش و البقوليات و اللحم و الدجاج و البيض

القصد انه وايد عندج بدائل لغاية ما تعدي هالفترة

 

[د. رشــا الصفــي]

السلام عليكم دكتوره بنتي عمره 7سنوات باليل ماتنم زين تتقلب ترافس اارق خلال نوم تلاحضين تشد اعصاب يديه ورجليها ماتنم في النهار سويناتحليل دم شامل مافيه شى والحمدالله عرضنها دكتور عظام اسبب تحس بعوار بساق قال بعض الاطفال بتمدد لاعظام اهم شى عندي انوم لانها تداوم هل يؤثر على صحتها قلت النوم . يضحك علي الدكتور اذا قلت ماتنام
وشكرآ

آآم شهد

بنتج تحتاج طبيب اطفال متخصص

الحالة يسمونها restless leg syndrom او periodic limb movement of sleep

بالحالة الأولي هي ان المريض ما يقدر يخلي الرجل بدون حركة لازم يحركها على طول

و تختفي اثناء المشى او الحركة الطبيعية

و تزيد اثناء النوم

و الحالة الثانية

هي تكون بس وقت النوم و الحركة تشمل الذراعين و الأرجل و تكون متكررة بشكل يمنع المريض من النوم

بشكل متواصل

الحل انج تعرضينها على طبيب اطفال متخصص عن طريق تحويل من مستوصف المنطقة الى العيادة الخارجية للمستشفى التابع للمنطقة

و هناك يشوفها دكتور العيادة الخارجية و يسويلها اللازم

يا ريت تبلغينا باللي يصير معاج من مواعيد و تحويلات

 

[د. رشــا الصفــي]

أ
مشكوره على الرد
بس انا ارضعه من صدري وهم يشرق يخرعني(واهو ولدته بس 4 ايام من التاسع ماكمل التاسع)
وبالنسبه حق الاكل مااعطيه عصير برتقال او سريلاك او بسكوت اذا كمل 4 شهور

omdoodoo

اذا يرضع طبيعي عيل راح يتعود بالتدريج

ساعات اذا الحليب يندفع بسرعة من الصدر الطفل يشرق فالحل انج تفضين شوي من الحليب بالشفاطة تقلليل الكمية الأولى اللي تطلع بسرعة

بالنسبة للأكل البرتقال و السيريلاك من 6 شهور مو 4 شهور

اذا تبين تقدرين تذوقينه الأكل من 4 شهور و شوي بس كميات قليلة جدا مو وجبات كاملة

و ابتدي بالخضار اول

و عقب الفواكه

و لي البسكوت و السيريلاك اخر شي

 

[د. رشــا الصفــي]

السلام عليكم

إشلونج دكتوره

بغيت أسأل عن التطعيمات وخصوصا تطعيم سنتين ونص صج لغوه ومنزلين جدول جديد لأن ولدي كمل سنتين ونص
ورحت أطعمه قالتلي تعالي لما يصير ثلاث ونص وماطعمته تفاجأت والله وخايفه لا يكون في ضرر على ولدي



وشكراا

لا ما في ضرر

لأن تطعيم سنتين و نص عبارة عن منشط شلل اطفال بس و راح ياخذه على عمر 3 ونص

 

[د. رشــا الصفــي]

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ

جمعة مباركة

ولا تنسون قراءة سورة الكهف

 

[SweeTa_4ever]

قوه دكتووره شلووونج حبيبتي

انا طعمت ولدي ابره بوشهرين وحطيت عليها فكس وماصخن .. وحده قالتلي مايصير اتحطين فكس واذا ماسخن يعني مفعول الابره رااااح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ هل صح هالكلام شسوي اذا مفعولها راح عفيه جاوبيني

 

[omdoodoo]

مشكوره دكتورة ويعطيج العافيه
دكتورة حبوب الدوخه ملوت الطياره اتاثر على الياهل اذا كنت ارضعه طبيعي

 

[د. رشــا الصفــي]

قوه دكتووره شلووونج حبيبتي

انا طعمت ولدي ابره بوشهرين وحطيت عليها فكس وماصخن .. وحده قالتلي مايصير اتحطين فكس واذا ماسخن يعني مفعول الابره رااااح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ هل صح هالكلام شسوي اذا مفعولها راح عفيه جاوبيني

اول شي ماعندي فكرة عن موضوع الفكس

وايد اسمع عنه بس ماني عارفة ليش الناس تحطه

و شنو الفكرة من وراه ؟؟

و اذا البيبي ما صخن مو معناته مفعول الأبرة راح

لا

بس فيه يهال ما يصخنون من التطعيم بنفس الدرجة اللي يصخنون فيها الأطفال الثانين

يعني كل بيبي و ردة فعله غير

ما اتوقع من الفكس

عموما

ممكن اسأل لج و أرد عليج

على فكرة الفكس يستعملونه مخدر علشان الم الأبرة بس هم ما المفروض يستعمل قبل السنتين

 

[د. رشــا الصفــي]

مشكوره دكتورة ويعطيج العافيه
دكتورة حبوب الدوخه ملوت الطياره اتاثر على الياهل اذا كنت ارضعه طبيعي

لازم تسألين الصيدلاني احسن

اهو يعرف خواص الدوا تطلع مع الحليب ولا لأ

غالبا ما يأثر بس الصيدلاني يعرف النوع بالضبط

 

[الفنانه79]

السلام عليكم دكتوره

عندي سؤال ((لازم كل لنسان يصاب بالجدري يعني العنقز؟؟؟)) وماهي مسببات هذا المرض ؟؟؟

وانا عندي اعيالي عمرهم 4 سنوات ومايالهم العنقز هل تنصحيني اني اطعمهم ضده ؟؟؟

وهل اذا طعمتهم ممكن ان اييلهم العنقز ولا بعد التطعيم مااييلهم بالمره ؟؟؟

ويعطيج العافيه

 

[omdoodoo]

صراحه يعطيكم العافيه على الاستشارت وااااااااااااااااااايد فدوتنا

 

[د. رشــا الصفــي]

السلام عليكم دكتوره

عليكم السلام و الرحمة

عندي سؤال ((لازم كل لنسان يصاب بالجدري يعني العنقز؟؟؟))

لا مو كل انسان لازم يصاب بالعنقز

وماهي مسببات هذا المرض ؟؟؟

مسبب المرض فايروس اسمه varicella

وانا عندي اعيالي عمرهم 4 سنوات ومايالهم العنقز هل تنصحيني اني اطعمهم ضده ؟؟؟

تقدرين تطعمينهم بأي مستشفى خاص أفضل

وهل اذا طعمتهم ممكن ان اييلهم العنقز ولا بعد التطعيم مااييلهم بالمره ؟؟؟

التطعيم يوفر لهم حماية كبيرة

بس هم ممكن يحوشهم المرض بس يكون خفيف جدا جدا

ويعطيج العافية

الله يعافيج

حياج الله

 

[د. رشــا الصفــي]

صراحه يعطيكم العافيه على الاستشارت وااااااااااااااااااايد فدوتنا

حياكم الله

احنا موجودين علشان نفيدكم