مبروك جي جي مبروك حبيباتي وجزاكم الله خير كلكم
الله يبارك فيج حبيبتي فلورز.. وانتي بعد مبروك..
قوليلي شلونج حبيبتي؟ شخبارج؟
مرتاحة ان شاءالله.
جي جي سالتي عن شي ودج تشوفينه --- عندي مسابيح كثيرة وكلها ضاعت الا هذا
المسباح الي تم عندي ولبيت لج رغبتج ياجيجي
اتمنى ان ما ضايقتكم بالصور بس جيجي غالية عندي
وموفقين جميعا ونسيت اقولكم توني خلصت قراءة البقرة والحمدلله ختمت المصحف وارجو ان يكون هذا تشجيعا للجميع
مشكوووووووورة عالصور والله كان عندي فضول اشوف شكل مسباحج .. عساه مايطيح من ايدج ابد... بعد عمري وانتي غاليه يام روري يخليلج الصغير يارب
ماشاءالله الله يتقبل منج هالختمة واكيد تشجيع لنا..
انا حيل تجيني ضيقي واكره كل شي من حولي وتخيلوا تمر علي ايام ما اقعد فيها مع اهلي
احب الوحده حيييل وكل ما نويت اقرى سورة البقرة اتكاسل عنهآآآ ..
اموري كلها تعبانه ومتوقفة ..
ضيقة وحزن وهم احسه على قلبي ..
وداايما ودي ابجي
حياااااج الله والله فرحتييني بتلبية الدعوة ماتصورين شكثر ... شاعره كل شي قلتيه كان سبب بدايتي بالحملة... تعبت تشيري معاي اول الايام وكنت احن عليها اذا مو هني بالرسائل الخاصة والله تحملتني وكانت ترد على كل سطر اقوله ولا تهمل كلمة كتبتها وكان لها اثر كبير في علي .. مهما قطعت يومين او 3 ارد اتم على طاعة ويأنبني ضميري اني ماقريت قرآن اليوم.. وصرت وحدة ثانية
تغيرت حيل.. والله يمتحني الحين ... وانا بعدني صابرة على كل شي وعندي يقين انه الله يمتحن صبري, اني اكون اقرا البقرة بس لغرض او اني فعلا صادقه بطاعتي الرحمن حت يتقبل مني ويمن علي بكل شي اتمناه...
تشيري صارت اول اخت لي بالله احبها فيه من هالحملة وبعدها صارت لي خوات كثار كلهم حبيبات قلبي وكلهم لهم حق علي .. بكون انا اول اخت لج ان شاءالله وكلنا بنكون خواتج وكلنا بنشجعج تستمرين معانا وتتغير حياتج انتي بعد للافضل..
مشكورة على تلبية الدعوة.. ماشاءالله انا فخورة فيج.. في بنات دعيتهم لكن ماشفت منهم شي.. ولا حتى رد علي .. وانتي بنت فيج خير انا متأكدة..
وصدقيني .. بيتغير كل شي بس خليج واثقه بالله..
... لين وصلت الشهر الخامس اهني بديت اهملها اشوي اشوي وتركتها ومن يوم ما تركتها ياني كابوس الله لا يراويكم حلمت ابحريم قاعدين يطقوني ويقولونلي انهم بيموتون اللي ابطني صحيت من النوم وياني عوار ابطني واجهضت وقتها واهني عرفت ان في شر يواجهني ولازم اواضب على هالسورة العظيمه علشان ربي يكفيني منه.
[/SIZE]
حياج الله اختي... معناته بنشوفج هني اكثر؟ نورتي الحملة.. وان شاءالله بإذن الله عوضج عند الله كبير..
اجر وخير ورزق بالطريج ان شاءالله
الله يبارك فيج.. بنت انتي وين مختفيه :eh_s(14):
فقدتج هاليومين
![[ . . Jee Jee . . ]](/data/avatars/m/5/5136.jpg?1621060203){kind=avatar}
