إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[كويتيه رزتها ملكيه]

رد: إذا أنتي مطلقه شاركينى؟

شااخباركم بنات ان شاء الله بخير

عندى سوال واايد سالته بالمنتدى بس مو محصله اجابات له

رفيجتى مطلقه وحاضنه اطفالها ، وتبى تاجر لها شقه لان ماعندها سكن خاص بيت الزوجيه لزوجها بس وطردها منه حسبى الله عليه

السواال ؟ تقدر تاخذ بدل ايجار من الاسكان ؟ ياااااااااريت احد يجاوب وجزاها الله بالخير

 

[DALALEY]

رد: إذا أنتي مطلقه شاركينى؟

كويتيه انا رفيجتي تاخذ بدل ايجار من الشؤون يعطونها 150 بس لازم يكون السكن بإسمها

 

[كويتيه رزتها ملكيه]

رد: إذا أنتي مطلقه شاركينى؟

كويتيه انا رفيجتي تاخذ بدل ايجار من الشؤون يعطونها 150 بس لازم يكون السكن بإسمها

الله يجزااااااج بالخير يااقلبى


لو ماعليج كلافه سالى رفيجتج عن الاوراق المطلوبه / وباى قسم بالشوون تقدم

ومشكوووووووووره ويعطيج العاااااااافيه

 

[جوجو.]

رد: إذا أنتي مطلقه شاركينى؟

شااخباركم بنات ان شاء الله بخير

عندى سوال واايد سالته بالمنتدى بس مو محصله اجابات له

رفيجتى مطلقه وحاضنه اطفالها ، وتبى تاجر لها شقه لان ماعندها سكن خاص بيت الزوجيه لزوجها بس وطردها منه حسبى الله عليه

السواال ؟ تقدر تاخذ بدل ايجار من الاسكان ؟ ياااااااااريت احد يجاوب وجزاها الله بالخير

اي يصير تاخذ خل اتروح الشؤوون لان مسؤوله عن المطلقات ويعطونها الاوراق المطلوبه
أهم شي اتودي عقد الايجار ولازم يكون مختوم من المختار و3 اشهر ايصالات الايجار وبطاقتهم المدنيه واوراق الحضانه وشهادة الطلاق
موفقه

 

[miamy]

رد: إذا أنتي مطلقه شاركينى؟

ها بنات منو فيكم اتحب اتقولنا مشكلتها

انا ودي اقول

اول شي انا مو مطلقه لكن مررت علي ايام سوووووووودة

ما كنت اشوف جدامي اللا الطلاق

مشكله كبيره كبيره

لكن وايد اسباب ردتني عن الطلاق مثل( اول شي اليهال، ماراح اكون حرره مثل الحين، السكن والاستقلال المادي)

المهم سنه واكثر من سنه وانا عايشه مأسااااااااااااااااااااة

لكن قلت بما اني مو مفضله الطلاق لازم اعيش مرتاحه

وانا الحين عايشه معاه ومرتاحه الى حد ما

بتقولون اشلون!!

شلته من بالي ومن قلبي ومن عقلي

وصار بالنسبه لي شي مو مهم، مثل قطعة الاثاث

طبعا شي ووواييد صعب

وايد عانيت لين وصلت هلمرحله

لكن قمت اشوفه مو محور حياتي ولا اهو اللي ينكد علي

ولا افكر فيه مثل الاول

ولا احاتيه وين راح ومن وين ياي

ولا اوسوس مثل قبل

ولا ارق وقلق بالليل وما اقدر انام

صرت اهتم بنفسي وبوناستي ووناسه عيالي

وهو بالآخر

لكن ها.....ما ابين له اني كارهته علشان احصل اللي ابيه منه

مخليه البيت تمام، اكله /لبسه/نومته كل شي سنع بسنع

وهو الحين فاهم ان اهو شي بالنسبه لي، بس انا من داخلي مو مهتمه فيه

وبنفس الوقت قاعده اخذ اللي ابيه منه

ان شاء الله اكون فدت ولو بالقليل

 

[ام عبدالرحمن]

رد: إذا أنتي مطلقه شاركينى؟

اول شي الحمدالله على كل شي و الطلاق ساعات يكون نجاة و على قولة امي مطلقه سعيده و لا متزوجه تعيسه..بقولكم قصتي و انتو حكموا و علقوا اوكي....انا بنت عايلة الحمدالله يعني نشأت في بيئة نظيفه و اهل مترابطين و انا طالبه جامعية و مواليد 85 يعني عمري 22 االمهم كان هدفي مثل اي وحدة الزواج و الاستقرار و لاني اصغر وحدة بالبيت و خواتي كلهم متزوجات و ما عندي الا امي كنت احس بالوحدة و كنت ابي اصير مثل خواتي عندي اسرة و زوج احبه..المهم انخطبت كذا مره بس ما صار نصيبي الى على واحد اكبر مني بسنه و ما درينا بالضبط ان اكبر مني بسنه الا بعد خطبة الريايل ..الزبدة ان ياهل يعني بس توكلت على الله و خذتني لهفة الزواج و مشكلته ان امه و ابوه مطلقين فخذانا من هالناحية انه مسكين و مشاف يوم حلو و انظلم وايد بحياته ..والي اخطبوني اهل ابوه مو امه و لما سألنا عن امه قالولنا انها مريضة و اتعالج بلندن و بطول و صرحة لنا نخطبله على ذوقنا..آمنا بالله انزين وين خواته قالو يهال و مايفهمون و على فكرة ان الصج وحدة من عمري و وحدة بالثانوية و ممثلة بعد و كل هذا ما درينا فيه الا بعد الملجة للاسف...هذي مقدمة بسيطة لاحداث اتخلي الواحد يسأل احنا باي كوكب عايشين..اذا تبوني اكمل ردو علي و قولولي و انا اكملمتزوجة

 

[miamy]

رد: إذا أنتي مطلقه شاركينى؟

ام عبدالرحمن الله يعينج

اسوأ شي قريته ان اخته ممثله ......

ودي اعرف شنهي المشكله بالضبط؟

 

[ام عبدالرحمن]

رد: إذا أنتي مطلقه شاركينى؟

هلا حبيبتي..اذا انتي اتقولين اسوأ شي ان اخته ممثله انا كانت عندي صدمة و خصوصا ان ابوي ملتزم بس كبرنا عقلنا و قلنا لا تزر وازرة وزر اخرى ...المهم المشكلة كانت ان انسان باني حياته على الجذب شنو تتوقعين اتكون حياة وحدة انبنى زواجها على الجذب؟؟ تخيلي ماكان صادق بولا شي و المصيبة اني انا السبب كنت ساذجة لابعد الحدود! جذب في اهله و جذب حتى في معاشه و طلع اهل ابوه و مرت ابوه ناس ظالمين و راعين سحر و...و....و...زأشياء اتشيب الراس و الي اضحك بالموضوع اني كنت اصدق كل كلمه يقولها لان بنظري كان انسان مثالي و عظيم:dddds: خلينا من الجذب ..الشي الثاني و الي مستحيل اتحمله الخيانه و التنقل من علاقه لي ثانيه كان عنده خطين و لما استفسرت و سألته قال واحد حق الدوام (الي اقول الشركات و المشاريع المهمة المتوقفه عليه):dddds: وطبعا غير ادمانه على النت اقصد الماسنجر و لا حاط صورته و يتباهى و تخيلي اقولي انتي لازم تتأقلمين انا عندي صداقاتي من كل كمان و هذا شي عادي مجرد سوالف سكت و قلت اوكي اذا بس على النت ماشي بس على الاقل شيل صورتك و مو حلوه باجر اطلع معاك و تشوفك وحده من الي اتكلمهم و تقول هذا الي اسولف معاه:0bee2e8d89: وثالث شغله مايصلي و ما يبي اصلي و ما يبي احد يقوله صل :0bee2e8d89: و رابع شغله امد ايده يعني اطق و هذا المر بعينه في اعصاب ينون يعني من غير سنع و ينون من الله لما الواحد يكتشف اغلاطه و اواجهه و ما تتصورين اشكثر اناني و السانه بذي...يعني هذا باختصار و امريني بأي سؤال

 

[مدام فستقه]

رد: إذا أنتي مطلقه شاركينى؟

كملى ام عبدالرحمن بعدين شنو صار لج ؟؟
لان قصتج تشبه قصه وحده اعرفها الفرق بينج وبينها كان ريلها متزوج من قبل

 

[ام عبدالرحمن]

رد: إذا أنتي مطلقه شاركينى؟

حاضر راح اكمل...اول علامه بينتلي ان وضعي مه هالريال مو طبيعي كان في ليلة الملجة كنا حاجزين في فندق و تدرون دشيت تكرمون الحمام عشان ابدل و اغسل ويهي من المكياج ...لما خلصات و طلعت شنو شفت؟ المحترم قاعد على الفراش و بحضنه اللابتوب و عايش حياته طبعا انا طقتني البوهه بس بطلعت العافيه و سكت قمت اقص على نفسي و اقول مسكين مستانس و يبي اقول بعني يبي اعبر و اسولف حق ربعه جيكوا ربعه ها:dddds:...خلصنا من هاليله :dddds:الغريبه و خلصنا من الفندق الحين لازم ارد بيتنا و الاخ مسكين كان لاجئ في بيت يده لا عايش مع امه و لا مع ابوه ليش لان كل متهاوش معاهم وبس تدرون الكل ظالمه مسكين عاد انا قمت و اقترحت عليه انام في بيتنا ..تدرون عايشه قصة حب وهميه مع انسان اصلا ما يعرف معنى الحب...و اهلي بعد عمري ما قصروا افرشولنا الغرفه و كانت شبه شقه غرفتين و حمام المهم قعد عندنا معزز امكرم و ما كنا نطلع مثل المعاريس بأيام الملجه لان كان عنده دوره بالدوام مثل دورة المغاوير و من الطفاقه اهو الي لزم نملج امبجر قبل لا تخلص الدوره..الاخ كان متيم و حدى ملهوف ليش ما ادري؟المهم ثاني موقف اهو ان مو راضي ادور شقه و مو هامه!على اساس ان مشغول بالدوام و ظليت انا ادور من جريده لي جريده و ما خليت احد ما سألته:0bee2e8d89: و بعدين صارت سالفه كبيره على العرس لان مو على اساس ان امه مريضه و مسافره اتعالج اصدقون ماشالله فجأة طابت و ردت الكويت و بما انها مطلقه بس بصراحه عندها خير لكن فضلت تسكن ببيوت المطلقات الي بالدوحه و يا اليوم الي اروح ازور اهل امه و اشوف امه عاد الله لا يوريكم ويهي لم وداني الدوحه و شفت البيت و الادهى و الامر ان قالي ان خلاص بنسكن عند امه:cxxxp: لا و امه امأجره الطابق الي تحت يعني البيت يالله اكفي امه و اخوانه!بس حرام قالوا بسكنوني بشقه تدرون شنو اهي؟ امه بانية السطح يعني طابق ثالث من غير اصنصير لاحظوا و لا فيه غرفتين و مطبخ و حمام غرفه حقي انا العروس و الثانيه حق اخوانه الشباب والمطبخ اهو مطبخ البيت كله يعني الرئيسي و لا تنسون الحمام مشترك مع اخوانه الشباب؟؟؟؟؟؟؟؟؟؟؟؟؟؟؟؟؟؟؟؟ علقوا علي و قولولي اذا تبون اكمل و اقولكم ردة فعلي و الا لا؟؟

 

[Alia]

رد: إذا أنتي مطلقه شاركينى؟

كملللللللللللللللللللللي حدي اندمجت

 

[miamy]

رد: إذا أنتي مطلقه شاركينى؟

كملي كملي

ودي اعرف القصه كامله بليييز

وبعرف انتي ليلحين متحمله العذاب وعلى ذمته!

 

[الاستاذة]

رد: إذا أنتي مطلقه شاركينى؟

كملي

 

[ام عبدالرحمن]

رد: إذا أنتي مطلقه شاركينى؟

سمعوا: بعد ما قالي ان بسكني عند امه سكت ووافقت عشان بس ابينله اني اسكن معاه حتى لو بقفص...مالت علي وايد متأثره بالافلام يحليليالمهم انا نمت بالدوحه بس على اثاث اهله اقصد افراشين بو نفر لاصقينهم ببعض؟... الله يسلمكم ظهري انكسر و فقرات عامودي الفقري تفججت:0bee2e8d89: بس قلت اصبر لما الزوج العزبز اخلص دورته و نروح نشترب اثاث ..و طبعا انحرمت من شوفة اهلي كل يوم لان انا بمكان ابعيد و انا ما عندي سياره منو اوديني لهم؟؟و كل ما كلموني اهلي و اسألوا عن المكان اقولهم شقه كامله و انا الحمدالله مرتاحة و مستانسه و هذي غلطتي مت كنت اقول الصج تدرون سنعه:dddds: و على فكره ابوي ما كات راضي بس انا قتله ان ما يدخل هذي حياتي و انا راضية و للعلم ترى اهو ما دخل علي لان بنسوي عرس حيث اني قاعده عند امه اقصد معزوله بالدوحه و امي و خواتي بعد عمري اهم قايمين بكل شي و طبعا كل شي على احسابنا اللهم بس كنت اروح معاهم حق ابروفة نفنوف العرس..و ما تتخليون اشكثر كنت احس بالوحدة اهناك و خصوصا انهم غير عنا ..امه انسانه غريبه و بما انها منفصله عن ابوه و اهل ابوه اهم اللي اخطبون من غير ما اردون لها الراس ..كانت تبي تنتقم منهم فقامت ليل و نهار تقولي قصص عن اهل ابوه ما كانت واقغيه لما خفت منهم و كرهت الروحه لهم مع ان اهم حرام عاديين غلطتهم انهم وقت الخطبه ما قالةا الصج عن امه و خواته...لكن من توصيات زوجي بأن اصدق امه و ان اهي الصح انا من غبائي صدقتها بس تساءلت قتله دام امك المظلومه من اهل ابوك و ابوك و اهله ظالمين ليش لجأت لهم يخطبولك و لا و ابوك الي معطيك المهر و شاري الدبله؟؟؟؟قال امي قتلها بس ما رضت تزوجني تقول توك اصغير و سافرت و احقرتني و انا ريال بتزوج و اهم المنفذ الوحيد لي؟؟؟؟؟؟؟شفتوا الاناني و المصلحجي اخطبوله و ساعدوه و عطوه افلوس بعد و اقول عنهم ظالمين و موزينين؟؟؟؟؟المهم و عشان امه تقهر اهل ابوه دقت على امي و قالت لها انها تبي اتساعد امي بالعرس و بتحط النص ...ليش؟؟؟عشان تتحكم بالمعازيم و تعزم الي تبيه طبعا....امي ما قالت شي لانها على نيتها ما فهمت القصه و طبعا امي و خواتي سوو كل شي و احجزوا بس ما شافوا منها شي ؟وين الي بتحط النص و بتساعدنا عاد امي دقت عليها و قالت لها شنو احجزت و كان باقي بس العشا عاد امي بطتها جدامها و قالت لها يا ام فلان عاد انتي حجزي العشا قالت اوكي و الله يسلمكم ثاني يوم داقه على امي و قالت لها انها خلاص احجزت العشا من الوالي مع حلو القهوه؟؟؟؟؟خواتي انصدمو لان بصراحه كل شي حاجزينه شغل عدل و مستوى و اخر شي العشا من الوالي احنا مو شايفين عمرنا بس لان كنا امجربينا من زمان و ما كان زود يعني دام في امكانيات ليش ما انحط شي عدل لان احنا كنا نبي موفيمبك..بس امي زفتنا و قالت خلاص المره ازاها الله خير احجزت و خلصت و خلاص سكروا احلوجكم و لا تتحجون:eh_s(14):قلنا اوكي .....عاد هالكلام كان في وقت قريب من الحج و اهلي كل سنه اروحون الحج و البيت اكون فاضي و امي تبيني اقعد بالبيت عاد كلمت امه و استأذنت منها بان انا و ريلي نقعد في بيتنا على ما اردون من الحج و طبعا امه وافقت انا حدي استانست اخيرا برد حق غرفتي و حمامي :ggdw: عاد :ggdw: باليوم الي بنرجع فيه البيت رحت اسلم على امه بس سلمت علي بثقل و بنفسيه ؟؟؟؟؟؟؟؟؟؟؟؟؟؟؟؟ليش ؟؟؟؟؟؟؟؟؟؟تبون اتعرفون ليش قولوا؟؟؟سوري لان اتعب بالطباعه و قلت كل يوم اشوي

 

[miamy]

رد: إذا أنتي مطلقه شاركينى؟

ليييييييييييييييييييييييييييش؟؟؟

 

[جوجو.]

رد: إذا أنتي مطلقه شاركينى؟

انا ودي اقول

اول شي انا مو مطلقه لكن مررت علي ايام سوووووووودة

ما كنت اشوف جدامي اللا الطلاق

مشكله كبيره كبيره

لكن وايد اسباب ردتني عن الطلاق مثل( اول شي اليهال، ماراح اكون حرره مثل الحين، السكن والاستقلال المادي)

المهم سنه واكثر من سنه وانا عايشه مأسااااااااااااااااااااة

لكن قلت بما اني مو مفضله الطلاق لازم اعيش مرتاحه

وانا الحين عايشه معاه ومرتاحه الى حد ما

بتقولون اشلون!!

شلته من بالي ومن قلبي ومن عقلي

وصار بالنسبه لي شي مو مهم، مثل قطعة الاثاث

طبعا شي ووواييد صعب

وايد عانيت لين وصلت هلمرحله

لكن قمت اشوفه مو محور حياتي ولا اهو اللي ينكد علي

ولا افكر فيه مثل الاول

ولا احاتيه وين راح ومن وين ياي

ولا اوسوس مثل قبل

ولا ارق وقلق بالليل وما اقدر انام

صرت اهتم بنفسي وبوناستي ووناسه عيالي

وهو بالآخر

لكن ها.....ما ابين له اني كارهته علشان احصل اللي ابيه منه

مخليه البيت تمام، اكله /لبسه/نومته كل شي سنع بسنع

وهو الحين فاهم ان اهو شي بالنسبه لي، بس انا من داخلي مو مهتمه فيه

وبنفس الوقت قاعده اخذ اللي ابيه منه

ان شاء الله اكون فدت ولو بالقليل

انزين كل هذا شي حلو بس شنو السبب اللي يخليج اتسوين معاه جذي شنو المشكله الجايده اللي مخليتج تتجاهلينه ؟ وشنو السبب اللي مخليج تعيشين حياتج وانتي شايلته من بالج ؟؟؟

 

[جوجو.]

رد: إذا أنتي مطلقه شاركينى؟

ام عبدالرحمن عندج عيال ؟

 

[ام عبدالرحمن]

رد: إذا أنتي مطلقه شاركينى؟

ام عبدالرحمن عندج عيال ؟

هلا حبيبتي اي عندي عبدالرحمن الله يخليه حقي و اعوضني فيه

 

[sara bent elkuwait]

رد: إذا أنتي مطلقه شاركينى؟

ام عبد الرحمن اختى اشلون تنامين عند اهل الريل واهو ما دخل عليك 00000 يعنى عند اهلك ينام مثلا يوم او يومين ممكن مع بعض التحفظ انزين شكوووووووووووووو ساكنة بدووور امة الخايس ومخلية شقة افرشوها اهلك النظيفة الى فيها حمامك بروحك مع مشترك مع الاخوان الى مسوين قطية على حماهم 0اللة يخلى لك عبد الرحمن 0 ومتابعة

 

[Alia]

رد: إذا أنتي مطلقه شاركينى؟

ليش؟؟