سفرتي الى لندن ديسمبر2007 (صور)

[rawona]

هاااااااااااااااااااااااااااااي كويتياااااات

شلونكم؟؟ وشخباركم؟؟ اليوم قررت اكتب عن سفرتي اللي طافت لمدينة الضباب لندن علشان الكل يستمتع وياااي ويستفيد ..

نبلش؟؟؟






ما سامع؟؟؟؟









يالله نبتدي






اول شي السفره كانت بتاريخ 27/12/2007 الى 6/1/2008

الطيران British Airways




وكانت الرحلة مريحة نوعا ما .. بعد 7 ساعات تقريبا وصلنا مطار هيثرو ..





وتالي بعد ماخلصنا اجراءات الجمارك والجوازات خذينا تاكسي لندن المشهور بتصميمه الفريد ولونه الاسود وودانا للفندق






الفندق بصراحة بغينا كمبرلاند والا سلفردج بس احنا ققرنا نسافر باخر لحظه فما حصلنا حجز قعدنا في فندق اسمه Corus Hyde Park Hotel

وكان زين على قولتهم كويس ونظيف ومقابل الهايد بارك على امتداد الاكسفور ستريت يعني ربع ساعه مشي وانتي بقلب اكسفور ..

اخليكم ويا الصور ..




















يــــــــــــــــــــــــتـــــــــــــــــــــــــبع....


​

 

[rawona]

بعد ما سوينا جيك ان صعدنا الغرفه فوق غسلنا وصلينا وبدلنا ونزلنا انتمشى اشوي ..


مشينا باتجاه اكسفورد ستريت وقطعنا شارع اجورد (المعروف بشارع العرب)





مرينا بقاله يبيعون فيها اهنود اجبال السينما وشرينا منهم كرت اويستر مال الباص ..



وعبيناه لمده اسبوعين .. وبعدين رحنا انتمشى باكسفورد






ماطولنا ليش كنا تعابا من السفر بس رحنا شرينا خطوط تلفون وكلمنا الديره وردينا شارع اجورد تعشينا سندويشات شاورما من مطعم رنوش .. وتالي مرينا بقاله شرينا اغراض للفندق (ماي - بيبسي - عصير - كاكاو وخرابيط)

ومن التعب ركبنا الباص وردينا الفندق نمنا ..






ناطره المشاركاااااااااااااااااااااااااات علشان اكمل :tek:



​

 

[شيهانه]

عليكم بالعافية .. متبعتك

 

[زيـنـه]

متابعين

لا تطولين علينا .

 

[Yasmin]

هلا رونه

تقرير يديد واكيد حلو كالعاده

عاد تقرير عن لندن واحنا الحين بهالجو اللندني المغبر :0bee2e8d89: ليييييييش التحطيم

وانا مالي امل اسافر هالصيف لانه ولادتي على شهر 8 ان شاءالله قاعده بالجو البديع المغبر وانا صاحبة حساسية >>>> خخخخخ ئلبتي المواجع يا رونا

الحمدالله على كل حال شحلات الكويت ويا غبارها

يالله متابعينج :tek:

 

[مس فيراري]

عليج بالعافيه و انا متابعه كل مواضيعج روونه .و اموت على لندن .يلا كملي لان شكله موضوع يشووق .

 

[New Mum]

في الانتظار

 

[rawona]

شيهانه

زينه

ياسمين

مس فيراري

نيو مام ..


مشكورين كلكم على المرور .. وتابعوني للنهاية وانشالله بتستمتعون وياي ..

ياسمين الله يهون عليج انشالله وعادي تحملي هالغبره وخلي لندن مشروع "قبه" مع ابو الشباب عقب الولاده انشالله


نرجع نكمل ..

اليوم الثاني قاعدين من الفير نشيطين ومتشوقين انتمشى بمدينة الضباب ..

نزلنا تريقنا بالفندق وبعدين طلعنا وخذينا الباص لبيكر ستريت ستيشن ومشينا لين وصلنا متحف الشمع ..

انا كنت ابي اروحله من اول يوم لووول حدي كنت متحمسه اروحله وخصوصا ان ريلي مو رايحله من قبل على كثر روحاتهم حق لندن فحبيت اصير مرشد سياحي له _03BA:


كنت ناويه احط لكم صور من كاميرتي الخاصه بس الصور كبيره وموعارفه اصغرهم فدورت لكم صور بديله انشالله تعجبكم ..




هذا المتحف من بره ..



وهذا تمثال اميتاب






وهذا كابتن جاك سبارو ..






وهذا تمثال نيكول كيدمان ..





والصراحه شفنا تماثيل مشاهير وايد مثل توم كروز - جورج كلوني - جينيفير لوبيز - دي كابريو - مورغان فريمان - سيلفيستر ستالوني - كريستينا انغليرا - وغيرهم وايد والله ..

وركبنا في مركبه على شكل تاكسي لندن تدور فينا وتمر على العصور اللي مرت على بريطانيا وتاريخ بريطانيا وكانوا حاطين تمثال محمد الفايد .. وبعد ما خلصنا مرينا الستور مالهم وشرينا اشياء تذكاريه مغات وبراويز عن متحف الشمع ..

وبالطلعه لمحت تمثال شارلوك هولمر وصورته





يـــــــــــــــــــــــــــــتـــــــــــــــــــــــــــبع ...





​

 

[Featured Lady]

متابعين
شوقتينا ناطرينج

 

[rawona]

عقب ماخلصنا من متحف الشمع ركبنا الباص





وردينا لشارع اكسفورد ومشينا لين الاجور روود وتغدينا اهناك وتالي ردينا انتمشى بشارع اكسفورد وسوينا شوبينج على السريع _03BA:






وهذي الفاترينه مالت سلفريدجز ..







وهذي وحده ثانيه بعد ..




وطبعا شارع اكسفورد من اوله لين اخره كله محلات مثل ريفر ايلند - نيولوك- اتش اند ام- زارا - غاب - كوست - نيكست - ديبنهامز- ماركس اند سبنسر - دورثي - سلفردجز- ووايد محلات ..

واهم محل اهناك PRIMARK

عجيب حده ارخيص لا يطوفكم وايد حلو لليهال والبجامات والله كان يايب جاكيتات حلوه .. وعلى طول كان زحمه





يــــــــــــــــــــــــــــــــتـــــــــــــــــــــــبع..

​

 

[q8tia27]

مشكوووره حبيبتي عالموضوع بس عفيه لاتجزئوونه خل يصير موضوع كامل لان مرات نبي شي نقعد ندور مده طويله بالصفحات ادري تبين التفاعل وتستاهلينه بس انشالله موضوعج بدون ردوود حلو ويهبل خاصه اي شي يتعلق بلندن ف ودنا يكون مرجع للسياحه ويكون بشكل مواصل واسمحيلي على طلبي وصراحه كذا وحده قالتلي نفس الكلام وموفقين

 

[rawona]

متابعين
شوقتينا ناطرينج

مشكوره حبيبتي وخلج متابعه ​

 

[rawona]

مشكوووره حبيبتي عالموضوع بس عفيه لاتجزئوونه خل يصير موضوع كامل لان مرات نبي شي نقعد ندور مده طويله بالصفحات ادري تبين التفاعل وتستاهلينه بس انشالله موضوعج بدون ردوود حلو ويهبل خاصه اي شي يتعلق بلندن ف ودنا يكون مرجع للسياحه ويكون بشكل مواصل واسمحيلي على طلبي وصراحه كذا وحده قالتلي نفس الكلام وموفقين

مشكوره على المرور حبيبتي .. وكلامج على عيني وراسي ..

وانا والله مو مأخره الموضوع علشان ردود بالعكس انا احب تكون مواضيعي مرجع سياحي الكل يستفيد منه بس تنزيل الصور وكتابه الموضوع تاخذ وقت اشوي وساعات تكون عندي ظروف ما اقدر انزل كل شي ورا بعض فاعذروني اذا طولت عليكم اشوي بس انتوا ظلوا متابعين وماراح تحصلون الا اللي يسركم انشالله

:tek:​

 

[q8tia27]

ماقصرتي عالرد كلج ذوق وانا متابعه لج وناطره واله يعطيج الف عافيه والصور وااو ذكرتيني بالايام هذي لندن غرامي وباذن الله بروح بالصيف ومتابعه يمكن القى شي جديد بموضوعج اروحله واول شي عجبني وبسالج عنها بطاقه الباص خذيتيه من سانزبري سوبرماركت؟ وبجم طلعت عليج لان انا شريت من الاندرقراوند مال ماربل ارج بس كل اسبوع بطاقه

 

[rawona]

ماقصرتي عالرد كلج ذوق وانا متابعه لج وناطره واله يعطيج الف عافيه والصور وااو ذكرتيني بالايام هذي لندن غرامي وباذن الله بروح بالصيف ومتابعه يمكن القى شي جديد بموضوعج اروحله واول شي عجبني وبسالج عنها بطاقه الباص خذيتيه من سانزبري سوبرماركت؟ وبجم طلعت عليج لان انا شريت من الاندرقراوند مال ماربل ارج بس كل اسبوع بطاقه

هلا والله ..

مشكوره على متابعتي وانشالله تلاقين اللي تبينه بموضوعي .. بالنسبه لبطاقه الباص مادري شسم البقاله بس اهي اول الاجور روود مقابل السينما اللي يبيعوون فيها اهنوود .. قلتلهم ابس بطاقه حق اسبوعين (وتقدرين تعبينها بالفتره اللي تبينها على ما اعتقد) ب 26 باوند تقريبا ..​

 

[rawona]

هاااااااااااااي بنات ..

مع اني توقعت مشاركات اكثر بس مو مشكله باكمل التقرير وانشالله يكون فيه استفاده ..

اليوم الثالث لنا بلندن صادف يوم سبت واهو يوم عطله فقلنا اكيد الازدحاااااااااااام مو طبيعي .. قلنا نغير اشوي اليوم ونطلع بره لندن عقب ما تريقنا ركبنا الباص ورحنا لمحطة ماريليبون ستيشن ..









ورحنا سيده قصينا تذاكر لبيكستر فيللج Bicester Village




وبكستر فيللج هذي تبعد عن لندن تقريبا ساعه الا ربع من محطة ماريليبون ستيشن .. و اهي عباره عن اوت لت كبير فيه محلات وماركات "استوكاااات" باسعار وايد ارخص من لندن وانا رحت بموسم تنزيلات كريسمس بعد يعني صج الاسعااار كانت وايد حلوه ..


اول ما نزلنا بالمحطه مالت بكستر فيللج حصلنا ميني باص تاخذنا للفيلج نفسها ركبنا الباص وودانا لي السوق تقريبا 5 دقايق من المحطة ..




وقطنا وقالنا ان اخر باص يحرك للمحطة يمشي الساعه 7 واحنا كنا واصلين الساعه 11 ونص الصبح ..

عموما دخلنا الفيللج وكاان برد موووووووووووووت بس قعدنا نفتر بهالمحلات وطبعا شرينا اغراض وسوالف وقضينا الوقت بالشوبنغ ..

من اهم المحلات اهناك بيربيري - فيرغامو- ديور - بولو - فيرساتشي - كلارك- محل الساعات فولي فولي - ووايد محلات بضاعتهم حلو وماركات رخيصه "بس طبعا المحلات اللي مثل فيرساتشي وديور والماركات القويه تنزيلاتهم حلوه بس ستل غاليه لانهم ماركااات ..

واخليكم مع مجموعة صور ..
































يـــــــــــــــــــــــــــــــتــــــــــــــــــــــــــــبع...

​

 

[مس فيراري]

روونه شوقتيني على فترينه سيلفرجز اللي هو محلي المفضل وهو مشهور بديكوراته الغريبه للفيترينات وكله اشوف اجانب ويابانيين يصورونه فتريناته . متابعين الحزايه كملي

 

[rawona]

حبيت اوضح شغله .. بكستر فيللج مافيها مطاعم وايد او تشجع ماكو الا ستاربكس .. فماصارت الساعه 5 ونص الا واحنا هلكانين ويواعه ونبي بس نرجع .. فردينا وقفنا محل ما قطنا الباص ورجعنا المحطة ركبنا القطار وردينا لندن .. ركبنا تالي الباص و رحنا الفندق قطينا مشترياتنا وبدلنا ملابسنا ورحنا البيكاديللي ..






ومن التعب واليوع والبرد ماكان فيني حيل امشي اكثر او اركز لوول دخلني ريلي مطعم حلو اكله بس نسيت شنو كان اسمه شي يبدي بحر الراء جنه .. المهم ترست بطني وطلعنا وقالي ريلي خل اندش مجمع الوايت ليس وانا كنت حدي تعبانه وصج ابي انااااام قاعده من الصبح .. شاااف ويهي جاان يهون وقالي خلاص نردله يوم ثاني ..
وردينا الفندق نمنا علشان نستعد لليوم اللي وراااااه


​

 

[rawona]

روونه شوقتيني على فترينه سيلفرجز اللي هو محلي المفضل وهو مشهور بديكوراته الغريبه للفيترينات وكله اشوف اجانب ويابانيين يصورونه فتريناته . متابعين الحزايه كملي

الحين اكمل _03BA:

تـــــــــــــــــــــــــــــــــــــــــــــــــااااااابعـــــــــــــــــــــــــــــــوني :tek:​

 

[rawona]

اليوم اللي ورااه كان يوم احد .. وهم ماحبينا اندش اكسفورد بهالزحمه .. قلنا انروح انتمشى بميدا الترفلغر (ساحة الحمام سابقا) ونمر على ساعة بيغ بين وانتمشى ذاااك الصوب ...


ركبنا الباص وسيدا على الترفلغر سكوير .. ونزلنا تمشينا اهنااااااااااااك ...






















وكانوا مسيجين مكاااااااااااااان بالنص يم النافوره وقاعدين يسوون عليه مسرح علشان احتفالات السنه اليديه بعد يومين ..



اشوي مشينا جداام اشوي والا تبين ساعه بيغ بين من ورا المباني ..

ورحنا صوبها نمشي ونمر على محلات فيها شغلات تذكاريه عن لندن والترفلغر وساعة بيغ بن وشرينا جم شغله على الطريج ..
















وعبرنا الجسر الصوب الثاني وقربنا من الساعه اكثر ..





​