هل لديكم طفل يعاني من التوحد- خلونا نتجمع

[wathoo7a]

ريحاانه و سنع و منع مشكوورين واايد و أنا فعلا جربت أعطيه الفرشاه و المعجون قام يحط هليها المعجون و ياكله و إذا أخذته منه يقول(خلي أنا أنا ) و يكسر خاطري و أخليه

بعديين يمعتكم خلووها أيام إسبوع إذا ممكن و عطونا خبر ,,

و بنات منو تعرف أخصائية نطق تيي البيت؟ اللي يعرف لا يبخل علينا و له الأجر

و بعد بسألكم.... ما تلاحظون إن معة عيالكم حساسه تجاه الأكل؟ هل هذه صفة مشتركه بينهم؟ لإن ولدي لو ذاق أو حتى ألأكل ما يحبه و يه عن لسانه يرجع كل اللي في بطنه وااايد صعب أكله ما يكا أي شي و إنتو قولولنا عن تجاربكم

 

[ناني سيكرتس]

اختي سنع ومنع ، قصة الأبو اللي يسوي في عياله توحد عشان ياخذ من الحكومه استحاله تكون صحيحه لان التوحد له اختباراته ولو حتى ما فيهم توحد ( لأن التوحد ما يظهر او يبين الا عقب 3 سنوات ) يكون عندهم مشاكل ثانيه اعاقه ثانيه هذا أنا اقولج بحكم شغلي مع المعاقين واي استفسار عن الاجراءات انا حاضره

حبيبتي مشكوره على تواجدج معانا بهالتجمع, احنا فعلا نبي احد من المجلس عشان نساله عن الاجراءات المتبعه هناك.. :tek:

حبيبتي انا اطلعت شهادة الاعاقه مالت ولدي وسويت له ملف تعليمي والحين قالولي بدش لجنه عشان اقدر اخله المدرسه على حساب الحكومه, بس ليش هالاجراء ياخذ شهر, ترا المدارس الحين كلهم اخذوا الاعداد الي يبيونها وليما الحين مافي اماكن وايد, فاذا اخذ هالاجراءات شهر وزود راح تروح الاماكن على عيالنا بعدين شنسوي حزتها..؟
ثانيا: شنو فيه اجراءات بعد عشان نسويها غير الملف التعليمي وشهادة الاعاقه..؟
وبعد عندي سؤال: هل شهادة الاعاقه تفيد اذا اخذتها الام لدوامها, يعني يقدرون يسوولنا تخفيف ساعات عمل ولا شنو..؟

مشكوره حبيبتي وناطرين ردج..

 

[ريحانة_14]

ناني سيكرتس

إللي أعرفه إن شهادة الإعاقة تعطيج إعفاء أول ساعه من العمل .. وآخر ساعه من العمل

لأن أختي هم بعد جذي .. ساعه قبل وساعه بعد

يعني تداومين الساعه 8 إذا دوامج 7 ... وتطلعين 12 إذا طلعتج الساعه 1

 

[nono78]

اشلونكم بنات شخباركم

انا اول مره ادش الموضوع

وخليتوني اشك بولدي


انا ولدت بولدي بالثامن

تاخر بالحبي والمشي

مشى عمره سنه و5 اشهر

وبالكلام تاخر بعد لحين شهر 7 بيكمل 4 سنوات


يتكلم بس مونفس الي بعمره الأحرف شوي غلط

بس اذا يوعان يقولي ماما ابي اكل

وصج توني اعلمه تكرمون عالحمام

اذا تكرمون حصران يناديني يقولي ماما حمااااااام

بس تكرمون الثانيه للحين مايقولي بس لمن يخلص يقولي ماما علي سوا كاكا على زوليه

مايقول ماما سويت كاكا يذكر اسمه

بس شاطر

بل اشكال يعرف المربع والمستطيل والدائره والمثلث

والألوان بعد يعرفها كلها

والأرقام بالعربي ولأنجليزي

واحرف الهجاء

بس الي متعبني اشوي كلامه مو ذاك الزود

بس بل البيت شيطان حده وبره عاااااجل لاصق فيني

ويموت عالتلفزيون والكمبيوتر

وطول ما يشوف ربعه بارني وتلتبيز ونيمو وتوم اند جيري

حركه ومناقز وياهم

بنات طبيعي ولا في شي ؟؟؟؟؟


بس بالنسبه حق العين عادي يطالعني مافيهم شي

بس مادري ليش حاسه انه في شي

يمكن عشان كلامه ؟؟؟؟


وصج سجلته يمكن 5 اشهر بحضانه

كان يعرف ربعه الي بالحضانه

يوم عطوني صوره يقولي اساميهم


بس احس وايد حركييييييييييييييييييييييييييي


واييي تذكرت شغله فتره

كان يحرك صبع ايده اليمين واليسار

ويوديهم يمين يسار يمين يسار يقولي مشاشه

يعني مساحة السياره

ولمن نركب السياره يحن بطلوا المشاشه

بس الحين هد هالعاده منه

حركة ايده


اشرايكم تحسون في شي ؟؟؟

 

[nono78]

ريحانه حبيبتي

جان زين تردين علي

وشوفوا الحين اكتبلكم وهو مجابل لاب توبي ويبطل الدي في دي ويصكره ؟؟؟؟

والله خليتوني اشك بولدي عدلللللللللللللللللل

والله يشافي كل اليهال يارب

 

[nono78]

بروح شويه وبرد

وان شاء الله القى الرد

منكم يابنات

وياريحانه

 

[Emanova]

حبيبتي مشكوره على تواجدج معانا بهالتجمع, احنا فعلا نبي احد من المجلس عشان نساله عن الاجراءات المتبعه هناك.. :tek:

حبيبتي انا اطلعت شهادة الاعاقه مالت ولدي وسويت له ملف تعليمي والحين قالولي بدش لجنه عشان اقدر اخله المدرسه على حساب الحكومه, بس ليش هالاجراء ياخذ شهر, ترا المدارس الحين كلهم اخذوا الاعداد الي يبيونها وليما الحين مافي اماكن وايد, فاذا اخذ هالاجراءات شهر وزود راح تروح الاماكن على عيالنا بعدين شنسوي حزتها..؟
ثانيا: شنو فيه اجراءات بعد عشان نسويها غير الملف التعليمي وشهادة الاعاقه..؟
وبعد عندي سؤال: هل شهادة الاعاقه تفيد اذا اخذتها الام لدوامها, يعني يقدرون يسوولنا تخفيف ساعات عمل ولا شنو..؟

مشكوره حبيبتي وناطرين ردج.. [/QUO

حبيبتي ... يعطونج تخفيف ساعات عمل بس يخصمون 20% من الراتب

 

[Emanova]

نونو..... يمكن الكلام متأخر .... روحي عند فاطمه العوضي علشان تطمنين .. و ان شاء الله ما يكون فيه شيء ..

جربي انج تقليلين المصاص و الكاوكاو و البفط و الشبس ... و عطيه عصاير طازجه اللي سكرها منها و فيها ... يمكن يكون بس نشاط ..

الافضل انج تاخذين رأي دكتور طب تطوري وآنا احترم فاطمه العوضي لانها مو نصابه

 

[nono78]

ايمانوفا

حبيبتي مشكوره عالرد

بس فاطمة العوضي وين مكانها ؟؟؟

ودكتوره عبير الي بمستشفى السلام الي يتكلمون البنات عنها دكتوره شنو ؟؟؟

 

[كلي رومانسية]

انا ولد اختي فيه التوحد

بس ليش جذي المدارس مايساعدون يعني الاهل شيسوون ؟

ولد اختي كل مايسجلونه بمدرسه مايقبلوونه يريت تقوليلي شلون قاعدين تكافحووووون

اختي كاسره خاطري

ولما اشوفه يعورني قلبي عليه

حبيبتي فيه مدرسة ب جنوب السرة في حطين ولد عمي مسجلينه فيها وايد وايد تحسن وقام يفهم والله​

 

[Miss_Hopless]

الاخت العزيزه نونو78 ثنتينهم دكاتره طب تطوري يعني يشخصونلج الياهل من الى ويعلمونج اشلون تتصرفين معاه وشنو تعطينه اكل ومكملات غذائيه.
فاطمه العوضي عندها عياده كامله بالسالميه واسمها فاطمه كلينك وعبير بمستشفى السلام بس في مبنى خارجي مو بالمستشفى نفسها اتمنى اكون فدتج والبنات ماراح يقصرون معاج

 

[ناني سيكرتس]

حبيبتي فيه مدرسة ب جنوب السرة في حطين ولد عمي مسجلينه فيها وايد وايد تحسن وقام يفهم والله​

اي مدرسه هذي الي بجنوب السره..

 

[كلي رومانسية]

اي مدرسه هذي الي بجنوب السره..

حبيبتي ما أعرف اسمها بس اهو بيت مأجر ومسوينه مدرسة مصغرة مرة حط عنهم خالد العبدالجليل في تو الليل اللي مسويتها وحده بنت الجيماز والثانية والله ماني ذاكرة ​

 

[Miss_Hopless]

مرحبا بنات
المركز اللي تتكلمون عنه اهو مركز عبير2 واصحابه عبير الصفران وعبير الجماز واهو بالزهراء مو بحطين وانا حاطه عيالي فيه ناس فاهمه شغلها ويراعون الياهل ويحطونه بعيونهم انا الصراحه شهادتي فيهم مجروحه لانهم صج زينين وانا شفت تحسن بعيالي ماقدر اقول كبير بس المهم في تقدم. واي سؤال انا بالشوفه

 

[ناني سيكرتس]

مس هوبلس حطيلنا رقمهم..

 

[Miss_Hopless]

مرحبا بنات اشلونكم شخباركم؟؟ واشلون الورعان عسى طيبين؟؟
ناني سيكرتس رقم مركز عبير2
5240616
6144999

 

[سنع ومنع]

شلونكم خواتي ..
ان شاء الله بخير ..
ولهت عليكم واااااااايد ..
ليش شالوا تثبيت الموضوع ؟؟؟
أحد عنده فكرة ؟؟
الموضوع وايد مفيد والكل قاعد يدش عليه ويستفيد منه .. شي غريب :0bee2e8d89:

 

[ريحانة_14]

عبير الجماز وعبير الصفران ثنتينهم رفيجاتي

وما شالله عليهم ثنتينهم شهد و عسسسسسسسسسسل

رقي بالتعامل والإسلوب

وفاهمين شغلهم عدل

الله يوفقهم

 

[ناني سيكرتس]

وناسه عيل ليش يا ريحانه مو معاهم بالمدرسه هذي..؟

ليش ما تقترحين عليهم انج تعطينا الدوره عندهم ..؟ منها نشوف المكان ونستفيد بعد..

 

[Emanova]

السلام عليكم يا حلوين

اتصدقون ان حمودي امخسرني مخاسير الدنيا و السبه بروي ... عسى ما رحت الافينيوز لازم اوديه بروي و يكلف علي 8 دنانير اهو و الخدامه...
ذاك اليوم قالت لي خدامتي ان الفلبينيه اللي اهناك سئلتها عن حمودي ليش ما يسمع كلام الفلبينيه فقالت لها حدامتي ان اهو توحدي ...

فقالت لها..
مدام مال انتا اكو اي دي مال توحد علشان ياخذ كصم( يعني خصم )...المهم ثاني يوم رحت و طلعت البطاقه مالت التميز(المجلس الاعلى للمعاقين) و عطيتهم ... تدرون جم دفعت؟!؟!؟!؟!؟!؟! 2,750 فقط لا غير ...

قلت اقول لكم ....

و هم الاكواريوم طلع يدخل اعيالنا ببلاش ... قلت اقول لكم اذا ما تدرون