من بدايع مستشفياتنا في الكويت في 2008

[V i o L e T a]

*

*

*

*

مســـاء الخيـــر علـــى الكل

من بدايع مستشفياتنا اللي قاهرتني انه اذا صار في ظرف بالديـــــره ما يعبرون المرضى والناس اللي محتاجه لهم ولا يلتفتوون عليهم كلشششششششش :eh_s(14):

وخلني اقولكم شغلات صارت وحكماو انتوا :

صديقه عزيزه مصابه بورم سرطاني بالغده

(الله يكافينا وياكم الشر)


يحددون لها العمليه لإستئصاله يوم الاربعاء صباحا

تدخل مستشفى حسين مكي جمعه يوم الثلاثاء بالليل

وهي بأسوأ حالاتها النفسيه من الخوف طبعا

وينومونها بالغصب بحبة فاليوم

ويقعدونها الاربعا الساعه خمس الصبح

ويسبحونها ويعقمونها ويجهزونها للعمليه

ويلبسونها لبس العمليات ويعطونها حبة مهديء

وقبل موعد العمليه بقليل .....ء

يقولون لها السسترات: خلااااس إلبس هدوم روووه بيت ؟؟؟؟

دكتور ما في فيه هداد ؟!؟!؟

تآل يوم اهد بالليل امليه يوم اثنين سووه ؟؟؟؟؟؟



لاااااااااااااااااااااااااااا تعليق
-------------------------------------

صديقه ثانيه زوجها مصاب بمرض السرطان

شفانا واياكم من جميع الامراض


متعالج في مستشفيات فرنسا

ورجع الكويت يكمل علاجه الكيماوي

حتى يكون بقرب عائلته واولاده


يحتاج كل اسبوع ياخذ ابره من العلاج الكيماوي

ولما راح مستشفى حسين مكي جمعه عشان

ياخذ الابره يقولون له مافي اطباء الكل في حداد


لااااااااااااااااااااااا تعليييييييق !!!!!!!!!!

--------------------------------------------------




تورم ريلي فجأه وبدون مقدمات يوم الثلاثاء العصر

وألم شديد في القدم والركبه واتصل في دكتوري

في مستشفى خاااااااااااص

واخذ موعد من السكرتاريا حق يوم الاربعاء صباحا

ويتصلون فيني الاربعا الصبح يلغون الموعد

ويقولون الدكتور ما داوم و راح يداوم يوم السبت بعد الحداد



لاااااااااااااااااااااااا تعليق :eh_s(14):
-----------------------------------------------
يا ربي لا تعوزنا إلا لوجهك الكريم

الله لا يعوزنا حق دكاترة العازه

حسبي الله ونعم الوكيل

قولولي مو شي يحززززز بالخاطــــــــــــر بس شنقووووولي !!!!!!!!
:0bee2e8d89:

​

 

[دلوعة ديرتى]

مشكورة

 

[V i o L e T a]

اي كان حداد على الشيخ سعد الله يرحمه ويغمد روحه الينه
بس بمستشفى أغلب اللي موجودين فيه حالاتهم مو مستقره او انهم يحتاجون للعلاج
ياجلوون علاجهم لي عقب 3 ايام !!!
على الاقل الدكتور اللي عنده ضمير او حتى السسترات يعطونهم علاجهم مو بس لانه حداد خلاص
كل اللي يعالجونهم ومحتاجين لهم يعطونهم طاف !!!!!!!

 

[ريمه الكويت]

والله انج صاجه انا لواتحجا عن بلاوي مستشفياتنا مااخلص شي يعور القلب الدول تتقدم واحنا نرجع قري حسافه اعرف ناس ولدهم بقو يقصون ريوله وسبت تاخير تحويله حق الرازي الفاشل واللحين قالو سفروه احسن عقب مالعبو فيه وعاى قولتج مركز حسين مكي يلعبون بنفسيات الناس لعب ادري داشته حق اختي ورفيجتي هم ماسلمومنهم الله لايحيجنا حقهم يارب

 

[V i o L e T a]

العفو قلبي

 

[بشه المنفشه]

V i o L e T a

مشكورة يا عمري وسوري مسحت الرد مادري إنج قريتيه .. ساعه يالله استوعبت إنج تقصدين وفاة بابا سعد الله يرحمه ويغمد روحه الجنة


وصاجه .. المفروض الدكاترة اهم أخبر الناس بحالة المرضى وترى الشرهه مو على الدكتور لكن على المستشفى اللي يعطل مع المدارس والمحلات !!!!

الحمدلله والشكر هذا مستشفى المفروض 24 ساعة شغال

 

[V i o L e T a]

بشه المنفشه حبيبتي انا قريت ردج ورديت عليه معدين مالقيته ! قلت يمكن هاذي تهيؤااااات لووووووول
ولا تتاسفين ماعليه =)

وصح كلامج قلبي

 

[نووووونا]

ايه والله مستشفيات العازه !!!!!!!!

ايل وحده فى الخبيث وحالتهااااا صعبه مجهزينهااااااااا يودونهااااا باسعاف

لثنيان الغانم عندهاااااا عمليه ضروريه للكبد اذا ما سوتهااااااا حالتهاااااا تصير

معرضه للموت !!!!!!!! يصمونهاااااا ويجهزونهااااااا ويوم صار الصبح قبل لا تركب

الاسعاف يقولون لهاااااااا ما فى اليوم !!!!! عطوهااااااا ماى خلاص ماراح تسوى

العمليه اليوم !!!!!!!!! اجلوهااااااااا ثلاثا واربعاء وخميس حداد وطبعا الجمعه والسبت

اوف !!! مع انهم ياخذون بدل خفاره على شنو!!!!!!!!

ويوم صار الاحد مجهزينهااا للعمليه !!!!! صارت الساعه 11 الصبح قالواااااااا

ما فى اليوم !!!!!!! الدكتور سافر مؤتمر !!!!!! حسبى الله ونعم الوكيل !!!

يالله بذمتكم اشلون راح تتعدل مستشفياتنا !!!!!! مو من الطبيب !!!!!!!

هذا ما فى اداره محترمه تحترم المرضى !! وتخلص بعملهااااااااا بس

الله موجود وله الحمد والشكر @@@@@

قلبتى عليناااااااااا المواجع فايوليتا@@

 

[V i o L e T a]

ايه والله مستشفيات العازه !!!!!!!!

ايل وحده فى الخبيث وحالتهااااا صعبه مجهزينهااااااااا يودونهااااا باسعاف

لثنيان الغانم عندهاااااا عمليه ضروريه للكبد اذا ما سوتهااااااا حالتهاااااا تصير

معرضه للموت !!!!!!!! يصمونهاااااا ويجهزونهااااااا ويوم صار الصبح قبل لا تركب

الاسعاف يقولون لهاااااااا ما فى اليوم !!!!! عطوهااااااا ماى خلاص ماراح تسوى

العمليه اليوم !!!!!!!!! اجلوهااااااااا ثلاثا واربعاء وخميس حداد وطبعا الجمعه والسبت

اوف !!! مع انهم ياخذون بدل خفاره على شنو!!!!!!!!

ويوم صار الاحد مجهزينهااا للعمليه !!!!! صارت الساعه 11 الصبح قالواااااااا

ما فى اليوم !!!!!!! الدكتور سافر مؤتمر !!!!!! حسبى الله ونعم الوكيل !!!

يالله بذمتكم اشلون راح تتعدل مستشفياتنا !!!!!! مو من الطبيب !!!!!!!

هذا ما فى اداره محترمه تحترم المرضى !! وتخلص بعملهااااااااا بس

الله موجود وله الحمد والشكر @@@@@

قلبتى عليناااااااااا المواجع فايوليتا@@

والله الله فوقهم الدكتور لازم يكون عنده ضمير ويحس باللي في المريض نفسه بس وين تلقين
وترا فيه دكاتره مشالله عليهم عيني عليهم بارده بس في البعض الثانيين بس يالله لا تقطني بواحد منهم
ولا تخلي عازتي عندهم
حبيبتي كل شخص عنده مواجع بس الحمدالله على كل حال
وشاكرتلج مرورج بعد عمري:tek:

 

[هدولى]

كلامج صح صح يا ( نجد ) مستشفيات العازه !!!!!!!!!!!!!

 

[girl_in_abottle]

الله يعينا والله
مستوى الطبي بالكويت بائس

انا لي صديقة فيها تجلط بالريل
عاد رايحة حق مستشار في مستشفى مبارك, و شافها تضحك , جان يزفها
يقولها انتي فيج جلطة و تضحكين؟
المفروض تبجين و تحاتين

صج مايستحي, شنو مايدري انة النفسية المرتاحة من اهم عوامل الشفاء؟؟
مالت على هل دكاترة

و الله يعين بلدي

 

[Dancing^Queen]

الصراحه لو تحجيت اكتب مجلدات
ماقول غير الله لايعوزنا ان شاءالله بيوم يارب لهم ولمنتهم
بس مرات غصبا علينا نروح
لان مافي اختصاصي او حاله ماتستقبلها المستشفيات الخاصه (اللي اهي اصلا مو بيرفكت)
بس اخر شي اخر شي اخر ماتوصلوله
دكتور سبب لاختي فشل كلوي واهي حالتها مستقره مع الزراعه لان الكليه مالتها علي قولته صارت قديمه (اوت اوف فاشن) يقول بس لين متا يعني تعيش فيها غيرووووووووووووووها (نسبه التطابق بينها وبين الكله المزروعه 96%) والاخ قرر يغيرها لان اولد سيزن
وسفرناها المانيا وقامت تغسل بيروتوني بالبيت وظلت مستقره سنه
لين لعبو بمحاليلها الكويت وسببولها ازمه مو طبيعيه اللي وقف القلب ورد اشتغل برحمه ربي والعبو فيها لعب
اخر شي اخر شييييييييييييييييييييي
دكتورها اللي اهو رئيس القسم ماني ذاكره باي مستشفي
صمم ان فيها سحايا يامعود البنت مافيها اي عارض من عوارض السحايا لاصخونه لاتشنجات ولاشي ولاشي ولاتحليل دمها (الله رحمنا ان احنا عندنا ناس لها خلفيه بالطب مو دكاتره بس لهم خبره بهالمجال) ومصصممم الا يسحب من نخاعها وقفناله وقلناله ماتجيسها اهي ضيفه بالمستشفي علي مانراسل دكتورها اللي بالمانيا لان صدف مسافر عنده مؤتمر
بس
ملاحظه يعني مانبي منكم علاج لاتجيسنوها واهو مصمم الا يبي يسحب من النخاع
غير الحرب النفسيه اللي تهبل اللي سوها لنا يوم اينا دكتور يقول سحايا
عقبه ايي ثاني يقول شنو سحايا !!! لايبا لاااا فيييييييييييييج الله يسلمج جلطه بالدماغ بس ايتسي بيتسي (تعرفون اغنيه اتسي بيتسي سبايدر؟ هذي نفس جلطه اختي) واعتقد انها مؤشر لجلطه كبيره بييتج قريب ان شاءالله اخاف وانتي بيالبيت تموتين ماتعدينها فافضل انخليج اهني وننطر تييج الجلطه (يعني دكتور جذي تتوقعون شهادته من وين؟ الفرع اللي يم بيتهم؟ والا رابحها بصندوق اليانصيب مال اليهال؟)
والثالث كان فطححححححححححححححححححل استحق ان نوقف وانصفقله احتراما لعبقريته الطبيه ياخي مادري ليش مايمسكونه مدير مستشفي عقليه فذذذذذذذذذذذذذذذذذذه تستحق التصفيق (اي صفقوه علي راسه باي شي جود يبتدي مخه يتشغل) الاخ يه يتقلب قال حق اختي شكو سحايا لالالا سخافات شكو جلللللللللللطه لا مافيججلطه
انا اقوووووووووووووووول انتي طايحه يوم انتي صغيره علي راسج
وتعورتي
وتوه يطلع التاثير عليج وكل اللي فييييييييييييييج من طيحتج وانتي ياهل (عفيه لو اي احد مكانا ويششوف هالشي شنو رده فعله؟) دكتور بهالعقليه بفهم شلون موظفينه
العله ان عنده شهاده
شلون كتب اسمه عليها شلون يعرف حروف الهجااااااااااااااااااااااااااااااااااااااء
اكو طيحه تطلع عقب 27 سنه!!! الا جان طيحه بمسلسل مكسيكي مدبلج اي يمكن بس اختي اسمها مو خمينا
ولا ابوي رودريغز !!!!

وغير بو سحايا ابداع تام
في دكتوره حيل زينه وكانت تعاونا وايد مو شويه تبوق لنا تقاريرها وتعطينا ايهم لان بو سحايا مسوي تكتيم علي الملف يقول شكو اعطيكم ورقه حق المانيا اقولهم ماعرف شنو فيها؟ اطلع عمري ايه ئودامهم....وبالنهايه لان درا ان هالدكتوره تساعدنا وتعطينا رايها بصراحه قام منعها تدش علي اختي ووصا السسترات من تدش الجناح يتصلون عليه
وكان يطق لنا حواش
شلون انا اقولكم
ينطر وقت احنا مو موجودين ويروح حق اختي يزن عليها انتي فيج سحايا ولازم لازم نسحب منج (واشووا احنا شارحين لها كل شي ومفهمينها)
ويوم زود اللعب عليها ياها وقالها شوفي يافلانه ماعندج الا اليوم بسرعه بسرعه بس اليوم احنا فاضين نسويلج العمليه بسرعه بسرعه وقعي وقعي
اليوم اربعه ماكو غيره ولاا بتنطرين اسبوع كامل ماندري نلحق مانلحق وقعي وقعي علي الاوراق
(خذاها بدوكه علي قولتهم) جان تقوله هوووووووووووووووب اوراق شنو؟؟جان يقولها بنسحب من نخاعج لان ففيج سحايا
(عقب ماعرف ان بنسفرها الاحد الصبح)

واحلا شي يوم سفرتها
ياي يقول واهو يتقلب فلاااااااااااااااااااااااااااانه يانحيسه خلينا نسحب من النخاااااااااااااااااااااااااااااااااااح الطلبه بيتدربوووووووووووووووون ماتدرييييييييييييييييين انج امتحانهم هالسنه؟

 

[أم منصور]

دانسج كوين


شنو هالدكتور الحقيييييييييييييييييييييييييييييييييييييييير

حسبي الله ونعم الوكيل فيهم الدكاترة الكويتيييييييين كلهم مقلب وبعضهم مصدقين انهم دكاترة للأسف وهو البنجرجي افهم مهم

مستشقيات بالاسم وسراير ومرضى ينتظرون موتهم البطيء بيد الي مفروض يكونون لهم الرحمة اصبحو مشارط جزارين
كان الي بيدهم حيوان مو انسان

والدكتورة لما اسالها تقولي انتي منو اقولها قرابتي للمريض ترد علي بنفس وشايفة حالها احنا ما نرد الا على الأم

انزين لا تردين بس لا تتكلمين بنفس خايسة وياريت فاهمة شي من دراستج ولا عارفة شغلج وشلون تتعاملين مع المريض والبشر
يعني يادانسج كوين مو حرام اختج وغيرها تصير ضحية امتحان آخر السنة -- لاحول ولا قوة الا بالله اشوة انكم طلعتوها من محطة التجارب ---
الله لا يقطنا بيدهم ولا نحتاجهم يارب

 

[مطيريه ماركه]

صاجه والله صح لسانـج للاسـف مستشفياتنا على رداها وسوء معاملتها مافيه علاج نفسي للمريض ولا يراعون نفسيته

غير دول نص العلاج نفسي وهذيلا دكاتره كل يوم يطلع لنا واحد يقول مرض السرطان سببه غير عضوي غالبا ما يسببه سوء النفسيه

طيب اذا عرف السبب بطل العجب وانتم تزيدون المريض هم ولا تعالجونه نفسيا جيبو لهم مشايخ دكاتره نفسيا لا تكفون يدينهم عنكم وتقولون مصيرهم الموت

قبرتوهم حسبي الله عليكم رفيجتي كانت تعالج بمكي جمعه وقالو فيها سرطان وبالكيماوي لين حت شعرهاا اشوا ابوها تلاحقها ووداها لندن وقالوله العلاج بالكويـت غلط وبدوا يعالجونها من جديـد لين الله قومها بالسـلامه !!

بس السؤال اهنيه عقب ما صكروا باب العلاج بالخارج اشكثـر ناس قادره تودي عيالها فلذات اكبادها يعالجون برا اذا دكاترتنا مايفهمون شـي تبوننا نعالج عندهم ونسلم امرنا لهم :0bee2e8d89:

حسـبي الله ونعم الوكيل ، لنتوا راحمينا ولا انتم مخاين رحمة الله تنزل عليناا

جيبوا لنا دكاتره سنعين الكويت قبل احسـن عنايه بالصحه والتعليـم ويجونا العالم من كل حدب وصوب

بس وينا ووين السنع اذا مخلين القرعه ترعى وكلن يمشي ويصلخ بهالأوادم هذي أرواح بشر

عالأقل حاسبوا كل مقصـر ، للأسـف فيه ناس تحسب انها من أصحاب الدماء الزرقاء ليش هم بـشـر واحنا عيال البطه السوداا !!!!!!
:eh_s(14):

 

[Dancing^Queen]

دانسج كوين


شنو هالدكتور الحقيييييييييييييييييييييييييييييييييييييييير

حسبي الله ونعم الوكيل فيهم الدكاترة الكويتيييييييين كلهم مقلب وبعضهم مصدقين انهم دكاترة للأسف وهو البنجرجي افهم مهم

مستشقيات بالاسم وسراير ومرضى ينتظرون موتهم البطيء بيد الي مفروض يكونون لهم الرحمة اصبحو مشارط جزارين
كان الي بيدهم حيوان مو انسان

والدكتورة لما اسالها تقولي انتي منو اقولها قرابتي للمريض ترد علي بنفس وشايفة حالها احنا ما نرد الا على الأم

انزين لا تردين بس لا تتكلمين بنفس خايسة وياريت فاهمة شي من دراستج ولا عارفة شغلج وشلون تتعاملين مع المريض والبشر
يعني يادانسج كوين مو حرام اختج وغيرها تصير ضحية امتحان آخر السنة -- لاحول ولا قوة الا بالله اشوة انكم طلعتوها من محطة التجارب ---
الله لا يقطنا بيدهم ولا نحتاجهم يارب

حبيتي ام منصور
ماقدر اظلم بختي واقولج دكتور كويتي
كانو كوكتيل دكاتره
بس مو خوش كوكتيل
كذا جنسيه
وكذا صنف ونوع


وابشركم اختي بترد من المانيا قريب ان شاءالله
عرفو شنو فيها وان شاءالله خير

 

[نووووونا]

الله يهديهم والله فى اطباء عسل والله من يمرج بالجناح سبحانه الله

بس تدعين له بالتوفيق ,,, وفى والله تقولين روح حسبى الله ونعم الوكيل

تدرون ليش !!!!!!! لان ما فى مسؤول مخلص يلف ويدور عليهم ويجيك !!!!!

الكل يلعب @@ والكل عباله مال ابوه وجناح ابوه وعيادة ابوه !!!!!

الله المستعان ,,,,,,,,,

سلامة اختج دانسنغ والف سلامه يارب@

 

[Dancing^Queen]

شكرا نجد الله يسلمج

 

[y7lok_7loho]

الله يرحمناااااا برحمتة بيجى يوم نطلب الدكاترة ب االبيت

 

[pineapple]

خسارة والله انا كانت نظرتي للطباء الكويتيين توب :ggdw:


والحين فقدت الثقة فيهم :0bee2e8d89:


لان ابوي سلمناه بيد دكتور كويتي معروف بتخصصه بالكويت ووالدي عنده القلب والبنج العام خطر عليه


وللأسف العملية ما كانت ناجحة لان الطبيب ما جهز للعمليه بشكل صحيح واستخدم مقاسات غير صحيحة


وقعد سنة يعني من خطأ الطبيب والحين بيسافر برة يصلح هذا الخطأ اذا كانت القطعة مو متوفرة ليش


تسويها وتحط قطعة مو مناسبة له


واي احد يسوي عمليه اقوله اذا كويتي لا تثق فيه لان صار عندهم غرور مو طبيعي واذا اخطا ما يبي احد


يحاسبه يهمه رايه وبس انا راي المريض تكلم يكذبه ولا يحترم وجهة نظره .


خسارة ما كان ودي تكون نظرتي للدكاترة للكويتيين نظرة تشاؤميه لكن انا وغيري وايد تظررو بسبب عدم


اهتمامهم بالمريض وعدم المامهم بوظيفتهم بشكل يؤهلهم للقيام بدورهم على اكمل وجه وهذي حياة


انسان وفي ناس وايد يضيعون بدون ابوهم وزوجهم او اخوهم خل يفكر بلي ورا هالانسان ولا تروح حياته هدر


نتمنى ان ما نحتاج اطباء من الخارج لكن اقولهم هذا الميدان ياحميدان اثبتو كفاؤتكم وراوونا همتكم


بقولكم قصة حصلت جدامي في مستشفى الرازي سمعت صراخ وهواش مع الأطباء وتهديد ولما عرفت


السبب والله ما لمتهم المريض عنده غرقرينا برجلة ويلزم قطع الرجل المصابة دخل العملية طلع الدكتور


قطع الرجل السليمه :0bee2e8d89: ليش ياجماعة ما تعرفون اليمين من اليسار .


انا عمتي صغيرة ماتت بسبب اهمال الأطباء وعدم مراجعتهم لها .


والله قلبي وياج يا دانسج كوين على الي صار لآختج وحرام تكون للتجربة والتدريس حرام يتلاعبون بصحتها

وموضوع النخاع مو سهل حتى تكون للتجربه .

الف سلامة لها يادانسج كوين وانشالله ترجع لكم بصحفة وعافيه :tek:

ودعائي لكل مريض بالشفاء واتوقع ان الصحة تحتاج وزيرين حتى تتعدل امورهم وهم الأطباء عندهم هموم كبيرة واخر مطالبهم الكادر وصج ما ينلام الطبيب الكويتي مظلوم في الكويت بالمقارنة ببعض الدول الي ظروفها الاقتصادية تشابه ظروف دولة الكويت .

 

[آلجفوول ~]

شنسوي بعد الله يصلح الحال