غسالة الصحون..............ما رأيكم؟؟

[بشرى]

هلا حبيباتي
اشلونكم وشخباركم

صراحه انا ما استغني عنكم ابد :klhfl:
حبيت اخذ رايكم ابغسالة الصحون اذا في احد منكم استخدمها يقولي زينه ولا لا
ودي اشتريها بس محتاره هل اتريح و تستاهل المشترى


مشكورين سلفا:tek:

 

[بشرى]

اشتعوى اربعه ادخلوا وما جاوبوا
الله ايعافيكم بسرعه جاوبوني

 

[دمـوع الشـموع]

والله اختي العزيزه
اذا انت من النوع اللي يجمع في المواعين يعني كلها تغسلينها مره وحده ممكن تنفع لك
لكن اذا كنت من من النوع اللي يغسل اول باول ماتوقع عشان حرام فيها استهلاك ماي وكهرباء وصابون

وبعدين على حسب علمي
ان لازم اول تشطفينها بالماي قبل تدخلينها الغساله ( شو استفدنا )
غير كذا القدور ماتتغسل وهي اهم شي عندي ماطيق ادخلها <<< منقهره من القدور


والله هذا رايي الشخصي ممكن في احد غيري يعطيك وجهة نظر ثانيه

 

[سنتر الزين]

انشالله يفيدونج البنات والله ماعندي فكره

 

[كندية]

والله احنااا عندناااا وبصراااحه حييل ناافعه بس طبعااا ماتنفع حق الجدووووور...

وامي تترسهاا طوول اليووم وتشغلهاا اول ماتقعد الصبح.....

بس طبعااا شغلات اللي يبيلها فرك لازم انتي اتسويين

 

[بشرى]

والله احنااا عندناااا وبصراااحه حييل ناافعه بس طبعااا ماتنفع حق الجدووووور...

وامي تترسهاا طوول اليووم وتشغلهاا اول ماتقعد الصبح.....

بس طبعااا شغلات اللي يبيلها فرك لازم انتي اتسويين

مشكوره حبوبه الله يعطيج العافيه

 

[نواااال]

انا ذبحني غسيل لصحوون والله اذا تريح وين القاها وبكم سعرها
والبنات ياليت يقولوون لنا شلون طريقه استخدامها ونفعتهم ولا لا

 

[رنين]

ممتازه و مريييييييحه


و في انواع تنفع حتى حق الجدور بس تنقعينهم قبل.... و طبعا ما يكونون مصنوعين من مواد تصدي...ديري بالج من ها الناحيه قبل لا تشترين الجدر او الماعون تأكدي انه مصنوع اصلا عشان ينغسل بالجلايه (تلاقين مكتوب عليهم ها الشي غالبا من ورى.أو جدور ستانلس ستيل بالكامل بدون براغي)

و يعتمد درجه النظافه على نوع الصابون الي تستخدمينه...طبعا الجلايه لها انواع صابون خاصه و مع التجربه بتعرفين شنو احسن نوع صابون يناسبج....

بس انا اقولج...لا تتوقعين 100%
ساعات تطلعين المواعين منها تلاقينهم مو نظاف....لكن الاغلب نظيف و ممتاز...خاصه بعد اذا نوع الماعون متوافق مع الجلايه هذا حطيه و حطي وراه ببطنج بطيخه صيفي>>>> على قولة اخوانا المصريين



و من يقول لازم تسبعينهم قبل!!!!!!!!!!!!!


لا بس تشيلين بواقي الاكل يعني نفس لما بتغسلينهم و تحطينهم و في دورة خاصه تسبيع لخلصت شغلي دوره الغسيل هذا اذا تبين زود نظافه



و اي استفسار احنا بالخدمه...بس بعد اقري في مواقع وايد تعطيج فكره اوسع و تجاوب على كل اسألتج....

 

[بشرى]

والله سألت امنتديات وايد ويمدحونها حييل وخاصه ماركة ويرلبور وتريحهم حيل برمضان الله ايبلغنا واياكم بس يبيلنا نتعود عليها اول بعدين اتصير عادي 0

 

[bint_looda]

شوفي اختي اهو على حسب انتو جم واحد بالبيت يعني استهلاككم حق الماعيين والخدم

اذا كنتو وايد ومثلا عندج خدامه وحده اي اهني راح تفيييدج وايد وتوفر عليج وقت
اما انتو شويه او ان الخدم في مجال يغسلون ترا مانصحج فيها بهالحاله لان خرابها وايد

 

[bint_looda]

بقيت اقول شغله ! ترا طول ما انتي تستخدمينا ماتخترب خرابها وايد اقصد لمن تطيح بييد الخدم

 

[بشرى]

ولي ماعندها خدامه تفبدها ولا لا

 

[رنين]

و الله يا بشرى بفضل الله نافعتي وايد>>> ماعندي خدامه

 

[بشرى]

مشكوره يارنين يعني اتوكل على واشتريها
جزاج الله خير

 

[رنين]

على الله توكلي و استخيري اذا محتاره

 

[y7lok_7loho]

والله احس مالهااا داااعى لان الصحون يبيلهااا فرك ما ارتاح الى ان افركهااا هههههههههههههههه

 

[جاي الضحى]

تفيد حق القلاصات والصحون إلي مافيهم دهن....أما الجدور ماتنظفهم....لازم ليفه وحوك....هالغسلات مسوينهم حق الأجانب أكلهم خبز و جبن...احنا ماشاء الله عيوش ومروق ما راح تبرد جبدج تماماً.....بس تفكج من الاشياء الخفيفه...ونوع الغساله والصابون يلعبون دور....​

 

[كل الحب]

فعلا بس حق قلاصات وصحون تنفع بس جدور لا شريت وحدة من الغانم قالى حق الجدور

بس موذاك الزود بس صرف ماى وصابون ولا لازم صابون خاص بعد كاهى طايحة عندى بالمطبخ

غسيل الايد انظف وما تنفع حق الخدم وغير هذا يبيلها تركيب خاص

 

[سكر-نبات]

انا مجربتها واهم شي انها مريحتني واظافري ما قامت تتكسر
انا ادرس ماعندي وقت اغسل مواعين ايمعهم بالغساله واشغلها
حتى زوجي تعلم عليها قام اهووو يحط مواعين ويشغلها

 

[ام محمد صالح]

:0bee2e8d89:انا عندي غساله الصحون من مدة 13 سنه تقريبا وهي تريح وايد خصوصا في غياب الخادمه وعمليه بس لازم تجمعينهم لمدة يومين والطريقه بسيطه ضعي صابون في المكان المخصص واختيار البرمجه المناسبه من ناحيه الكميه والوقت