إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[جوجو.]

رد: إذا أنتي مطلقه شاركينى؟

مممممم

 

[sara bent elkuwait]

رد: إذا أنتي مطلقه شاركينى؟

اللة يعينك عائلة مناخوليا اعذرينى بس الام المفروض المريضة تتشرة على شوية عيش ومرق الحمد اللة والشكر شهالعايلة 0000000 هذى الى حدها مواتة يمة منها 0000انا حاسة انك ظلمتى نفسك بتغطيتك على خمالة ومحاولة تطويف اى شى لة بحجة خلى المركب يمشى وترقيع لة عند امك وابوك وعاجبنى ان ابوك الوحيد الى كان عارفة 00000 متاااااااااااااااااااااااااااابعة وباهتمام بعد

 

[مدام فستقه]

رد: إذا أنتي مطلقه شاركينى؟

اندمجت بعدين شنو صار كملى

 

[om deaj]

رد: إذا أنتي مطلقه شاركينى؟

بنت الحلال الي خذته ما ادري شقول عنها
بس اتمنى تاكل منه نص ماكليت منه

انتي تدعين عليها ولا شنو؟؟ظ
وهل تزوجها وانتي على ذمته ولا عقب ماتطلقتي؟؟؟

سمحيلي بس موقفج غلط من زوجته الثانية

 

[اتحي^_^]

رد: إذا أنتي مطلقه شاركينى؟

الله يعينكم يارب ويعوضكم باللي يسركم ولا يكر لا خاطركم ولا خاطر غيركم

 

[عهود الحب]

رد: إذا أنتي مطلقه شاركينى؟

أم دعيج تزوجته وانا على ذمته
وانا للحين اختي على ذمته
الظاهر ما قريتي عدل كلامي
انا مو مطلقة
انا معلقه وفي فرق اذا موملاحظة



وبعدين اانا ماادعي عليها انا اتمنالها تاخذ منه نفس ما انا خذيت منه



قروض و عيال ما يدري عنهم و شوية كوكتيل هموم


اسمحي لي تبيني اتمنالها شنو بالله ؟؟؟
قصر بالجنه ؟
ولا حياة سعيدة على حساب حياة و مستقبل عيالي ؟؟؟


صج من قال الي ايده بالماي مومثل الي ايده بالنار


لاتلوميني دام يا اختي ما جربتي هالاحساس


صحيح يمكن تنقدين علي وتقولين كل هذا حرة وقهر
لا المسألة اكبر من جذي
المسألة تعدتها بكثير


لعلمج بس ولدي اسم الله عليه متفوق بالدراسه وخواته بعد

مافكر له سنين يقولهم مبروك

وقبل لما يشوفني احتر عالدرجات واشد حيلي بتدريسه يقولي شنو النتيجة ترى اخرته ____________

في ابو يقول لولده جذي ؟؟؟؟؟؟؟؟؟
مهما تسوي وتدرس اخرتك _______________؟
وين قاعدين



لعلمج بس انا كتبت امس قصتي كاملة ليش ماادري
وعقب اخترب الاشتراك وانمسح الكلام وقلت يالله خيرة
لانه في ناس هني يعرفوني شخصيا ً


يالله خيره
لاتزعلين مني

 

[جوجو.]

رد: إذا أنتي مطلقه شاركينى؟

الله يعينكم يارب ويعوضكم باللي يسركم ولا يكر لا خاطركم ولا خاطر غيركم

مشكوره عالمشاركه

 

[جوجو.]

رد: إذا أنتي مطلقه شاركينى؟

عهود الحب
كتبي قصتج واحنا كلنا نسمعج

 

[ام عبدالرحمن]

رد: إذا أنتي مطلقه شاركينى؟

عهود الحب انا معاج و حاسه فيج و ما اغلطج بأي موقف حبيبتي الله معاج و يبرد على قلبج انشالله و احل مشكلتج و كلنا ندعيلج

 

[ام عبدالرحمن]

رد: إذا أنتي مطلقه شاركينى؟

اكمل....ما تتصورون اشكثر كنت مستانسه اني بسافر شهر عسل لان حلم كل بنت و كنت متوقعة ان بعوضني في هالايام عن كل المشاكل و الحرات الي مريت فيها..بس الله وكيلكم زدت قهر دبلات:eh_s(14): المهم سافرنا شرم الشيخ و كان ويانا بالطياره و رايحين نفس المده و المكان الي احنا بروحهم ..اول عايله واحد و مرته واعيالهم و بالصدفه طلع الابو رفيج ابو ريلي و العايله الثانيه حرمتين اكبار بالسن مثل سيدات المجتمع بس دمهم خفيف اموتون من الضحك اما العايله الاخيره ام واعيالها و عندها بنت من عمري و بالجامعه وياي بس مو نفس الكليه و البنت بصراحه حلوه بس شوي متروسه ...المهم وصلنا و رحنا الفندق بدلنا و ارتحنا بعدين طلعنا نتمشى و نحجز للرحلات و احنا قاعد نمشي شفنا عايلة رفيج ابوه و لزموا علينا نقعد نشرب قهوه معاهم و قعدنا و سولفنا لكن ريلي كان متضايق و مو عاجبته القعده و قاعد ينقز فيني عشان نقوم المهم غصب قمنا منهم و عاد سالته اشفيك؟قال احنا مسافرين عشان نكون ابروحنا و نتقرب من بعض ...انا طرت من الفرحه و قلت الحمدالله ان تفكيره جذي ...و كملنا لما وصلنا عند مكتب الحجوزات للرحلات و حجزنا و بعدين و قلنا بروح مطعم ناكل و احنا بالطريج شفنا الام و اعيالها سلمنا عليهم و شوي سولفنا و كل ما يتسكر موضوع او سالفه عشان انكمل طريجنا يرد ريلي يفتح موضوع عاد انا انبطت جبدي :eh_s(14): و بعدين اخيرا مشينا وقاعد يقول يحليلهم و الله ودي اساعدهم مساكين جان اقوله ليش مساكين؟قال امسافرين من غير ريال جان اقوله عيل ولدها لكبير الي بكلية الشرطة شنو؟جان يقول بس مهما كان يبيلهم واحد يساعدهم...(عقدني)شكو؟ليييييييييييييش يعني؟بس حقرته و غيرت الموضوع و ما امدانا بعدنا عنهم يعني رحنا الشارع الثاني جان يقول اووف ما قلنالهم عن الرحلات و المكتب الي حجزنا منه...تدرون احنا بدوله عربيه و ما تحتاج ادلاله و خصوصا شرم الشيخ كلها شارعين و بحر و قهاوي و بكل شبر كتب حجوزات للرحلات بالله من يحتاج فيها مساعده؟؟؟؟؟و الاخ ركض ردلهم عشان اعلمهم و انا واقفه جان اقول بقلبي مسكين وايد طيب و خدوم(ساذجه)و رد و قلت له يعطيك العاقيه ..المهم هذا اول يوم و ثاني يوم قعدنا من الصبح و رحنا البوفيه نتريق و شفناهم بعد على الريوق و بعدين احنا طلعنا رحنا على البحر و شربنا عصير بعدين رحنا جان نركب القلاس بوت يعني المركب الزجاجي الي تشوفون المرجان الي تحت في البحر و منو معانا بالمركب نفس العايله ما غيرها :eh_s(14):المهم المركب طابقين اول الرحله الكل داخل المركب بعدين الي يبي يصعد كيفه العايله اللطيفه طلعوا و اصعدوا و انا كنت قاعه اصور المنظر الي تحت البحر اشوي جان الحلو ريلي يقولي انا بطلع ادخن قتله اوكي و خلاني و كان في شباب الي يشتقلون على المركب اعيونهم زايغه و يتحرشون و خصوصا لا شافوج خليجية تضايقت منهم و اذوني و هذا طول عاد قلت اطل اشوفه وينه و الا الاخ قاعد اسولف مع العايله جان ارز ويهي و اسولف معاهم و تخيلو هذي حالتنا كل ما نروح مكان معانا مع ان اهم ما كانو يبون مستحين اقولون انتو معاريس و ريلي ارد عليهم عادي احنا ما تفرق معانا انا اهني بس وصلت حدي و ما عجبني الموضوع وين كلامه؟و اشمعنه مع هالعايله بالذات؟؟:eh_s(14): و في يوم هم رحنا معاهم رحلة ركوب الخيل في الصحرا و كل واحد راكب احصان و انا اول مره اركب احصان على ظهره ابروحي و اتقولون عبرني او مشى يمي طل بعيني خلاني اولي و حضرته لاهي مع اعيال المره و قاعد اعلمهم و يستعرض قدراته جدامهم و من الحره قمت اركض بالحصان اشلون لا تسالوني و منو الي لحقني تتوقعون؟؟؟المصري المدرب لا و قاعد يتغزل فيني و ريلي الحلو لاهي عني ومايدري عن شي انا خلاص حدي محترقه :eh_s(14): المهم خلصت الرحله و ردينا كلنا الفندق و المفروض كل واحد ارد غرفته لكن ريلي الغالي وصاهم اذا بطلعون دقو علينا و انا ويهي امبين علي ان فيني شي سألني قالي اشفيج قتله سلامتك بس نعبانه من الرحله ابي ارتاح و ما امدانا دشينا الغرفه و بدلنا الا العايله داقين يقولون بروحون يتعشون و اذا نبي نروح معاهم او لا ؟سكره منهم و سألني قتله انا تعبانه اذا انته تبي تروح اوكي عادي روح انا اقعد (طبعا انا قلتها بس جذي مو من صجي بشوفه شنو يبي اسوي) و شنو سوى لبس ملابسه و راح لهم و انا بالغرفه ابروحي انصدمت من تصرفه اشلون اخليني و يروح ؟؟؟؟؟انهرت و قمت ابجي بحرقه و ابي اكلم اهلي بس ما عندي تلفون و خفت ادق من الفندق اعصب علي المهم تعوذت من ابليس و خذيت شور و قعدت اصلي و اقرا قران لما هديت و انسدحت اطالع التلفزيون قلت يمكن الحين يرد تخيلو مرت حوالي 5ساعات على ما رد و انصدم ان لقاني قاعده و حس انه غلطان طبعا عشا:eh_s(14):ن ارقع الموضوع ياني انه ولهان و قام اعاشرني اكيد انا ما رديته لكن كنت محترقه و غصب و مو مشتهيه اطل في ويهه و لدموع تنزل مني يقولي اشفيج اقوله ما كو بس متألمه ليلحين اعورني...ثاني يوم قتله ابي اروح فندق الوليد بن طلال بشوفه جان اقول اوكي بس خنقول حق ام افلان و اعياله يمكن يبي ايون قتله كيفك دق عليهم بس قالو ما يبون ..اووف اشوه..و كان هذا اخر يوم لهم بشرم و بردون بعده الكويت استانست قلت الحمدالله بفتك منهم المهم صار هاليوم الي بسافرون فيه و الصبح يرن تلفون الغرفه و رد ريلي سويت عمري نايمه و سمعنه يقول وصلت بوكيه الورد على رقم الغرفه؟(غرفة العايله ما غبرها طبعا) و سكره نطرت اشوي و قعدت دخلت الحمام ابجي شوي و طلعت قلت له ابي اكلم اهلي عطاني تلفونه وكلمتهم و انا ابجي و سكرته اهو تضايق ليش ابجي قلت له لاني مشتاقتلهم وايد طبعا ما اعجبه و قام يعني محاضره عن ان المره لما تتزوج لازم تنسى بيت اهلها و تكون حق زوجها انا اهني خلاص انفجرت و انهرت جدامه و طلعت كل الي فيني و قتله اشمعنه هالعايله تقبلتها و لصقت فيها ليش مو عايلة رفيج ابوك؟؟؟هذا شهر عسل؟مو المفروض تكون هالايام لي؟؟و حجي وايد ...المهم حس على دمه و اعتذر و قال صح انا غلطان بس حبيت اساعدهم ...كفاني انه اعتذر و اعترف بس من داخلي حسيت اني مكسوره و مجروحه..المهم كلها يومين و رجعنا لكويت و كان ضايق خلقي انه ما خلاني اشتري هديه حق اهلي لان ما يبي يشتري شي حق اهله و لازم هالشي ينطبق علي و الي ضايقني اكثر اكتشفت انه مايحس فيني و انه مغازلجي و ما فيه رجوله...المره اليايه بقولكم اشلون قربت من قرار الطلاق و اصعب المواقف الي تمر فيهم الزوجه

 

[Vampira]

رد: إذا أنتي مطلقه شاركينى؟

ام عبدالرحمن شنو هذا!!!!!!!!!! مستحيل يكون انسان سوي!!!؟ وعايلته لا تعليق!!!!! بعد عمري والله انتي وباجي البنات الله يعوضكم خير وخيره لكم يارب

متابعه

 

[الاستاذة]

رد: إذا أنتي مطلقه شاركينى؟

واي ام عب الرحمن هذا مو ريال اصلا اعذريني واي حبيبتي شلون تحملتي ماشالله عليج كملي انا قمت ادش المنتدى عشانج

 

[om deaj]

رد: إذا أنتي مطلقه شاركينى؟

أم دعيج تزوجته وانا على ذمته

الظاهر ما قريتي عدل كلامي
انا معلقه وفي فرق اذا موملاحظة
صج من قال الي ايده بالماي مومثل الي ايده بالنار

لاتلوميني دام يا اختي ما جربتي هالاحساس

لعلمج بس ولدي اسم الله عليه متفوق بالدراسه وخواته بعد

مافكر له سنين يقولهم مبروك

لعلمج بس انا كتبت امس قصتي كاملة ليش ماادري
وعقب اخترب الاشتراك وانمسح الكلام وقلت يالله خيرة
لانه في ناس هني يعرفوني شخصيا ً

يالله خيره
لاتزعلين مني

اولا : انا موزعلانة ولا انقد عليج بس ماعرفت شعورج بالكلمة المكتوبة
كتبتي بنت الحلال وعقب تمنيتيلها تذوق من الي ذقتيه>>>قلت مادري انا فهمت غلط ولا هو شكله متزوجة عليها

ثانيا: صج مانتبهت انج معلقة مو مطلقة والله يكون بعونج على القثا الي محصلته من هالريل

والله يعوضج الخير بعيالج يارب ويفرحج فيهم>>> صدقيني بيردلج هذا كله بس ابي اقولج لا تفكرين ولا تسألين وحقريه جنه مو موجود ولا كان في حياتج ونسي عمرج ونسي عيالج وخلي املج بالله كبير لانه الدنيا دوارة

 

[ميممو]

رد: إذا أنتي مطلقه شاركينى؟

الله يعينك اختي بس انت من الاول طوفتيله وسامحتيه وداريتي عليه بس اهو ما يستاهل كملي قلوبنا معاكي

 

[eman1234]

رد: إذا أنتي مطلقه شاركينى؟

واااي ام عبد الرحمن انا توني اقرا سالفتج ... رجعت باالصفحات الاولى و قريتها من اول حديي اندمجت
والله يريح قلبج ان شاء الله ويخليلج حمني ..
والله يريح قلوبنا كلنا من هللي شفنا من الرياييل

 

[ام عبدالرحمن]

رد: إذا أنتي مطلقه شاركينى؟

حبيب اتي كلكم ما قصرتوا و اشركم على انكم متابعيني و مهتمين و الله كلامكم ابرد القلبو انشالله راح اكمل لكم

 

[ام عبدالرحمن]

رد: إذا أنتي مطلقه شاركينى؟

واي ام عب الرحمن هذا مو ريال اصلا اعذريني واي حبيبتي شلون تحملتي ماشالله عليج كملي انا قمت ادش المنتدى عشانج

مشكوره بعد عمري و تسلمين و اتمنى ان ما ضيقت خلقج

 

[بحر الرمال]

رد: إذا أنتي مطلقه شاركينى؟

ام عبدالرحمن
الحمدالله افتكيتي منه..و مشكلتج نفسي تقريبا يمكن افكر اعرضها لكم

عهود الحب
ترا انا متابعتج من زماااان..و مرات افقدج بس الحمدالله انج موجوده و ان شاالله يارب يبلغج بعيالج و ترفعين راسج فيهم و لامنه هالنذل..و صدقيني مردوده له و مردوده حق زوجته طال الزمن او قصر..الدنيا سلف و دين
لا تعورين قلبج..

 

[القلب الصافي]

رد: إذا أنتي مطلقه شاركينى؟

وينج ام عبدالرحمن قلوبنا معاج الله يعوضج خيييير يارب 000 كملي قصتج

 

[ام عبدالرحمن]

رد: إذا أنتي مطلقه شاركينى؟

سمعوا...رجعنا الكويت و رحنا شقتنا الي بطلعة الروح يالله لقيناها و طبعا ريلي ماله اي دور في ان يدور على شقه انا دورت و عماته بعد الي دوروا عشان ارقعون على ولدهم و اهم الي لقوها مو انا...لكن مو هذي السالفه السالفه ان الشقه الله لا اوريكم اتلوع الجبد اول شي الدري حديد ثاني شغله غرفة النوم ورق جدران مستعمل امشقق مال الي كانو ساكنين من قبلنا و الكاشي كله بقايا صمغ ما الزوليه و الحمامات قديمه و ما فيها ماي حار و ترى الشقه بقرطبه بس ما ادري ليش جذي و انا رضيت فيها لان كان باقي اسبوعين على العرس و اهي الحل الوحيد و استحيت منهم هم اهم امدورين و تعبانين و انا على البراد اعذرب و اقول ما اعجبتني حتى اهلي قالولي عيب شكريهم و قولي الحمدالله على الاقل اسمه بيت ابروحج و مع الوقت يتعدل ....و الخطه كانت ان خلال سفرتنا ابوه يقوم بتاثيث الشقه و انا بس ا خترت غرفة النوم و الباجي ما ادري عنه...المهم من المطار لي الشقه الي انصدمت ان غرفة النوم على خمالها ما فيها الا ماترس مال غرفتي و باجي الاثاث كله بالكراتين بس المطبخ الي كان اوكي فيه كل شي ...سألت ليش جذي؟جان عمته الي كانت ناطرتنا بالشقه تقول والله ابوه مو راضي على الشقه لما شافها قال اشلون بنت الناس تسكن بهالمكان اهي امانه عندنا هذي الشقه راح تكون مؤقت على ما يلقون لهم شقه ثانيه ..انا استانست و ضاق خلقي بنفس الوقت بس سكت و قلت الحمدالله يالله اقزر بعد شسوي لكن المصيبه ان دوامي بعد اسبوع و مالي خلق هالسوالف..طاف حطينا اغراضنا و وداني عند اهلي و راح ما نزل لان ماقام يبلع اهلي من ذيك السالفه و لان ابوي ملتزم و مره قاله روح صل و الاخ تضايق لان شكو ابوي اكلمه اهو ولد ناس و محد له كلمه عليه(بذمتكم هذا واحد طبيعي؟)دخات على اهلي و سلمت لكن ويهي ما يبشر بالخير و دروا ان فيني شي جان اقولهم شنوا صار بالسفر و غثيتهم بس شسوي ما اقدر بفرغ اشوي حق نا ادري انهم راح احسون فيني وواثقه بحبهم لي..و ماله داعي اقولكم عن نصايح امي بأني لازم اصبر انا رضيت فيه و خلاص لازم اواجه الواقع و اتقبل اعيوبه....انشالله حاضر يمه راح اصبر و احاول احل مشاكلي بروحي (طل بعيني)المهم اهو دوامه خايس شفتات لانه حماية شخصيات و غير انه شفتات يعتبر اوصخ اداره بالداخليه من المصخره الي عندهم ..الحين صار وقت الدوام انا ما عندي سياره سيارتي الي ابوي شاريلي اياها رديتها لاني بذمة ريال(وين الريال؟؟!) و ادري لو ابوي بالع ريلي او حابه جان عطاني السياره بس سوى هالحركة عشان اخلي ريلي يتحمل المسئوليه..الصدفة ان دوامه عكس دوامي و بالتالي صرت انا معاه بسيارته فكان ادوام مثلا الساعه 6 او 7 و مايرد الا الفير و يليت ارد تعبان عشان انا لا ايرد عشان اجابل الكمبيوتر احاول اسهر معاه لمه اكون قاعده احط فلم دي في دي على اللابتوب و بس اغفي او انام ابلش سوالف على الماسنجر و انا نومتي خفيفه فأحس بأقل حركة و كنت اسمع صوت الطباعه و الف ويهي اطالع و بسرعه اغير الشاشه على شي ثاني و ارد الف ويهي مره ثانيه و انا بالعه المر من تصرفاته..يعني شسوي اسهر لي الصبح اراقبه؟ و دوامي الجامعه؟اقعد من النوم ابدل و طبعا ملابسي في الجناط لان مو مركبين الكبت يعني الحاله كسيفه المهم في هاليوم قعدت و انا قاعده ابدل شنو لقيت بلوزه مالت الاخ مقلوله تحت السرير و تتوقعون شنو ماش فيها؟(سامحوني على جراءتي و اعذروني )الاخ المحترم كان مستمتع مع ما ادري منو بالوقت الي انا كنت فيه نايمه و مشبع شهوته؟تخيلوا الوضع..ارف والله ارف جان اخذ لبلوزه و افرشها على الجنطه الي كانت مسكره علشان اشوف فعايله و يفتخر بنفسه :eh_s(14): لا تسألوني اشلون سقت لي الجامعه و الله ما كنت اشوف الطريج من ادموعي و حق منو اقول؟سواد ويه و فشله!بلعتها و كبت و طلعت عمري غلطانه قمت اقول حق نفسي انا غلطانه لاني كنت نايمه(بس اهو لا بغه ما يهمه نايمه او قاعده كان ايني و بمجرد ان يلمسني اقعد و اتجاوب معاه) و مع ذلك اقنعت نفسي ان العيب مني...و في يوم كنا رايحين نشتري عشا و احنا بالسياره فجأه احس بالكشن الي انا قاعده عليه في شي يهز و صوته واضح طالعت ريلي جان ويهه ينعفس و يقولي شنو هذا تلفونج؟جان اطلع تلفوني ما فيه شي؟ عاد جان امد ايدي بظهر الكرسي بالمخبا الي ورا و اجيس و الا شنو؟طبعا تلفون :0bee2e8d89: اي:0bee2e8d89:ه و نسيت لا اقول اهو كان قايلي لمه طحت عليه اول مره ان قطع الخط الثاني و باع التلفون عشان يسكتني و يرضيني...المهم انا مو دخلت ايدي و لمست التلفون و انا بطلعه قام اهو و سحب ايدي بسرعه و ياكلني بالحجي ..شنو شنو؟هذا؟عاد الا احنا واصلين الشقه عطيته نظرة احتقار و نزلت و يناديني و انا حاقرته لان لو تكلمت راح اسوي فلم بالشارع من القهر الي فيني :eh_s(14): دخلت الشقه و اهو تأخر 10 دقايق يالله يه ..و ياني يسألني انتي اشفيج جان اقوله وين التلفون الي كان بالسياره و قعد يحلف و اكفر ان ما فيه تلفون و ان اهو تأخر عشان قاعد ادور و ينبش بالسياره و مالقه شي(ما ادري ماخذ احماره و الا بهيمه ينقص عليها)جان اقوله انا لمسته بأيدي و تقولي ما كو شي؟و اصرخ من قمت راسي عليه و اقوله انته خذيتني من بيت اهلي بعقل تبي اتردني من غير عقل؟انته بتينني؟اقوووووووووولك طلع التلفون..و ظل يتمسكن و اجذب جان تلوع جبدي و ازيد قهر و اطرده من الغرفه...ما ابي اشوف ويهك اطلع انته تستغفلني ...عاد طلع الوي بالصاله شوي جان يطلع بره ربع ساعه و رد يطق الباب علي اقولي هاج عمي يبي اكلمج جان ابطل الباب و اخذ التلفون و احذفه بأكبر ما عندي و اصرخ مابي اكلمك لا انته و لا اهلك و قعدت ابجي جان اقولي صح كان في تلفون بس مو مالي مال عمي اهو كان مستعمل سيارتي لما سافرنا و نسى تلفونه ...رديت عليه:والله على منو ؟؟اي شي و قاعد عمك طول هالمده من غير تلفون؟و شكو يحطه بالمخبه؟جان اقول لا هذا تلفونه الثاني لا انقطع خطه استعمل هذا...اشوي جان جرس الباب اطق الا عمه و دشيت البس احجابي و ياني لي الغرفه يحاول يقنعني انه ماله و يحلف و (عمه عمره26 و متزوج)و انا استلطفه لانه وايد زين مع مرته و بصراحه استحيت منه و طوفت السالفه بس من داخلي ادري انهم جذاذبه و عمه قاعد ارقع له و يشتريني بالحجي الحلو بس شسوي انجعم و اطوف و انشوف شنو اخرتها...و مرت بعد الايام و مره كان رايح الدوام جان اقوم و اتعبث في لابتوبه شي قالي فتحيه و على فكره كان قبلها امصادف عيد الحب و و قالي اختاري هديتج عاد انا منقهره منه و ادري انه وراه شي امسويه احساسي عاد قمت ووديته الرايه و خليته يشتريلي ساعة نينا ريشي اليديده وبالعناد اخترت الكبيره عشان تكون اغلى عاد افتشل و انجعم و شخط الفيزا قلت قلعته انا اولى بالفلوس من الي اقلها على المكالمات و لمغازل_03BA: المهم بطلت لابتوبه و شفت المحادثات و كانت محفوظه الا بنفس تاريخ عيد الحب كان يتبادل التهاني مع وحده و قبلات و يألها اذا اتحبه او لأ و تسأله ليش لما تدق ما ارد؟؟تدرون شنو امجاوب ..قايلها انه كان مشغول مع ابوه بالشركه و ما قدر يتكلم جدام ابوه احتراما له(ماشالله اعرف لحترام بس بذمتكم مو سوالف مراهقين و يهال ؟؟؟)انا سكرت اللابتوب و قعدت ابجي بعدين اقولكم شنو سويت