هل لديكم طفل يعاني من التوحد- خلونا نتجمع

[سنع ومنع]

شكرا لتفاعلكم معاي, توني ادري انكم تحبوني وتبوني معاكم ..

لو سمحتي .. احنا ما نحبج .. احنا نحب يسافي
حبيبتي emanova الأحد اللي وراه مناسب لي عشان ناني بعد تكون خلصت عمليه ولدها واطمنت عليه ..

وما يشوف شر وليدج يالغاليه .. طمنينا عليه

 

[سنع ومنع]

بنات بقولكم عن حضانة kuwait dream center ..
كنت رايحة بسجل ولدي في الكورس الصيفي لمدرسة التربية النموذجية .. ومثل ما قلت لكم السعر أول شي كان 150 فجأة صار 190 ..
المهم يوم التسجيل سألتني أنت وين ساكنة .. قلت لها بالسرة .. قالت لي ليش ما ادخلينه الحضانة اللي تابعة لنا بالخالدية هناك كلهم عمره وأحسن له من هني .. قلت ممتاز الخالدية وايد أقرب لي .. المهم عطتني العنوان ورحت .. ولا ذيك الحضانة اللي تهبل .. مديرتها صار لها تشتغل بالتربية النموذجية أكثر من 10 سنين .. صج صج صج من أول قعدة تحسين وحدة فااااااااهمة شقاعدة تسوي .. ورتني الحضانة ووضحت لي اهما شلون يشتغلون مع الطفل .. ورتني اليهال وال group اللي يشتغل معاها .. كلهم أجانب .. ورتني صف التوحد والانجازات اللي حققوها مع هالصف .. عندهم ولد ما كان يتكلم بالمرة والاسبوعين اللي فاتوا نطق كلمته الأولى .. يابته وقعدت تلعب معاه وتضحكة لين قال الكلمة جدامي !!!!
اللي عجبني انها تستخدم ال ABA مع اليهال .. قلت لها حرااااام عليكم تدرين انا شكثر كنت أفتر أدور شي جذي :eh_s(16):
قالت لي انا ما أوعدج بشي كل ياهل عن الثاني يفرق .. بس تعرفون هذا الشعور اللي اييج ويقولج انج راح تحطين ولدج بأيدي أمينة .. هذا اللي حسيته من الحضانة .. ولوما ان حضانة ولدي وايد زينة وارتحت عليها الحين وما ودي بالتغيير جان غيرتها لأن صج صج صج اللي هناك شفته شي عجيييييب نااااااس فااااااهمة ..
اللي عجبني أكثر وأكثر ان مافي حالات صعبة وفي أطفال عاديين .. وصف التوحد نفس ولدي اللي تشوفينهم تقولين هذا ياهل طبيعي .. وكلهم صغار .. صج صج عجبتني .. طبعا توفر الحضانة علاج التخاطب وتعديل السلوك وعلاج بالعمل .. ولما سألتها حق الكورس الصيفي جم ؟؟ قالت لي 200 :eh_s(12):
قلت خل أسجل لا بعد 10 دقايق يصير السعر 250 .. ما شاء الله كل ماله في ازدياد .. شهر بيقعده ولدي ب 200 .. لا والحرة صار له 10 أيام مو مداوم .. ما وراهم رقعة ويه .. مريض حبيبي ..
قلت أقول لكم عن الحضانة يمكن تفيدكم ..
وبالتوفيق للجميع :eh_s(8):​

 

[Miss_Hopless]

هاي بنات اشلونكم شخباركم؟؟
العزيزه سنع ومنع ميخالف تعطينا اسم الحضانه ورقمها وجم سعر الكورس العادي واكون لج شاكره

 

[ناني سيكرتس]

زعلتيني الصراحه ...

المهم مادام ولد ناني عنده عمليه ..الله يشافيه و يعافيه ...و الدكتوره كل اثنين و ثلاثاء مشغوله ....و آنا رايحه العمره يوم الثلاثاء... نخليها الاحد اللي وراه اذا يناسبكم قولوا لي يا حلوين

بعد عمري لا تشيلين على خاطرج مني :tek: , بس انا جني اذيتكم كل ماقلتوا عن موعد يكون عندي شي صايره جني اتحجج, بس والله انتوا خواتي وما كنت ابي انطركم اكثر لان اغلبكم ناطر هالدوره بس احس اني انا اماخرتها عليكم..

عموما الاحد الي وراه مناسب جدا لي اكون ان شاء الله خلصت من عملية الولد واطمانيت عليه.

تروحين وتردين بالسلامه يا ايمان وبليز لا تنسينا بالدعاء لان فعلا محتاجينه..

 

[ناني سيكرتس]

بنات بقولكم عن حضانة kuwait dream center ..
كنت رايحة بسجل ولدي في الكورس الصيفي لمدرسة التربية النموذجية .. ومثل ما قلت لكم السعر أول شي كان 150 فجأة صار 190 ..
المهم يوم التسجيل سألتني أنت وين ساكنة .. قلت لها بالسرة .. قالت لي ليش ما ادخلينه الحضانة اللي تابعة لنا بالخالدية هناك كلهم عمره وأحسن له من هني .. قلت ممتاز الخالدية وايد أقرب لي .. المهم عطتني العنوان ورحت .. ولا ذيك الحضانة اللي تهبل .. مديرتها صار لها تشتغل بالتربية النموذجية أكثر من 10 سنين .. صج صج صج من أول قعدة تحسين وحدة فااااااااهمة شقاعدة تسوي .. ورتني الحضانة ووضحت لي اهما شلون يشتغلون مع الطفل .. ورتني اليهال وال group اللي يشتغل معاها .. كلهم أجانب .. ورتني صف التوحد والانجازات اللي حققوها مع هالصف .. عندهم ولد ما كان يتكلم بالمرة والاسبوعين اللي فاتوا نطق كلمته الأولى .. يابته وقعدت تلعب معاه وتضحكة لين قال الكلمة جدامي !!!!
اللي عجبني انها تستخدم ال ABA مع اليهال .. قلت لها حرااااام عليكم تدرين انا شكثر كنت أفتر أدور شي جذي :eh_s(16):
قالت لي انا ما أوعدج بشي كل ياهل عن الثاني يفرق .. بس تعرفون هذا الشعور اللي اييج ويقولج انج راح تحطين ولدج بأيدي أمينة .. هذا اللي حسيته من الحضانة .. ولوما ان حضانة ولدي وايد زينة وارتحت عليها الحين وما ودي بالتغيير جان غيرتها لأن صج صج صج اللي هناك شفته شي عجيييييب نااااااس فااااااهمة ..
اللي عجبني أكثر وأكثر ان مافي حالات صعبة وفي أطفال عاديين .. وصف التوحد نفس ولدي اللي تشوفينهم تقولين هذا ياهل طبيعي .. وكلهم صغار .. صج صج عجبتني .. طبعا توفر الحضانة علاج التخاطب وتعديل السلوك وعلاج بالعمل .. ولما سألتها حق الكورس الصيفي جم ؟؟ قالت لي 200 :eh_s(12):
قلت خل أسجل لا بعد 10 دقايق يصير السعر 250 .. ما شاء الله كل ماله في ازدياد .. شهر بيقعده ولدي ب 200 .. لا والحرة صار له 10 أيام مو مداوم .. ما وراهم رقعة ويه .. مريض حبيبي ..
قلت أقول لكم عن الحضانة يمكن تفيدكم ..
وبالتوفيق للجميع :eh_s(8):​

انا شفت الحضانه هذي كنت راحه بيت رفيجتي وبالغلط دشي هالصوب وشفتها بس ما كنت ادري انها حق الاحتياجات الخاصه عبالي حق اليهال العاديين, ياخذون من لي اي عمر, وبعدين بس شهر ب 200 دينار مو جنه وايد ولا يتهيالي..؟

 

[ناني سيكرتس]

لو سمحتي .. احنا ما نحبج .. احنا نحب يسافي
حبيبتي emanova الأحد اللي وراه مناسب لي عشان ناني بعد تكون خلصت عمليه ولدها واطمنت عليه ..

وما يشوف شر وليدج يالغاليه .. طمنينا عليه

الشر ما اييج..

تعالي اشلون وليدج مع الدايت في تقدم ولا ليما الحين..؟ واشلونه مع حصص تعديل السلوك انفعوه ولا ..؟

 

[سنع ومنع]

هاي بنات اشلونكم شخباركم؟؟
العزيزه سنع ومنع ميخالف تعطينا اسم الحضانه ورقمها وجم سعر الكورس العادي واكون لج شاكره

حبيبتي miss hopless اسم الحضانة kuwait dream centre nursery
رقمها 4827123
وبالنسبة للأسعار ما عندي فكرة بتاتا لأن انا مدخلة ولدي الكورس الصيفي مالهم فما أدري جم ممكن يكون الكورس العادي .. سامحيني حبيبتي كان ودي أفيدج ..

 

[سنع ومنع]

الشر ما اييج..

تعالي اشلون وليدج مع الدايت في تقدم ولا ليما الحين..؟ واشلونه مع حصص تعديل السلوك انفعوه ولا ..؟

هلا حبيبتي ..
بالنسبة للحضانة صاجة سعرها غالي بس شسوي هذا اللي حصلته ومكان قريب والحضانة لما تشوفينها وااااااااااااااايد ترتاحين ..
وولدي ماشي على الدايت للحين .. بس لما رحنا الشاليه الاسبوع اللي فات خااااااره خوااااااره مو طبيعيه :0bee2e8d89:
وبالنسبة لحصص تعديل السلوك والنطق .. أمانة ما أشوف ذاك التغيير بولدي .. بس أحس ان المسألة محتاجة وقت وصبر .. لي متى مادري .. ادعوله .. وادعولي ..
يوم الاربعا رحنا ناخذه انا وابوه من تعديل السلوك عاد نزل ابوه ياخذه .. قاعدة أطالعة واهوا راد ايده بايد أبوه .. واقول بقلبي .. لو كان ولدي طبيعي شلون ممكن راح يكون وراح يصير .. شنو سوالفة اللي بيقعد يسولفها معاي .. ليش انا اللي أموووووووووت على اليهال وأجابلهم بالزوارات وألعبهم .. ومن كثر ما احبهم يسموني ماما أنيسة .. لييييييش انا صار عندي ولد فيه توحد .. ليييييييييش .. ليش انا اللي الكل يقولي أنت مال تشتغلين بحضانة من كثر ماتحبين اليهال .. ليش انا .. ليش ناس مو كفو يهال ولا لهم خلق اليهال الله يعطيهم يهال سلميين مافيهم شي ... ليييييش .. شنو الحكمة ؟؟؟؟؟؟؟؟
وقعدت أبجي أبجي أبجي .. حتى ريلي اخترع .. اشفيج فجأة ؟؟؟!!!!
قعدت أقوله لي متى بنقعد نودي ونييب فيه حصص تعديل سلوك ونطق لي متى ؟؟؟ لي متى مدرسة احتياجات خاصة .. لي متى ...
ولدي عمره جريب 4 سنين ما سمعت ماما للحين لي متى ؟؟؟؟
استغفر الله صج يومها يتني ضيييييييقة مو طبيعيه .. كآآآآآآآبة من الحال اللي ولدي فيه .. مرض ماله علاج ..
صج صج صج يومها قررت ماااااابي بعد عيال كفاية اللي عندي .. وأحس ولدي خذا كل الطاقة اللي فيني .. لو حملت ولا سمح الله صار بالثاني شي أحس مافيني طاقة أعطيها للي بعده .. انا حاليا عندي بيبي صغير وماني قادره أحس الياهل يبي له مجابل أكثر من جذي .. حرام .. الكبير ماخذ كل وقتي ..
احس الحمدلله اثنين كافي
سامحوني مو قصدي أضيق خلوقكم .. بس أبي أفضفض شوي

 

[ناني سيكرتس]

استغفري ربج يا سنع هذا الله من كثر ما يحبج بلاج بهالشي لانه يدري ان قلبج كبير ورحيم باليهال عشان جذيه صار عندج ياهل صج يه توحد بس ان شاء الله بالصبر والعزيمه والايمان راح تلاقين نتيجه زينه وراح يفرح قلبج لما ولدج يناديج ماما.
شوفي انا صج عندي يوسف بس عندي غيره اثنين والله اذا انا مو مساعده يوسف اهم اخوانه قاعدين يشيلونه, والله ان الحين يوسف بدا يتكلم زين وقرق بعد والسبه انه قام يلعب مع اخوانه واعيال عمامه, فلا تقولين ما ابي عيال وجذيه لان حرام والله, بس شتسوين بعد الوحده تمر بهالسوالف والحلو انج لما تفضفضين تقولين الي تبينه حقنا احنا لان كلنا عندنا نفس الحاله بس والله الحمد لله نقول لان الله قاعد يزرع فينا المحبه والامل ويزرعه يغيرنا لما يشوفونا اشلون نعامل عيالنا..

ما اجذب عليج ان انت وايمان والله علمتوني اشلون اعمل ولدي والحين اشلون اقدر احبه وازرع الحب واظهرله هالحب وحتى اخوانه قمت اعاملهم بقدر اكثر من الحب, صج انهم شباب وشياطين بس هم ما يمنع ان الواحد من يشوفهم يقول الحمد لله والشكر واحنا احسن من ناس وايد..

تفائلي بالخير تجدينه وان الله مع الصابرين, والله اني حاسه انه بيوم وانت قاعده مع اوليدج ولا تتفاجئين انه راح يقولج ماما, واي اشلون شعورج وقتها ما ادري لس اذا قالها لج اول ما تبشرين انا عقب ريلج طبعا مو تنسين..

 

[سنع ومنع]

استغفري ربج يا سنع هذا الله من كثر ما يحبج بلاج بهالشي لانه يدري ان قلبج كبير ورحيم باليهال عشان جذيه صار عندج ياهل صج يه توحد بس ان شاء الله بالصبر والعزيمه والايمان راح تلاقين نتيجه زينه وراح يفرح قلبج لما ولدج يناديج ماما.
شوفي انا صج عندي يوسف بس عندي غيره اثنين والله اذا انا مو مساعده يوسف اهم اخوانه قاعدين يشيلونه, والله ان الحين يوسف بدا يتكلم زين وقرق بعد والسبه انه قام يلعب مع اخوانه واعيال عمامه, فلا تقولين ما ابي عيال وجذيه لان حرام والله, بس شتسوين بعد الوحده تمر بهالسوالف والحلو انج لما تفضفضين تقولين الي تبينه حقنا احنا لان كلنا عندنا نفس الحاله بس والله الحمد لله نقول لان الله قاعد يزرع فينا المحبه والامل ويزرعه يغيرنا لما يشوفونا اشلون نعامل عيالنا..

ما اجذب عليج ان انت وايمان والله علمتوني اشلون اعمل ولدي والحين اشلون اقدر احبه وازرع الحب واظهرله هالحب وحتى اخوانه قمت اعاملهم بقدر اكثر من الحب, صج انهم شباب وشياطين بس هم ما يمنع ان الواحد من يشوفهم يقول الحمد لله والشكر واحنا احسن من ناس وايد..

تفائلي بالخير تجدينه وان الله مع الصابرين, والله اني حاسه انه بيوم وانت قاعده مع اوليدج ولا تتفاجئين انه راح يقولج ماما, واي اشلون شعورج وقتها ما ادري لس اذا قالها لج اول ما تبشرين انا عقب ريلج طبعا مو تنسين..

حبيبتي ناني .. مشكورة و ما قصرتي .. ماتصدقين انا شكثر عندي مو بس أمل لأ انا عندي يقيييييين ان ولدي راح يتغير وايد .. انا متأكدة من هالشي ... بس يبقى السؤال متى .. وبيني وبين نفسي أقول مدام في يهال تعدلوا وصاروا للأحسن ان شاء الله بحيل الله ولدي راح يتغير .. بس صج الواحد يتعب مرات من النطرة .. يمكن لأن هذا ولدي البجر وتدرين البجر غير .. يعني تفتحين عيونج عليه .. وتنطرين منه كل شي .. الله كريم يا رب يصبرنا ويعطينا القوة على التحمل ويطرح في قلوبنا الصبر والأمل .. صج صج مشكورة على الرد حبيبتي ..
و ولا يهمج اذا قال ماما أنت أول من أبشره بس اهوا خل يقول :eh_s(11):
يومها صج يمكن الدنيا ما راح تشيلني من الفرح .. متى ايي هاليوم يا رب :yaaaaaarb:

 

[ناني سيكرتس]

حبيبتي ناني .. مشكورة و ما قصرتي .. ماتصدقين انا شكثر عندي مو بس أمل لأ انا عندي يقيييييين ان ولدي راح يتغير وايد .. انا متأكدة من هالشي ... بس يبقى السؤال متى .. وبيني وبين نفسي أقول مدام في يهال تعدلوا وصاروا للأحسن ان شاء الله بحيل الله ولدي راح يتغير .. بس صج الواحد يتعب مرات من النطرة .. يمكن لأن هذا ولدي البجر وتدرين البجر غير .. يعني تفتحين عيونج عليه .. وتنطرين منه كل شي .. الله كريم يا رب يصبرنا ويعطينا القوة على التحمل ويطرح في قلوبنا الصبر والأمل .. صج صج مشكورة على الرد حبيبتي ..
و ولا يهمج اذا قال ماما أنت أول من أبشره بس اهوا خل يقول :eh_s(11):
يومها صج يمكن الدنيا ما راح تشيلني من الفرح .. متى ايي هاليوم يا رب :yaaaaaarb:

قريب ان شاء الله الي نطرتي كل هالمده تقدرين تنطرين بعد شويه, شوفي انا ريلي مافيه شي واهو صغير بس اتصدقين انه ماكان يتكلم كلش ولما صار عمره 4 سنين انطلق بالحجي, تخيلي امه كانت كله تشربه قهوه عربيه عشان ينطق ولا نطق الا بال4 سنين, فولدج اكيد تاخره بالنطق يمكن مو مرتبط بحالته يمكن حاله وراثيه او يمكن حاله منفصله عن وضعه..

 

[سنع ومنع]

والله سمعت عن القهوة العربية بس تصدقين احس انها خرابيط .. مادري صج ولا لأ ...
شوفي انا ولد أخوي كان صمٌ بكمٌ ولا كلمة ولا حجوة بعدين اسم الله عليه انهد مرة وحدة بالكلام لما صار 3 سنين وثمان شهور .. ونفس الشي اخوي هم تأخر بالكلام ... بس لما اقول حق الدكاترة يقولون اذا كان عندكم تأخر بالعايلة لنا شغل بأخوج بس ولد اخوج ماله شغل .. يعني ما يدخل ضمن العوامل الوراثية .. الله كريم ان شاء الله ..

 

[wathoo7a]

الحمدلله الذي لا يحمد على مكروه سواه ,,,, ياوخيتي نحمد رب العالمين إنه توحد و لا شي ثاني شوفي الناس اللي عيالهم فيها أمراض كليه و أمراض سرطانيه مالها علاج و إلا مرض الداون و الشلل الدماغي,, قومي توضي وصلي ركعتين شكر و الحمدلله إن إنتي عنده أمه تهتمين فيه تخيلي اليهال اللي ما عندهم أحد و قاعدين يتعذبون من خدم أو غيره,,الله يخليه لج و يصبرنا ربي معاج حبيبه:eh_s(17):

 

[wathoo7a]

بنااااات لا تنسوني حق رووحة الدكتوره فاطمه و قولو لي الرسوم جم

 

[ناني سيكرتس]

والله سمعت عن القهوة العربية بس تصدقين احس انها خرابيط .. مادري صج ولا لأ ...
شوفي انا ولد أخوي كان صمٌ بكمٌ ولا كلمة ولا حجوة بعدين اسم الله عليه انهد مرة وحدة بالكلام لما صار 3 سنين وثمان شهور .. ونفس الشي اخوي هم تأخر بالكلام ... بس لما اقول حق الدكاترة يقولون اذا كان عندكم تأخر بالعايلة لنا شغل بأخوج بس ولد اخوج ماله شغل .. يعني ما يدخل ضمن العوامل الوراثية .. الله كريم ان شاء الله ..

شفتي معناته انه التاخر وراثه عندكم, ومالج شغل بالدكاتره خلهم يولون, انا اهل ريلي عندهم جم حاله فيها تاخر وخربطه بالنطق, فلما تاخر يوسف بالحجي واهو بجري عادي ما استغربوا لان عندهم هالشي عادي وبعايلتهم موجود, بس الحين يوسف من كمل 6 سنين واهو في تحسن وايد بالكلام, صج عنده جم حرف الله بالخير بس هم الحمد لله..
بقولج ترا القهوه العربيه خرابيط لان حماتي اعيزت واهي تشرب يوسف قهوه من اهو صغير ولا فاد كلش,توه يمكن يطلع مفعولها :dddds:

 

[Emanova]

سنوعه حبيبتي : انا ما توقعت انج تكونيين محبطه لهالدرجه...

مثل ما قالت وضوحه ... الحمدلله توحد مو سرطان ... مو شلل... اسم الله عليه و يشافيه و يشافي اعيالنا ولدج حلو .. لو ان كان فيه شيء في وجهه ..جان شنو قلتي ....

الله ما يبتلي الا المؤمن .... و الله يقدر و يلطف ... قولي الحمدلله ان المدرسه موجوده ..لو انج مثل مس هوبليس اللي اعيالها التوأم فيهم توحد ... و تكاليف المدرسه كاسره ظهرهم..

و همسات شنو تقول اللي اعيالها الاثنين ؟ و انا اللي الله ما رزقني غير حمودي و اهل زوجي يقولون ان انا السبب..و يقولون حق ريلي تزوج عليها؟!؟!؟

قولي الحمدلله ... و مثل ما قلت لج الله ما يبلي الا المؤمن ... صدقيني احمدان ولدج بركه في بيتكم ... كل ما ديرتي بالج عليه .. و سعيتي له... الله ما يضيع تعبج ....

 

[Miss_Hopless]

يعطيكم العافيه بنات اشلونكم شخباركم؟
سنع العزيزه وضعها مثل وضعي لي درجه مرات احس اني استسلمت وموقادره اسوي ولاشي حق اليهال ولاني قادره اساعدهم بشي لاني صج احس نفسي تعبانه عيالي التوم وبجري واول فرحه بحياتي ومشاكلي مع زوجي اللي ماتنتهي وبالبدايه حط اللوم علي اهو واهله نفس حركه اهل زوج ايمان وطلعني من الجامعه وفرض علي قيود عجيبه غريبه حتى الزواره اذا بغيت اروح بروحي يقوللي انتي تفتشلين من عيالج وربي شاهد علي اذا عيالي شافو وايد ناس يتوترون وماياكلون شي فعلشان جذي اخليهم بالبيت خدامتي سنعه وتعرفلهم وهم انا محتاجه وقت اكون فيه بروحي بس وين اللي يفهم.
طبعا اهو مايحط ايده بشي ولايدري عن عيال او طبيب او حتى يجابلهم لو5 دقايق جنه يايب خدامه مو زوجه وصج صج هاملني بصورة مو طبيعيه بس مجرد يعطيني مصروف حق البيت وماجله البيت وبس. وانا طبعا بالطقاق يعني عنده حياتنا طبيعيه ومافيها شي.اشلون واهو عايش حياته جنه مو متزوج طلعات وروحات ويرجع بس ينام ويجابل التلفزيون واذا قعد لاسالفه لا حجوه واذا سولف تهاوش واذا قلت بروح مكان او بزور اول سؤال : عيالج تخلينهم بروحهم؟؟ يعني يحسسني بذنب لدرجه اني اهون عن الطلعه. انا اللي اسفه هالمره لاني جد تعبت من وضعي ومو عارفه اشلون اتصرف وتعبت من حياتي جد جد حقكم علي بس والله مالي غيركم اشكيله

 

[ناني سيكرتس]

وي الله يعينكم ويعينا ان شاء الله, بس الي بعرفه ليش اهل الريل عبالهم ان العيب من المره, ليش العيب يمكن من الريال ولا منهم, يمكن هالصفه فيهم موجوده بس ما تحجوا فيها, ليش حاطين ان هالشي اكيد موجود بالمره وان اهي الي تييبه لعيالها , ليش المره تحمل بروحها مو الريال مشارك معاها..

ايمان: صدمتيني لما قلتي ان اهل ريلج يوزون ريلج عليج ويقولوله تزوج عليها, ابيه ليش جذيه..؟

اتصدقون عاد وحده انعرفها ولدها فيها توحد جايد تخيلوا لدرجه ان مافيه امل كللللللللللللللللللللللللش يتحسن مو يتعالج, حتى مدرسته قالوا اشكره حق امه ما نعتقد يتحسن ولدج واذا تحسن يمكن تحسن بطيئ حيل, والحين الولد صارله 4سنين بهالمدرسه وتوه يتحسن يمكن 1% ومسكين هالولد لا يتكلم ولا يدري وين الله قاطه وامه المسكينه على طول مجابلته, تخيلوا ابوه لما درا طلق الام وقط الولد عليها وقالها اشكره ان هذا المرض منكم مو منا, وكان اصلا اهله فيهم هالصفه موجوده, والحين المره مسكينه تزوجت واحد ثاني شايلها وشايل عيالها من ريلها الاولاني بصدر رحب ولا متضايق منهم كلش, الله عوض عليها المسكينه..

يا سنع: اذا انت عبالج حالة ولدج صعبه عشان ما يتكلم فهو اكيد عنده طريقه يتفاهم معاج فيها, هالي اعرفها ولدها ما اتصال ولا تفاهم كلش, يعني الحمد لله على حاله احمد..

مس هوبلس: الله يعينج والله عاد انت توم اسم الله عليهم, بس نصيحه لا تخلين الياس يهبط همتج وخليج متفائله والامل بالله موجود..

يا بنات انا ملاحظه ان انتوا كله تحسون بالذنب ليش مو انتوا الي قررتوا تييبون يهال فيهم توحد, هذا الشي الله كاتبه مو انتوا, تفائلوا وخلوا ايمانكم بالله والله ان شاء الله ما يخيب ظناكم ..

 

[wathoo7a]

الحمدلله حمدا كثيرا طيبا مباركا فيه,,,,الحمدلله على تمام الخلقه يارب ,,,يا بنات يقول الله و إن تعدوا نعمة الله لا تحصوها,,فتفكروا بالكلام هذا و قعدوا كل يوم عدوا نعمة الله عليكم راح تلقون إن الله مغرقنا بالنعم الصحه و الخير و الستر و أهلنل بخير و ديرتنا ما فيها زلازل و لا بلاوي أمراض و ناكل و نام شبعانين و مانحس بألم وووووووإلخ و تعوذوا من إبليس لإنه يدور ثغره للمسلم عشان يوسوس له و يكدره ,,,و كل ما يضيق خلقكم عددو نعم الله عليكم باليوم الواحد

 

[Emanova]

to all my friends here>> am going 2 the airport for omrah.... i will pray for all our children i hope 2 c u on soon bye all