البنات العزوبيات تفضلوا خل نسوي تجمع للفضفضة حيااااااااااكم

[اميرة المحبة]

مرحبا خوااااااااااااااااااتي الغاليات


بدت عطلة الصيف وانتوا عارفين شلون الجو غبار وحر ويضيق الخلق حق اللي قاعدين بالديرة وماقدروا يسافرون


كل وحدة فينا تقول لنا عن كل ما يجول بخطارها واحنا كلنا بنتفاعل معاها ونتواصل مع بعض



أتمنى من الجميع التفاعل يابنات لان فعلا ضيقة خلق وانا شخصيا ما احس بالراحة الا معاكم يا بعد عمري والله يشهد على كلامي


يالله انتظر منكم المشاركات الحلوة​

 

[Lemon Juice]

خوش موضوع والله

صاجه والله ملل وضيقة خلق , احنا من النوع اللي كلش مانسافر , ما نقدر ماديا ً وان فكرنا نسافر ما غير البحرين

إجازتي تبدي يوم الأحد تاريخ 22/6 بس أعتبرها باديه من اليووم

قاعده أفكر شسوي و وين أروح ؟!

ان قعدت بالبيت ملل وزهقه ماكو غير النت والتلفزيون

وان طلعت كل مكان زحمه ولويه والجو ما يساعد على شي أبي أرجع البيت بسرعه

محتاره ما أدري شسوي بعمري

ومن ناحية نوادي ما نوادي .. انا مسجله بالنادي العلمي - تصوير فوتوغرافي , بس هم هذا ممل وما يملي الفراغ بشكل كبير

ودي بشي يديد بس مو عارفه شنو اهو !!

صج صج زهقـــه

 

[green tea]

قووووووووه بناااااااااات شلونكم

حتى انا مو ناويه اسافر ولاني ماخذه اجازه وتوني سجلت بنادي رياضه وخاطري اب نوادي ثانيه بس مااااكوووووو وقت مع ان لا وراي ريل ولا عيال

 

[blue diamond]

ههههههههههه عيل وا عليه علي
عندي كورس صيفي ولما أخلص بدرس حق التكميلي بعدها تبدي السنه اليديده بس خلال هالفتره قلت اتدرب بمكتب او اني اماؤس السباحه عشان ألهي وقتي بشي مفيد
وماكو سفر على هاللويه صج اكسر الخاطر

 

[الدم البنفسجي]

بالتوفيق لكم بنات


بس انا مو عزوبيه تسموحون لي ادخل ولا اضف ويهي خخخخخخخخخخخخخ

 

[^وجد قلبي^]

لوووووووول وانا بعد وياكم ..

عندي صيفي قطيييييييييعه و بعدها شهرين عطله مع رمضااان اذا طلع اجازه واذا ماطلع شهر

 

[Luxurious]

انا بعد ماراح اسافر ضايق خلقي وقاعده بلبيت الانه جو واااااااااااااااااااااااااايد حلو وحتى لو اطلع كل مكان زحمه وانا لما اشوف جذي ودي ارجع البيت والحين انا بلببيت ياقاعده على نت او اشوف تلفزون او اقره قرأن واصلي لي ركعتين او انه اقعد مع امي واسولف وياها او مع خواتي او العب رياضه ابي انزل الوزن الي كسبته

 

[مس عسل]

صدقتي يا قلبي الجو حده حااااااااااار وغباااااار اشوه ان لقيتلي سفره اخر 7 بروح ماليزيا وتايلند بس قبل السفره ماراح يسليني الا وجودكم الدايم بالمنتدى علشان نتواصل مع بعض

 

[اميرة المحبة]

هلا وغلا بخواتي الغاليات ومشكوووووووووورين وايد عالتفاعل والله فرحتوني



اختي زين

حالج من حالي وترا عيدميلادي 21-6-1983 يعني يوم السبت صراحة كل مرة يجي عيدميلادي اتضايق لان ودي لو كنت متزوجة واحتفل فيه مع زوجي بس الله كريم
حبيبتي اشرايج تسوين معاي برنامج للصيف؟
انا باذن الله ناوية اسوي جدول للعناية بمجاميعوووووووو شعر وجسم وبشرة خو تعرفين شلون الجلوحة تحبنا ولازم ننفض عمرنا من هالغبار واللوعة ونسوي ماسكات وسنفرات والله يخليهم بنات المنتدى مو مقصرين الله يوفقهم يارب


اختي green-tea

كلنا يختج فاضيين ياليت عندنا ريل نحط مواهبنا فيه عالاقل في مجال للابداع تسوين له عشا ولا تكشخين ولا غيره
بس يااااااااااااااااااااااااااااااااااااااااارب يرزقنا كلنا قريب قولي امين
وانتي عاد سألي رفيجاتج عن النوادي ولله انا ودي اشترك بس اخاف اعود جسمي عالرياضة بعدين اتركها ويترهل جسمي


اختي blue diamond
يااااااااااااارب يوفقج يالغالية ونفرح بنجاحج ويعدي الصيف سهالة عليج يالغالية


اختي منار
افا علييييييييييييييييييييييييييييييييج انتي راعية المكان حبيبتي وكل متزوجة حياها تشاركنا والله كونج موجودة ومنورتنا بحد ذاته كنز ولاتحرمينا من دعواتج الحلوة


اختي legal
موفقة حبيبتي بالصيفي وخلي باقي العطلة نقاهم ونوووووووووووووووووم طلعي حرررة الصيفي اااااه جربته 4 مرات وطلع من خشمي بس وناسة مع رفيجاتنا


اختي Luxurious
عسى الله يوفقج يارب ويخلي لي حلوة اللبن انتي مع قائمتنا لاشغل ولا مشغلة ههههههههههه حبيبتي ماعندنا الا هالمنتدى الرائع وخلينا نكمل سوالف مع باقي الخوات


اختي مس عسل
ياقلبي عليج بالف عافية زييييييييييييين وحدة فينا بتسافر ايه ايه فاولي علينا هههههههههههههه وعسى ربي يجعلها احلى سفرات العمر لج وتستانسين فيها ونبي لما تردين بالسلامة تسولفين لنا عنها
ومن هني لهناك ما اوصيج لاتحرمينا السوالف الحلوة بهالموضوع وحياج قلبي




حبيباتي اتمنى ما نسيت احد وانتظر من كل خواتي المشاركة والسوالف والله يخلينا لبعض


خااااااااااالص تحياتي​

 

[blue diamond]

ان شاء الله حبوبه
ودعواتكم لي ان معدلي يرتفع قبل ما يرتفع ضغطي

 

[almost a whisper]

هلا بناااات

خخخخ توني منزله موضوع اتحلطم فيه عن الزوارات خخخخ .. لو كنت شايفه هالموضوع جان ييت وتحلطمت اهني خخخخخ


الله يسلمكم انا بعد عندي تكميلي بهالصيف

بس قلت بشترك بنادي الفتاة تنس

شوفوا الموضوع بتوقيعي عفيه .. محتاجه احد يلعب وياي :tek:


انا من 10 ايام تقريبا راده من السفر .. والحين قاعده ويا اهلي

ابيخ شي الزوارات .. والزحمه بالليل

الله يعينا

 

[أشواق]

بليييز بسكم كفايه كفايه ما جرا منكم كفاايه

حراام عليكم ذبحتني العنووسه

لا ومفلسه هالاياام يعني لا طلعه ولا ريل

 

[مس عسل]

حبيبتي أميره المحبه
انشالله كل وحده من بنات المنتدى تنول اللي في بالها ووعد مني كل يوم اشارك بهالموضوع لي يوم سفرتي وبس ارجع راح اقولكم عن احلى المواقف اللي مريت فيها واحلى المناطق علشان اللي الله يكتب لهم ويروحون بعدي يستفيدون والله يعلم اني راح اشتاقلكم وايد مع اني توني مشتركه في المنتدى بس احس انه صار بيتي ال2

 

[كلنا خوات]

طيب ماعندكم دار لتحفيظ القرأن
انا مثلكم و ودي ادخل دار للتحفيظ القرأن ينفعني في ديني ودنيتي

 

[mothaqafah]

سلالالام عليييييييييييكم
اي والله خوش سالفه هذي
انا مومتأكده بسافر والا لا :>:>:>

وبصراحة مادري شلون يتقزر هالعطله خصوصا اني تخرجت ويكون انطر الوظيييفه يعني عطوني 3 اشهر والا اكثر

عاد اقضي وقتي حاليا بالنت والتي في ووووو الطلعااات وزواارااااااااااااات والاكـــــــــــــــــــــــــــــــــــــــــل


وشكرا

 

[BlueGirl]

خوووش موضوع اميرة المحبة انا وعليه عليي تخلصت من البطاله و بداوم وناسه و مو وناسه و ما اقدر اسافر توظيفي يه بوقت مو شي بس هم الكويت حلوة اتينن كل شي فيها
الحين مادري شفيني على الغوص لوول لا تسألوني ليش مع اني ماعرف حتى اسبح عدل بس بشترك بنادي غوص باخذلي كورس و بعد الدوام سيييدا العصر و بكتشف البحار اكيد راح يكون وناسه ويااااااحلو حياة العزوبيه و الاستقلال
اتمنى لكم صبف رائع و ممتع

 

[blue diamond]

الله يسلمكم انا بعد عندي تكميلي بهالصيف

حبوبه التكميلي بأي ماده وبأي كليه يمكن نفسينشد من أزر بعض ​

 

[blue diamond]

بلو غيرل جنج انا اموت على شي اسمه سباحه وغوص
عاد نصيحه جربي الشي تراها متعه مو طبيعيه

 

[شندوخه]

احنا كنا بنسافر ومخططين وكلشي بس تجري الرياح بما لاتشتهي السفن ابوي مايقدر ياخذ اجازه لان المساعد ماله باجازه مرافق مريض الله يشفي مريضهم

 

[[]نهاوند[]]

وانا بعد وياكم وماكو سفر هالسنه بسجل بنادي صحي شهر 7 بخسس ذبحتني هالشحوم ودي اصير سمبتيك << تتحلم :dddds:

وانا اصلا ماحب الطلعات فوقتي اقضيه بين النت والتلفزيون والقراءه واذا تعدل المزاج دشيت المطبخ وبدعت _03BA:​