السلام عليكم اشلونكم خواتي
الصراحه حدي محتارة مع بنتي عمرها 3 سنوات و4 شهور بدت تتشنج من كان عمرها 10 شهور أول مره تشنجت بعد خرعه يعني كانت خايفة من لعبه وبعدها تشنجت سوينا لها تخطيط مخ مرتين يبين ان فيها بؤرة كهربا - وقامت تتكرر عليها التشنجات مره بعد 10 شهور ومره بعد شهرين وبعدها وصف لها الدكتور دوا (ديباكين) ومن خذت الدوا وهي تعبانه ما تاكل وشعرها صار خفيف وقامت ماتقدر تركض ولا تصعد الدرج وقامت تسعبل وتعرج وقامت تتكرر عليها التشنجات بس بصوره ثانيه صارت نص جسمها وبعد العلاج بسنه وشهرين سوينا لها رنين مغناطيسي طلع ان الدوا مسبب بدايه ضمور بالدماغ مع ان اسم الله عليها كانت طبيعيه وما فيها شي لما الدكتور شاف الأشعه المغناطيسية قال والله أنا ما أدري اذا كان هذا بداية حق شي ثاني (يقصد تخلف) المهم حولها حق اختصاصي أمراض عصبيه ولما رحنا ناخذ موعد عطونا موعد بعد شهرين ونص خلال هالفترة أنا خففت لها الدوا بالتدريج ووصلت لي نص الجرعة تقريبا بدت تتحسن حالتها شوي وقال لنا الدكتور زين ان تخفيف الدوا مشى معاها بس احنا بنعطيها دوا ثاني (كبرا) وهذا مافيه أعراض جانبيه لما رجعنا البيت شفت الوصفة الا نقس الأعراض الجانبية حق الدوا الثاني بس أكثر _ حركات لا ارادية -فقدان شهيه -تشنجات _ اكتئاب -عدوانيه000000000
المهم قررت اني ما أعطيها الدوا الجديد والدوا القديم خففته لما قطعته بالمرة المهم ألحين صحتها أحسن من حيث الشهية والنشاط و وقف التسعبل بس لي ألحين التشنجات مستمرة مرات على فترة عشرين يوم ومرات باليوم مرتين
وديتها عند اختصتصي أعصاب بالأميري قال انه يعالج كبار بس
تدرون اشقال لي قال ان هناك 3 أنوع للتشنجات نوع يتوقف مع الدوا وهو60% ---ونوع يوقف مع نوعين أو 3 أنواع من الدوا20% ---ونوع ما يتوقف مع الدوا وهو20 % وهو النوع اللي عند بنتي
قال اني لازم أعطيها الدوا (كبرا) لمدة على الأقل 6 شهور وان الدوا ماراع ينفع وياها وراح يأثر عليها بس كل هذا علشان نثبت حق الاستشاري اللي يتابعها ان الدوا مونافع وياها ولازم نسفرها بره !!!!!
ولما سألته ليش كل هذا خل نسفرها ألحين - قال ان يمكن بره يعطونها نفس الدوا ويردونها الكويت
المهم ان أبوها يقول مانبي نعالجها ولا نبي نسفرها ان هالحاله تصير حق اليهال وتروح بدون علاج
لأن أخوي كان فيه نفس الشي وراح منه لما صار عمره 6 سنوات راح منه والحمدلله
السؤال ان هل أطنش وأصبر لما يصير عمرها 6 سنوات والا أسفرها بره وأفحصها هناك مع ان الميزانيه ما تسمح ؟ تكفون عطوني رايكم وخاصة اللي سامعين بحاله مثل حالتها
الصراحه حدي محتارة مع بنتي عمرها 3 سنوات و4 شهور بدت تتشنج من كان عمرها 10 شهور أول مره تشنجت بعد خرعه يعني كانت خايفة من لعبه وبعدها تشنجت سوينا لها تخطيط مخ مرتين يبين ان فيها بؤرة كهربا - وقامت تتكرر عليها التشنجات مره بعد 10 شهور ومره بعد شهرين وبعدها وصف لها الدكتور دوا (ديباكين) ومن خذت الدوا وهي تعبانه ما تاكل وشعرها صار خفيف وقامت ماتقدر تركض ولا تصعد الدرج وقامت تسعبل وتعرج وقامت تتكرر عليها التشنجات بس بصوره ثانيه صارت نص جسمها وبعد العلاج بسنه وشهرين سوينا لها رنين مغناطيسي طلع ان الدوا مسبب بدايه ضمور بالدماغ مع ان اسم الله عليها كانت طبيعيه وما فيها شي لما الدكتور شاف الأشعه المغناطيسية قال والله أنا ما أدري اذا كان هذا بداية حق شي ثاني (يقصد تخلف) المهم حولها حق اختصاصي أمراض عصبيه ولما رحنا ناخذ موعد عطونا موعد بعد شهرين ونص خلال هالفترة أنا خففت لها الدوا بالتدريج ووصلت لي نص الجرعة تقريبا بدت تتحسن حالتها شوي وقال لنا الدكتور زين ان تخفيف الدوا مشى معاها بس احنا بنعطيها دوا ثاني (كبرا) وهذا مافيه أعراض جانبيه لما رجعنا البيت شفت الوصفة الا نقس الأعراض الجانبية حق الدوا الثاني بس أكثر _ حركات لا ارادية -فقدان شهيه -تشنجات _ اكتئاب -عدوانيه000000000
المهم قررت اني ما أعطيها الدوا الجديد والدوا القديم خففته لما قطعته بالمرة المهم ألحين صحتها أحسن من حيث الشهية والنشاط و وقف التسعبل بس لي ألحين التشنجات مستمرة مرات على فترة عشرين يوم ومرات باليوم مرتين
وديتها عند اختصتصي أعصاب بالأميري قال انه يعالج كبار بس
تدرون اشقال لي قال ان هناك 3 أنوع للتشنجات نوع يتوقف مع الدوا وهو60% ---ونوع يوقف مع نوعين أو 3 أنواع من الدوا20% ---ونوع ما يتوقف مع الدوا وهو20 % وهو النوع اللي عند بنتي
قال اني لازم أعطيها الدوا (كبرا) لمدة على الأقل 6 شهور وان الدوا ماراع ينفع وياها وراح يأثر عليها بس كل هذا علشان نثبت حق الاستشاري اللي يتابعها ان الدوا مونافع وياها ولازم نسفرها بره !!!!!
ولما سألته ليش كل هذا خل نسفرها ألحين - قال ان يمكن بره يعطونها نفس الدوا ويردونها الكويت
المهم ان أبوها يقول مانبي نعالجها ولا نبي نسفرها ان هالحاله تصير حق اليهال وتروح بدون علاج
لأن أخوي كان فيه نفس الشي وراح منه لما صار عمره 6 سنوات راح منه والحمدلله
السؤال ان هل أطنش وأصبر لما يصير عمرها 6 سنوات والا أسفرها بره وأفحصها هناك مع ان الميزانيه ما تسمح ؟ تكفون عطوني رايكم وخاصة اللي سامعين بحاله مثل حالتها
