رد: إذا أنتي مطلقه شاركينى؟
هلافيج الغاليه نونو
انا مو صغيرة انا عجيزكم
انا عمري الصراحة هالسنة 36 سنه
بس تخيلي
ماادري ليش تزوجت هالانسان ماادري
حسافه راح العمر ولا تهنيت بشبابي عزتي لحالي
والحسافة اني صبرت على همجيته و معاملة اهله والقهر والضيم
كود يعوضني ربي بعدين و اهو يذكر لي طيبي فيه و بأهله
تخيلي يوم قوا عوده راح واعرس وعذره يبي الولد مع انه بكري ولد
انا شذنبي اذا نسلي بنيات
حسيبه ربه حسيبه ربه
كل يوم اموت الف مرة من الذكريات
وبقلبي غصه كبيرة و الله احس ساعات انه المفروض مثلي مايعيش دام تاليتها انهان من اعز انسان
ما تخيلت بيوم يسوي فيني جذي
يوووه بداخلي بركان دموع و ضيم سنين مير شكواي لربي
ياربي انت تعلم اني اخذته فقير حافي الدين كاسرن ظهره
و قويته
ياربي انت تعلم اني خذيته ولا بيوم دللني ولا كلمني مثل خلق الله ورغم هذا مابيوم اهنت اهله او قليت ادبي على خواته
ياربي انت تعلم اني حبيت اهله وعطيتهم من روحي و دمي وحلالي ووقتي وعمري كله والله مرضاة لك ياربي ومرضاة له وتقديرا وحشمة لزوجي بوعيالي
وتاليتها يارب ماحصلت كلمة تطيب خاطري لامن خالة ولامن حموات
تاليتها يارب يتبلوني ويحطون فيني امراض ماهيب فيني بس عشان تعبت من الحمايل
ياربي انت تعلم اني قضيت عمري كله ادور رضاه والله يعلم يابنات اني ذقت منه سم هاري من معاملة من كلام من حقران ومن هجر
قلت يالله يابنت اصبري
باجر رويسج و رويسه تسندون بعض وانتم شياب وتتقاعدون وتجابلون بعض وعيالكم
واخرتها يوم صرت تعبانه طار ودور له عروس
الله و اكبر كيف ينسى
الله و اكبر عليه يابنات
مافكر عياله ماكلين جوعانين نايمين صاحين
مراضى متعافين
منو فيهم تفوق منو فيهم سقط لاسمح الله
عيد ورى عيد يمر ماحط بيدهم العيدية
وهناك معاها يشيل وليده فرحان فيه وفيها
لاحول ولاقوة الا بالله
هذا القهر
لي كسرتي من ضلوعج وشبيتي صدرج من الضيق لاجل يتوسع ولا ينكسر خاطره جدام اهله وربعه
واخرتها ؟؟؟
تسقطين من قائمة حياته انتي وبيتج وعيالج وكل شي يتعلق فيج يصبح ماضي وانتهى
يوووه لو اتكلم ماانطق الا الدموع مير عسى ربي يفرج ضيقتي وهمي
هي كلمة وبخاطري اقولها
انا ادري ياربي اني طحت من سجل حياته وانتهيت
بس عندك ياربي مااطيح
انا ادري اني بنظرهم كرت واحترق
بس عندك يااارحمن ماابي الا العوض بعيالي والجنه
يارب العباد
سدد عني ديون كالجبال كلها كانت له
و فرج عني هموم كالجبال كلها كانت منه
يارب مالي سواك فهل تجيب المضطر اذا دعاك
بحق رسولك عليه الصلاة والسلام انك تنصرني على من ظلمني
وترد كيدهم لنحورهم
.
