لحقوا جهاز نحت مثل السحر

[نور قلبه]

مكانه في منطقه الرقعي ورا فندق سفير الرقعي
الجهاز يكسر خلايا الدهن الي تحت الجلد ويردها بالدم يعني العمليه عكسيه تصير الدكتور يعطيج حبوب حق الدهن الي يرد بالدم تاكلينهم قبل الاكل بنص ساعه و يقولج قللي من الدهن بالاكل
بنات الجهاز ما ينفع حق المتان حيل و يبون يضعفون لانه مو سحر الجهاز حق الي عندهم منطقه مظايقتهم بجسمهم مثل الكرش والارداف و الزنود

 

[دمعة يراع]

خوش شي ...

بنات ينفع للخصر بس ؟؟؟

 

[mishmisha]

up


up

 

[هجورةالحلوة]

شنو اسم الجهاز

 

[miss_ant]

بنات مضمونة ؟؟؟

 

[إنسانة]

يبيلة تجربة

 

[أسرار الطبيعة]

لأني أحبكم أنقل لكم تجربتي الشخصيه مع أغلب العيادات ومراكز التجميل
وللعلم وزني من بداية مراجعتي لهذه المراكز كان 65 وبعدين بدأ يصعد لين وصلت سبعين
يوم وصل لرقم سبعين ضاق صدري وبقوة لأنه ماعمري وصلت للوزن هذا فبدأت في طرق باب عيادات التجميل
ولكم أن تتخيلوا بداية من جلسات المساج إلى أجهزه التنحيف اللي منها الفيلا وأبر الميزوثرابي
وقبلها كانت جلسات شد الجسم بساعتين اللي يقولون لك عليها ضمان ولما تخلصين منهم تقولين وين اللي ضعفناه يقولون انت ما يبين عليك لأنك مو سمينة ! والأجهزة السابقة كانوا يقولون لي ما تمشي إلا عليك لأنك بالأساس محافظه ...، وكلها والله حجي فاااالصو ، بلاعين بيزه ما وراهم والله فود
تبيون تضعفون عليكم بالرياضه ، سباحه ، شرب ماء بكثره وهذه اشدد عليها ، والصيام أجمعي النوايا
نيتك تتقربين لله ، ونيتك تضعفين.. ونيتك أنك تلاقين من يقلدك في البيت وهكذا ( عبدالرحمن بن عوف- رضي الله عنه- كان تاجر نوايا)
ما اشتت أذهانكم في الموضوع ، زبدة الحديث أن اللي يبي يضعف لابد له أن يبني الرغبه أولا الداخليه بالهدف وتالي يقرر قرار جاد ما منه رجعه
النظام سويه بنفسك ، الأكل الصحي كلنا نعرفه ، والطرق المختصره لنزول الوزن محد يغفل عنها
نزلت بنظامي الخاص من سبعين إلى وزن والله سبع وخمسون وما أجمله من وزن
من بعد كنت ألبس 16 اصبحت ألبس 10
كله بفضل الله وقراري الشخصي مو تردد على عيادات وأجهزة
نسيت لا أقول لكم : في السابق كانوا يقولون لي حبي وراح تضعفين وكنت اتمنى أحب وحصل

 

[Miss_Moon]

واو الله يتمم عليج اسرار الطبيييعه

 

[brown eyes]

ليش انا لمه حبيت زاد وزني ؟؟؟
اختي - نور قلبه - الحبوب الي اخذتيها مالها اثار جانبيه ؟

 

[gold hard]

أنا رحت المركز البدع الطبي اللي بالرقعي وسجلت بس مو 20 ب 150 والحين خلصت الجلسة الثانية وبصراحة ما لاحظت تغيير كبير في جسمي بس حسيت ان الدهن توزع بالجسم وما نزلت ولا كيلو بس الي ضيق خلقي اني أنا سألت الممرضة الي شغالة على الجهاز عن الlpg وقالت أنه أحدث من هذا الجهاز بس إنه هذا أرخص

 

[امبراطوره]

تسلمين عالموضوع بس انا اخاف من الشغلات هاذي ما تدرين شنو اثارها الجانبيه بعد مده شنوووو؟؟؟؟؟؟

 

[تغريد الطيور]

أقول يابنات سدوا إحلوجكم عن الأكل وأمشوا كل يوم وانتم تضعفون واهم شي الإراده اذا عندج إراده

بتضعفين وخلو الخرابيط عنكم وحده تمدح والثانيه تذم ديروا بالكم لا تعبثون بأنفسكم .وهذا نصيحه لوجه الله:68_asmilies-com:

 

[bombo]

المشكله اهي مو بس بالضعف المشكله بشد الجسم

 

[لالوش]

انا سمعت ان اجهزت النحت نشط الخلاية السرطانية والله اعلم

 

[**Jumana**]

انزين يرد الجسم والا يضل؟؟

اذا الجهاز اهو الال بي جي فانا مجربته وايد زين بس انا رديت بس مو على طول لا تميت بعد حوالي اقل من سنه

فاظن انه لازم الوحده تستمر على هالاجهزة

الله يعينااااااا

 

[شيهانه]

أنا رحت المركز البدع الطبي اللي بالرقعي وسجلت بس مو 20 ب 150 والحين خلصت الجلسة الثانية وبصراحة ما لاحظت تغيير كبير في جسمي بس حسيت ان الدهن توزع بالجسم وما نزلت ولا كيلو بس الي ضيق خلقي اني أنا سألت الممرضة الي شغالة على الجهاز عن الlpg وقالت أنه أحدث من هذا الجهاز بس إنه هذا أرخص

حبيبتي ان شاء الله ما اتخسرين وتضعفين وتصيرين رشيقه بس شنو اسم الجهاز بالضبط وبكم الجلسه ..؟؟

 

[وردة بيتنا]

مشكورة حبيبتي ( اغلى الناس ) على الموضوع الحلو

يزاج ربي كل خير ، الله يرزقج كل خير

اختي ( اسرار الطبيعة ) حيل عجبني ردج و شجعني . يزاج ربي كل خير

 

[Baby^Bop]

تسلمين يا أسرار الطبيعة وربي يتمم عليج ان شاء الله

 

[مالفينيا]

ميرسي على الموضوع

 

[ورده ودلوعه الكويت]

احسن من الشفط والعمليات
يسلموو على المعلومه