بنااات شلون تغسلون لفاااتكم؟؟

[chocolate cake]

السلام عليكم

بناات شلونكم ؟ شخباركم؟؟

بليز خلونا نستفيد بطرقكم و افكاركم

شلون تغسلون لفاتكم ؟؟

انا كنت استخدم الشامبو اللي حق العبي و اللفات و طبعا بنغسلون بالايد

بس الحين انا بأمريكا و مو عارفه اغسلهم بشنو مابي الصابون العادي

فبليييز ابي افكاركم

 

[القبله]

و الله حبيبتي انا ملافعي ما اغسلهم بالبيت دايم اوديهم المصبغه

 

[adool70]

الافضل شامبو العباية الوردي

بس ما يمنع انج تستخدمين شامبوات الشعر مثل جونسون - مؤقتا -

لحدما تحصلين على اي شامبو خاص بالاقمشة الرقيقة

 

[SILVER ROSE]

انا بالايد وشامبو العبايات واذا كنتي بامريكا استعملي شور جل

 

[chocolate cake]

القبله

والله المصبغه اريح بس انا ماقدر اوديهم المصبغه هني شكرا لج عزيزتي

ادول

اي والله جني مره شفت صتبون غسيل الاقمشه الرقيقه والله نبهتيني يبيلي روحه حق الجمعيه و ان شالله القى شكرا لج يالغاليه

سلفر روز

والله فكره حلوه راحت عن بالي بجربها باجر ان شالله
شكرا لج حبيبتي

 

[دراعه كشخه]

اي شامبو شعر ريحته حلوه
عندج شامبو هيربل

 

[موزة ام فارس]

اغسلهم بصابون لولو بالليمون بس اخففه طبعا

عجييييييييييب

 

[كوكيز]

السلام عليكم ،،

إذا لفتج ما فيها تطريز عادي .. غسليها بايدج ..

اذا فيها تطريز .... او ستراس .. انا اوديها Dry clean

بس ودي لو اعرف شلووون اغسلها في البيت من غير ما تخترب

Goodluck

:eh_s(8):

 

[موزة ام فارس]

السلام عليكم ،،

إذا لفتج ما فيها تطريز عادي .. غسليها بايدج ..

اذا فيها تطريز .... او ستراس .. انا اوديها Dry clean

بس ودي لو اعرف شلووون اغسلها في البيت من غير ما تخترب

Goodluck

:eh_s(8):

بصراحة اختي أقط اللفات بالغسالة والدوران يكون على الخفييييييييف

 

[مس فروله]

عادي بالغساله اذا ماكان فيها شوارفسكي او شي ثاني

اما اذا كان فيها تطريز او اكسسوار وحركات لا عند المصبغه

 

[@فافى@]

صراحة احسن شى غسلية بليد بشابوا الشعر واكوية بلبخار واذا كان اسود بشامبوا العباية غسلية

 

[كندية]

والله انا اغسلهم ابشااامووو العاادي ماال الشعر..وبس...لان الغساااله مااتنفع اتنتفهم ....

 

[الفريده]

غسلى الملافع والعبى كلها بالأيد عشان لا يتغير لون الملفع واذا مالقيتى شامبو عبى بأى شامبو للشعر عادى

 

[y7lok_7loho]

عادى الشامبو العادى مال شعرج بس تحطين شوية مو تكثرين وغسليهم بايدج وبس

 

[social-work-]

اتوقع انسب شي صابون الملابس الرقيقه او صابون ملابس الاطفال

 

[رويال ديزاين]

شامبو شفاف .. يعني مو أبيض مثل بانتين و لا هيد آندشولدرز هذول مو شفافيين ..
جونسون
هيربل
هذول وايد حلوين ..

حطي طشط صغيرون .. و حطي فيه ماي فاتر مو بارد و لا حار و حطي كم نقطه ممن الشامبو لمن يرغي الماي..
حطي الشيله و وين أماكن الوسخ فركي شوي أما الباجي مالازم فرك ...

إشطفيهم عدل و غسلي الطشت .. و حطي ماي نظيف و نقعيهم عشان تنزل كل بقايا الشامبو ..
و عقب شيليهم بدون لا تلفينهم عشان تنزلين الماي .. لا خليهم مليانين ماي و علقيهم بعلاق ملابس و خليهم معلقين بالحمام أو بأي مكان نظيف و إذا خايفه يبللون الارض نفس الطشت خليه تحتهم فاضي ..
وسلامتج ...