تقرين روايات؟؟ تعالي قولي رايج ..

[E7SAS]

انا عن نفسي قاعد اقرا روايه المنتظر للكاتب عبدالله غازي المضف

 

[^SwEeTa^]

بنات أكو روايه اسمها (نساء المنكر) .. للكاتبة سمر المقرن .. في وحده منكم قرتها؟؟

تكفون شنو انطباعكم عنها؟؟

انا وايد لاعت جبدي من الدنيا يوم قريتها .. الصراحة كلش مو شي!! ------ (وجهة نظر لا أكثر)

و ما أدري على أي أساس سموها روايه؟؟ اهي جنها وحده كاتبه خواطر على نتفه كلام!!

عالعموم .. ما أنصح فيها .. مو بمستوى الضجة اللي صارت حوالينها!!

 

[تفاخيه مبطوطه]

احساس ... ياليت تعطينا رايج فيها لما تخلصين منها .. وحياج الله

سويتا .. سمر المقرن اهي اللي قابلوها في تو الليل؟

الظاهر كانت تتكلم عن هالروايه

عن نفسي ماقريتها .. ولاعمري قريت حق كاتبه عربيه دايما اقرى لكتاب عرب


انزين بنات منو قاريه زقاق المدق حق نجيب محفوظ؟

 

[وردة بيتنا]

الله . حلو الموضوع . مشكورة اختي تفاخية مبطوطة

انا احب اقرا ل أغاثا كريستي . وايد احب قصصها

 

[تفاخيه مبطوطه]

حياج الله يا ورده .. والأحلى مرورج على الموضوع

 

[supermarket]

تفوووووووووووووخ كح كح كح انتي وييينج !!

انا من زمان عن الروايات ... مكودين عندي كل ليلة اشوفهم ويشوفوني

 

[تفاخيه مبطوطه]

اي والله حدي قديمه هههههههههه

حسيت احساس لما تحكين الفانوس ويطلع لج العفريت هههههههه شبيك لبيك


والله انا نفس حالتج يا سوبر ماركت .. اشكثرهم مكودتهم على غير سنع ... الحين بيدي روايه اجنبيه اسمها you know you love me هديه من رفيجتي .. قاعده اتسلى فيها هاليومين ان شاء الله اذا خلصتها انقدها لكم

 

[سنفــــــور غضبـــــان]

انا ماعمري قريت لكاتب عربي .. أحسه ملل خخخخخخخخ


قريت رواياااااااااااااات شكثر لاغاثا كريستي


وامس شريت رواية ذهب مع الريح .. انا شفت الفلم
بس قلت اقرا الروايه خخخخخخخخخخخخ

امي تقول انجنيتي .. الفلم شفتيه .. والقصه عرفتيها

بس شريتها وقريتها خخخخخخخخخخخخخخخخخخ
ولو انها جزئين بس صج صج استمتعت


بنات منو قراها فيكم ؟؟

--

انا احب الروايات البوليسيه والرومنسيه

 

[f6oooma]

انا حاليا اقرا summer's end حق daniell steel حلوة ليلحين بس ما كملتها


سنفور غضبان انا قريتها وشفت الفلم وااااايد حلوة بس الصراحة النهاية تحطم ..ظليت مدة وانا اقول مو معقولة لازم اكو بعد جزء ..ماني حارقة على اللي ما يعرفها بس اكيد انتي فاهمتني صح؟


وعقب دانييل ستيل ببدي ان شاء الله برأفت الهجان الصراحة من زمان متشوقة ودي اقراها

منو فيكم قراها؟

 

[f6oooma]

اكثر شي احب اقراله يوسف السباعي امووت عليه..منو تعرفه وشرايكم فيه؟؟ و أحب مترجمات المنفلوطي ماجدولين والفضيلة وايد حلوين...

لي رجعة ان شاء الله

 

[تفاخيه مبطوطه]

سنفور غضبان .. صورتج الشخصيه تهبل ههههههه اموت على هالشخصيه بالبباي ... المهم نرجع لمحور حديثنا ... اذا ماقريتي لكتاب عرب بلشي اقري حق يوسف السباعي .. اسلوبه جنج تشوفين الفلم جدام عينج .. اقري ( ناديه ) حلوه وخفيفه :eh_s(15):

وذهب مع الريح لما الحين لا شفتها ولا قريتها .. عندي الروايه بس مابلشت فيها بعدي صافه دور مع رفيجاتها :eh_s(3):

فطومه ... انا اكثر كاتب احب اقراله اهو يوسف السباعي ... ماكو تفلسف اكثر من اللازم ولا يشطح عن القصه مثل باجي الكتاب .. صج مزاجي :eh_s(20):

شنو قريتيله؟

 

[f6oooma]

صاجة يينن حتى انا اكثر واحد احبه

قريتله فديتك يا ليلى ونادية وبين الأطلال ولست وحدك هذي ما أنصحج فيها وقريتله ابتسامة على شفتيه وإني راحلة و عندي السقا مات بس لليلحين ما قريتها انتي قريتيها؟؟يقولون تقمت القلب

بعد قريتوا حق ليلى العثمان؟؟

 

[^^نـــواره^^]

- والله احب كل الانواع وعلى حسب القصة نفسها بس اكثر شي احب الاجتماعية خصوصا قصص المراهقين ومشاكلهم

2- Christin Dodo + Julia Quinn

3- P.s. I love You وااااااااااااي عوار قلب لا يروح بالكم بعيد، ترى الرواية عن وحده مات زوجها وكان كاتب لها 12 رسالة كل شهر تفتح وحده لمدة سنة وااااااااااي عوار قلب وكل ما اقراها ارد ابجي مرة ثانية

4- إذا بخطارج نقد على روايه سواء بناء أو هدام قوليه لنا يمكن يكون راينا من رايج: لا والله ما في بالي نقد هدام، كل انتقاداتي بناءا بس والله مالي خلق اكتب

 

[BaBy mOOn]

انا هم احب اجاثا وقريت لها الحصان الاشهب القصة وايد شدتني
فيها نوع من الدمج والخيال وتوضح الصور الي في القصة بنفس الوقت تخليج حيرانه شنو النهاية
انا من طبعي اشوف القصة من النهاية وخلاص افهم لكن اهي مهما تحاولين مستحيل تفهمين

 

[f6oooma]

بيبي موون قريتها الحصان الأشهب واااي صج عجيبة

نوار القحطاني منو كاتب p.s i love you?

 

[أجاثا^كريستي]

شكرا على الموضوع الحلو وانا احب اني اقول ان الكاتبة الاولى عندي واحب اقرى رواياتها اهيا اجاثا كريستي من غير منازع وبعدها يبدون الكتاب الاجانب بس مترجمة للعربي او للغتين وكل روايات اجاثا عندي تقريبا ماعدا جم رواية بس اما الروايات الثانية فانا قريت رواية اسمها ذات الرداء الابيض من ارررررررررررررررررررررررررررروووووووووووووووووووووووووووع الروايات من جزءين وهم رواية ريبيكا قمة بالروعه عن وحده الناس يتكلمون عنها وعن حركاتها ولبسها واهيا مو بالرواية اصلا واللي قريتهم مايكفون ملف كامل اذكرهم فيه بس اللي تاثرت فيهم صج وقريتهم كذا مره اهما اولا ذات الرداء الابيض وريبيكا وعرين الدودة البيضاء تخخخخخخخخخخخخخخرررررررررررررررررررررع وقصص لادجار الان بو السوداوي الفكر وقصص ستيفن كنغ روووووووووعه وخصوووصا روايته تعاسة او ميزري وسوو فلم عليها وسيد الذباب قصه تخوف والعطر قصة جريمة تخرع وغيرهم واجد بس اذا بجي على النقد انا بالنسبة لي كل قصة حلوة وممتعه بس بايطارها الخاص فيها يعني الجريمة حلوة كجريمة والاجتماعية حلوة والعاطفية مثل جين اير تهبل وانا كرنينا تهبل وتبجي النهاية كل وحده حلوة بس بايطارها الخاص فيها وانا مااحب اللي تحكم على الرواية من البداية احب تقراها كلها بعدين تحكم لان رايها بيكون اوضح وبيتغير طبعا مع الاحداث وشكرا على هالموضوع الحلو وياريت وحده تقرا روايات اجنبية تقولي احلى رواية قرتها ولمنو وشكرا لكم خواتي

 

[o.magic.o]

ايي والله خوووش مووضووع ..

لامار انا بعد اموت على أجاثا كريستي و دايما اقرى رواياتها
و استاااااانس على بوارووو و مس ماربل لووول

آخر روايات قريتها كانت حق الكاتب دان براون .. اتوقع تعرفينه
قريت له " الحصن الرقمي,شيفرة دافنشي,حقيقة الخديعة" و دورت على ملائكة و شياطين
بس مالقيتها .. رواياته روووووعة شي مو طبيعي

و من آخر الروايات اللي قريتها بعد حق نيلسون ديميل
عنده رواية وايد شدتني .. اسمها wild fire أو عاصفة النار
تتحجى عن مؤامرة افتراضية لضرب العالم الاسلامي بالسلاح النووي
و اهو مألف هالرواية على اساس اشاعات تكررت بالنت
اهي شوي تنرفز بس يسوى الواحد يقراها
و قريت له ابنة الجنرال .. و هذي ممثلينها فلم

وبالنسبة حق الكتاب اللي انتي كاتبه عنهم .. قريت لهم
بس من زماااااااااااان لووول ..

قريت البؤساء و نساء صغيرات

قريت حق الكاتب تشارلز ديكنز " أوليفر تويست, أوقات صعبة, ديفيد كوبرفيلد"

و بعد قارية سيد الذباب حق وليم غولدينغ


ماكو أحلى من الروايات
..^ــــــــــــــــــــ^..



يعطييج العااافية ياقلبي عالموضووع الحلوو​

 

[الكلثوم]

أنا ودي أقرا رواية واقعية بحتة مثل حياتنا اللي نعيشها :gathering:
والصراحة اللي باط جبدي سوالف الحب وسخافتها :tek:
صار كل من هب ودب يكتب وهو ما يدري شطبخه :tomato2:
أحلى رواية : كبرياء امرأة وحب رجل
أحلى كاتبة : تحفة فنية واقعية حييييييييييل
وأسوأ رواية لو بنتقدها من اليوم لييييييييييييييي باجر ماراح أخلص اهي
بنات البدو و شباب الرياض




ميرسي بوكوب ع الموضوع الفورميدابل ::




الكلثووووووووووووووم

 

[عـــذوووب]

خوش موضوع

بالنسبة لانواع القصص احب كل الانواع المهم اسلوب الكاتب والقصه نفسها


وافضل رواية قريتها ما اقدر احدد بالضبط بس ممكن تكون رواية كبرياء وهوى prid and prejuice للكاتبه اللي اعتبرها من افضل الكتاب جين اوستين Jane Austen وهي القصه اللي قريتها اكثر من مره ومترجمه للعربي طبعا قريتها بالعربي ) وشفتها فيلم اكثر من مره بعد

ومن افضل ما قريت وانصحكم تقرونها مجموعه معروفه باسم مقتبسات المنفلوطي منها الشاعر والفضيله واصلا هي روايات فرنسيه بس ولا اروع واحس اللي ما يقراها ما قرا شي من شدة الابداع اللي فيها تندمجين بشكل مو طبيعي معاها

ومثل الكل قريت لاجاثا كريستي ومبدعه فعلا في مجال القصص البوليسيه

الروايات العربيه مااحبها كثير بس فعلا رواية نادية كانت رهيبه ليوسف السباعي
ورواية اسمها اللقيطة محزنه جدا بس روعه بعد لمحمد عبدالحليم عبدالله

ويسلموووووووووو

 

[yuyu-geek]

السلام عليكم حبايبي
بصراحة ما قريت الردود بس حبيت اساعدكم انا من محبي القراءة :eh_s(22): وايد وايد طبعا كل شي قريت ممكن الخص لكم اشياء يعني للاطفال المغامرون الخمسة مو اي مغامرون الي فيها البطل تختخ و و جميع قصص المكتبة الخضراء تذكرونها لووووووووووووول و حق المراهقين روايات عبير + اجاثا كرسي على طاري اجاثا تره بوارو بطل قصص اجاثا مات في قصه اسمها الستارة :eh_s(16): و ايضا احسان عبدالقدوس عنده قصة اسمها لا انام سووها فلم مصري قديم وقت الي قريت في القصة كنت صغيرة وايد وايد تاثرة فيها وايد وايد :dddds: و حق الاكبار ههههه ما ادري انا الحين صرت كبيرة و قريت اشياء بس بصراحة ناسية اسماء الكتب الي قريتها اذا تذكرت راح اقولكم بس ودي اقولكم عن كاتب اسمه جيمس باترسون عند قصة مترجمة للعربية حلللللللللوة اسمها ماري ماري تلاقونها بمكتبة جرير و هم قريت كتاب اسمة سواليف خاثرة لاحد الكتاب السعوديين يعني يوم قريت الكتاب لووووووووول لاحظت ان اغلب السوالف الي بالكتاب مسوينها حلقات ل مسلسل طاش ما طاش و ايضا اكو كتاب اسمة الحياة السرية لصدام حسين من القصور الى الجحور للكاتب أنيس الدغيدي قريت هذا الكتاب طبعا لاني ايام الغزو كان عمري 6 سنوات و اتذكر الي صار لنا ايام الغزو و البهذله الي كنا فيها فيوم كبرت حبيت افهم الي صار و هذا الكتاب قريته عدل مدل ههههههههههه فيه اشياء تضحك عن صدام اقروه راح يفسر لكم احداث كثيره انا ما كنت فاهمته و هم امدحولي كتاب اسمة المرأة تحب المنصتين للكاتب محمد النغيمش كا هو بيدي بس للحين ما قريته و الحين اكو شي جديد تشترين مكتبة كاملة تتالف من 1500 كتاب الله اي ادري هههههههههههههه طبعا بتقولون ما عندنا مكان و ما نبي السر انها لا تحتاج الى مكان هي عبارة عن فولدرات مقسمة لكل قسم يعني فولدر حق الروايات و فولدر حق كتب الطبخ و اخر اسلاميات و اخر يختص ب قصص الاطفال و هكذا كله تحطينهم عندج على الهارد دسك مالج ببساطة هههه وناسة عندي منه و ودي احطه لكم علشان تستفيدون بس ثقيل وايد و ما اعرف اشلون انزله لكم. طريقتة تكون من ملفات PDF و تتصفحين الكتاب صفحة صفحة جنة حاطته بيدج عجيب حته الغلاف موجود و كل شي ​

ردوا علي بليز قولولي اذا استفدتوا مني !!!! اوكيك


:33_1185028183::33_1185028183:​