يعطيكم العافية
أنا توني راده من ايران وللأسف رجعت بخفى حنين وما سويت العملية لسبب ان الدكتور اللي رحتله ما يسوي تجميل حق اللي بيسوون تجميل للتجميل ، ولكن حق اللي فيهم عيوب وتشوهات خلقية وكسور وغيره ؟
وأنا بصراحة خشمي تقريباً فيه عرض وويهي ضعيف ، فأمبين علي عرض خشمي ولكنه ما رضى وقال خشمج طبيعي
والله انه ضيق خلقي وايد وخصوصاً كانت وياي وحدة ويا ريلها وولدها يايين ناطرينه معاي للعملية وإهي وافق لها وأنا ما وافق لي ؟
قلت بقلبي خيرة ومو لزوم أسويها ، لكن قعدت طول الليل بالفندق أفكر ما نمت ، قلت الحين أنا ياية إيران وهي متروسة أطبة ، خل أكلم المندوب باجر الصبح يوديني عند دكتور ثاني زين ..
المهم .. أصبح الصبح ، وودانا المندوب عند دكتور قعدنا ننتظره ساعة ونص يالله شرف ، المهم شافني وقالي نفس كلام الدكتور الأولي بس قال يبيلج تصغير شوي ؟ قلت له إشلون ( طبعا هو ما يدري إن أنا مسوية دراسة وبحوث مركزة عن عمليات التجميل لمدة 7 أشهر ) قبل لا أيي له
فقال عادي ألم (أصغر) المنخارين ( nostrils ( الفتحتين وبس ؟
........ شفيني جني مصختها
قراري هو أنطر دكتور جمال هاللي جنه بيض الصعو نسمع عنه ولا نشوفه ، ومن ثم آخذ رأيه واستشارته ، أو إني أروح لمشهد عند الدكتو بور صادق اللي عليه كل هالمديح وأسمع أيضاً رأيه وأشوف
وسلامتكم
لا يضيق خلقج بس تره الدكتور ادرى انتي شنو تحتاجين وبالكس اذا اهوا فاهم وانتي مبين انج ماتحتاجي لازم مايسويلج . في دكاتره تجاريين على طول يرضون... تره حطي ابالج العمليه لها مضار
اهم شي اذا انتي معمة والدكتور رضا قولله لا يصغر الخشم وايد بحيث يبين مثل قه على جنب الخشم اا اسميهم بنس
مثل اللي بالنفانيف
خالد الحربي يمدحونه بس تره هم ممكن يقولج ما تحتاجين
احنا ما درسنا عن تجميل الوجه بس انا مره سويت بحث عنه وكل الدكاتره يأكدون انه مهما كان الدكتور شاطر وقت العمليه ممكن ما يقدر يسوي نفس اللي تبيه المريضه او اللي متفق عليه لانه تركيبه الخشم مكن تكون اصعب او غير عن اللي متوقعه قبل وهم مو كل اللي ببال المريض ممكن انه يصير ... بس مع هذا وايد سو وطلع حلو
دكتور بخارى اللي اب ام بي شي ما يركب جبس بس زقه وباسبوع يشيلها
في دكتور ابلبنان بس للاسف ماعرف اسمه بس شغله وايد حلو
