ديوانية بيت العمر

[ام وهابي]

ام وهابى الجرانيت اللى مركبتة 3 سم كم سعرة؟؟
حبيبتي انا مركبه2سم ومختاره جرانيت غالي لونه اسود مصدف مايل للزيتي وسعره 38 المتر

3سم يصلح للدرج البيت مو سطح المطبخ

 

[ام وهابي]

ماكو احدشدعوةردوا على ترانى جديدة على الموقع وقاعده أشطب بيتي حبيت أسئلك أم وهاب عن مطبخك للأن نفس الشركه بس ما إتفقت معاهم للحين اذا ممكن أشوف صور مطبخك [/b][/b]

حبيبتي والله انا واعده البنات بالديوانيه اول ما يخلص المطبخ راح اصوره
فعذروني ما اقدر زوجي ما رضى

 

[ام وهابي]

سارة ترى اذا بتسوين عند الرياض ما يحتاج اتحطين دجه لانهم يلصقون الالومنيوم بالارض اهوا قالنا جذي


سارة مسألة تخزين جدور بس يبيلج احجام مختلفة على حسب عدد الزوار اللي عندج ونفسهم للمرق والمعبوج وغيره

انتبهي فروحه راح يزيدون عليج السعر ويحسبون الامتار الزايده ما يخلون شي نصيحتي حطي دجه احسن لج وانظف

 

[ام وهابي]

الخزانة اللى تقولين عنها بايكيا انتى خذتى القطعة من عندهم ونفذوا الكبت حسب تصميمك

ساره الفكره منفذينها شركة الثريا بمعرضهم بالشويخ روحي شوفيهم

 

[sara3]

مساء الخير بنات


ام وهابى ابى عنوانهم والجرانبيت من عندهم ولا انتى وفرتية لهم من محل ثانى

 

[اخت فروحه]

اشلونكم بنات شخباركم ؟؟
شنو عندكم سوالف اليوم؟؟؟

 

[روزه]

بنات ابي اسالكم شنو ديكور السقف للمطبخ

 

[Loora]

السلااام عليكم

وأنا بعد قاعدة اشطب والللللللللللللللة دوخة راس

المطيخ الرئيسى حلاتة استيل والسقف أكيييييد ألمونيوم والأستل احلا واغلى

بنات بعد مفكرة أبنى طابوق حول الشولة ويمتد لفوق يمسك بالشفاط أشرايكم؟؟

حاليا يمرحلة أسود ومساح

 

[اخت فروحه]

بنات ابي اسالكم شنو ديكور السقف للمطبخ

اهلين
ديكور جبس حاله حال الغرف

 

[اخت فروحه]

السلااام عليكم

وأنا بعد قاعدة اشطب والللللللللللللللة دوخة راس

المطيخ الرئيسى حلاتة استيل والسقف أكيييييد ألمونيوم والأستل احلا واغلى

بنات بعد مفكرة أبنى طابوق حول الشولة ويمتد لفوق يمسك بالشفاط أشرايكم؟؟

حاليا يمرحلة أسود ومساح

حياج الله حبيبتي:

انا نفسج بمرحلة المساح وحطيت طابوق حوالين الجوله وايد يمدحون هالطريقة
بس بالنسبة للسقف الحين الموضة الجبس لان الالومنيوم صار قديم
انا نفسج كنت بحط الومنيوم وسألت وبحثت لما استقريت عالجبس وشوفي استفساري بالصفحات السابقة

 

[اخت فروحه]

كويتيات بسألكم عن التكييف المخفي مع الديكور في احد مسويه ووين رمسوينه هل البيت كله ولا الاستقبال والمعيشة والدواوين ؟

شنو مميزاته وسلبياته؟

 

[شيوخه]

ساره حبيبتي المورد صاير بمجمع الصقر بجانب الشايع نفس عمارة صيدلية هبه ي شغلهم وايد حلو والحين محد ياخذ رخام طبيعي اوجرانيت كله صناعي حتى المغسله تجي قطعه واحده نفس المستشفيات ترى وايد أنطف أنا خذيت المتر ب120 والسطحه ب 70 بس ترى الأسعار من70 الى 220

 

[sara3]

مساء الخير

اشلونكم بنات

 

[sara3]

ساره حبيبتي المورد صاير بمجمع الصقر بجانب الشايع نفس عمارة صيدلية هبه ي شغلهم وايد حلو والحين محد ياخذ رخام طبيعي اوجرانيت كله صناعي حتى المغسله تجي قطعه واحده نفس المستشفيات ترى وايد أنطف أنا خذيت المتر ب120 والسطحه ب 70 بس ترى الأسعار من70 الى 220

مشكورة حبيبتى يعطيك الف عافية على المعلومات

 

[sara3]

بنات ابي اسالكم شنو ديكور السقف للمطبخ

جبس حبيبتى الدارج الحين وبين فترة وفترة تقدرين تصبغينة الالمنيوم كان فى السابق

 

[amani]

بنات بقيت مساعده أنا عندي سرداب وحوش ساقط أقدر اركب على السيراميك الموجود بالسرداب باركيه يعني ما يخترب وبالنسبه للجدران ممكن اركب ورق جدران للعلم أنا حاطه بالسرداب وحدات نفس السنترال بالسقف وبقيت أعرف شصبغ السقف ومشكورين بنات الي المساعده مقدما

 

[ام وهابي]

سارونه شركة رووائع الثريا بالشويخ ثاني شارع خلف محلات السيراميك والبورسلان اللي فيه ميداس والياسين
ويكون اول محل بالشارع كله محلات مطابخ بيبان ودرابزين والجرانيت منهم يتعاملون مع محل رخام قبالهم اذا ما عجبج الموجود تروحين للمحل الرخام وتنقين اللي تبين

 

[ام وهابي]

بنات شرايكم بورق الجدران صج انه ما يتحمل جو الكويت وتتجمع فيه الحشرات والنمل
ليش ما احد يمدحه حتى محلات اللي تبيعه ما تمدحه مادري خفت منه
احترت بصبغ الصاله الاستقبال ما ادري شنو الدارج الحين ما حبيت شغل المعجون ودي بصبغ ساده بس الوان
القنفات اللي شريتهم تحير خذيت لون البنفسجي المايل للحمي مع نقشات صدفيه لونه سلفر فاتح يميل للابيض
شنو ممكن اصبغ الصاله ما ناسبني الا الوردي المايل للبنفسجي الفاتح (الموف )
شرايكم ردوا عليه بسرعه










9

 

[اخت فروحه]

اهلين ام وهابي
عليج بالعافية لون القنفات يهبل ؟ اشرايج اتحطين طوفة وحدة لون سلفر منقش منه وفيه والباجي لون ثاني
بالنسبه لورق الجدران انا الحين حاطت بغرفة نومي من اكثر من ثلاث سنوات وماتغير الا اللي تحت الدريشت تفكك شوي بين الحافتين للعلم ان غرفتي مو تكييف مركزي وحدة يعني التكييف مو مفتوح على طول وبالصيف نسافر والتكييف مسكر اللي اقصده ان ما يخترب حيل وعمره ما جمع حشرات ونمل
بس انا افضل الصبغ عملى اكثر وما احب المعجون احب النقش والحركات الفنتق

 

[اخت فروحه]

بنات بقيت مساعده أنا عندي سرداب وحوش ساقط أقدر اركب على السيراميك الموجود بالسرداب باركيه يعني ما يخترب وبالنسبه للجدران ممكن اركب ورق جدران للعلم أنا حاطه بالسرداب وحدات نفس السنترال بالسقف وبقيت أعرف شصبغ السقف ومشكورين بنات الي المساعده مقدما

اهلين حبيبتي:

ماني فاهمة اشلون اتركبين الباركيه على السيراميك
وبالنسبه لورق الجدران اقري ردي السابق على ام وهابي
السقف تقدرين تحطين قبه كبيرة وترسمين عليها وحياج الله