ديوانية بيت العمر

[DooNy]

بنات بقيت مساعده أنا عندي سرداب وحوش ساقط أقدر اركب على السيراميك الموجود بالسرداب باركيه يعني ما يخترب وبالنسبه للجدران ممكن اركب ورق جدران للعلم أنا حاطه بالسرداب وحدات نفس السنترال بالسقف وبقيت أعرف شصبغ السقف ومشكورين بنات الي المساعده مقدما

والله حبيبتي الي اعرفه بتركيب الباركيه انه تكون الأرض مستويه اذا البنيان أسود يفرشون رمل ويركبون فوقه كاشي وبعده يتركب الباركيه علشان ما يتبطط مع الحر
اذا كان تركيب السيراميك عندج مضبوط مافيه ميلان أتوقع يصير تركبين فوقه

ما انصحج بورق الجدران بالسرداب عمره الافتراضي قصير تدرين السرداب اذا ماكان معزول عدل بتصير فيه رطوبه وبيفجج لج الورق

دايما خلي السقف بلون فاتح علشان يعطيج ارتفاع للمكان

 

[DooNy]

بنات شرايكم بورق الجدران صج انه ما يتحمل جو الكويت وتتجمع فيه الحشرات والنمل
ليش ما احد يمدحه حتى محلات اللي تبيعه ما تمدحه مادري خفت منه
احترت بصبغ الصاله الاستقبال ما ادري شنو الدارج الحين ما حبيت شغل المعجون ودي بصبغ ساده بس الوان
القنفات اللي شريتهم تحير خذيت لون البنفسجي المايل للحمي مع نقشات صدفيه لونه سلفر فاتح يميل للابيض
شنو ممكن اصبغ الصاله ما ناسبني الا الوردي المايل للبنفسجي الفاتح (الموف )
شرايكم ردوا عليه بسرعه










9

ما فهمت اللون عدل ياريت تحطين لنا لون مقارب للقفنه علشان نعرف اللون المقصود

بس حسيت اللون الي بتختارينه بيصغر لج الاستقبال وبيضيع جمال القنفات

حلاته تحتارين لون يبرزهم لج

 

[Loora]

أخت فروحة عن تجربة جربت سقف جبس للمطبخ للملحق و صار صعب علينا تركيب مكيف الشباك ,,, وأضطرينا نكسرة علشان دخل امكيف ,,,,, وبعد عندج السخان نصة طالع من الجبس نازل صاار شكل السقف بايخ ,,, والالمونيوم تتحكمين فية تعديلات وأطوال بس الجبس ما يصير

وبعد مو شرط لون استيل سلفر فية الوان متداخلة مثلاث خطوط بيج وخط بنى واحد بيطلع روعة

الحين .... حايسة فى الحمامات والمغاسل


كنت بحط جاكوزى وهونت أحس هبة ومياهة ومالة داعى

أخت فروحة تابعى معاى شيصير معاج ولايهونون الباجى رأيكم معانا

 

[Loora]

اأهم شى بالبيت صدقونى تمديدات الصحى والكهرباء لأنهم صعب يتغيرون


كان عندى مقاولة الصحى ومشيتة والحمدللة الثانى أحسن منة

الحين أبى ولاعليكم أمر مقاول تمديدات كهرباء شاطر وهالمسألة تهمنى عشان أخلص تمديداتى قبل الديكور ؟؟ ناطرة

 

[amani]

مشكوره الإخت فروحه و دوني على الرد أنا شاريه البيت مو بانيته وحبيبت أغير ارضية السرداب مو عاجبتني وما بقيت لويه العمال بالبيت فقلت احط باركيه هم شغله حلو وراقي ومن بعد ردكم علي خلاص بحط سيراميك وبصبغ السقف

 

[اخت فروحه]

لورا حبيبتي بالنسبة للكهرباء ماكو على شركة الصويلح
خبرة اكثر من 30 سنه

 

[شيوخه]

شلونكم بنات اليوم رحت القسمه لأنا نبي نركب الديكور بس أول لازم تضبط الكهربا والأضاءه عشان جذيه سوا الكهربجي التمديدات بالأرض لما يقوله معلم الديكور انه عدل بعدين يرفعه بالسقف وبعدين يسحب الوايرات عشان جذيه بنات اللي خلصو الأسود اختاروا الديكور الحين بعدين ضبطوه مع التكيف بعدين الكهربا ترى موكل ديكور يضبط مع فتحات التكيف

 

[اخت فروحه]

اهلين شيوخه
احنا جذي واحنا نشتغل بالاسود كلمنا معلم الديكور وقالنا عن الديكور مال التكييف المخفي وقال لازم يكلم مال التكييف وفعلا اجتمعوا بالقسيمه ومعلم الديكور فاله على اللي يبي والارتفاعات واتفقوا
احنا ماكان ابالبا هالشغلة بس سبحان الله صارت جذي لان كلمنا معلم الديكور مبجر
وهذي نصيحة للبنات قبل ماتخلصين شي بلشي باللي قبله بالاستفسار والبحث والله يوفق الجميع

 

[شيوخه]

فروحه ليش سويتي مخفي وايد ينزل الديكور اليوم شفته ببيت جارنا شوفيه قبل لا تركبين

 

[اخت فروحه]

بالعكس انا قالي معلم الديكور ان التكييف المخفي يرفع السقف اكثر من العادي

انتي متأكدة من هالكلام؟؟

 

[شيوخه]

شوفي أنا اليوم رحت قسيمة جارنا حاط المخفي بس صاير الأجناب كلها نازله وبالنص مرتفع فشكله كلش موحلو وبعدين حاط المغربي مدري الأسباني فالزخارف كلش مصغره المكان أحلى شي الناعم والمودرن انت روحي شوفي بالأول

 

[اخت فروحه]

يمكن اهوا بالاساس السقف عنده نازل انا عندي مرتفع

وهم بشوف وبتأكد من هالشي

نحاول قد مانقدر نتفادى اخطاء البنيان اللي لابد منها

 

[اخت فروحه]

ناويه احط صور بالديوانية بس مادري ليش مو راضين يتحملون :0bee2e8d89:

احاول مرة ثانية ان شاء الله

 

[بدر البدور.]

موووفقين حبيبات قلبي

انا كنت متابعه اخباركم بس الحين حدي محبطه لان صارلنا شهر والمقاول يماطل مابقى شي على الاسود علشان طلبت تعديلات بسيطه :cxxxp: ولاعت جبدنا والحين سااااااااااااااااااااااافر يودي اهله سوريا ويرجع

وانا بموووووووووووووووووووت من الحره :eh_s(14): أصبر نفسي واقول مابي احن على زوجي لانه بارد

بس صصصصصصصصصصصصصصج محتره المفروض قاعد انشطب بس لان غيرت دريشة غرفتي خليتها لي الدوانيه وتعتبر التصاق بجا حطينا واسطه وخلصنا وماااااااااااااااطل المقاول

محتررررررررررررررررررررررررررررررررررررررررره حدي :0bee2e8d89:

الله يوفقكم حبيباتي

وادعولي يخلص الاسود ونبدى بالتشطيب

:tek:​

 

[شيوخه]

بدر البدور شاسم مقاولكم

 

[اخت فروحه]

الله يوفقج بدر البدور
اخ عالمقاولين وسوالفهم
احنا مقاولنا الله يسامحه اخذ الفلوس وراح تزوج فيهم الثالثة وماعطى العمال فلوسهم وزعلوا وما رضوا يكملون
اضطرينا نكمل على حسابنا وعدت ولله الحمد


تصبحون على خير

 

[بدر البدور.]

اسمه بو عماد

والله الريال رايته بيضه بالبدايه اهو وقف على البيت اكثر من زوجي

بس اخر شي مااااااااااااااطل :0bee2e8d89:


وانا نفسيتي اتعبت ​

 

[بدر البدور.]

الله يوفقج بدر البدور
اخ عالمقاولين وسوالفهم
احنا مقاولنا الله يسامحه اخذ الفلوس وراح تزوج فيهم الثالثة وماعطى العمال فلوسهم وزعلوا وما رضوا يكملون
اضطرينا نكمل على حسابنا وعدت ولله الحمد


تصبحون على خير

وانتي من اهله حبيبتي

وييييييييييه الله يعينكم ويستر علينا :0bee2e8d89:

مايتدرى بنكمل والا لأ ​

 

[ام وهابي]

قمة الاحباط لما خلو المدارس تفتح بنص رمضان انا مخططه اسكن بعد العيد اذا رمضان عطله للاسف خربت خطتي صار لازم نضغط على انفسنا ونخلص البيت قبل رمضان وعلى الاقل باسبوع
واحنا لحد الحين ما صبغنا الدور الارضي ما ادري يمدي نسكن قبل رمضان والا بالعطله الربيع ناجلها
ادعوا لي يا بنات ان الله يسهل امورنا ونسكن قبل رمضان
للاسف كل ما خلصنا من شي تطلعلنا مشكله ثانيه يا بالصحي او بالكهربا

 

[DooNy]

قمة الاحباط لما خلو المدارس تفتح بنص رمضان انا مخططه اسكن بعد العيد اذا رمضان عطله للاسف خربت خطتي صار لازم نضغط على انفسنا ونخلص البيت قبل رمضان وعلى الاقل باسبوع
واحنا لحد الحين ما صبغنا الدور الارضي ما ادري يمدي نسكن قبل رمضان والا بالعطله الربيع ناجلها
ادعوا لي يا بنات ان الله يسهل امورنا ونسكن قبل رمضان
للاسف كل ما خلصنا من شي تطلعلنا مشكله ثانيه يا بالصحي او بالكهربا

عسى الله يسهل أموركم وتسكنون وتتهنون فيه قبل أو بعد رمضان
لا تظكين على عمرج