فرنسا

[pampeno]

يا كويتيات انا ناويه اروح فرنسا (جنيف)انشاالله لسبوع الياي و بروح سويسرا وعاد ابي فزعتكم الي تعرف منكم اماكن سياحية حلوة وسوقه رخيييييييييصه وهذا اهم شي تدرون بعد فرنسا اسعارها ناااااااار

 

[مبدعة]

هلا والله حبيبتي

اول شي حبيت اوضح نقطه ان جنيف في سويسرا مو بفرنسا

ثاني شي بالنسبة حق فرنسا سوقها غالي و كل ماله يزيد في الاسعار بس تقدرين تستفيدين من هالمعلومات في الركن الخاص في السفر و السياحة

جمعيه مونوبري بالشانزلزيه حلوه ورخيصه هدوم وخرابيط

الحي اللاتيني - سان ميشيل بوتيكات رخيصه وغاليه وقهاوي


محطه مارن دو لا فيل بالمترو خلوها الاحد محلات ستوكات ماركات ومجمع كبير

بعدها بمحطه وحده يورو دزني

ركبوا مترو Rer A


نهر السين يمه كله محلات وتركبين قارب غدا او عشا او بس يوريج باريس اسمه الباتومووش

اكوا بوليفارد هذي مدينه مائيه

مجمعات منطقه المطار مثل اليوزين وكابي واتش اند في وغالبا يفتحون الاحد

عندهم بعد سوق الجمله ابوكير ممكن بعض المحلات تبيعلج مفرق

منطقه مونمارت - رسامين ومطاعم وايد حلوه بالليل

بروج ببلجيكا روحوا الصبح وردوا بالليل بالقطار او سياره


منطقه ليل هم روحوا بسياره او مترو يوم كامل

قهوه الفوكيت طلبي فيها ديابلو فريز
مطعم نورا - مطعم العجمي
ش جورج سانك فيه محل اريج ماركات رخيصه وفيه مطعم الديوان


---------------------

بالنسبة حق سويسرا سوقها ما يسوى غالي و ما فيه شي حلو

بس ما حددتي المناطق اللي بتروحينها بالضبط علشان اقدر افيدج

و بالسلامة

 

[ام خالد 78]

انشاءالله البنات يفيدونج

 

[* ورود *]

حبيبتي فرنسا عاصمتها باريس وسويسرا عاصمتها جنيف

روحي سويسرا بأول 8 علشان الكرنفال

وترا فرنسا سوقها غالي وحتى المطاعم اللي فيها

 

[مبدعة]

حبيبتي فرنسا عاصمتها باريس وسويسرا عاصمتها جنيف

روحي سويسرا بأول 8 علشان الكرنفال

وترا فرنسا سوقها غالي وحتى المطاعم اللي فيها

جنيف مو عاصمة سويسرا اهيا مجرد منطقة سياحية في سويسرا و قريبه من فرنسا

بيرن اهيا عاصمة سويسرا

 

[موت الحمر]

شوفي سفرات البنات بقسم السياحة و السفر