غساله باناسونيك الاتوماتيك جربتوها

[زهرة الينبوع]

بنات انا شريت غساله اتوماتيك بس كنت ابي غساله الي تتبطل من فوق عشان اليهال انتوا عرفين
المهم لقيتها عند اليوسفي وغالية شوي
بعدين لما شريتها توهقت اول عبالي الخدامه ما تنظف بس لما جربتها بنفسي الملابس تطلع مثل ما تدخل ومثل بقع الوصاخه كانها ما انغسلت
تكفون بنات علموني اذا غلطانة يمكن باستعمالها انا صارلي 3اشهر شاريتها وطبعا اتطول بالغسيل
بس نفس مميزات الاتوماتيك الي تتبطل بالوسط
بنات الي عندها تعلمني شلون طريقتها انا شارية الى 9كيلو اصغر من اكبر حجم الي اهي12كيلو




بنات لاتبخلون علي علموني تفشلت بملابس زوجي قعدت اغسلهم بيدي

 

[زهرة الينبوع]

افا ولا وحدة بنات حدي متوهقة كويتيات اختكم لاتخلوني مو من طبعكم
انا متعودة على النظافة ما احب ملابسي وملابس زوجي واعيالي بهل منظر
ساعدوني وانتم يا بنات ديرتي من طبعكم النظافة
شدووا حيلكم

 

[ريماا]

انا عندى سامسونج اللى تبطل من فوق مثل ماوصفتى ولونها ابيض بازرق
طبعا روووووووووعة وانا احط عالغسيل السريع ملابسى وملابس زوجى تطلع نظيفة بس ملابس عيالى انا اول اغسلهم بيدى المكان الوصخ وبعدين ادخلهم الغسالة بصراااحة مريحة جدا

 

[زهرة الينبوع]

يعطيج العافية اخت ريما انا هم اغسل ملابس اعيالي بنفس الطريقة يعني الصدريات انقعهم اشوي
بالماي بعدين اغسلهم بس الملابس الثانية خصوصا الاكمام وحوايف الدشداشة من تحت كانها ما انغسلت
فيدونااااااااااااااااااااااااااااااااااااااااااااااااا

 

[ريماا]

غيرى صابونج يمكن مو قوى انا احب داك ريحتة حلوة وينظف
انا ماجربت اغسل الدشاديش الان زوجى يوديها المصبغة
ان شالله البنات بيفيدونج

 

["كــــرز"]

انا عندي بناسونيك حلوة حيل حجمها صغير وبالعكس ماتطول انا اححد مدة الغسيل ومريحه واغسل فيها ملابس رجلي وتطلعهم نظاف شوفي يمكن انتي تحطينها ع الغسيل السريع اقري الكتيب وتاكدي او على قولت ريما غيري الصابون

 

[زهرة الينبوع]

وايي الكل يمدحها الكل
اشمعنى انا صح اهي مريحه بس الملابس وصخه
اهقون يمكن تكون خربانه
ابا يبت الشركه قالولي بس مسمار ناقصها واخذوا الكفاله والحين مو راضيين ايصلحونها ماعندك كفاله عشتوااا
بنات صراحه اليوسفي تعاملهم مو شي وشغلهم حدة اي اشي



الي بتشتري تروح الغانم صراحه شغلهم كله بركه مع ان اقساطهم كلها ربا وحييل فوائدهم بس اجهزتهم حلوووة
انا شريت تليفون وغساله وهذوووا اهم خربانيين وهم مو راضيين ايصلحونهم

 

[autointoxication]

انا عندي اياها
و عندي نفس مشكلتج
الملابس تطلع مو نظيفة وايد
غير انها مرات تكشش الهدوم
يبنا مال الشركة قال لا تستخدمون النشافه اهيه اللي تصغر الهدوم و لا تستخدمون ماي حار

سويت مثل ماقال بس لما الحين مرات الهدوم تطلع كاشه ، قمت اشتري هدوم مقاس اكبر

 

[بنت الوفا]

انا عندى سامسونج اللى تبطل من فوق مثل ماوصفتى ولونها ابيض بازرق
طبعا روووووووووعة وانا احط عالغسيل السريع ملابسى وملابس زوجى تطلع نظيفة بس ملابس عيالى انا اول اغسلهم بيدى المكان الوصخ وبعدين ادخلهم الغسالة بصراااحة مريحة جدا

رد على


رح اشتري سامسونج 10 كيلو فيه سريع بطى تنشيف شطف تجفيف

تامين ضد الاطفال
وتعقيم وبكتير وممميزات غيرر وتنفتح من فوق شريج فيه

 

[فرحه عمر]

اختي انا غسالتي باناسونيك اليوسفي و صار لها عندي 11 سنه من احسن مايكون بس استعمال ايدي مو الخدامه و قبل 3 سنين صارت لي ظرف حمل و خليتها تستخدمها اهيا المره الوحيده اللي دقيت ع الشركه يسون لها صيانه

و بعدين الملابس تطلع نظيفه لكن بقولج شغله انا ممده لها ماي وفيه فلتر يمر عليه قبل لا يوصل الغساله وبعدين يفضل تستخدمين اريال ( بعض الغسالات مكتوب عليها نوع الصابون اللي تستخدمينه لها مخصوص)

 

[fraise]

حبيبتي انا عندي غسالة اوتوماتيك باناسونيك من اليوسفي حجم 12 كيلو بس ماشاءالله اطلع الغسيل نظيف وبالعكس تنظف الملابس عدل يمكن انتي مو قاعده تختارين حطي على normal والملابس البيض اختاري غسيل الابيض وان شاء الله يضبط معاج انا جربت اغسل فيها كل شي حتى جربت فيها خاصية غسل الكفرات وطلعت الكفر نظيف
اقري في الكتيب تلقين في خاصية ان تنظيف الغساله سويها راح اطول اهي يمكن ساعتين بس تنظف الغساله من داخل وتعقمها وانا اسويها كل اسبوع عشان تعقم الغساله من داخل وتنظف

 

[الجوهرة الماسية]

بنات انا عندي هالغساله وغسيلها يهبل نضيف مره وريحته تجنن ومايحتاج نشر يطلع حااار وناشف من الغساله وهي بالحاله تسخن المويه
بس المشكله عندي انها تمشي وتهتز كأن عندي حفريات في البيت هذي مشكلتها وش الحل وهل عندكم نفس المشكله

 

[الجوهرة الماسية]

........

 

[كلي فرح]

السلام عليكم
حبيبتي أنا عندي نفس غسالتك بالضبط من سنتين تقريبا
وأنا مرتاحة عليها حيل حتى الديباجات أغسلها فيها و البطانيات النفر تطلع كأنها جديدة لاني ما أودي الديباجات المصبغة
مرة وحدة وديتها الصيانة علشان علقت داخلها فوطة صغيرة
عالعموم إنتي حطي الملابس و بعدين عطيها أمر الغسيل حسب ملابسك سريع عادي أو حتى ثقيل للملابس الشتوية وهي تحدد كمية الماي و كمية الصابون المناسبة لكمية الملابس
وأنا أستخدم تايد أو اريال مع ملطف الاقمشة من أي نوع
أتمنى أكون جاوبت أسألتك