شوفي كلارنس عندهم كورس كامل ,بشرحلج اياه مثل ما علمتني عليه الخبيره الاجنبيه بس ترا اهو لازم كله الكورس تستعملينه ويبيله اقل شي شهر عشان تبين النتايج..
اولا الكورس يتكون من شور جيل, بدي اويل, كريم لسيلولايت, وكريم شد الجسم كله. وفي كريمين للصدر بس ما استخدمتهم, وفي بعد سيرم جديد نازل بس ليما الحين ما خذيت فكره عنه.
ثانيا:طريقة الاستعمال:_
الشور جيل: تغسلين جسمج بالشور جيل واهو لونه اخضر بس ريحته ريلاكسيه حدها, هالغسول مهمته انه يغسل الجسم ويفتح المسام ويهيئها لاستقبال الاشياء الي راح تنحط وراه,طريقته: تغسلين جسمج عادي اول مره وبالمره الثانيه تخلينه عليج 3 دقايق وخلالها تتنفسين بعمق عشان الاعشاب والمواد العطريه الي فيه تنظف الجسم والروح يعني داخليا وخارجيا..
البدي اويل: هالزيت له طريقتين عشان تستخدمينه, الاولى: اما بعد الشور جيل تدهنيني جدسمج فيه وتخلينه دقيقه بعدين تصبين عليه ماي بارد بس ما تغسلينه,صبيه صب عليه,هالزيت مهمته انه يطرد الماي الزايد والمحبس داخل الجسم والي الجسم مو محتاجه كلش, وراح تلاحظين انه مفعوله بدا انج راحتروحين الحمام وايد ,فاذا صار معاج جذيهه كثري من شرب الماي عشان يزيد مفعوله.
الطريقه الثانيه: اذا مالج خلق تتسبحين تخلطين اشويه من هالزيت مع واحد من الكريمات الي راح اشرحهم لج وتدهنين فيه عادي على جسمج. ترا اسم الاويل (انتي اوه).
الكريم الاول: اسمه توتال بدي لفت, وهالكريم مخصص حق السيلولايت وتدهنين فيه الاماكن مثل الفخوذ والمؤخره فقط, وتقدرين تخلطين معاه الزيت عادي, طبعا راح تحسين بشويه حراره عادي هذ يعني ان الزيت والكريم بدا مفعولهم..
الكريم الثاني: اسمه بدي شيبنج يعني نحت وتشكيل الجسم, وهالكريم يستخدم لشد الجسم كله بس ما ينحط عالصدر, اذا كنت بس تبين شد حطيه وخلطي معاه الزيت عادي.
طبعا لما اقولج خلطي معاه الزيت يعني اذا مالج خلق تتسبحين خلطيه مع الكريم بس اذا انت متسبحه عادي استخدميه مثل ما شرحت لج, طبعا راحتحسين بحراره نفس الفكس بس اخف عادي لا تخافين لان هالشي مفيد لج وماراح يضرج بشي كلش.
في منتج جديد مثل السيرم الي اعرفه عنه انه بدال ما تشترين هالكريمات بس اخذيه بروحه وخلطيه مع الكريم او اللوشن العادي مالج , بس للامانه ما جربته بس بروح اشتريه على نهاية الشهر.
كريمات الصدر في نوعين منه ,كريم و جل, الجل للنهار والكريم باليل بس الواحدماله خلقهم , بدالهم انا استعمل كريم كانيبو لشد الصدر وايد حلو خصوصا اني يايبه 3 يهال وصدري صاير مثل الخرجه, بس اهو عدله لي.
الكورس مثل ما قلتلج يبين نتيجته بعد شهر بس انتي استمري عليه عالاقل 3 شهور والله النتيجه مرضيه وشكل الجسم يصير غير وهذا غير النعومه الي بتشوفينها بعد.
لما تروحين تشترينه اخذيه وطلعي لانج اذاسالتي البياعه عن طريقته ماراح تقولج مثلي لانهم للاسف ما يعرفون كلش,انا الي علمتني عليه كانت الخبيره يايه من برا عندهم ولما قعدت اسولف لها عنهم بالانجليزي علمتني الطريقه الصح لاستعمالهم واهي نفس الطريقه الي شرحتها لج.
اي استفسار انا حاضره..
