تفريز ورق العنب

[ماكو اسامي]

مرحبا
هذي طريقتي البسيطه لحفظ ورق العنب وتفريزه ويارب تفيدكم

المقادير اللي بحطها ل نص كيلو يعني مالكم شغل بالصور لاني مسويه اكثر من مقدار

برطمان ورق عنب 500جم- يسلق بماة وشرايح ليمون وثوم دقيقتين يغلي ونتركه ساعه منقوع بنفس الماي بس مو بالجدر المعدن فضيه بماعون ملبس وغطيه ينقع

نصفيه ونتركه يبرد
جيله رز مصري كوب ونص يعني
بصلتين مفرومين
حبتين طماط كبار جامدين ومفرومين ولو نزل ماي ارميه
مكعب ماجي رز الابيض مذوب بملعقتين ماي حار
خضار ورق بكيفج - كزبره- بقدونس - كرفس
فلفل حار وبارد بس الرومي لا لانه يتمرر بالتفريز وما احبه بالمحشي
ثوم حسب الرغبه
1 م طعام نعناع ناشف
ملعقتين طعام زيت زيتون ومثلهم زيت ذره
1 م طعام مليانه دبس رمان
2 م ط صلصة صويا
2 م طعام كاتشب- يعطي حلاوه خفيفه
بهارات مشكله
فلفل اسود كزبره ناشفه بهار حلو

ملح لا تحطين الا بالطبخ وعشان ما ينزل الحشوه مايها
تترك الحشوه ربع ساعه تنحشي
ابطن علب بنايلون وارص الورق واغطيها واكتب عليها تاريخ والاهم نوعها لو تسوين نوعين نوع بالزيت والليمون وهو يكون بدون فلفل حار ونوع بالفلفل الحار بالصبار او الدبس وكلهم بنفس الحشوه بس ازيد الفلفل الحار واكتب عليه من بره
والف عافيه

 

[F.A]

الله يوفقج وينولج اللى فى بالج عاجلا غير أجل ان شاء الله يارب العالمين
خوش شغل للوهقات

 

[حبيبة]

جزاج الله ألف خير عالطريقة

 

[ماكو اسامي]

الف عافيه على قلوبكم يارب
حياكم الله

 

[xxx]

مشكورة ويعطيج العافية

بس ممكن سؤال ؟

العيش مايتكسر مع التفريز؟؟

 

[sondos]

تسلم ايدج على الوصفه



بس انا جربت افرز الورق عنب ..........بس دايما لما اطبخه الرز ينهرى يصير مثل العجين ...........وجربت احمس العيش بعد مافااد



مافى مفر من الفريش

 

[ماكو اسامي]

مرحبا يالطيبات

العيش ما ينهري لانه مو منقوع بس مغسول ومنشف زين ومافيه ملح وبعدين هذا رز مصري يعني يتحمل

فكرة انه يعجن السبب الطبخ القوي والطويل

اتاكد من انه ورق العنب اشقه بسهوله ولا ليش سلقته ونقعته عشان تقل مدة الطبخ



احنا نفرزنه من سنين ومدة تفريزه توصل 3 شهور بعد

لا تحطين لا ليمون ولا ملح بالحشوه كلش

وقت الطبخ حطي اللي تبينه
وعوافي

 

[جارة القمر]

تسلم ايدج


وتبارك الرحمن

 

[ماكو اسامي]

ويسلم مرورج يالطيبه

 

[Shestylet]

تسلمين

 

[قمر نجد]

مشكوووووووورة يا قلبي كفيتي ووفيتي .. والله يعطيج العافية وينولج اللي ببالج .. آمين

بس عندي جم سؤال :

_ ورق العنب افوحه مع ماي العلبه ولا ماي جديد ؟!

_ والنوعيه اللي عندي حيل طري ويتقطع بسرعه مع الطبخ يعني ينفع للتفريز ؟!

_ إذا طلعته من الفريزر متى اسويه ؟ واشكثر يبيله طباخ ؟!

_ ما يطلع طعمه ماصخ ؟!


:tek::tek::tek:

 

[اشواق2008]

الله ينولج الي بالج يارب
تسلم ايدج الله يعطيج العافيه

 

[ماكو اسامي]

مشكوووووووورة يا قلبي كفيتي ووفيتي .. والله يعطيج العافية وينولج اللي ببالج .. آمين

بس عندي جم سؤال :

_ ورق العنب افوحه مع ماي العلبه ولا ماي جديد ؟!

_ والنوعيه اللي عندي حيل طري ويتقطع بسرعه مع الطبخ يعني ينفع للتفريز ؟!

_ إذا طلعته من الفريزر متى اسويه ؟ واشكثر يبيله طباخ ؟!

_ ما يطلع طعمه ماصخ ؟!


:tek::tek::tek:

اولا طبعا ما ينفاح بمايه لانه فيه ماده حافظه انا فحته عشان يتخلص منها زين واضمن نصف استوائه

النوعيه اللي عندج لو ترفه بس تطلعينها وتنقعينها بماي حار مو مغلي ربع ساعه تتخلص من اي ماده حافظه فيها

اذا طلعتيه من الفريزر خليه يفج من ساعه الى ساعتين حسب حرارة مطبخج وانا اصفه وهو نصف مثلج بالجدر واطبخه بس اقلل الماي اللي اطبخه فيه

ما يكون ماصخ لان الماجي مالح هو والصويا

والاهم بتسقينه شوربه تطبخينها فيه ملحيها بكيفج بس ماجي الرز كله ملح يعني احترسي من الملح

وبعدين ما راح يطلع ماصخ لانج بتحمضينه يعني بتضيفين له بعد النضج يا دبس رمان او ليمون او صبار والطعم الحامض يطغي على الملح

الافضل تجربين برطمان وفرزنيه اسبوع وردي لي خبر عقبها عندج فرصه تجربين عشان تضبطينها ان شالله:ggdw:

 

[DKNY]

مشكووووووره ياغاليه وصفه ولا احلى

 

[ماكو اسامي]

مرورج احلى

 

[موزة ام فارس]

الله يرحم والديج وماقصرتي

صج تعلمت منج وايد

 

[Emanova]

يعطيج العافيه

 

[ماكو اسامي]

بالعافيه يارب
وحياكم الله

 

[bintmasr2009]

يعطيج العافيه حبيبتي
تسلم الايادي المبدعه

 

[ماكو اسامي]

وتسلم الطله الاحلى