استفساراتكم عن تطعيمات الأطفال....ارجو التثبيت

[أم شواقه]

الله يعطيج العافيه

عذريني انا ما فهمتج على اسبوع واحد ؟؟

انا سفرتي مدتها 28 يوم ،،، بعني راح يتأخر تطعيمها فترة عادي ؟؟؟

انزين واشلون اعرف انها امسخنه ،،، لانها الحمدلله الحمدلله ولا مرة سخنت من التطعيمات ،، فما عرف الاعراض

 

[أمووونه]

اوكي ناطرتج

 

[wathoo7a]

مشكووره كت كات وإن شاء الله بميزان حسناتج,,,سؤال ثاني ولدي مواليد فبراير 2005 وشهر 8 عنده تطعيم 3سنوات و نص شنو يعطونه؟إهو طعم إبرة الجتف ليمن إنولد و تقشرت يعني الحين يردون يطعمونه إياها؟

 

[كيت كات]

لا حبيبتي مايعطونه ابرة الجتف
تطعيم 3ونص ماتسخن ولا تتعب

 

[*ام حمد*]

مشكوره حبيبتي على هالموضوع تطعيم ولدي شهر 8 ويون حزتها عمره 6 اشهر

انصحوني بعض البنات بوقت التطعيم احط فكس على مكان الابره علشان لا يسحن انتي شرايج بهالمعلومه

 

[أمووونه]

شلونج كتكات هاا اشصار على موضوعي ؟ خلصتي اجازتج ؟ انشالله استمتعتي فيها ولا أذيناج بالبيت سوالف تطعيمات وبالدوام ههههه الله يعينج - الله يعطيج العافية

 

[كيت كات]

مشكوره حبيبتي على هالموضوع تطعيم ولدي شهر 8 ويون حزتها عمره 6 اشهر

انصحوني بعض البنات بوقت التطعيم احط فكس على مكان الابره علشان لا يسحن انتي شرايج بهالمعلومه

والله ماعندي اي فكرة عن الفكس سامعه بهالطريقة بس نصيحة ادول وكمادات وتحملي

شلونج كتكات هاا اشصار على موضوعي ؟ خلصتي اجازتج ؟ انشالله استمتعتي فيها ولا أذيناج بالبيت سوالف تطعيمات وبالدوام ههههه الله يعينج - الله يعطيج العافية

اهلين امووونه
وحياج الله ...انلغى تطعيم ال2ونص و4ونص اللي اهو منشط شلل:tek:

 

[Shestylet]

تطعيم الطفل

طعمتي طفلج حبيت اسال اول تطعيم ( عمر شهرين ) عبارة عن شنو بس ابر والا ابر ونقط ؟؟

 

[sugar&spice]

رد: تطعيم الطفل

ابرتين بالفخذ ونقط بالحلج,,,,,,,,,,,,,,,, وممكن يسخن الياهل وتورم ريله

انا عطيت بنتي ادول قبل لا اروح اطعمها وعقب سويتلها كمادات بالاوتي علا ريولها عشان ما تورم

 

[Shestylet]

رد: تطعيم الطفل

انا ما دري ليش بس عطت بنت اختى 3 ابر من غير نقط استغربت الصراحه مع اني قلت لها نفس كلامج الا جان نظام التطعيم اليديد غير :0bee2e8d89:

 

[miss-pinkeya]

رد: تطعيم الطفل

انا بنتي قزوها 3 ابر ابرتين علي الفخذ اليمين وابره علي الفخذ اليسار

ونقط بحلجهـــا..

وعلشان ما تسخن علي طول اول ما تردين البيت فركي مكان الابر بليمون عالخفيف

وبأذن الله ماراح تسخن..

 

[أمووونه]

مشكورة وماقصرتي

 

[كيت كات]

العفو وحياج الله

 

[كيت كات]

رد: تطعيم الطفل

ابر ونقط وتاخذين ادول
ولازم كمادات كل ساعتين

 

[Shestylet]

حسبي الله عليهم خواره بس عطوها الابر ونسو النقط ..الحين على النقط راح تسخن ؟؟؟ ولازم نتأكد من حرارتها قبل النقط صح ؟

 

[Emanova]

كت كات حبيبتي ...

ليش الصحه يعطون نطيعيمين مع بعض او 3 انواع مع بعض و الجرعات كبيره؟!؟!؟!

 

[لازوردي]

السلام عليكم شلونج كيت كات انشالله بخير ياقلبي ....


انا عندي استفسار بخصوص تطعيم سنتين اللي اهو النكاف و الحصبه بس بعرف وين يقزون الأبره بأي مكان بالجسم و شنو الاعراض اللي اتصير من التطعيم يعني في حراره او مكان الابره يورم لأني قاعده احاتي تطعيم ولدي ..... و تسلمين يالغاليه :tek:​

 

[7abebat elq8]

بنات بلييييز انا طعمت بنتي تطعيم بو شهرين امس و كان 3 ابر ماكو نقط ؟؟؟؟ و السستر قالتلي انها خذت النقط بالابرة؟ منو صار لها نفس بنتي؟؟؟؟

 

[7abebat elq8]

بنات بليز ردو علي

 

[الريشة]

تطعيم بو شهرين شنه ما فيه نقط بالحلج