شنو احسن عيادة اسنان من بين هالعيادات ؟

[[]نهاوند[]]

السلام عليكم ورحمة الله وبركاته

مثل ماهو واضح من العنوان بحط اسماء عيادات اسنان وابي تقولون لي شنو احسن وحده فيها وتكونون مجربيها واهم شي يكون الدكتور ايده خفيفه وشاطر بالعصب لأني ضروسي مو بس دمار الا تحت الدمار بدرجات يعني بقضي هالعطله صيانه لهم وتعديل وترقيع فبشيل ضرس وبسوي عصب لاثنين وبسوي تنظيف كله مره وحده عشان جذيه ابي مكان عدل انا متعوده على عياده من عمر وياها وكان فيها دكتور شااااااطر جدا بس للأسف تغير وصار واحد بداله وشكله توه مبتدأ مع انه شلع ضرس لأختي وتقول ايده خفيفه بس للأسف ضروسي ماعرف لها استغفرالله ياربي انا كل شي فيني عوج :0bee2e8d89:

الميدان

الحكمه

مستوصف السور

المركز البريطاني

أرجو الرد بأسرع وقت لأني في حالة يرثى لها :cxxxp:​

 

[النملة البيضة]

هلا حبيبتي انا بصراحه مجربة عيادة ابها وبالاخص الدكتور سليم ايده خفيفه ونفسه حلوه راح تحبين العلاج عندهم وبالاخص عند هالدكتور جربيه وراح تدعيلي صدقيني .:68_asmilies-com:

 

[ورده ودلوعه الكويت]

وحده من جماعتنا امسويه تقويم وتنظيف وكل شي بالحكمه واهيا تمدحه وايد
والميدان بعد يمدحونه
مستوصف السور خالتي سوت فيه ضروسها بس موذاك الزود ماتمدحه وايد

 

[[]نهاوند[]]

النمله البيضه واجد يمدحونها عيادة أبها ماقصرتي يالغاليه

ورده ودلوعة الكويت صج الميدان واجد يمدحونها ومستوصف السور مادري عنه بس اخوي يقول بيروح لأنهم لأن هو بعد ضروسه منعدمه مثل حالتي وهو الأقرب لنا واخوي يدور القرب دواره

ماقصرتو خواتي الله يجزاكم خير

هل من مزيد ؟؟​

 

[[]نهاوند[]]

وينكم يا بنات ؟؟​

 

[sKyLiTeGirL]

حبيبتي الميدان جربته موشي

بس عيادة البيان وايد أحسن اللي صوب ليلى غاليري

عند دكتور سوري وايد شاطر أنصحج فيه لأنه ناصح وشاطر

 

[غزيل الفله]

حبيبتى روحى عند عيادة الثريا بمجمع مناور بالفروانية عند دكتور كلوود ايدة خفيفة حيل

 

[غزيل الفله]

موبس ايدة خفيفة هو شاطر حيل

 

[وردة-الكويت]

الحكمه وانا مجربته

 

[الاخلاص]

ترا العيادات الخاصه مكلفه يبيلج فوق ال3 الاف دينار انصحج روحي الحكومة بهالسوالف اما الخاص روحيلها بسوالف التجميل والتبيض

 

[الاخلاص]

ترا العيادات الخاصه مكلفه يبيلج فوق ال3 الاف دينار انصحج روحي الحكومة بهالسوالف اما الخاص روحيله بسوالف التجميل والتبيض

 

[English ^^Teacher]

انا انصحج بالفوزان عند الدكتور حسام او البير

 

[dr.elzain]

انا والله اعالج عند الفوزان بالمهلب خووووووش عياده وشطار بعد

 

[supermarket]

يمدحون البيان وودي اسوي عندهم صيانة على قولتج

بس ماني عارفة اروح اللي بالديرة والا ليلى غاليري

 

[أم حيدر]

لا هذا ولا ذاك

روحي عيادة أبها يا دكتور يعقوب او دكتور أنور

 

[الكادي 1981]

معــاي بالدوااااام وحــدة تعالج عنــد الرويال حياة عند البرفيسور اللبناني هناك بس صارت أسنانها شي خياااااااااااااال

 

[cadi28]

انا الصراحه اعالج اسناني عند الحكمه عند د.خالد مهران وااايد شاطر انصحج تروحين حقه

 

[[]نهاوند[]]

مشكورين خواتي الله يجزاكم الجنه

شكلي بروح الحكمه حتى اخوي يقول ربعه يمدحونها ​

 

[[]نهاوند[]]

ترا العيادات الخاصه مكلفه يبيلج فوق ال3 الاف دينار انصحج روحي الحكومة بهالسوالف اما الخاص روحيله بسوالف التجميل والتبيض

الحكومه مشكلتهم يكصونج موعد عقب 15 سنه وانا ماقدر اتحمل وابي اضبطهم قبل رمضان لأني سنه من السنين قام علي ضرسي برمضان الله لا يوري المسلمين اللي شفته :cxxxp:​