Snow angel
**مشرفة قسم مائدتك**
حبيباتي لي فتره استخدم الكلوكوفاج 850 مرتين باليوم طبعا هو دواء معروف للسكر لكني استخدمه للتكيس منذ فتره بأمر الدكتور واشوف ذاكرتي تغيرت كثير أنسى كثير الى درجة اني انسى اسماء اقرب الناس لي وانحرج كثير الى درجة قبل كم يوم سألتني وحده عن بنت عمي قالت بنت عمك الي ماخذه فلان الفلاني ايش اسمها قلت وانا والله ودي الارض تنشق وتبلعني من كثر ما حاولت اتذكر اسمها وما قدرت وقلت لها اي اسم وسكرت الموضوع وبعد قبل كم يوم قابلت اعز صديقاتي واسولف واحكي معها وناسيه اسمها وما اقولها الااسمعي اقول قالت لي اشفيك ما تناديني باسمي والله ضحكت ضحكه هستيريه وقلتلها نسيت اسمك وربي ما ابالغ والله وصلت الى هالمرحله وغيره وغيره من القصص اللي تسود الوجه وربي صرت ما امشي اموري في البيت او غيره الا بتذكير بالموبايل مره تعبت ذاكرتي صارت عدم وزوجي حاس بهالشيء وكل اللي حولي حسوا وقالوا راجعي عند دكتور وانا اكره المستشفيات
هل بستمر على هالحال طول ما انا استخدم هالعلاج وبعد العلاج؟؟؟
وهل هذي علامات لشيء خطر؟؟؟
وهل في تمارين معينه لتنشيط الذاكره؟؟؟
هل بستمر على هالحال طول ما انا استخدم هالعلاج وبعد العلاج؟؟؟
وهل هذي علامات لشيء خطر؟؟؟
وهل في تمارين معينه لتنشيط الذاكره؟؟؟
