شنو غسالاتكم الاتوماتيك انصحوني.

[سموالاميره]

شريت لي غساله اتوماتيك اللي تنفتح من فوق بس غسيلها خاااااااااااااااااااااااااايس وشريت ثانيه اتوماتيك وتنفتح من فوق بعد طلعت اخيس تصدقون اني اغسل الملابس على ايدي بعدين ادخلهم بالغساله ...............عذااااااااااااااااااااااااااب:cxxxp: ورحت شريت ام حوضين بس تعذبت منها صج تنضف بس جهد وتعب والحين ناويه اشتري غساله اللي تنفتح من البطن وزوجي يقول شرايج نفتح مصبغه من كثر غسالاتنا:dddds:


عاد الحين ابي نصيحتكم وسمعت ان هذي الغسالات مانستخدم الا صابون اريال والصراحه الريال يطير اللوان وانا اللي اغسل ملابسي انا وزوجي وعيالي لان دااااااايم غسيل الخدامه فيه غش تخلط الملابس.


بنتظاركم

تحياتي

 

[*الماضي على ويش نعيدهــ*]

اممممممممممممممم
انا عندي غساله اتوماتيك شريتها من الغانم
عجيبه تدخلين ملابسج تطلعلج مكويه وتلق لق
انتي روحي الغانم واساليهم عن احسن غساله وانشالله تكون اخر غساله تشترينها

 

[^^دموع الكويت^^]

غسالتي سامسونج عجيبة

 

[سموالاميره]

ReYaMy

شنو اسمها ياليت تقرينها لي.


دموع الكويت

مشكوووووووووره على ردج.


تحياتي

 

[ديما الكويت]

غسالتي ال جي
و فيها برمجة بالعربي والانكليزي ...والله المستعان

 

[قمر الليل]

سألت أمي و قالت لي إنها تستعمل غسالة Indesit من بعد الغزو سنة 1991 لما الحين
شوفي إحنا شرينا غيرها بس نفس الماركة
إحنا شرينا الأخيرة من قبل ثلاث سنين معنا اللي قبلها ما إختربت
بس لأنها صارت قديمه و نبي نشتري الأحدث
نصيحة من أمي إخذيها لأنها بصراحة زينه:tek:

 

[زوينة]

ReYaMy

يعني غسالتج اوتوماتيك 100 %

ياليت تقولين شنو ماركتها ...وبجم خذيتيها ...؟؟


سلااام

 

[سموالاميره]

قمر الليل............

عسى الله يخليلج امج يطل بعمرهاااااااااااااااااااا واشكريها على لسانج ومشكوووووووووووره لى المساعده.

ديما الكويت .........


تسلمين على المساعده.


تحياتي

 

[سموالاميره]

قمر الليل.........


ماعليج امر تسألين الولده بالنسبه لصابون تستعمل اي نوع صابون ولا صابون معين؟؟؟؟

لان يقولون لااااازم صابون اريال!!!!!!!!!!!! والصراحه انا وعاجبني لانه يطير الالوان.


تحياتي

 

[ريماا]

غسالتى سامسونج للى تتبطل من فوق روووووووووووووعة
وماتتعبين فيها ابدا موجودة بالغانم

 

[سموالاميره]

مشكوووووووووووووووره يالغاليه.


تحياتي

 

[ام بدر 123]

غسالتي بناسونيك ماخذتها من اليوسفي ب 115 دينار وايد زينة

 

[قمر الليل]

قمر الليل.........


ماعليج امر تسألين الولده بالنسبه لصابون تستعمل اي نوع صابون ولا صابون معين؟؟؟؟

لان يقولون لااااازم صابون اريال!!!!!!!!!!!! والصراحه انا وعاجبني لانه يطير الالوان.


تحياتي

عادي أي نوع بس لازم يكون حق الغسالة اللي تتبطل من فوق

 

[dlooo3a]

انا ويربول من الغانم ما خذتها من الغانم 170 دك
والصابون اي نوع غير اريال فى اومو وداك وانواع وايد بالجمعيه بس لازم يكون مخصص للغسالات الاوتوماتيك ومكتوب هالشي على الصابون

 

[عبق البنفسج]

انا استخدم ال جي الي تنفتح من البطن وايد زينة .. بس مو شرط صابون اريال .. انا مرات استخدم داك ومرات اومو والغسيل معاي اوكي وايد حلو ونظيف

 

[Q8stylle]

غسالتى سامسونج

 

[*الماضي على ويش نعيدهــ*]

سمو الاميره
اسفه حبيبتي توني اشوف الرساله الخاصه وما اقدر ارد لانه مشاركاتي قليله
المهم غسالتي من الغانم ماركتها DAEVO وسعرها ب200 دينار
تشتغل على اربع ساعات الى نص ساعه
يعني انتي تحددين انا استخدمها على Rapid بساعه بس وتطلعلج الملابس تلمع
وسلامتكم