(( ربطوا الاحزمة .. وتابعوا تقريري المصور لاندونيسيا .. بلاد الاندومي)) >بعد التعديل<

[miss_ant]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

ماشالله والله وناسة ...
بس اشلون جازفتي ورحتي اندنوسيا ؟؟!!

 

[عروس الدنيا]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

عليج بالعافيه نيرو ذكرتيني بالذي مضى
بقول لزوجي نروح بالشتا
انا رحتلها مره قبل 7 سنين
رديت الديره
و له ارد اروح عقب اسبوع تخيلي لوووووول
عليج بالعافيه يا قلبي خوش تقرير

 

[.]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

دودتهم اهي اللي خلتكم تهونون عن الجاي؟؟

ولما قريت التعليق نيرو بين الشير قلت حطت صورتها!!! تهورت خخخ..

عليكم بالعافيه يارب..

ناطرينج ياورده..

 

[حاااايره]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

هههههههههههه وناسه خووش تقرير متابعه

 

[nero]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

ثالث يوم كنا مخططين نروح منطقه ثانيه اسمها Bandung

وتبعد عن الجبل 4 ساعات

قعدنا من الساعه 6 ضبطنا امورنا وبال7 توكلنا على الله

جدولنا كان نروح لبركان بهالمنطقه .. وعقبها نشوف جم محل Factory outlet

وصلنا 11 حق مكان اسمه Sari Ater



منتجع للمياه الكبريتيه .. تطلع من باطن الارض .. ويقولون انها تشفي من امراض الروماتيزوم والعظام وخلافه









طلع لنا من تحت الارض راعي برد .. دبق فينا دبقه



علمنا على الينابيع .. ودرجة حرارة كل حوض

ودانا على كلامه انظف واحد لانه فوق ويصب بالباجي ..

نقعنا رويلاتنا .. ياحلو الماي حااااار و(يجمد) يكمد الريووول

درجة حرارته 42



قبل ما انتنقع ابوي عطا اخينا المقسوم عشان يصرفه وناخذ راحتنا

ما راااح تم واقف يسولف مع امي وانا وابوي طبينا بالماي نغطس ريولنا .. ما نقدر اكثر من جذي الوضع ما يسمج

قال اخينا حق امي .. ان مجرد ما تصير الريل حمره .. معناته تفاعلت مع العلاج

قالت لنا امي .. وشرينا منه برررد عشان يرووووووووح :eh_s(14):

قام يحمد ربه يقولي صارلي 4 ايام ما بعت ... مسكين



طبت امي معاي قالت دام في نيشان خنجرب .. تنقعنا وهذا ليما الحييين ما رااااح لوول

طلعت انا عطيته المقسوم وسألته عن البركان .. لان السايق يايبنه هني واتفاقنا كان البركان

قلت اسأله دام يتكلم عربي لا نتوهق هناك وما ندري شالقمنده لان سمعنا ان البركان فيه مشي وتعب

قالي البركان تصعدون له من هني بالسياره .. وتمشون له بريولكم مسافة 500 متررر

استاااانست 500 متر شويه .. وين الي يقولون تعب ومشقه على ما توصلون

ربكم واااحد .. ما فج عنننا راعي البرد يمشي ويأشر لنا على الاشياء الموجوده بالمنتجع



قالنا في غرف تاجير .. النفر ب دينار .. حق الي يبون الخصوصيه

بس شعقبه عقب ما خلصنا قال لنا



طلعنا من المكان .. ركبنا السياره

وقلنا حق السايق

يا لقمااااااان .. ودنا حق البركااااان



وبداا يوووم ما انسااه بحيااااااااااااااتي

فاصل ونواصل..

 

[جرح الليالي]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

عليكم بالعافية


خوووش سفرة

 

[nero]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

متااابعين
بس خرعتني الدودة لايكون متعلقة بجنطتج وانتي شايلتها؟

كانت متعلقه بالجنطه .. نفس لونها بالضبط ..

اكتشفتها لما قعدنا بالسياره .. والا قبل ما كنت حاسه فيها كللش

ماشالله والله وناسة ...
بس اشلون جازفتي ورحتي اندنوسيا ؟؟!!

جزفنا ومجازفه وايد حلوه

عليج بالعافيه نيرو ذكرتيني بالذي مضى
بقول لزوجي نروح بالشتا
انا رحتلها مره قبل 7 سنين
رديت الديره
و له ارد اروح عقب اسبوع تخيلي لوووووول
عليج بالعافيه يا قلبي خوش تقرير

لووول وناسه

الديره حلوه .. بس ما اروح لها مره ثانيه شفتها وشبعت منها

دودتهم اهي اللي خلتكم تهونون عن الجاي؟؟

ولما قريت التعليق نيرو بين الشير قلت حطت صورتها!!! تهورت خخخ..

عليكم بالعافيه يارب..

ناطرينج ياورده..

اي ما طبخناه عشانها .. قطيناه من الدريشه يمكن فيه دووود والا شي واحنا نشربه

على الاقل مال المصنع مغسول ومعقم .. هذا الي قطعناه شنغبر فيه :dddds:

ودي احط لكم صورتي .. مصوره خوش لقطه بالمنتجع لوول بس الهواا ضدي

هههههههههههه وناسه خووش تقرير متابعه

مشكووووره.. وخليجمتابعه

عليكم بالعافية


خوووش سفرة

الله يعافيج مشكوووره

 

[.]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

راعي البرد صار مرشد سياحي خخ..

ناطرين الباجي..

قطست رويلاتي بالشاشه خخ..

 

[.]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

ليش قطيتوه ..

جان زرعتوه بيتكم خخ..

يتراولي يطلع دودو مو جاي خخ من جونا البديع..

<< صرت لزقة عنزروت عداني راعي البرد خخ..

 

[nero]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

ياحلوج رونه بالعكس مونستني ..

شنزرع بالجاي ؟؟ يحتاج مناخ استوائي << الفت لوول

ويه بعد ان زرعناه تكودو ربع هالدووده ببيتنا ..

لا يبا عنهم العالم ما شربووو جاي

 

[.]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

مرسو خالص مالص..

صاجه يمدحون لبتون..

و عشتوا تطور صار بنكهات..

 

[هوى الدار]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

ما شالله خوش صور ووناااسه وطبيييعه

عليكم بالعافيه وحمدلله على السلامه

 

[nero]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

هني طريج الصعود للبركااااان



طلعت الاشجار الي تخرع .. وبدت تزييييد



هني وصلنا حق المكان المطلوب .. راح نوقف السياره وتبدا رحلة المشي على الاقدام



هذا السياج الي شارييين عليه السكارفات .. نطل منه ونشوف البركان تحت

هذا منظر البركان من فوووق ..



وهني علامة النصر من وناستنا لان التعب الي قالو عنه ما حسينا فيه لوول << ما يدرون شمخشووش لهم




عدينا نفسنا شفنا البركان .. ركبنا السياره .. جان يقول لقمان (السايق)

ما شفتو البركان الصغير .. ينزلون له من هذا الدري

قلنا بعد في صغير؟؟ .. دامه صغير اكيد ما فيه تعب

ونرووووووووووووووووووح ننزل نشووف البركان الصغير

بسم الله هذي اووووول سلللمه



انا مو هالمتن .. هذي الجنطه مكبره المساحه لوول


عند بداية الطريج في واحد يبيع عصي عشان نرتجي عليهم بس ما شرينا ما يسوى الدرب قصير :eh_s(14):



وبدا طريج المشي والعذاب

نزووول دري طبيعي .. وعر .. وماكو شي نتمسك فيه كننا نتحلطم وتوقعنا النزول اصعب خطوه



كان في عوايل وايد ينزلون معانا ومن جنسيات مختلفه

ربشه والوضع يونس طماشه

 

[nero]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

الدري كل ماله ويصير اردى

ومشكله انه مو متسااوي .. اكو عتبه توصل لي ركبتي وعتبه انزل شوي .. وعتبه انزل بوايد .. فكان هالشي وااااايد يتعب

خصوصن مع طولي الفااارع



ومن بعد صوت الذيابه ما استبعد اشوف اي حيوان



ومن عقب ساعه نزووول .. وصلنا حق هذي الحافه .. نشوف منها البركان من فوق

قلنا اكيد خلاص اكيد ورانا باب يطلعنا



هذا البركان

ملاحظة: تسمعوني اقول بركان وبركان .. وما تشوفون الي متعودين عليه

البركان راكد بس نشوف شقوق بين الصخر ودخااان


تشوفون الناس يمعه عااادي امان لانه راكد

كملنا مشي وكل ماله الطريج يصير اخيس


نزلنا ووصلنا ليما البركان ..

امي بعد عمري طاحت علينا بالطريج انعفتت ريولها .. ما قدرت تروح صوب البركان

تميت انا معاها قاعده .. وابوي واختي راحوو قربوو من البركان



تشوفون دخنته شايله .. كانو ايبون بيض يحطونه بسللله

ويدخلونه مكان الدخان يطلع البيض مفيوووح .. حسافه ما شفت التجربه كنت مع امي

خلصنا من هالمرحله .. توقعنا ان الطلعه عنده

بس طلعنا نحلم .. قالولنا لازم تصعدون من طريج ثاني عشان توصلون حق السياره

وقف قلبي .. صكت فيني الدنيا

امي طايحه وما تعبر تمشي

والمكان وايد وعررررر

قالنا واحد انا مرشد سياحي .. اخذوني معاكم لان راح تواجهون مشكله بالطريج

ما صدقناه .. قلنا بيخرعنا عشان يربح .. عطيناه طاف ورحنا على الطريج الي أشرو عليه

فجأة اختفووو الناس

الطريييج صار ضيج يادوب يمشي فيه وااحد

جهه مرتفعه وجهه منحده يعني لو وحده فينا تزلق ريلها اسم الله عليها .. تطيح بالهويه

تبجي وحده وتسكت الثانيه هذا حالنا

تمينا ساعه ونص بعد نصعد .. وصلنا حق جسر بين جبلين يخرع .. فتحات بين الحطب.. ووحده نازله وحده مرتفعه

اختي وقفتنا ليما خلصت بجوتها يالله قدرنا نعبر معاها لوول << صج مو ويه هايكنج


وصلنا حق عقبه حق طريييج مسدوووود شجره طايحه وساده الدرب (مثل الافلام)

هني انا الي سويت المناحه وقمت ابجي .. لوووو شنوو ما ارد هاللي مشيته

وامي تقول ماكو الا هيلكوبتر بعد طريييج مسدووود وريلها تعورها شنسوي

ابوي مسكين ابتلش فينا لوول لقى مثل طريج ما شفناه .. بس لازم نخطر ارض عباره عن اعشاب متعلقه بالهواا .. يعني ممكن تخق فينا الارض ونطييييح

يوووم صج لا ينسى .. شنسوي بعد عبرنا .. و قلنا وينه هالمرشد طلع صااااج الحين طلعت عااازته

قعدنا شوي وابوي مسكين تجدم علينا يشوف متى النهايه

والا شنووووو يشووووف

بدايه طابووووق معناته طريجنا صحح

ونلحق الطااابوق ليما وصلنا للسياره بعد مجهود دام 4 ساعات مشي




لا تشوفون الهستيريا الي صارت فينا اول ما وصلنا

قمنا نضحك من قلب على الي صاررررر ردت رووحنا

وصج عقبها انا انولدت من قديييييييييد

 

[FoOosHiia]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

الحمد لله على السلامه
عليكم بالعافيه ما شاء الله شكلها السفره تيننننننن
شلون الجو فوق الجبل ؟؟

 

[أمواج البحر]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

واااااااااااااااااااااااي صج فلم اللي صار لكم بالبركان

لو انا وياكم جان طقيتها بجوه مع اللي بجو :eh_s(11):

وما تشوف شر الوالده خنت حيلي بغيتوها طرب صارت نشب هههههههههههههه

بس وايد 4 ساعات والله :cxxxp:

يالله اهم شي طلعتوا منها :ggdw:

وبرضووو متابعين :gathering:

 

[.]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

وي ..

الحمدالله ع سلامتكم..

وينه لقمان ؟؟

 

[nero]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

الحمد لله على السلامه
عليكم بالعافيه ما شاء الله شكلها السفره تيننننننن
شلون الجو فوق الجبل ؟؟

الله يسلمج حبيبتي .. السفره صج تينن

والجو بالجبل وااايد حلوو وبارد

واااااااااااااااااااااااي صج فلم اللي صار لكم بالبركان

لو انا وياكم جان طقيتها بجوه مع اللي بجو :eh_s(11):

وما تشوف شر الوالده خنت حيلي بغيتوها طرب صارت نشب هههههههههههههه

بس وايد 4 ساعات والله :cxxxp:

يالله اهم شي طلعتوا منها :ggdw:

وبرضووو متابعين :gathering:

:dddds:

كل ما نتذكر المواقف الي صارت لنا نموووت من الضحك .. خصوصن لما ما تشوفين احد من الناس

قلنا الدنيا بتظلم علينا وبننام بالغابه لوول

والله يسلمج من الشرر مسكينه وديناها الطبيب وطلع فيها تمزق :cxxxp:

وي ..

الحمدالله ع سلامتكم..

وينه لقمان ؟؟

الله يسلمج رونه .. لقمان مندعس بالسياره

ما نزل معانا .. شيسوي يحوووس بينننا !!

مشكوره رونه على المتابعه شكلج مثلي قاعده بالبيت ماكو طلعه اليوم

 

[كلي دلع!]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

ألف الحمدلله على سلامتكم

 

[.]

رد: (( ربطوا الاحزمة .. وتابعوا تقريري المصور لاندويسيا .. بلاد الاندومي))

حسبالي لقمان مرشد سياحي..

نيرو انا ماحب اطلع وايد كنت بطلع مع خواتي وهونت