تقرير رحلتي للأراضي النمساويه 2008

[أمواج البحر]

السلام عليكم ورحمة الله وبركاته

شلونكم بنات

راح احط لكم ان شاء الله تقرير لرحلتي للنمسا ( سالزبورج - زلمسي - فيينا )

تخطيط رحلتي امتد لاشهر وكل شوي افكر بديره مره مصر مره ماليزيا ومره استراليا ومره اسبانيا ومره دبي ومره تايلند :dddds:

يعني فريت كل مكان وماااااقررت

لما اخر شي اقترحت علي بنت عمي اروح النمسا عجبتني

وقعدت ايمع المعلومات عنها انا وطبعا كالمعتاد اخيتي keeka خنت حيلي كل شوي تدور وياي تقارير

وكل شوي اقولها خلاص هونت :tek:

طبعا استعنت بموقع العرب المسافرون

وحجز الفنادق عن طريق

www.booking.com

www.bookinhotels.com

تاريخ رحلتنا 13/7/2008

وسافرنا على الخطوط الهولنديه

KLM Royal Dutch Airlines

سفرتي اسميها رحلة المغامرات

سبحان الله كل شوي تصير شغله وخلاص نهون وترد تتسهل الامور

حجزنا التذاكر وسوينا الفيز عند مكتب سفريات

زهبنا الجناط وعيالي وديتهم عند امي عسى الله يخليها ويحفظها واستودعتهم الله الذي لا تضيع ودائعه

سلمنا على اهنا و ريل حماتي ودانا المطار

رحنا في امان الله عند كاونتر ال KLM عطيناها الجوازات شافت الفيزا جان ترطن وتقول مااايصير تسافرون اليوم فيينا

اي ليش عمه غيري بدلي قالت ابددددد فيزتكم انتوا مطلعينا من السفارة الالمانيه

وانتوا بتروحون فيينا ماايصير يا جماعه

(غلطة السفريات الله يهداهم ما ادري ليش مسوين من المانيا وانا قالت حق الذكيه بنروووووووح النمسا)

طبعا ويهي انمغط ويتني البجيه :eh_s(2):

نادت وحده من اللي معاها رطنوا وقالوا لازم اثبات ان انتوا بتروحون المانيا

وشنو تبون اثبات قالت حجز فندق

قلت لها بسسس هذا اللي تبونه افا عليج دقايق وعندج قالت عندكم لي الساعه 11.30

قلت لها على هالخشم :68_asmilies-com:

طلعت لاب توبي ودشيت على موقع بوكينغ وحجزت ليله بميونخ ودزولي الكونفيرمشن

رحت وعطيناها اياه طبعا زوجي عاااادي عنده حتى لو ماسافرنا :eh_s(14): وانا اغلي من داخل

بس مسويه روحي ريلااااااااااكس ولاااا همني :tomato2:

المهم عطيتها الورقه وقعدت اقرا بويها على شان الله يسهل امورنا :dddds:

والحمدلله قالت للهندي ياولد حط الجنطه على الكاونتر

صراحه بيني وبينكم بغيت اخمطها وابوسها خخخخخخخخخخخخ

بس قلت لا يا بنت حافظي على بريستيجج هههههههههه

تنفسنا الصعدااااااااااء

طبعا على طول لازم اول بأول اعطي اخيتي keeka تقريرنا دقيت عليها وقلت لها اللي صار لنا

وريلي يقول بسسسسس لازم تقولين لها ههههههههههه

قعدنا في ماكدونالدز وريلي أكل ودشينا الطياره



تاااابعوني :eh_s(7):

 

[keeka]

يه يه اخيييراااا التقرير يالله ناطرين بالتفصيل الممل لو سمحتي

 

[أمواج البحر]

سفرتنا كانت بليل عطونا عشا

وعقبها طفوا الليتات

ريلي خلاني ونااام :/

وانا ماا اعرف انام بالطياره

قعدت اطالع افلام وبباي كالمعتاد

ولما شق النور خذيت هالجم لقطه







طيران الهولنديه وايد مريح والاكل اللي يقدمونه لذيذ صراحة

والمضيفين فرندلي

الرحله كانت لمده 6 ساعات تقريبا او اقل شوي وترانزيت في مطار امستردام ساعه

وطبينا مطار امستردام وكان زحمه وكبير وحوسه ولويه

ومحد ملقينا ويه

شفنا ناس واقفه طابور سفطنا معاهم ههههههههه :dddds:

واشوا صح مكانا

لما وصلنا عند اخينا بالكاونتر

وقعد يحقق معانا وقلبي طب في بطني :eh_s(1):

الف سؤال وسؤال اهو يسأل وانا اقرا بقلبي ( صرت شيخ خخخخخخخخخخ )

وين رايحين ومن وين يايين واشكثر بتقعدون و وين بتقعدون

وبما انه زوجي خنت حيلي مو شاطر بالانجليزي فأنا صرت المتحدث الرسمي

عقب كم هااائل من الاسئله

ختم الجوازات و قعد يحش فيني مع اللي يمه ويطالعوني

طبعا بالالماني وانا ولاااا فاهمه

بس عااادي كالمعتاد سويت نفس ريلاااااكس :tomato2:

عطانا جوازاتنا بعد ما ختمهم ودشينا

ووحده قالت لازم افتش حجابج ولييييييييين وبعدين شفيكم علي :/

قعدت تتلمس حجابي وقالت لي ok والسلام عليكم طلعت تعرف عربي ما ادري عربيه

ودشينا ننطر طيارتنا

ركبنا الطياره صراحه تخرع صغيره و بماكينه ما ادري مروحه وحده وريلي عنده فوبيا حده تصروع

بس الحمدلله سهالات

وهذا جم لقطه

 

[*+$كويتية$+*]

يعطيييج العافية

على التقرير


وتقبلوا مروري

 

[أمواج البحر]

يه يه اخيييراااا التقرير يالله ناطرين بالتفصيل الممل لو سمحتي

اي واخيرا :dddds: وان شاء الله على هالخشم التفصيل :68_asmilies-com:

يعطيييج العافية

على التقرير


وتقبلوا مروري

حياج الله حبيبتي وتابعيني

 

[زلابيا]

متابعينج امواج

ويعطيج العافيه ...

 

[رفرف]

ايوا يا ايوا يازين النمسا ويا زين تقاريرها ..

الحمدلله على سلامتكم وناطرين تكملة التقرير

 

[الشيهانة]

واو حده حلو التقرير مشكووورة ياعسل و ناطرين التكمله

 

[أساور]

وناسة تقرير يديد
اسافر وانا بمكاني
متااابعين بس بليز مثل ماقالت اختج
بالتفصيل الممل :dddds:

 

[أم خالد]

يعطيج العافية والحمدلله على السلامة
أهم شي عطيني بالتفصيل درجات الحرارة والجو لفيينا سالزبورغ زيلامسي لأن بروح بشهر 8 ومعاي اليهال وقاعدةأحاتي شحط لهم من لبس شتوي ثقيل ولا عادي بس جاكيتات خفيفة لا تتأخرين علي
ومشكووووووووووووورة

 

[أمواج البحر]

زلابيا

رفرف

الشيهانة

أساور

الله يسلمكم وحياكم الله تابعوني بالتفصيل لعيونكم :tek:

ام خالد

شوفي حبيبتي احنا لما رحنا قالولنا ترى مو وايد برد وانا ما اخذت معاي جاكيتات وايد

وزوجي كذلك

ولما وصلنا لا والله كان برد خاصه المغربيه

سالزبورغ كان الجو عادي يميل للحر

زلمسي وفيينا كان برد وتحسفت ما خذيت شتوي

فاحسن شي اخذي حق اليهال البلايز جموم طويله وجاكيتات واذا عندج مطري احسن واحسن

واي سؤال انا بالخدمه

 

[طوق البنفسج]

يااااااااااااااااحلو النمسا ..

صج لي قالوا ليالي الانس بفينا .. اتهبل و عليج بالعافيه

متابعه

 

[SRM]

الحمد لله على السلامة .. أمواج البحر لاطولين علينا بالتقرير بسافر النمسا اول 8 بعد سبوع ونبيه تقرير بالتفصيل الممل جدا .. جداً والله يعينج على الاسئلة ومشكورة

 

[alhaymaa]

وااااااااااي ياحلات النمسا وجو لنمسا:eh_s(15):
الحمدالله عالسلامة وانشالله استانستوا
وانشالله بانتظار باقي التفاصيل ​

 

[nice-girl]

متااااااااااااااااااااابعه بقوه اموووت على النمسا مو تطولين علينا

 

[.]

االحمدالله ع السلامه..

خوش صور ماشاءالله..

ناطرين الباجي..

 

[white~heart]

متابعه

 

[supermarket]

متاابعة

 

[بنت عبدالغني شربت]

حمدالله على السلامه وناااااااااااااااسه تقرير النمسا اموت عليها ناطرينج امواج :ggdw:

 

[زلمسي]

انا العام 2007 كنت بنفس الرحلة فينا كابرون زلمسي ميونخ وكانت حلوة الرحلة وهبل بس للاسف ماكنا ماخدين معاناهدوم انصحكم تاخدون ملابس عادية وجاكيتات ثقيلة لان الجو متقلب حبايبي بس زلمسي عجييييييييييييييييييييييييييييييييييييييييييييييييييييييييييييييييييييييييييييييييييييييبة
وميونخ روحو سوق مارينا بلاتز ولا تنسون تروحون شارع الماركات بنفس السوق يجنن لا يطوفكم انا شريت جنطة برادا ما نزل منها بالكويت وكل من يسالني عنها