أرز بالخضار :) اذا كنتي متوهقه سويه عجيب

[chocolate cake]

السلام عليكم

طباخاتنا الماهرات شلووونكم ؟؟

عيش بالخضار حده سهل و طعمه حلوووو و لذييييذ

تقدرين تسوينه و تاكلينه مع الدجاج المشوي او دجاج بالفرن

حتى لو بروووحه مع الروب لذيييذ



طبخي العيش مع مكعب ماجي للأرز الأبيض + هيل عدل + عود دارسين + مسمار و اذا استوى شخلي العيش و خليه على جنب


قصصي بطاط مدور و قليه

فلفل بارد اخضر
جرز
طماط
بصل

كلهم قصصيهم دوائر


ييبي الجدر و حطي زيت لين يسخن

حطي البصل فوقه و حركيه لين يتحمر شوي و بعدين ضيفي الفلفل و الجزر لين تحسين انهم استووا

و انتي تحركين حطي مكعب ماجي

و يعين حطي الطماط و بعدين البطاط

عاد حطي بهاراتج و حطي شويه كركم

و كتي العيش فوق

و حطي قطع زبده فوق العيش و غطي الجدر شوي و قصري عالجوله



و بعدين نجبي العيش و عليكم بألف عافيه


كان ودي احط صوره بس للأسف كننا يواعه ما قدرت اصور :dddds:​

 

[قصــب سكــر]

انا اول وحده ارد



شكله يشوووق اموت على هالسوالف


بس الحين ماقدر ريجيم



ان شاء الله اجربه



تسلم الايادي

 

[جـنان]

مشكوووووورة عاد الحين حدي يوعااااااانه ابييييي عيش لوووووول

 

[chocolate cake]

قصب السكر ميخالف الرجيم اولى و انتي قد هالرجيم ان شاءالله >> اشجعج ههههه

مشكووووره على مرورج حبيبتي


جناان >> افا عليج تعالي سيري علي بأمريكا اسويلج العيش ولا يهمج

 

[غيب وانا غيب]

تسلم ايدج

 

[دندونة]

يسلم ايدك

 

[lona28]

تسلم ايدج

 

[جارة القمر]

تسلم ايدج حبيبتي

 

[أخت مشعل]

تسلم ايدك حبيبتي


أنتي بأمريكا .. ماعليك أمر حبيبتي سووي هالعيش لآخووي ووديه له تراه بولاية كاليفورنيا

الله يرجعكم بالسلامه يااارب

 

[^^دموع الكويت^^]

تسلم ايدج


يعطيج العافية

 

[cadbury]

تسلم ايدج ... حدج شوقتيني .. عاد انا غرامي العيش .. مشكووووووووووووووووورة

 

[Q8stylle]

تسلم ايدج حبيبتي ..

 

[chocolate cake]

بنااااات مشكووورين وااايد عالردود الحلوه

ما تقصرووون

تسلم ايدك حبيبتي


أنتي بأمريكا .. ماعليك أمر حبيبتي سووي هالعيش لآخووي ووديه له تراه بولاية كاليفورنيا

الله يرجعكم بالسلامه يااارب

اي والله انا بأمريكا

بس مو يمنا ولاية كاليفورنيا و الا جان طرشت

تهفيت فيدكس ينفع :dddds:


الله يسلمج حبيبتي ما تقصرين

 

[كلي تفاؤل]

تسلم ايدينج

 

[أحلى الجياكر]

تسلم الأيادى ..شكله لذيذ و خفيف و سهل ..

 

[F.A]

تسلم ايدك حبيبتي

 

[sweet.sweet]

حبيبتي يوعتيني وانا احب اي شي فيه خضار بس ترى انا يديده على المطبخ بسالج انتي تفوحين العيش بالماي وتقطين فيه مكعب ماجي بالفوح والبنسبه للمسمار تحطينه على عداله مشكوره

 

[^SwEeTa^]

مشكوره حبوبه على الطريقه

سمعي .. تقدرين تضفين خضار مشكله المثلجة .. و تطلع مممممممم

و ساعات أحط زهرة و بيديان .. هم تطلع الطبخة شي

يسلمووووو حبوبة

 

[chocolate cake]

مشكوووورييين بنات و ما قصرتوا على ردودكم الحلوة

حبيبتي يوعتيني وانا احب اي شي فيه خضار بس ترى انا يديده على المطبخ بسالج انتي تفوحين العيش بالماي وتقطين فيه مكعب ماجي بالفوح والبنسبه للمسمار تحطينه على عداله مشكوره

اي حبيبتي افوح العيش و احط معاه مكعب ماجي للعيش الابيض و اححط المسمار و الهيل على عداله

راح يطلع العيش خنييييييييييين ريحته اتينن

انصحج تجربين هالطريقه و ترى سهله حتى لو توج تتعلمين عالمطبخ

مشكوره حبوبه على الطريقه

سمعي .. تقدرين تضفين خضار مشكله المثلجة .. و تطلع مممممممم

و ساعات أحط زهرة و بيديان .. هم تطلع الطبخة شي

يسلمووووو حبوبة

مشكووووووره سويتا خوووش افكار ان شاءالله المره اليايه اجرب ازيد هالاشياء

ما قصرتي

 

[autointoxication]

بالعافيه