موضوع للمناقشه : اكثر شي تكرهينة بتنظيف المنزل

[Q8stylle]

السلام عليكم

شخباركم بنوتات ماادري اذا موضوع مكرر ولا لاء
المهم

حابه اعرف شنو اكثر شي يتعبج بتنظيف المنزل
او
شي تكرهين تنظفينه

واشلون تعودين نفسج انج لازم تسوينه

بالنسبه لي بنات تكرمون مااحب أنظف الحمام تلوع جبدي بسرعه :cxxxp:
وماادري اشلون اتغلب علي هالمشكله

وترتيب الملابس >>تصفيطهم :cxxxp:

واشلون تقدرون تتغلبون علي هالمشكله؟؟

 

[الاسطورية]

مع اني ما اعتبر ربه بيت تشتغل بس اكره تسفيط الهدوم حيييييل ماعرف اسفط واكره تغيير فرش الفراش

 

[miamy]

انا اكره ترتيب ادراجي

ووووووووووووووووو لويه تصير

وماحب انظف الحمام

ولا اغسل جدور والمقالي

وما حب تنظيف الارضيات

 

[xxx]

اكره شي

(( الكـــوي ))

 

[زيـنـه]

انا مع بنت الكويت
كوي الملابس يبط الجبد .

و الا كل شي فيه بربسه ماي و الا ترتيب احبه

 

[مس باتشي]

عن نفسي ماداني تنظيف الحمامات مادري احسه سالفه

 

[Q8stylle]

مع اني ما اعتبر ربه بيت تشتغل بس اكره تسفيط الهدوم حيييييل ماعرف اسفط واكره تغيير فرش الفراش

اي حدة متعب:cxxxp:

منورتنا بمشاركتج الحلوة ياحياتي:tek:

 

[ShoOog el3YoOoN]

اكره شي

(( الكـــوي ))

!!!!!!!

 

[رنين]

الاوتي و غسييييييييل المواعين

 

[supermarket]

انا عكسكم

اذا خيروني مابين الحمامات تكرمون والا غسيل الاماعين








احب غسيل الحمامات



مااختار غسيل الاماعين :dfgl:

 

[chocolate cake]

اااااااه والله موضوعج يااا بوقته

انا بالغربه و بروحي

انا مو متعوده ان كل شي يكون فوق راسي من ملجت و انا عندي خدامه

عاد هني توهقت اعرف انظف بس تععععععببببب صج صج تعب

يعني بيت دورين والله ينهد حيلي من الشغل

صج صج صج اكره شي غسيل الماعين ويييع تلوع جبدي لما اغسلهم خصوصا بعد ما اكل لااااا عذااااب

عندي غساله صحون بس هم مو كل شي احطه باغساله

و ثاني شي الكوي

طبعا الهدوم جبل لااا اقصد جباااال تنطر احد يتكرم و يكويها
والله لاني ما الحق قمت ما اكوي الا اذا ابي الشغله و هدوم ريلي حق الدوام بسسسس


و ثالث شي تسفيط الهدوم واااي معاناة انا اصفط و ولدي يعفس ههههههه


عاد انا بكيفي بزيد سؤال بموضوعج هههه (شنو احلى شي بتنظيف البيت؟ )

احلى شي و اسرع شي لما اخم الصالة لووووول

والله استانس مادري ليش


ههههه

موضوعج حلووو مشكوري و سوري قرقت فوووق رااااسج

 

[جمانه 99]

انا احب كل الشغل اسمالله علي وخصوصا غسيل الحمامات البس هذاك الكلافز المتين واحط في السطل الماي الحار اخيين وفوقه صابون التايد مع الكلوركس وافرك الطوف من قلللللللللب والأرضيه واحب غسيل المواعين بس تصفيط الملابس مو وايد وإذا خدامتي سافرت تلقين البيت استنفار الحمدالله نتعاون آنا اطبخ زوجي يغسل المواعين بنتي تمسك المكنسه تلف البيت كله هم آنا استفيد من التنظيف واهي غرامها تستانس من هالشغله الكوي امره هين احنا مووايد في البيت والحمدالله تقزر على ماترجع خدامتي وهم بنفس الوقت تغيير فحياتج انج تقومين وتشتغلين والله يعطينا ويعطيكم الصحه والعافيه ونقوم في واجبنا في بيوتنا وعيالنا وريايلنا ونستغنى عن الخدم قولو آآآآآآآآآآآآآآآآآآآآآآآآآآآآمين

 

[Q8stylle]

مشكورين علي المشاركه الحلوة
وعلي المناقشه وردودكم

:sfg:

 

[autointoxication]

يتعبني جسديا الكنس
و يتعبني نفسيا المواعين

 

[شووكولاته]

أنا ما حب الطباخ عادي شغل البيت ككله عندي---بس بديت شوي شوي أتاقلم --سوو كلشي أول بول وترتاحين وأحب أكثر شي الترتيب وإضافة لمساتي

 

[جكورة]

الحمدلله أحب أسوي كل شئ بس يضيق خلقي من الكوي...​

 

[cat_q8]

ييتي عالجرح وانا ماعندي خدامة الحين
كل شي اوكي اتحمله بس اكره غسيل الماعين يذبحنييييييييييي اكرهه ماطييقة
معاقبه ريلي صارلي 5 ايام مو طابخة بس عشان ما اغسل اماعين

 

[نفحة عطر]

اكره شي ترتيب الملابس والاوتي يكسر الظهر