حملة القراءة الحرة ¶§¤*°^°*¤§ مميز ¶§¤*°^°*¤§¶

[ام فهووودي]

مشكوره وانا ودي ارجع مثل قبل مثقفه

كنت احب اقرا الكتب بس مع هاليهال والدراسه والحوسه ماقدرت

والحين راجعه وبقوه >> من الحماس الزايد

حق قراءة الكتب

واول كتاب راح ابتدي فيه

اهو السر

واللي يبونه ترى اهو موجود في مكتبه جرير بحولي بارك في باللغه العربيه والانجليزيه

وفي بعد الفلم نفس الشي متوفر بالعربي والانجليزي

 

[MooN GirL]

 

[أميرة الورد]

بنات طالبة كتابين من أمريكا

why men love bitches
why men marry bitches

طبعا العنوانين لج عليهم ومو معناهم اللي في بالكم بس قصدها الكاتبة بنسب هالصفة الى المراة القوية


كتابين من كثر ما تكلمو عنهم انا قلت لازم أقراهم وبادية باول كتاب نصه خلصت

انطباعي عنه رووووووووووووووعه شويه عليه


الكاتبه أسلوبها روعه معزز بالأمثلة وتعطيج المعلومات مثل القنابل


يتكلم عموما عن المرأة الطيبة زيادة عن اللزوم وشلون لازم تكون قوية في معاملتها للرجل مو قصدها تصير سوبر وومن ولكن تكون المرأة النعومة الرقيقة اللي كلها انوثه من الخارج ولكن مثل الحدي د من الداخل


رووووووعه الصراحة

انا ان شاء الله بسوي له ملخص بحطه بقسم الزوجية اهو والرجال من المريخ والنساء من الزهرة


الكاتبة للكتابين sherry argov

 

[عهود الحب]

قبل جم يوم رحت وشريت كتب


تقريبا ست كتب
وحابة اشاركم فيهم واوريكم شنو شريت ان شاء الله بالليل بعد ما ارد بوريكم شنو شريت

 

[أميرة الورد]

حياج الله عهود معانا

 

[عهود الحب]

هلا أميرة الورد


ودي اصور لكم الكتب ومادري احس ماشفيني مالي خلق بس بصورهم مع بعضهم

لحظة

اوكي

 

[عهود الحب]

هذي صورهم بكتب اساميهم


غيري حياتك الآن
حلول سهلة لمشاكل المرأة العصرية
. انيتا نابيك


الكتاب الكامل في المشي
كل ما تحتاج الى معرفته لكي تسير في طريقك الى صحة أفضل
ماجي سبيلنر




8 دقائق في الصباح من أجل بطن رشيق
جورج كروز



الـسر
معروف هالكتاب وقلت بشتريه مثلكم


ابني المراهق يقودني الى الجنون
د. جويس فدرال


الحل الأمثل للتغلب على الوزن
فيل ماكجرو < دكتور فيل ماغيره الي بالام بي سي فور


آفات اللسان
د عمر عبدالكافي



ابتسم
د. عائض القرني



كن مطمئنا ً
البرنامج العملي للتغلب على القلق
د.صلاح صالح الراشد




تعلم كيف تدرس < كتاب بنتي
منهج واقعي للدراسة
ديريك رونتري



ابداع و ابتكار
احلام النجدي




أروع الأعمال الفنية
أحلام النجدي




60 طريقة طبيعية لتبييض الأماكن الغامقة في الجسم
نورة اللحيدة



وصفات لجمالك من الطبيعة
أسماء بامعيبد





كتب تطبيقية لبنتي


مثل
رسم اللوحات
الصلصال
رسم الأشكال






وبس




شفتوا كتبي من كل شكل ولون بس عساني اقراهم كلهم :>


الفاتورة كانت اقل من السبعين مع المجلات ومع شوية اغريضات


:dddds:

 

[أميرة الورد]

روعه الكتب عهود وشدني كتاب آفات اللسان لعمر عبدالكافي

وايد أحبه هالريال كلامه يريح


يالله شدي حيلج تبين نصيحتي؟ بلشي اقري أبتسم لعائض القرني
وبعدين أقري السر راح يعجبج وايد

 

[عهود الحب]

هلا أميرة الورد
كتاب عايض القرني انا مخليته لما اروح لوقت العازة لأنه خفيف ومقاطع يعني موكتاب كامل متواصل
تعرفين اسلوب الدكتور عايض القرني بالكتابة لوتبدين من اخر صفحة هم حلو لأنه مقاطع



فاذا ما لحقت اقراه اخليه بالسيارة عشان وقت نطرة المدارس اطقطق فيه



وبلشت بالسر وبقولكم ليش لأنه لي شهر ونص ادوره وابي اطبقه


مشكورة عالنصايح حبوبة

 

[End Girl]

بناات بصراحه الموضوع عجيييييب حده
وانا متابعه عن بعد

بس قررت اتواصل وياكم من اليوم ..

حاليا قاعد اقرى ملائكه وشياطين ..
شكلها الروايه حلوه توني بالبدايه تقريبا

وقبل فتره كنت مخلصه من كتاب
" العادات السبع للمراهقين الاكثر فعاليه "
كتاب راااااااااائع بجد انصحكم في
صج صج راح يفيدكم ..

وقبل فتره قريت الحافه وهالكتاب صج صج حلووو وعجيب
وبعد حكايات القبو عباره عن قصص رعب قصيره
عجبني الكتااااب يخررع ..

 

[:: Diva ::]

بنات طالبة كتابين من أمريكا

why men love bitches
why men marry bitches

طبعا العنوانين لج عليهم ومو معناهم اللي في بالكم بس قصدها الكاتبة بنسب هالصفة الى المراة القوية


كتابين من كثر ما تكلمو عنهم انا قلت لازم أقراهم وبادية باول كتاب نصه خلصت

انطباعي عنه رووووووووووووووعه شويه عليه


الكاتبه أسلوبها روعه معزز بالأمثلة وتعطيج المعلومات مثل القنابل


يتكلم عموما عن المرأة الطيبة زيادة عن اللزوم وشلون لازم تكون قوية في معاملتها للرجل مو قصدها تصير سوبر وومن ولكن تكون المرأة النعومة الرقيقة اللي كلها انوثه من الخارج ولكن مثل الحدي د من الداخل


رووووووعه الصراحة

انا ان شاء الله بسوي له ملخص بحطه بقسم الزوجية اهو والرجال من المريخ والنساء من الزهرة


الكاتبة للكتابين sherry argov

ابيييييييييييييييييييييي
اختي من وين طلبتيهم و جم كلفوج ؟
و متى وصلوا و شلون الطريقه

 

[Pharmacya]

حركااااااات
ربي يوفق الجميع

 

[wihite-choclate]

مرحبا للجميع

الصراحة انا صارلي فترة ادور عن مجموعة اناقشهم في الكتب الي اقراها لأن قراءة الكتب من هواياتي المفضلة
الفكرة وايد حلوة ، واول كتاب انصح الكل بقرائته اهو كتاب شوربة دجاج .
اهو مو كتاب طبخ ، الكتاب يتضمن قصص قصيرة وواقعية لاشخاص حقيقيين مجمعينها في كتاب واحد وله عدة اجزاء
شوربة دجاج للحياة
شوربة دجاج للمرأة
شوربة دجاج للأمهات
شوربة دجاج للمراهقين
وغيرها ، الكتاب مشوق وماراح تملون وانتو تقرونه لأن القصص قصيرة بس وااااااايد مفيدة
اقروه وقولولي رايكم ، تحصلونه في مكتبة جرير
وبالتوفيق للكل

 

[miss_avocado]

انا اهني كاني هااااااااااي بنات باركولي واخيرا شبكت والله اول موضوع دخالته عندكم
المهم بعد هالغيبه الطويله رحعت لكم بجم كتاب قاعد قراهم بس الاهم من هذا السر
تبون الصراحه الكتاب كلش ما يازلي مادري احس اني لمن اقراه اضيع اسرح مادري شلون و انا هذا موطبعي انا ساعات اقرا الجمله مرتين من كثر ماحب اركز على المعلومه بس هالكتاب غير احس اني موفاهمه شي تحسفت يفترض اشترى الفلم احسن تركته الحين و قاعد اقرا موسوعه و احس نفسي وااايد اتشوق لها عكس كتاب الير مع اني كنت ميته عليه بس ان شاء الله راح اخلصه و شكلي بقراه من اول عشان اركز اكثر

 

[أميرة الورد]

ابيييييييييييييييييييييي
اختي من وين طلبتيهم و جم كلفوج ؟
و متى وصلوا و شلون الطريقه

حياتي ديفا رفيجة أختي يايبتهم لي من أمريكا

 

[فطووومة]

قرأت في موقع كتب جديدة

تم اطلاق رواية ( حظك اليوم ) للدكتور احمد خالد توفيق رسميا ... و هي رواية من أدب الرعب ..

صدرت رسميا رواية ( ظل الأرض ) للكاتب الكبير د . نبيل فاروق
د . تامر أبراهيم كتاب (حكايات القبو )

انتهى الكاتب ( م. سند راشد ) من روايته الجديدة ( الذين عادوا ) و هي رواية من أدب الخيال العلمي تحتوي على عدد كبير من الأحداث المثيرة
----------------------------------------

بدأت الاستعدادات على قدم و ساق في (دايموند بوك) لأطلاق اصدارات الصيف و التي ستشمل عدد من الكتب المنوعة لعدد من الكتاب ..

يمكنكم طلب اي من أصدارات (دايموند بوك) داخل الكويت بطريقتين سهلتين ..


الطريقة الأولى :
عن طريق خدمة الرسائل القصيرة Sms

ارسل رسالة قصيرة تحتوي على :
الأسم
اسم الكتاب الذي ترغب فيه
عنوان المنزل

الى رقم 6683661

سيقوم بعدها مندوب الطلبات الاتصال بك للتأكد من الطلب .. قبل ان يتم ارساله لك الى المنزل
( خدمة التوصيل للمنازل مجانية )


الطريقة الثانية :
عن طريق الهاتف

اتصل مباشرة على رقم الهاتف
6683661
و قم باملاء طلبك ليتم ارسالها بعدها الى منزلك مباشرة
( خدمة التوصيل للمنازل مجانية )

 

[فطووومة]

بالتعاون مع ( نهضة مصر ) و بعد طول أنتظار من قبل عشاق (هاري بوتر) باللغة العربية .. سيتم اطلاق الجزء السابع من الرواية الاكثر مبيعا في العالم باللغة العربية حصريا في الكويت قبل جميع الدول العربية في 23-1 و سيتمكن القراء في الكويت من حجز الرواية مبكرا للحصول عليها قبل صدروها في الأسواق ..
بالتعاون مع ( نهضة مصر ) و بعد طول أنتظار من قبل عشاق (هاري بوتر) باللغة العربية .. سيتم اطلاق الجزء السابع من الرواية الاكثر مبيعا في العالم باللغة العربية حصريا في الكويت قبل جميع الدول العربية في 23-1 و سيتمكن القراء في الكويت من طلب الرواية مبكرا للحصول عليها قبل صدروها في الأسواق ..
و يعد الجزء السابع ( هاري بوتر و مقدسات الموت ) هو الجزء الأخير من السلسلة و الذي تختم فيه ( جي كي رولينج ) احداث القصة التي بدأت منذ عام 1997 بالجزء الأول من الرواية التي اثارت نجاح مذهل جعلها بلا منافس أكثر رواية مبيعا على مستوى العالم ..
و يقدم الجزء السابع باللغة العربية لأول مرة في زمن قياسي بعد صدور الجزء السابع من الرواية بالانجليزية في الصيف الماضي ..

 

[NouNoO]

هاااااااي بنات رجعت لكم

كتاب السر كتاب عجيب عجيب وبصراحه حلاته الواحد يبدى يطبق

وفي خبر بعد نزل كتاب يقولون انه تابع لكتاب السر بس خطوات عمليه واسمه علم الثراء

والثاني بعد اسمه قانون الجذب بس للحين صدر منه نسخه اجنبيه وقريبا ان شاء الله النسخه العربيه


اليوم كنت في جرير وخذيت لي

روايه حقيقه الخديعه
و الحصن الرقمي
وكتاب هكذا هزموا اليأس

اشوفكم على خير ان شاء الله

 

[حوورية الكويت]

بنات والي ما تحب تقرأ خير شر شنو تسوي؟؟؟؟

يقعد الكتاب عندي شهر شهرين وبعدين اصرفه والله فيه كتب قعدت عندي سنين ما قريتها اول كنت احب اقرا قصص بس بعدين مادري شصار لا قصص ولا شعر ولا حتى مجلات.........احس شي مو زين وودي اثقف نفسي بس ماني قادره احب القراءه

 

[توووفي]

الله يعطيج العافية - انا مثلج احب القراءة وراح احاول الخص لكم كل كتاب اقراه ونفيد بعض ونشجع بعض -