منو احسن دكتورة لعلاج تأخر الانجاب؟

[jasmen]

السلام عليكم بنات

حبيباتي الغاليات
بغيت اسألكم
منو احسن دكتورة لعلاج تأخر الانجاب؟
وليش؟

منو الدكاترة المتخصصين في هالمجال؟

ومشكورين والله يعطيكم العافية

 

[الصابره]

حبيبتي اذا تبين مره عندج دكتورة فوزية القطان

واذا ريال عندج دكتور باترك ابمستشفى لندن

وعندج دكتور عماد غزاوي برويال حياة

وعندج دكتور الصليلي بمركز او مستشفى العرف بالجهراء

هالدكاترة اكثر شي اللي اسمع ان ناس تعالجو واحملو على ايدهم

 

[كويتيه مذهله 87]

حبيبتي اذا تبين مره عندج دكتورة فوزية القطان

واذا ريال عندج دكتور باترك ابمستشفى لندن

وعندج دكتور عماد غزاوي برويال حياة

وعندج دكتور الصليلي بمركز او مستشفى العرف بالجهراء

هالدكاترة اكثر شي اللي اسمع ان ناس تعالجو واحملو على ايدهم

والله نفس الاسااامي كنت بكتبهم لج

انا الي مجربتها عدل فوزيه القطان ماشالله عليها حبوبه وتفهمج وجم سنه هي بالمجال وتعرف شنو حالتج من اول مراجعه وتنصحج بعد

 

[سندريللا بطه]

هلا اختي توني اليوم بسأل نفس السؤال
شوفي انا محتاره بين عاليه الفضلي وبين دكتورتي الي اعالج عندها د نجيبه القطان ولا د ناهد العلي
دكتوره عاليه الفضلي نصابه انها تعطي ادويه بالهبل بالهبل بخبال اختي تعالج عندها صج هي فاهمه بس احس حيل تعطي ادويه وتعطي مواعيد كل اسبوع تحليل ومراجعه اختي عالجت عندها ماشاء الله وهي الحين حامل وحتى لما عطتها منشطات اخر الشهر يعني تاريخ 21 من الدوره سوت تحليل هرمون الحليب علشان تشوف ارتفع ولا لا وصج طلع مرتفع عطتها حبوب وبعدها نفس الشهركانت حامل ماشاء الله
دكتورتي نجيبه القطان فظيعه تهبل اسلوبها وارتحت معاها بس ما احس انها شاطره ماعمرها سوت مع التنشيط تحليل علشان الهرمون ولا طلبت تحليل بعد الجماع سويت عندها تلقيح ما نجحت مدري وين اروح رفيجتي امدحت د ناهد العلي بس متردده ؟شنو رايك اغير دكتورتي نجيبه ولا لا ادري دخلت عرض اسفه

 

[m e m e]

انا عندي كلهم زينين

انا اراجع عند دكتوره شيرين و حسام استشاريين عند ماجده اليتامى و حيل شطااار

 

[أحلى حمامة]

انا عندي كلهم زينين

انا اراجع عند دكتوره شيرين و حسام استشاريين عند ماجده اليتامى و حيل شطااار

صراااااااااحة احس انه شيربين موفاهمة شي وبعدين اصلا كل الي عند ماجدة اليتامى احس انهم مبتدئيين

 

[m e m e]

صراااااااااحة احس انه شيربين موفاهمة شي وبعدين اصلا كل الي عند ماجدة اليتامى احس انهم مبتدئيين

لا و الله بالعكس انا قاريه عن حالتي انا وزوجي مو رايحه حق هالدكاتره على عماااي

و اللي طلبوو مني اسويي نفس البورتوكوول اللي يمشي علييه الدكاتره


طبيب زين و لا مو زين ماافي كلهم ماشيين على نفس البورتكول و اللي يمشي غير ن البورتوكول هذا اللي مايفهم

المهم اي وحده قبل لاترووح عند اي دكتور تقرا و تتثقف عن حالتها عشان يكون عندهه فكره

و الدكتور لو مهما كان ممتاز هالشي بيد الله

الله يكتبلج الحمل مو الدكتور

عشان جذي انا ماتفرق معاي منو لأن اهما يمشوون على نفس النظام

و ترى دكتور حسام اللي اراجع عنده استشاري و اشتغل سنين بالولاده قبل لايصير بالخاص

 

[amwaj]

والله يابنات انا بكتب لكم عن تجربه..انا جربت عند د0 فوزيه القطان 5 مرات تلقيح صناعي ومره طفل انبوب وماصااار..
وبعدها جربت عند د0 باتريك بمستشفى لندن والحمدلله من اول مره حملت..

بس حابه اوضح انه كل واحد له طريقته الي تختلف عن الثاني يعني ماكنو ماشين على نفس الاسلوب في العلاج..وما ادري انا احس د0باتريك وايد ادق من فوزيه مو عشان انا حملت عنده بس اهو يبدي العلاج قبل شهرين من سحب الأجنه ويعطي ابر تخلي المبيضين يشتغلون مع بعض بنفس الوقت بعكس د0 فوزيه علاجها يبدي قبل شهر واحد بس من سحب الاجنه وبعد اهو يسوي لج منظار عشان يحدد افضل الامكان لغرس الجنين,,يعني دقيق بامور وايد ماشفتها عند فوزيه..

طبعا كل شي بيد الله بس اذا تبين نصيحتي انا الي اعرفه انه احسن اثنين بالتأخر الأنجاب اهم باتريك ود0 منصور العرف
الي بجهرا ..


ادعولي الله يتمم علي حملي..

 

[محاميه الغد]

فوزيه القطان ممتااااااازه عن تجربه

 

[Emanova]

انا رحت عند حازم الرميح و عند اسامه صالحه ما ارتحت الا عند ماجده اليتامى ....

انا لما رحت حق حازم قال لى ما ابي ااسوي لج انابييب علشان عندج بيبي ...و اسامه عطاني الابر بدون ما بفحصني و بدون تحليل ولا سونار

ماجده عطتني كتاب عن الانابييب قالت لي اقريه عدل قبل لا تقريرين و قالت ان الموضوع يطول بين شهريين الى 3 شهور ....