اي استفسار لطلبة الحقوق - جامعة الكويت

[لــــورا]

؟؟؟؟؟

 

[السنا]

انا بعد انقبلت حقوق الحمدلله

بس ابي اسألكم عن المقابله حدي خايفه منها ما اعرف عنها ولا شي ...

ساعدونا بنات... :dddds:

 

[zoya_m]

:eh_s(2)::eh_s(2)::eh_s(2):بغيت اتاكد من شغله سمعتها يقولون ان اللي مجموعه ما يدخله جامعة الكويت يقدر يدخل اي معهد بس كورس بمعدل امتياز وتحول الجامعه ...صج ؟؟؟؟؟؟؟؟؟؟؟؟
عشان ودي بالحقوق وماودي ادرس بره عشان عيالي صغار وما ودي اخليهم عند احد

ابووووووي انتي ماتوقع يصير بنسبة 70 %

التحويل يكون بين كليات الجامعه بس

والي يقولج غير هالشي يقص عليييييييج صدقيني

 

[zoya_m]

zoya_y
هالسنه مرافعات عبيد و عزمي منزلينن
شرايج اخذ عند منووو؟؟؟

شوفي أنا خذيتها عند عزمي ودرجتي وايد ممتازه ... ترا عزمي يحب الدريسه

تدرسين يحبج ماتدرسين ماراح يحبج :dddds:

عامتا عزمي حقاني يعطيج درجتج بلملي لا زياده ولا نقصااااااااااان

مذكرة محمد بلال مهمه جدا اشتروها او سألو وحده تكون عندها وايد حلوه وتسهلج الماده

عبيد المطيري والله عمري ماخذيت عنده فما اعرف نظامه سألي البنات عنه ابوي

 

[zoya_m]

بنااات بغيت اسالكم وايد ناس يوم قتلهم بحول حقوق
قالولي شوديج مالها مستقبل الى بالواسطه يعني عندج واسطه اوكي ماعندج
يقطونج مكان معاشج حالج حال الدبلوم

صج ولا لا؟؟

وشنو الاماكن اللي تقدر تتوظف فيها الحقوقية غير محامية؟؟

ابوي تقدرين اتوظفين بكل مكان
وشنو مالهم مستقبل ونفس الدبلوم !!
انا ارفض هالكلام جملة وتفصيلا

اولا احنا لنا كاااادر الدبلوم مالهم كادر
ثانيا اسمج محاميه كافي مسماج يختلف عن الدبلوم
ثالثا اقل معاش حق الحقوقيين إذا كانو باحثين قانونيين اب أي وزاره سكه 660

وطبعا الواسطه يتوظفووون بالمحاسبه بشركات الإتصالات بالتحقيقات بالتوثيقات بالفتوى والتشريع وبوزارة الماليه

والله يسخرلنا الي فيه الخير يارب ويوفقكم أجمعييييييييييين

 

[zoya_m]

ومبرووووووووووووك لكل من انقبل بالحقووووق
والله يوفقكم يااااااااااااااااااااااااااااارب

الحقوق دارسه ووناسه بنفس الوقت ...

درسو راح تتعبون اول سنتين بس بترتاحون تالي ليش تعودتوا عالصعوووبه :d

سنه ثانيه أهم سنه مهمه جدااااااااااااااااااااااااااااااااااااااااااااااااااااااااااااااااا

 

[SweET^LiKe^chocolate]

يعطييج العافية زويا والله ساتفدنا منج بس حسافة ماراح انلحق عليج بالكلية لووول

 

[شقيانه]

مشكوووورة ع الافااادة اختىى

بس اظن للحين محد عطاانى اجابة لاسئلتي
شلوون عن المقابله مراات يطري ببالي انسحب من الكليه بعد ما قبلووني بسبتهاااّ!!!!!!!!

وطبيعه الدوااام شلووون عنهااا رووتينية حيييل والا فيها مروونة ؟
وشااااااااااكرة تعااونكم حبيباتي

 

[L a w y e R]

حبيباتي

الشقيانة

و

السنا

ألف مبروك ع القبوول ومنها لاعلى انشالله

.
.

جيكوا على ردودي بهالموضوع

بخصوص المقابلة

.
.

على حظي سألوني هالاسئلة

ورفيجاتي سألوهم أسئلة قشرة لووول

المقابلة يمكن تحسين بخوف لأنج أول مرة بتعيشين هالتجربة

تقعدين جدام أساتذة جامعيين لا وحقوقيين بعد يعني مو حي الله أي دكاترة

اهي أول وتالي مسألة ثقة بالنفس

كوني واثقة من إجابتج ولا تبينين لهم انج مرتبكة وخايفة

لأن ثقتج بنفسج وايد مهمة وبتعطيهم انطباع إنج جريئة

وحتى لو جاوبتي غلط طاف

المهم طريقتج بالإجابة

.
.

آنا دشوا علي من مدخل الثقافة

سألوني شنهو آخر كتاب قريتيه ؟

وشنهي المجالات اللي تقرين فيها ؟

وحبوا يشوفوني يرعه والا لأ لوول

اللي سألوني أبجي واتأثر لاسمعت أغنية ولا شفت فلم ؟

وشور ماسألوا هالاسئلة عبث ..

لأن على طول الدكاترة يقولون إن الحقوق مايبيلها قلب رهيّف

وأي شي تبينه قوليلي من عيوني ..

عندج ورقة الأسئلة مالت المستقلة ؟

.
.

اي صج ،،

ضروري تحضرين اللقاء التنويري

راح تستفيدين حيل

وبنات المستقلة شور بيكونون هناك

لا يردج إلا لسانج وشور ماراح نقصر معاج

 

[L a w y e R]

وبالنسبة لنظام الدوام

بحكم ان موادنا دسمة

فـ اغلب الدكاترة مايغشمرون

سنة اولى دوامهم واااايد حلو ماشالله

وايد مريح ومافيه ضغط

عكس باجي السنوات لأن المواد تزيد

وعموما اول وتالي كله راجع للدكتور

في المتساهل وفي الشديد ..

بس أرد وأقولج الدوام وايد ممتع وحيل بتستفيدين

خصوصا وإن المواد ماقط درستيها من قبل

بس أهم شي تشدين حيلج وتدرسين أول بأول

لأن الدراسة السريعة اللي قبل الامتحان بيومين

نفس ماكنا نسوي بالثنوية كلش ماتنفع بالحقوق

يبيلج أقل شي أسبوع ..

وأي شي تبين لا يردج إلا لسانج

حتى لو بغيتي نوتس ونماذج امتحانات قولي

وهالحجي لكل البنات المستجدات ..

بس تحتاجون أي نوت والا مراجعة قولولي

وانشالله أقدر أساعدكم ,,

.
.

ادعولي عندي تكميلي لوول

 

[zoya_m]

يعطييج العافية زويا والله ساتفدنا منج بس حسافة ماراح انلحق عليج بالكلية لووول

الله يعافيج ابوي ,,, أي من قلب ,,, انا تخرجت السنه الي طافت اب 2007
يعني انتي اب سنه اولى وأنا صارلي سنتين متخرجه :dddds:
عسى الله يوفقج آميييييييين :tek:

 

[zoya_m]

مشكوووورة ع الافااادة اختىى

بس اظن للحين محد عطاانى اجابة لاسئلتي
شلوون عن المقابله مراات يطري ببالي انسحب من الكليه بعد ما قبلووني بسبتهاااّ!!!!!!!!

وطبيعه الدوااام شلووون عنهااا رووتينية حيييل والا فيها مروونة ؟
وشااااااااااكرة تعااونكم حبيباتي

ابوي الي بتسحب من الكليه المفروووووووووض يكون عذرها أقوى من انه يكون مجرد مقااااابله

كلية الحقوق مايبيلها لعب لازم تدرسيييييين وبدقه وبعد

دوامها وايد في التزام

في دكاتره وايد شديدين بس هم يراعووون طبعا

المرووونه انسيها ابوووووووي لازم تكونين ملتزمه
تبين تمشين فيها وما يصادفج شي يكدر صفو دراستج لازم تلتزمين في مواد تغصبج تلتزمييييييييين

الإلتزام ضروري مافي ولا دكتور مايحط درجات عالحضووور والغيااااب إلا نادراااااا

وفي وايد مواد تحتاجين شرح دكتور وخاصه مواد المدني والي اهما

أصول قانون سنه اولى - الإلتزامات والإثبات أنا اسميها مادة الإعدام _03BA: سنه ثانيه - عقودمدنية سنه ثالثه - قانون المدني سنه رابعه

ضروووووووووووري الحضووور فيهم ضروري

 

[zoya_m]

وبالنسبة لنظام الدوام

بحكم ان موادنا دسمة

فـ اغلب الدكاترة مايغشمرون

سنة اولى دوامهم واااايد حلو ماشالله

وايد مريح ومافيه ضغط

عكس باجي السنوات لأن المواد تزيد

وعموما اول وتالي كله راجع للدكتور

في المتساهل وفي الشديد ..

بس أرد وأقولج الدوام وايد ممتع وحيل بتستفيدين

خصوصا وإن المواد ماقط درستيها من قبل

بس أهم شي تشدين حيلج وتدرسين أول بأول

لأن الدراسة السريعة اللي قبل الامتحان بيومين

نفس ماكنا نسوي بالثنوية كلش ماتنفع بالحقوق

يبيلج أقل شي أسبوع ..

وأي شي تبين لا يردج إلا لسانج

حتى لو بغيتي نوتس ونماذج امتحانات قولي

وهالحجي لكل البنات المستجدات ..

بس تحتاجون أي نوت والا مراجعة قولولي

وانشالله أقدر أساعدكم ,,

.
.

ادعولي عندي تكميلي لوول

الله يووووفقج يارب ويسهلها عليج
ابوي انتي ركزي عالامتحانات القديمه بتيي وايد أسأله منها وامتحانكم بالدور الأول درسييييييييييه عدل عدل اكيد راح ايي سؤال منه وطمنينه على درجتج وان شاءالله ناجحه :ggdw: وابيج تحطين في بالج شي ترا التكميلي اسهل بوايد من الدور الأول وركزي وان شاءالله بتيبين درجه سنعه

 

[L a w y e R]

حياتي مشكورة

وايد خايفة بس انشالله سهالات

مادرست ليلحين مادري امتى بدرس

واحتمال اسافر بعد ؟

انشالله قايلة من باجر بدرس

وانشالله ماطول بالدراسة لأني درست بضمير حق الميدتيرم والفاينل

الله يعيننا ويوفقنا

 

[bright future]

قوووة بنات يعطيكم العافية

بغيت استفسر عن شغلة انا كنت ابي حقوق ونسبتي تدخلين حقوق لا وبعد فوري سألت عنها قالوا لي صعبة وايد ومالها مستقبل وكئيبة حيل وماتصلح للبنت فأنا اكتئبت حيل وصليت استخارة مابين الاداب والحقوق ويوم التسجيل للاسف سجلت اداب وقبلوني فوريي وسجلت موادي والحين تحسفت حيل يوم طلعت اسامي المقبولين بالحقوق والاداب قلت ياليتني كنت من ضمنهم ومرات اقول ليش ما اسحب الكورس واسجل كورس الياي بس هم الحقوق نظام سنوي اقول اخذ فرنسي واسحب هالكورس هذا وشنو تنصحوني فيه ارجو المساعدة وهل في امكانية اني اغير رغبتي هالايام واسجل مع الي مانقبلوا فوري ولا لا ؟ والحقوق ياخذون تاريخ حضارة عربية اسلامية ولا لا ؟
وثانكس

 

[zoya_m]

قوووة بنات يعطيكم العافية

بغيت استفسر عن شغلة انا كنت ابي حقوق ونسبتي تدخلين حقوق لا وبعد فوري سألت عنها قالوا لي صعبة وايد ومالها مستقبل وكئيبة حيل وماتصلح للبنت فأنا اكتئبت حيل وصليت استخارة مابين الاداب والحقوق ويوم التسجيل للاسف سجلت اداب وقبلوني فوريي وسجلت موادي والحين تحسفت حيل يوم طلعت اسامي المقبولين بالحقوق والاداب قلت ياليتني كنت من ضمنهم ومرات اقول ليش ما اسحب الكورس واسجل كورس الياي بس هم الحقوق نظام سنوي اقول اخذ فرنسي واسحب هالكورس هذا وشنو تنصحوني فيه ارجو المساعدة وهل في امكانية اني اغير رغبتي هالايام واسجل مع الي مانقبلوا فوري ولا لا ؟ والحقوق ياخذون تاريخ حضارة عربية اسلامية ولا لا ؟
وثانكس

ابوووووووووووي براااااااااااااااااايت فيوتشر اشتبيني اسوووووووووووي فيج أذبحج :| :| صدمتيني والله
سوري ابوي على اسلوووووووووووووبي بس صج حريتيني

أولا الي يقول الحقوق مالها مستقبل ماعنده سالفه
وإذا تبين اثبت لج انه الحقوق مستقبلها حلو وراقي
طقي سيارتج سلف وروحي قصر العدل شوووفي المحاميات شلون رزه
تالي روحي الإداره العامه للتحقيقات وشوفي المحققات تتمنين لو كنتي مكانهم

 

[zoya_m]

حياتي مشكورة

وايد خايفة بس انشالله سهالات

مادرست ليلحين مادري امتى بدرس

واحتمال اسافر بعد ؟

انشالله قايلة من باجر بدرس

وانشالله ماطول بالدراسة لأني درست بضمير حق الميدتيرم والفاينل

الله يعيننا ويوفقنا

امتحانكم متى اول شهر 10؟؟
إذا اول 10 أقول درسي من الحين بعدين بيي رمضان والعيد ومايمدييييييج

وتصيرين مثل هذا :cxxxp:

لوووووول :dddds:

 

[محاميه الغد]

lawyer
ههههههههههه ضحكتيني على الاسئله و الله عبالي اسئلتهم ثقيله طلعوا يسئلون عن الرومانسيه و الافلام و البجي
حبيبتي بلشتي دراسه التزامات و لا لا يلا شدي حيلج و ترى التزامات صعبه بس الكتاب الاول اشوفه ممتع
عندج فكر عن موعد تسجيلنا سنه ثالثه ؟؟؟
انا براجع الكليه الاسبوع الياي


بنااااات لا تحاتون المقابله الشخصيه وايد اهم شي دشوا واثقين من روحكم و الاسئله مو صعبه ما اعرف بنت سقطت فيها

 

[محاميه الغد]

zoya
تسلمين حبيبتي على الرد انشالله اول ما يقرب موعد التسجيل و اشوف الجدول اسئلج عن باجي الدكاتره
ابيج تكلميني عن مواد سنه ثالثه خاصه جزاء و عقود و مرافعات صج صعبيين ؟؟
يعني اصعب من التزامات و لا لا
ابي يكون عندي فكره عن سنه ثالثه اذا ماعليج امر

 

[SweET^LiKe^chocolate]

انزين بنات شنو الشغلات اللي لازم نعرفها او الاساله الشائعه بالمقابلة الشخصية؟؟