حملة قراءة سورة البقره كل يوم

[همه للقمه]

السلم عليكم ورحمة الله وبركاته
اني احبكم فالله
حبيباتي ارجوا تشجيعي واعطائي وصفة ان وجدت لتكميل قرائة سورة البقرة او لقرائتها الى الابد يعني على طول انا خلصت اول اربعين يوم والحمدلله وكملت عقبها حتى وصلت 43 على ايم متفرقة احس همتي خفت شوي وصارت لي ظروف ما قدرت اواصل والحين ودي اقراها بس صدقوني ماني قادرة سويت كل الاشياء اللي تخليني اقراها مثل ما كنت اقراها بس هم موقادرة الله المستعان

 

[LuLiTa]

الحمدلله انا الحين صارلي 57 يوم اقراها و ان شالله الله يتمم علي و يفرجها علي

 

[yoshyosh]

السلام عليكم ورحمة الله وبركاتة:68_asmilies-com:

السلام عليكم ورحمة الله وبركاته

شوقتوني جزاكم الله خير

وراج ادعي ربي لكل من يساعني وربي يوفقكم وينولكم اللي في بالكم

بس ابدي راح احط التوقيع

جزاكم الله خير​

اولا بتقولون هالبنت ليش حاطة اقتباس حق روحها بقول عشان تذكروني اني دشيت يوم 9-8-2008

ثانيا باركولي اني بدت اليوم اول اتمامة لي بالجمعه المباركة ان شاء الله علي وعليكم :ggdw:
ثالثا ربي يوفقكم ان شاء الله

رابعا احببتكم في الله

خامسا ادعو للخلتني اغار منها لانها تقرا سورة البقرة يارب توفقها وتنولها الي في بالها:klhfl:​

 

[الدين نعمه]

السلام عليكم ورحمة الله وبركاته

شلونكم بنات

انا عندى مشكله واتمنى انكم تساعدونى انا بنت عمرى 23 ولحد الحين مايأنى نصيبي ولا حتا احد طق الباب الحمدالله على كل حال وانا تونى متوظفه والحمدالله ان بالمكان اللى ابيه اناقبل فتره سمعت عن فوائد قرات سورة البقره وتحمست اقراها 40 يوم وقراتها 38 يوم ماادرى ليش بس وصج وايد حسيت تغيرت اشياء للاحسن ومنها ان شغلى تسهل بس سبحان الله ماقدرت اكمل الاربعين وانا الحين ودي ارد اقرأه بس ماادرى شفينى كل يوم اقول اليوم و مااقراه اتثيقلها استغفر الله معنى انى شفت فؤايدها جدامى

بس ماادرى شفيني

اتمنى انكم تساعدونى وتعطونى حل

يزاكم الله اللف خير

 

[مناير خزنة التاير]

السلام عليكم ورحمة الله وبركاته

شلونكم بنات

انا عندى مشكله واتمنى انكم تساعدونى انا بنت عمرى 23 ولحد الحين مايأنى نصيبي ولا حتا احد طق الباب الحمدالله على كل حال وانا تونى متوظفه والحمدالله ان بالمكان اللى ابيه اناقبل فتره سمعت عن فوائد قرات سورة البقره وتحمست اقراها 40 يوم وقراتها 38 يوم ماادرى ليش بس وصج وايد حسيت تغيرت اشياء للاحسن ومنها ان شغلى تسهل بس سبحان الله ماقدرت اكمل الاربعين وانا الحين ودي ارد اقرأه بس ماادرى شفينى كل يوم اقول اليوم و مااقراه اتثيقلها استغفر الله معنى انى شفت فؤايدها جدامى

بس ماادرى شفيني

اتمنى انكم تساعدونى وتعطونى حل

يزاكم الله اللف خير

الله يوفقج انشالله و يرزقج بالنصيب الصالح قولي امين
كل شي بيد الله و انشالله الله كاتب لنا كل خير
بس لازم نتوكل عليه و نبذل الاسباب

انا اقولج شي ، عقب كل فرض مسكي المصحف و اقري شوي لي تتعبين
و جذي ما يخلص اليوم الا وانتي قاريتها كلها
انا برايي عقب صلاة العصر هالحزه تصير هدوء و تقدرين تقرين و سبحان الله مع الايام بتعودين
:tek:

 

[مناير خزنة التاير]

السلام عليكم ورحمة الله وبركاتة:68_asmilies-com:



اولا بتقولون هالبنت ليش حاطة اقتباس حق روحها بقول عشان تذكروني اني دشيت يوم 9-8-2008

ثانيا باركولي اني بدت اليوم اول اتمامة لي بالجمعه المباركة ان شاء الله علي وعليكم :ggdw:
ثالثا ربي يوفقكم ان شاء الله

رابعا احببتكم في الله

خامسا ادعو للخلتني اغار منها لانها تقرا سورة البقرة يارب توفقها وتنولها الي في بالها:klhfl:​

مشالله ، الله يتمم عليج
:tek:

 

[مناير خزنة التاير]

جي جي
الــــف مبـــروك على الوظيفة
ربي يوفقج و ينولج اللي بالج

والله العظيم اني استانست لج من كل قلبي

:tek:

 

[أم منصور]

السلام عليكم جميعا


جمعه مباركه


حبيت اذكر للي يدخل هذه الصفحة قراءة سورة الكهف


يمكن احد ناسي للذكرى


الحديث : 11146 - من حفظ عشر آيات من أول سورة الكهف عصم من فتنة الدجال( حم م د ن ) عن أبي الدرداء . قال الشيخ الألباني : ( صحيح ) انظر حديث رقم : 6201 في صحيح الجامع
الجامع الصغير


________________________________________
الحديث : 11416 - من قرأ سورة الكهف في يوم الجمعة أضاء له من النور ما بين الجمعتين( ك هق ) عن أبي سعيد . قال الشيخ الألباني : ( صحيح ) انظر حديث رقم : 6470 في صحيح الجامع
الجامع الصغير



الحديث : 225 - ( صحيح )وعن أبي سعيد الخدري رضي الله عنه قال قال رسول الله صلى الله عليه وسلم :من قرأ سورة الكهف كانت له نورا يوم القيامة من مقامه إلى مكة ومن قرأ عشر آيات من آخرها ثم خرج الدجال لم يضره ومن توضأ فقال سبحانك اللهم وبحمدك أشهد أن لا إله إلا أنت أستغفرك وأتوب إليك كتب في رق ثم جعل في طابع فلم يكسر إلى يوم القيامةرواه الطبراني في الأوسط ورواته رواة الصحيح واللفظ لهورواه النسائي وقال في آخره :ختم عليها بخاتم فوضعت تحت العرش فلم تكسر إلى يوم القيامةوصوب وقفه على أبي سعيد ( وله حكم المرفوع )
صحيح الترغيب والترهيب



وقصص سورة الكهف الأربعة يربطها محور واحد وهو أنها تجمع الفتن الأربعة في الحياة:

فتنة الدين ( قصة أهل الكهف )
فتنة المال ( صاحب الجنتين)
فتنة العلم (موسى عليه السلام والخضر)
وفتنة السلطة ( ذو القرنين)




اللهم أنى أعوذ بك من فتنة المحيا و فتنة الممات
و شر فتنة المسيح الدجال
اللهم أغفر لى و لوالدى و للمؤمنين و للمؤمنات يوم يقوم الحساب

 

[noorq8]

بناااات انا صارلي فترة قطعت القراية ما ادري ليش
برد ان شالله و بقوة معاكم من اليوم

 

[[ . . Jee Jee . . ]]

السلم عليكم ورحمة الله وبركاته
اني احبكم فالله
حبيباتي ارجوا تشجيعي واعطائي وصفة ان وجدت لتكميل قرائة سورة البقرة او لقرائتها الى الابد يعني على طول انا خلصت اول اربعين يوم والحمدلله وكملت عقبها حتى وصلت 43 على ايم متفرقة احس همتي خفت شوي وصارت لي ظروف ما قدرت اواصل والحين ودي اقراها بس صدقوني ماني قادرة سويت كل الاشياء اللي تخليني اقراها مثل ما كنت اقراها بس هم موقادرة الله المستعان

اختي مافي وصفة الا التشجيع .... واضبي بالاطلاع على الموضوع وهمتج تزيد كل يوم كتبي قريتيها او لأ كلنا سوينا جذي ... اقريها بالنهار سواء بالدوام او بالبيت المهم نهار لانه بالليل تعب ...

السلام عليكم ورحمة الله وبركاتة
اولا بتقولون هالبنت ليش حاطة اقتباس حق روحها بقول عشان تذكروني اني دشيت يوم 9-8-2008
ثانيا باركولي اني بدت اليوم اول اتمامة لي بالجمعه المباركة ان شاء الله علي وعليكم :ggdw:
ثالثا ربي يوفقكم ان شاء الله
رابعا احببتكم في الله
خامسا ادعو للخلتني اغار منها لانها تقرا سورة البقرة يارب توفقها وتنولها الي في بالها:klhfl:​

اختي .. انتي بعد تقدرين تقرينها لا تغارين من خالتج ولا شي ... الله ينولج وياها وايانا كل خير وكل شي بنيتنا وخاطرنا لو كان فيه خير لنا بإذن الله

جي جي
الــــف مبـــروك على الوظيفة
ربي يوفقج و ينولج اللي بالج
والله العظيم اني استانست لج من كل قلبي
:tek:

ادري حبيبتي والله ماحاجة تحلفين الله لا يحرمني الدعوة الحلوة

ان شاءالله اباركلج باللي بخاطرج فيه حبيبتي :*





حبيبتي يام منصور .. قريت كل كلامج .. وعلى اختنا اللي بلشتها بالسؤال لوووووووول ردج ضحكني

شسوي كنت احس انه صايمة ومو صايمة ..

جزاج الله خير على نقل الفتاوي :*


زوبا سوي نفس ماقالت لج الفا والله وياج .. ( الفا فاقدتج حبيبتي ) والله مانسيتج .. ارد البيت مهدود حيلي وماشبك الا بالدوام وهناك مافي مسنجر ... بس اشبك بلاب توبي هناك بنشكح واصادفج .. فقدت سوالفج




نور انا نفسج موقفه هاليومين ... وطولت والله


امممم في رد نسيته << نست تسويله كوت ..

اي عرفته ... الاخت اللي تقول عمري 23 ومحد طق الباب .... حبيبتي انا كبرج حسستنيني عمري 45 ...
ابي اقولج شي مهم حيل والله واقولج اياه مثل ماتكونين اختي فعلا وابيج تاخذينه جد وحلفتج بالله تستوعبينه صح ...


لا تتقربين لله بنيه اصلاح شي دنيوي ... فكري انج تتقربين من الله عشان يرضى عليج ولو رضى ربي عليج يصلح كل امورج بإذن الله ويرزقج باللي فيه خير لج ... نيتج خليها رضى الرحمن وادعي باللي تبينه ...
وتحري اوقات الاستجابة ...

هذا اول شي مهم ... والثاني مايقل عنه اهمية .....

انج تتركين كل شي حرام .. اي شي يغضب الله لا تسوينه ابتداءا من حف الحواجب إلى الاغاني إلى الملابس والعطور والحش وووو تعرفين كل سوالف البنات والله انها صعبة الا على اللي نيتها تطيع ربها وبس ... مو الخلق ...

واخر شي بقولج اياه ... خليج قنوعه بالشي اللي عندج ... في بنات ماتوظفوا للحين والله انا تعبت لين توظفت وليلحين اعاني من بعد الطريج والنقل مستحيل ...
وعن سالفه ماتزوجتي .... شتقولين بالي طافوا الـ 40 ماتزوجوا ؟
انا ماقولج شيلي من بالج.. بالعكس اسعي لرضا الرحمن عشان يستجيب منج دعواتج ويرزقج اللي فيه خير لج ...




شكنت بقول بعد امممممممم


اي ... وين البنات؟ فلورز واميرة ماشفتهم من زمان والكادي بديت افقدها الا اذا لحقت واكتبت بالوردي ..



ام روري ناطرج نصايحج على الخاص لما تفضين غلاتي

 

[*مــــســــك*]

جزاكم الله خير

انا باشارك وياكم

وانا والاهل دايما نقراها بس وقت الدورة نقطع



بس الحين ان شالله يومياا بنقراها بدون انقطاع



والله يجعله بميزان حسناتكم

 

[[ . . Jee Jee . . ]]

حياج الله معانا بين خواتج يا مسك

 

[أم منصور]

تصبحون على خير بنات


قريت شي وفطست من الضحك :dddds:

بنات عذروني في حال عدم تواجدي بالحمله لانشغالي _03BA:

جود نخت

 

[alfa2002]

جي جي حتى انا مشتاقة لك لك فقدة الدوام خذاك منا

 

[رذاذ المطر]

اماشاء الله غطيت عن النت ولقيت خبره حلوو

الف الف الف مبروك جي جي علي الوظيفة ادري انها متاخر

بنات حبيت اذكركم لاتنسون الصدقة كل يوم تصدقو وادعو دعوه حلوه

 

[[ . . Jee Jee . . ]]

جي جي حتى انا مشتاقة لك لك فقدة الدوام خذاك منا

والله ودي ادخل مسنجر الحين القهر اني ماقدر بالدوام مانعينه ...

شلونج حبيبتي؟ والله ماحلف جذب اني فاقدتج بعد وخااااااااااااطري اعرف اخبارج واقرا سوالفج

اماشاء الله غطيت عن النت ولقيت خبره حلوو
الف الف الف مبروك جي جي علي الوظيفة ادري انها متاخر
بنات حبيت اذكركم لاتنسون الصدقة كل يوم تصدقو وادعو دعوه حلوه

الله يبارك بعمرج حبيييبتي عساج ماتقرين عنا وما نقرا عنج الا الاخبار الطيبة الحلوة اللي تبشر بالخير
شلونج سحوب؟ مستمرة ان شاءالله

تصبحون على خير بنات
قريت شي وفطست من الضحك :dddds:
بنات عذروني في حال عدم تواجدي بالحمله لانشغالي _03BA:
جود نخت

مااافي قود نخت شتضحكين عليه :eh_s(14):
نومة العواافي ديير

 

[أم منصور]

مااافي قود نخت شتضحكين عليه :eh_s(14):
نومة العواافي ديير

هلا وغلا سكتي امس مت من الضحك والله نمت وانا اضحك :dddds:

الحين رمضان 1/9 واذا صار شعبان 29 يوم يصير 31/8

انشالله شعبان 29 يوم

جيجي يمكن ما اقدر اشبك في رمضان الا للسلام عليكم ترا النت ياخذ وقت وايد واذا قدرت بالدوام

عندي موضوع انشالله بعرضه عليكم خلال شهر رمضان ومحتاجه متطوعين يعني القصد عمل جماعي

واذا عرضته محتاجه 5 متطوعين وانشالله فيه فايده كبيرة للجميع

احبكم في الله :tek:

 

[يرخصلك كل غالي]

مرحبااااااا صبايا

انا حابه انظم لكم بالحمله

ومن اليووم ببدا بالقراءه


انشالله اواضب عليها

:33_1185028183:

 

[مناير خزنة التاير]

واخيرا ، رديت اخلصها ببيوم واااااحد

الحمدالله رب العالمين ، امس قريتها و خلصتها وااي استانست اشكثر

 

[[ . . Jee Jee . . ]]

هلا وغلا سكتي امس مت من الضحك والله نمت وانا اضحك :dddds:

الحين رمضان 1/9 واذا صار شعبان 29 يوم يصير 31/8

انشالله شعبان 29 يوم

جيجي يمكن ما اقدر اشبك في رمضان الا للسلام عليكم ترا النت ياخذ وقت وايد واذا قدرت بالدوام

عندي موضوع انشالله بعرضه عليكم خلال شهر رمضان ومحتاجه متطوعين يعني القصد عمل جماعي

واذا عرضته محتاجه 5 متطوعين وانشالله فيه فايده كبيرة للجميع

احبكم في الله :tek:

خلاص انا ناطرتج ...

على رمضان كلنا محنا شابكين الا قليل ان شاءالله