رد: ..:: هـــذا التجــمع غــــير الجــزء الثاني ::..
ادري قرقت وايد بس اسمحيلي ودي اعرف عشان اتشجع.. موفقه
لا عادي اشدعوه لا قرقتي ولا شي:dddds:
انزين حبيبتي قوليلنا تجربتج مع الدكتور طالب وجم المدة اللي نزلتي فيها ؟؟ برياضه ولا بدون رياضه ؟؟
انا كان وزني بالبدايه 104 ونزلت ليما وصلت 70,400 غرا خلال 4 اشهر وشوي
كنت شاده حيلي لأن كان عندي عرس اخوي وكنت اسوي رياضه لزنودي وصدري وكتوفي وجنوبي يوميا 100 مره كل تمرين وكنت امشي ساعه وشوي يوميا
وطبعا عقب عرس اخوي هديت نفسي هده ما بعدها هده ومتنت ليما وصلت لي 82
بس طبعا هالمتن هذا صار خلال 6 اشهر يعني الحمدلله زين مازدت اكثر
جان اتلاحق عمري بتاريخ 22-1 وبلشت مره ثانيه رجيم ليما الحين
والحين وزني 65 وماقاعده اسوي رياضه لأن المناطق إللي كانت عندي متينه قبل اختفو بس الحمدلله ليلحين امشي بالممشى لمدة ساعه إلا ربع
وانشالله خلاااااااااص توبه الراحه انقرصت حدي
وطبعا عقب ماذقت حلاوة الضعف والرشاقه
ايه كان يعطيني حبوب ايزيلاكس كومبلس
وإهيا عباره عن اعشاب من ضمنها الكمون والحبه الحلوه
وشوي تمشي البطن وانتي بكرامه وتعتبر بعد مكمل غذائي بجانب الرجيم
وانتي ماشاء الله تبارك الله نزلتي وايد هل حسيتي جسمج ترهل ولا عادي؟؟؟
هههههههههههه
يا سبحان عاد اتصدقين الكل مو مصدق إني مسويه بس رجيم!!!!!
الكل يقول هاذي مسويه شفط وشد:dddds:
لأنهم يقولون وين الترهل ماقاعد نشوفه المفروض اللحم يكون مدلدل:dddds:
حتى رفيجتي الروح بالروح منزمان ماشفتها
تو جتنا البيت إهيا واختها ومنزمان ما شافتني اختها ومنصدمه من شكلي جان تسألني انتي اتسوين رياضه صح؟
جان اقولها شللي جاب طاري هالسؤال جان تقوللي لأن ماشالله جسمج مشدود ماشالله تبارك الرحمن
الزبده هالله هالله بالمشي لأن الدكتور تخيلي ما وصاني على الرياضه ابد كان يوصيني على المشي
حتى يقوللي لازم تمشين خلال فترة نزول وزنج عشان ما يترهل جسمج
والحمدلله النتايج بالاخير مرضيه وهذا بفضل ربي ثم بفضل الدكتور طالب
قرقرتي اكثر من قرقرتج مو جذيه:dddds:
