عندج استفسار عن منهج الرياضيات للمرحلة الابتدائية....حياج

[وافية*]

مرحبا حبايبي شخباركم:eh_s(8): مبروك عالقسم الجديد وانشاللة تستفيدون من المواضيع اللي راح تنضاف للقسم...
انا مدرسة رياضيات ابتدائي وادري في صعوبات على بعض اولياء الامور بتدريس ابنائهم الرياضيات بالشكل الصحيح...يعني تلقين الطالب او الطالبة ياخذ الدرس مع الابلة بطريقة والام تشرحلة بالبيت بطريقة ثانية:eh_s(14): وهني يضيع المسكين ومايقدر يستوعب الموضوع...
فاللي عندها اي استفسار عن طرق تدريس الرياضيات تتفضل وماراح اقصر معاها انشاللة(كلة لمصلحة ابنائنا وبناتنا الطلاب)
وحياكم اللة:eh_s(8):

 

[كدكد]

حبيبتى ماقصرتى ويزاج الله كل خير ... وهم أنا أضم صوتى لصوتها يعنى :gathering:.. واللى يبى اى



شئ بالرياضيات ماراح نقصر معه... ( أبله رياضيات ):eh_s(8): :eh_s(8):


تحياتى للجميع....

 

[هوى الدار]

حبيبتي مشكوووره على الفكره الحلوه

حبيت اسال شلون اعلم ولدي جدول الضرب يعني هل اخليه يحفظه حفظ او يفهم ويجمع ؟؟؟؟؟؟؟

 

[وافية*]

هلا حبيبتي هوى الدار جدول الضرب اهو الشي الوحيد اللي بالرياضيات مايبيلة فهم لاااااازم يحفظة صم الطالب لان اذا بيعتمد على طرق ثانية غير الحفظ بيضيع وقتة من غير فايدة بس فية طبعا بعض حقائق الضرب اللي تكون صعبة على التلاميذ وينسونها مثلا 7×8 و6×7 وهالجداول الكبيرة ممكن انة يستخدم طرق تسهل علية الاجابة بس مايعتمد عليها واذا تبين هالطرق انا حاضرة
وحياج اللة

 

[شـــــــــمس]

حيالله اهل الرياضيات .. كله احس انه مافيه بالمنتدى مدرسات رياضيات بس كنتو منخشين اهلين فيكم

 

[وافية*]

ههههههههههه طبعا احنا العباقرة مانطلع الا وقت الصجية _03BA:
لا لاتخافين علينا احنا موجودين وبكثرة ماشاللة (عسى اللة يزيدنا ويبارك فينا) وجاهزين لاي استفسارات:ggdw:

 

[ابلة حساب]

وانا بعد وياكم
يستاهلون اهل الطيب والخير من منتداي الغالي
اي سؤال انا حاضرة لتدريس الرياضيات
لاني ابلة رياضيات تأسيس ابتدائي من 5 سنين
وبالخدمة يالغالييييييين

 

[خاشووقه]

الله يعينج

 

[شيــوخه]

ياهلا فيكم يا ابلات الرياضيات

يليت كل مدرسات الرياضيات نفسكم ونفس طيبتكم وحسن اخلاقكم وماقصرتو ووالله

انا بنتي الي بثانيه ابتدائي اتحفض وتحسب وتحل وكل شي زينه فيه اذا يتي عند الناقص ادقر ادق ابريك ماتستوعب له مرات ومرات يعني

اما ااختها بصف الثالث كلش ملش باطه جبدي بط ماتعرف للرياضيات ولا تبي اتفكر اشلون اتحسب او شي والسبب انه يوم كانت باولى ابتدائي مدرستها كانت مصريه وشنو كانت تتقول تقول ابي البنت تحفض ومابيها تعد يا بنت الناس غيري بدلي تقول لا اانا اابيها تحفض ماابيها تعد الحين اذا عطيتيها رقم مو حافضه لا اتشير 1+5=امممممممممممم 8 على طوووووووووووووووول ماتبي تعد وتالي نقلتها من مدرستها رحنا مدرسه ثانيه بس صج مخ البنت متلخبط وماني عارفه اشلون اميز هذي الشغله معها /؟؟

 

[ابلة حساب]

ابدي معاها من الاول وعلميها بالصيف
يعني ابدي معاها الاعداد وبعدها اسماء الاعداد وبعدين انتقلي للجمع وبالاخير الطرح
وشوفي تتقبل ولا بعدها
وانشالله اكون بخدمتج

 

[محجوب2]

السلام عليكم ورحمة الله وبركاته
أنا عضو جديد فى منتداكم الرائع
ممكن تساعدونى

 

[منورة الكويتية]

يا اخ محجوب
ماتدري ان الرقاله ممنوع يشاركو بالمنتدى ده؟

 

[أم حمودي]

السلام عليكم
تكفون مدرسات الرياضيات ساعدوني
أنا ولدي بيروح ثالثه ابتدائي
وضعيف بالرياضيات
يخربط بالعشرات واآحاد مستحيل يقرى رقم كبير مكنون من رقمين وأكثر

 

[وافية*]

السلام عليكم
تكفون مدرسات الرياضيات ساعدوني
أنا ولدي بيروح ثالثه ابتدائي
وضعيف بالرياضيات
يخربط بالعشرات واآحاد مستحيل يقرى رقم كبير مكنون من رقمين وأكثر

هلا ام حمودي هذا اهم شي عاد بس لازم تفهمينة بالطريقة هذي...

اول شي منازل الاعداد احنا نسميها عوائل مثلا (عائلة الوحدات وعائلة الالوف وعائلة الملايين)وكل عائلة عندها (أحاد و عشرات ومئات) وواضحة بالصورة عندج بالكتاب...
1) اذا كان عندنا عدد مكون من رقمين نقرا العدد مبتدئين من الاحاد مثلا(25__تقرأ خمسة وعشرون)
**الحين راح تختلف الطريقة بالاعداد المكونة من اكثر من رقمين (راح نبدا نقرا من المنزلة الاكبر فالاصغر( مئات ثم آحاد ثم عشرات)...كالتالي...
***العدد المكون من 3ارقام نقراة من المئات ثم الاحاد ثم العشرات مثلا(314___تقرا ثلاثمائة واربعة عشر)
وبجذية نكون خلصنا العائلة الاولى اللي هي عائلة الوحدات....
نفس الطريقة نطبقها على عائلة الالوف فمثلا لقرائة العدد التالي (54215)...
اولا لازم نعد اول ثلاث منازل من اليمين ونحط وراها خط عشان نفصل بين عائلة الوحدات وعائلة الالوف كالتالي (215/54) ونبدا القرائة من المنزلة الاكبر (لان عندنا اكثر من رقمين)
الحين لازم نقرا من عائلة الالوف لانها الاكبر طبعا وبما ان عندنا عائلة الالوف مكونة من رقمين نقرا بنفس لطريقة اللي برقم (1) يعني (اربعة وخمسون الفا) ولازم نقول الفا لانا خلصنا عائلة الالوف وبنكمل نقرا عائلة الوحدات...ويصير العدد (اربعة وخمسون الفا و مئتان وخمسة عشر مثل ماقرينا الوحدات كاملة قبل شوي)
وكل مازدنا الارقام المكونة للاعداد نتبع نفس النظام
امثلة.............
812975 _______ اول شي ماننسى الخط الفاصل بين العوائل كالتالي (975/812)ونقرا (ثمانمائة واثناعشر الفا وتسعمائة وخمسة وسبعون)

85512633 ------ الخط الفاصل اولا كالتالي (633/512/85)هالمرة عندنا عائلة الملايين وهذا لخامسة بس
وتقرا (خمسة وثمانون مليونا وخمسمائة واثنى عشر الفا وستمائة وثلاثة وثلاثون)

اتمنى تكون الفكرة وصلت ترى واللة سهلة وممتعة بس السرح بالكتابة غير الشفوي اطول شوي بس لاتخافين انشاللة يستوعبها...

وياللة عطيني الخطوات الصحيحة لقرائة العدد (421538472)
ولاتنسين التمارين اليومية لولدج لاااااااااازم (وتقدرين تسوينها على مسابقة لة يكون بغرفتة مثلا صندوق تكتبين علية صندوق استلام المسائل وتطلبين منة يحلها ويردها بالصندوق وانتي تاخذينها بعد شوي وتصححينها لة واذا صح يكون في صندوق المكافئات تحطيلة أي شي فية كمكافاة لة وكل يوم مسالة )
اتمنى انج استفدتي واني قدرت اوصل الفكرة واعذريني عالاطالة​

 

[أم حمودي]

حبيبتي وافية
بعد عمري كفيتي ووفيتي

بس أنا ما أعرف أدرس رياضيات لأني طلعت من المدرسة والسبب الرياضيات ماكنت أنجح فيه

 

[وافية*]

آهاااااااااااا بس لايسمع ولدج هالكلام اخاف يصيرلة عذر ويقول حتى انا مااحب الرياضيات
حياج حبيبتي

 

[أم حمودي]

لا حبيبتي ما أقول جدامه
بس قاعده أدور على مدرس أو مدرسه علشان منهج الرياضيات ثالثة ابتدائي
والله يا أختي وافيه إني قاعده أبذل مجهود معاه أكثر من باقي إخوانه

 

[ام فهووودي]

الله يعطيكم العافيه

 

[شهد_77]

يعطيكم العافيه انتو طحتولي من السما انا بعد عيالي بنتي بتروح ثانيه وميح بالناقص وولدي بيروح رابعه ونفس الشي بالضرب مايعرف شي فحدي متنرفزه من هالسالفه ومادري شسوي الله يوفقكم نقذوني خاصه ان زوجي ينيه ولا احد يقوله مدرس خصوصي

 

[كويتية ونعم]

الله يجعلعه بميزان حسناتكم ياابلات الرياضيات عشتو الله يوفقكم كثر الله خيركم ومن امثالكم كذا وضحتو لنا كيف التدريس عشتو عندي عيالي 3 ابتدائي 2ولد 1بنت العقل المخ مقفل مررررررررررررة مافهم والمدرسه مصريه ماتفهم