تجمع لمستجدات وطالبات كليه التربيه _ جامعه الكويت ..

[soseta]

بسم الله الرحمن الرحيم ..
السلام عليكم ..
شلونكم يامدرسات المستقبل ان شاءالله بخير ؟! ..


بصراحه انا لما شفت المواضيع عصبت شنو هذااااااا كل كليه فاتحه تجمع حق مستجداتها الا احنا ..
عاد انا انقهرت وغرت بعد وقلت لازم افتح تجمع حقنا :dddds: ..

يالله يابنات هالتجمع حق بنات التربيه فقططططططططططططط ..
سولفوا فيه عن اللي تبون وتعرفوا على بعض ..

صج والله خوش فكره ماادري شلون خطرت على بالي , نتعرف على بعض ..
يعني مثلا المستجدات اللي مايعرفون احد بالكليه , يدشون اهني ويقولون شنو موادهم ومتى الوقت , يمكن يتعرفون على بنات ..

يببببببببببببه الموضوع موضوعكم سووا اللي تبونه , المهم نفتح تجمع حق بناتناااااااااااا ..
وانا اتوقع ان احنا بنات التربيه اكثر كليه موجوده بهالمنتدى , يالله لاتفشلوني , ودشوا سجلوااااااااااااااا تسجيل دخول _03BA:

 

[soseta]

يالله أنــا أول وحــده بــســجــل حــضــوري هع هع ..

 

[أصدق شعور]

مرحباااااااااااااا
احلى تجمع بالمنتدى اكييييد
ويسعدني اكون اول وحده ترد

انا مستجده بالتربيه وانتي ؟؟

 

[نجمه الحالمه]

هـــــــ،،،ــــــــــــااااي
يااحلى بنات ميرسي سوسيتا انج فتحتيلنا هالمجال نتعرف فيه على بعض وبما ان اختي مستجده بالجامعه كليه التربيه انا حابه افيدهاا

وودي اسال البنات عن شغلات وااااااايد

بــس بعد مانتعرف على بعض

حيـــاتي سوسيتا مواضيعج رووووعه الله لايحرمنا منج يا شمعه المنتدى​

 

[soseta]

ياهلا فيكم يابنااااااااااااااااااات التربيه فديتكم كلكم ..
التجمع تجمعكم قولوا فيه كل اللي تبونه ..
مااااااايصير كل الكليات فاتحين تجمعات الا احنااااااااا ..
يالله نبي بعد بنااااااااااااااات ..

 

[soseta]

اي صج نسيت , انا بالتربيه بس مو مستجده ان شاءالله رايحه ثاني سنه , بس ليلحين احس نفسي مستجده , يمكن لاني ماخلصت الا 5 مواد خخخخخخ عشان جذي , حتى بالسيستم يطلعلي اني مخلصه بس كورس واحد ..

 

[أصدق شعور]

اوبس
وليلحين ماتخصصتي

جم يبيلها التربيه عشان نتخصص

وشنو ناويه تتخصصين؟

وأي مرحله

 

[عافك الخاطــــر]

السلام عليكم

شخباركم بنات ان شاء الله تمام ؟

وبالذات انتى سوسيتا انتى اكثر وحدة حابة اشوفها بالكليه

وبنوتات بقولكم اساتذتي واللى ماخذة وياي تقولي

انا ماخذة عند مهزع الديحاني وامان محمود وزهرا بارز وحمد الرشيد

وحتى انتو يالمستمرات ساعدونى شرايكم فيهم ؟؟

ومشكورين

 

[عافك الخاطــــر]

اى صح ونسيت اسألكم

متى المقابله الشخصية ؟؟ اى تاريخ لانة محد قالنا ووين مكانها ؟؟

ويالمستمرات ساعدونا شنو اسألوكم قولو لنا عشان نستفيد من تجاربكم

 

[.]

http://www.q8yat.net/showthread.php?t=206171

اي تجاوز للقوانين راح يلغى التجمع..

 

[m0nay]

وناسه زين ^.*


المهندسه وعافك الخاطر وياي بمحاضره وناسه P:


انا بكتشف عاد من وانتو ان شالله اول ما نداوم P:


0
0

 

[بنت الاجواد]

انااااا اناااااا انااااااا ويااااااااااااااكم

انا بالتربيه بروح 3 انشالله

واي سؤال تبون انا حااظر فديتكم

اي صج انا تخصصي عربي متوسط ثانوي و قمت الاسبوع اللي طاف حولت تخصصي لرياض اطفال و للحين ما طلع

القبول قاعده على اعصابي

و اي شي تبون تسألونه حياكم درعمو ههههههههههه

 

[بنت الاجواد]

حمد الرشييد يهبل يهبل لا يغرج اول الايام يعني جدي ترى حبووووووب و نكته

 

[بنت الاجواد]

المقابله الشخصيه لا تحااتون وربي سهالاااااات

بس هم يبون يشوفون النطق عندج و الفهم والتركيز

والاسأله دايم تكون

ليش اخترتي كلية التربيه

و شنو تبين تتخصصين

و ليش اخترتي هالتخصص

اهم شي خلي عندج ثقه بنفسج ولا ترتبكين

والاغلبيه يعطون قصيده او قصه و يقولون اقريها بيشوفون نطقج

وانشالله سهالات يا رب موفقين

 

[نجمه الحالمه]

بنات يعطيكم العافيه شلووونكم انشاء الله تمااام


الله يوفقكم كلكم انشالله وكل وحده تخصص حسب الللي تبيه يااااااارب


ميرسي بنت الاجواد طمنتينا على المقابله كنا متخرعين منها


وحبيت اسالكم شرايكم بالدكتووور ايان بود يدرس تمهيدي انجلش؟؟؟؟؟


ميرسي للمره المليوون على هالتجمع الرائع اللي فتحت مجاله اختنا العســــــــل سوسيتا........

 

[soseta]

اوبس
وليلحين ماتخصصتي

جم يبيلها التربيه عشان نتخصص

وشنو ناويه تتخصصين؟

وأي مرحله

هلا حبيبتي , انا تخصصت الحمدلله ..
والتربيه يبيلها سنه عشان تتخصصين , يعني شوفي على الكورس الثاني تقريبا شهر خمسه روحي التوجيه والارشاد وشوفي موعد التخصص ..
ولاتسمعين كلام اللي يشتغلون هناك ترا ماعندهم سالفه انا رحت حق وحده قالتلي لازم تخلصين 30 وحده وعقبها دريت انها ماتعرف شي وان التخصص يكون بعد سنه , اشوه ان ماطافني الموعد بسبب كلامها صج مايعرفون شي ..

 

[soseta]

السلام عليكم

شخباركم بنات ان شاء الله تمام ؟

وبالذات انتى سوسيتا انتى اكثر وحدة حابة اشوفها بالكليه

وبنوتات بقولكم اساتذتي واللى ماخذة وياي تقولي

انا ماخذة عند مهزع الديحاني وامان محمود وزهرا بارز وحمد الرشيد

وحتى انتو يالمستمرات ساعدونى شرايكم فيهم ؟؟

ومشكورين

اى صح ونسيت اسألكم

متى المقابله الشخصية ؟؟ اى تاريخ لانة محد قالنا ووين مكانها ؟؟

ويالمستمرات ساعدونا شنو اسألوكم قولو لنا عشان نستفيد من تجاربكم

هلا حبيبتي يالله ان شاءالله نشوفج مايندرا يمكن ..
وحبيبتي بالنسبه للدكاتره ياريت انتي وكل البنات اللي يبون يعرفون عن اي دكتور يروحون موضوعي الثاني اسمه تقييم الدكاتره _ كليه التربيه , انا مسويته عشان يكون حقنا مرجع , عشان حرام البنات لايضيعون نبي التقييم يكون بموضوع واحد ..

بالنسبه للمقابله الشخصيه اعتقد تكون بأول اسبوع , انا كانت باول اسبوع يمكن ثاني او ثالث يوم ..
والاسئله ترا عاديه والاسئله المتوقعه ان ليش اخترتي هالكليه وشنو تبين تتخصصين وليش هالتخصص ..

وماعليكم من البنات اللي يخرعونكم , ترا سهالات , انا كنت شايله همها وبعدين اكتشفت ان ماكان عندي سالفه ..

 

[soseta]

http://www.q8yat.net/showthread.php?t=206171

اي تجاوز للقوانين راح يلغى التجمع..

ان شاءالله رونه , انا قريت القوانين والبنات اتمنى تقرون القوانين ..

 

[soseta]

وناسه زين ^.*


المهندسه وعافك الخاطر وياي بمحاضره وناسه P:


انا بكتشف عاد من وانتو ان شالله اول ما نداوم P:


0
0

يالله زين وناسه عرفتي ان فيه احد بالمنتدى معاج بالمحاضرات ..
تصدقون بنات حتى لو مانعرف بعض بالشكل , هم احس وناسه لما ندري ان هالبنت اللي بالمنتدى موجوده معانا بالمحاضره ..

لان سبحان الله يمكن يصيرلج ظرف او شي وتحتاجيين شي ومايكون عندج رقم وحده , فتقدرين تستفسرين من البنات اللي تدرين انهم معاج ..

 

[soseta]

انااااا اناااااا انااااااا ويااااااااااااااكم

انا بالتربيه بروح 3 انشالله

واي سؤال تبون انا حااظر فديتكم

اي صج انا تخصصي عربي متوسط ثانوي و قمت الاسبوع اللي طاف حولت تخصصي لرياض اطفال و للحين ما طلع

القبول قاعده على اعصابي

و اي شي تبون تسألونه حياكم درعمو ههههههههههه

حمد الرشييد يهبل يهبل لا يغرج اول الايام يعني جدي ترى حبووووووب و نكته

المقابله الشخصيه لا تحااتون وربي سهالاااااات

بس هم يبون يشوفون النطق عندج و الفهم والتركيز

والاسأله دايم تكون

ليش اخترتي كلية التربيه

و شنو تبين تتخصصين

و ليش اخترتي هالتخصص

اهم شي خلي عندج ثقه بنفسج ولا ترتبكين

والاغلبيه يعطون قصيده او قصه و يقولون اقريها بيشوفون نطقج

وانشالله سهالات يا رب موفقين

بنت الاجواد ماشاءالله انتي اكبر وحده فينا للحين هههههههه ..
موفقه , ويالله زين اي شي نبي ان شاءالله ماتقصرين معانا ..

وصح بالنسبه حق الاسئله هذه الاسئله المعتاده اللي يسالون عنها ..

وحبيبتي القبول ليش ماطلع ليلحين , لاتحاتين ان شاءالله رياض اطفال , وجيكي على السيستم يمكن يطلعلج ..