حملة القراءة الحرة ¶§¤*°^°*¤§ مميز ¶§¤*°^°*¤§¶

[عهود الحب]

القراءة حلوة


واللي تحس ماتقدر تقرا من جديد


تحاول تخصص بيومها ساعه قراءة حرة ويكون في جدامها خيارين يعني كتابين بس

لو كل اسبوع نقعد ثلاث مرات في وضعية ساعه قراءة

وهي انج تكونين بروحج بهدوء البيت وتقرين

صدقوني بنزيد الساعه الى ساعات


لاتهاونون وحاولوا تبتدون من ربع ساعه الى اكثر


القراءة حلوة حيل وتنمي شخصياتنا موبس عقولنا



موفقين حبايبي

 

[كلي أنوثة]

حلوة فكرتج اخت عهود الحب
انا هالايام قريت رواية انا حرة (احسان عبد القدوس)
حلوة بس ماعجبتني وايد النهاية

 

[.IKEA]

شلونكم بنات

الفتره الي طافت حسيت نفسي ابي اجدد من اسلوب حياتي و اتقرب من ربي اكثر فالحمدالله شريت كتابين وايد استفدت منهم ...

الاول : جرعات الدواء >>> د خالد ابوشادي ...

يتكلم عن شلووون تعالجين قلبج من الامراض الي فيه وتتقربين من الله تعالى بطرق عمليه و واقعيه و سهله .....

اسلوب الكاتب وايد حلو وسهل و مشوق ....

الثاني : دع المعاصي و استمتع بالحياه >>>تقديم : د.سيد نوح , بقلم : مدحت وربي

هالكتاب فصلين :
الفصل الاول يتكلم عن المعاصي و اثارها السلبيه عليج ..
الفصل الثاني يتكلم عن شلون تفتحين صفحه يديده وتستمتعين بالحياه و بنفس الوقت بدون ما تعصين ربج..

تلقونهم بمكتبة المعارف المتحده >>> تلفونهم 2668808


كل وحده منه تحتاج بين كل فتره تقرا مثل هالكتب

انا متابعتكم ​

 

[ذات الهمة العالية]

بتساااااااااااااااااااااااعدونى وإلا أكتب موضوع بروحة

من صجى متضايقة

ما صرت أقرأ وصار النت ياخذ وقتى على الفاضى

أول كنت أقرأ كتاب الحين سنين ما قريت كتاب

أول مثقفة الحين مو مثقفة


ساعدوووووووووووووووووووووووووووووووووووووووووووووووووونى

 

[miss_avocado]

بتساااااااااااااااااااااااعدونى وإلا أكتب موضوع بروحة

من صجى متضايقة

ما صرت أقرأ وصار النت ياخذ وقتى على الفاضى

أول كنت أقرأ كتاب الحين سنين ما قريت كتاب

أول مثقفة الحين مو مثقفة


ساعدوووووووووووووووووووووووووووووووووووووووووووووووووونى

حبيبتي هذا الشي يرجعلج انتي لازم يكون عندج اصرار ان تقرين و تثقفين روحج
بالفعل النت ياخذجزء كبير من وقتنا لكن لازم ماياخذ كل وقتنا مثال انا شنو سويت هالعطله سويت لي جدول و ذاكرته بنفس الموضوع و بعيده عشان عيونج شوفي من اول ماتقعدين من النوم لي الساعه 12 بالليل هذا وقت مفتوح للنت عقبها اقري كتاب لمدة ساعتين و بعدين اقري قران و بجذي حققتي التسليه و الفائده من الكتب و رضيتي ربج و صلي الفير و نامي انا هذا جدولي لان اسهر بالعطله و بستمر علي حتى برمضان بس مع شوية تغيرات مثال النت ماراح اقعد عليه اكثر من ساعتين و على فكره انا احس ثقافتي زادت مع النت ماقلت و بالعس احس تعرفت على اشياء وااايد و ساعات اقرى كاتب و ما افهم فيه شغلات والله ارجع للنت و الاقي اللي ابيه النت حلو بس لازم احنا اللي نسيطر عليه مو اهو
وبس اتنمنى لج كل خير و سامحيني على القرقه و موفقه

 

[A7la 7la]

انا خلصت قصة Esther waters
وحاليآ أقرى moll flanders
وفي كتب بصراحه أبحث عنهاا ومو محصلتهااا ... انشالله ألقاهااا ..

ولي عودة مطوله مع هالموضوع ..

 

[أميرة الورد]

المملوحة عن شنو تتكلم القصص؟

 

[نجوله]

اعجبتني الفكره خصوصا اني ما اخلص الكتب اللي اقراهم والحين راح اجبر نفسي على اني اخلص الكتاب اللي اقراه عشان اشارك معاكم.. ثااااااااااااااانكس

 

[A7la 7la]

المملوحة عن شنو تتكلم القصص؟

هلا أميره ...


بالنسبه لـEsther waters
اهي قصة من العصر الفكتوري ..والمؤلف اسمه جوروج مور ...

القصه بشكل عااام تعرض لنا قصة الشخصيه الرئيسيه اسمها آستر ... وشلون عاشت بظروف صعبه وأبوها توفى واهي صغيره وامها تزوجت وزوج امها اجبرهاااا انها تطلع و تشغتل خدامه بالبيوت ... وبواحد من هالبيوت حبت خااادم من نفس طبقتهااا .. وخدعها و حملت منه .. وانحاااااش!!
طبعآ انصدمت ... واهل البيت لمن درو طردوهااا عشان ماتكون قدوه شيئه للخدامات الباجين ...

ومن هاللحظه يبدأ صراعهااا بالحيااااة خصوصآ انهاا من الطبقة اللي تحت .... والمجتمع بذيج الفتره يتميز بوجود طبقتين ... يعني ياااتكون فوق ولك احترااام ... أو تحت الكل يستحقرك...!!
طبعآ صادفت مشاااكل منها لحظة الولاده والمستشفى اللي ماقبلهااا لإنها فقيره و بتوصية اخيرآ دخلوها وولدت بعذاااااب ... وبعدين لمن ولدت مالقت تصرف على ولدهااا لإن اللي وفرته قرب يخللللص .. فمضطره
تشتغل طبعآ محد يبي خدااامه عندهااا ولد ....!!!

وعلى آخر القصه ترد تصير خدااامه عند معزبتهااا الاولى .... وولدهااااا يصير جندي وتفتخر فيه!:ggdw:

عمومآ القصه انعكاااس لحياة و وضع المرأه بالعصر الفكتووووري ......

 

[shiikuha]

ممكن تحطون أسامي الكتب بالانجليزي وأسامي المؤلفين بعد بالإنجليزي عشان يسهل عملية البحث
ويعطيكم العافيه

 

[ام عبودي المزيونه]

هلا والله بعاشقات القراءة


انا اموت بشيئ اسمه قراءة اعشق الكتب عشق ازلي
من يوم كنت صغيره ايام بطوط وميكي وكنت الاحظ الوالد الله يحفظه دايما يقرأ وهذي هوايته وخاصه كتب الشعر والادب واللغه يهني يتعلم اللغه
فصرت اقلده بما اني العوده في خواني
المهم يالحبيبات صارت عندي عاده لازم اقرأ وصرت اكتب الشعر بعد
المهم بعد الزواج قلت الفرصه للقراءة تدرون بعد العيال والريل والبيت والشغل وكل شيئ فوق روسنا الحريم
لكن بعد حاولت اقوام
وصرت اقرا لعيالي القصص التاريخيه والاسلاميه بالذات لان منها يتعلمون تاريخهم ودينهم ومنها انها حقيقيه مو خرافيه وفيها العضه والحكمه والفايده الجمه
ولاحظت ان عندي كم هائل من المعلومات بالرغم من اني اقول نسيت اللي قريته لكن سبحان الله من اسمع سؤال القى الاجابه تطلع مني وتكون مخزنه في المخ بالذاكره
وبعدين علشان اساعد نفسي اكثر اشتركت بمجموعه القراءة مع الدكتور ساجد العبدلي
وكنا ناخذ كتاب كل اسبوعين ونقراه ونناقشه يوم بالاسبوع
يعني كل كتاب يومين
وفي مختلف الماضيع
بصراحه وايد استفدت
اولا انه علمنا شلون نختار الكتاب
وشلون نقرأ قرأه ذكيه مو سريعه
ونقرأ بجميع المواضيع


اول كنت اتجنب قراءة الكتب السياسيه والتاريخيه
ولكن من بعد الدوره ومع المجموعه تعودت اقرأ كل شيئ
المهم القرأه ياجماعه عجيبه
واحنا اصلا أمة أقرأ

قال تعالى :" أقرأ باسم ربك الذي خلق "


القراءه ياجماعه متعه

راح اقول لكم الكتب اللي قريتها واللي قاعده اقراها
وراده بان الله

لا تقاطعونا

 

[ام عبودي المزيونه]

قال واحد من اليهود السياسين

الله لايوفقهم


وهو يتطنز علينا العرب والمسلمين

ان العرب مايقرون فبجذيه نقدر نتغلب عليهم او كما قال
لاتسالوني عن اسمه
انا عيالي نسيت اسماءهم

ههههههههههههههه والله حاله

 

[ام عبودي المزيونه]

للي تحب الروايات الغراميه الرومانسيه

هناك روايات فعلا جميله ولذيذه فوضى الحواس للكاتبه منتاغمني

جميله جدا
وايضا هناك روايات ممكن ادرج اسماءها في وقت لاحق رومانسيه وبولبسيه
ومادري اذا موجوده بالكويت لاني انا شريتها من لبنان وحتى في لبنان منعت حاليا لانها فيها شويه كتابات عن الكنيسه

ولكنها بوليسيه

وكتب دينيه مبسطه ولاتدخل في التعمق في الدين
وكتب شعر
وراح اختار لكم ان شاء الله شيئ منها واقول لكم نبذه عنه

 

[ام عبودي المزيونه]

عندي اقتراح ياجماعه

اشرايكم نقرا كتاب ونناقشه
ونكون نحدد وقت معين عشان ماتصير المساله سايبه يعني

اشرايكم ؟؟؟؟؟؟؟؟؟؟

ناطره ردكم ياصبايا

 

[ام عبودي المزيونه]

انا حرة ذكرتوني بالماضي التليد
حسستوني عوده حيييييييييييييل هههههههههههههههههه
انا حره احسان عبدالقدوس طبعا مثلوها فلم ابيض واسود ويونس بالتمثيل
مو تقليل من شأنج حبوبه لكن حسيت اني عوده لاني اذكر قريت اروايه بالسبعينيات هههههههههههههههههه حدي عيوز صح ياصبايا


ههههههههههههههههههه والله حاله

 

[حياة الروح]

اهلين بنات ,,,,,,,,,, كثيرررررررررر فرحت لما شفت هاموضوع يجنن الفكرة رائعه بصراحه .

انا اخر كتاب قريته من كم شهر "ولاني كنت حامل انشغلت بعد ماودلت ببنتي فماقدرت اقرا كتاب ثاني قلت خلني ارتاح شوي وارجع للقراءة الكتاب اسمه الراهب الذي باع سيارته الفيراري للكاتب روبن شارما تلقونه بجرير ,والله يابنات الكتاب اكثر من رائع بارجع بعدين اختصرلكم فكرته واش استفدت منه وهو من اروع الكتب الي قريتها فمجال تطوير الذات .

وهذي صورته من الامام :

وذي صورته من الخلف :

 

[ام عبودي المزيونه]

ممكن عيل اقدم استشارة في القراءة هههههههههههههههههه عيوزة بعد شسوي

قصص احسان عبدالقدوس حلوة بس راح تلاقين متعه اكبر في قصص مستغامني

لها 5 او اعتقد 4 روايات بس لحد الان بس عجيبه
واذا مالقيتي الكتاب في الكويت ممكن تحصلينه في لبنان وسوريا
اما السعوديه فطبعا ممنوع دخوله

بالكويت كان موجود بس بسرعه يخلص
وممكن تلاقينه
واذا بعد كلش كلش ماحصلتيه انا اعطيج اللي عندي تقرينه بس ها تردينه ههههههههههههههههه لاني اموت على الكتب
لها بعد روايه ذاكرة الجسد وهي كاتبه جزائريه بس بصراحه للي تحب الكتب الرومانسيه للكاتبه كتب روعه

واكو بعد كاتب سعودي محمد سعد علوان

سقف الكفايه



كتب احلام مستغامني

ذاكرة الجسد
فوضى الحواس
عابر سرير
الكتابه في حالة عري
وبعد اكو كتاب راح اقول لكم عنه بس اذكر الاسم

ماعليه مره عوده بديت انسى ههههههههههههه:gathering:

 

[عهود الحب]

اهلا ام عبودي
تذكريني بنفسي
لازين تسوين تقرين لعيالج
انا اقرالهم ومرات ارسم لهم و أألف لهم قصص قصيرة بعد
يعني مطلعين روحي
الحمدلله انا احب القراءة بجنون وعيالي ورثوا مني هالشي
القراءة تنمي الذكاء
وتقوي الشخصية وتقوي لغتج وخطج واسلوبج بالتعبير



القراءة نصف الادب من وجهة نظري



بالنسبة لقراءة كتاب واحد
ليش لأ




انا عني انا موافقة جدا



بالنسبة للكاتبة
احلام مستغانمي



حلو اسلوبها بس فيها طبع حاطه عالاسلام حيل ماتعجبني افكارها


بس اسلوبها روعه


رواية انا حرة حلوة بس انا مااحب الكتاب القدم مع احترامي لكم
احس كانوا يستغفلونا ويحاولون يبذرون بعقولنا التحرر الزايد مثل عبدالقدوس ونجيب محفوظ وطقتهم


في كتاب قدامى بس مبدعين


الله حسستوني موبس انا احب الكتب حتى انتم




منو عندها مكتبة تصورها لنا بنشوف



انا عندي مكتبة عودة اذا رجعت بقولكم قصتها

 

[ام عبودي المزيونه]

هلا والله عهود الحب

والله القراءة متعه فعلا
وانج تقرين جدام اليهال احلى
عشان يتعودون
والله المشكله انهم مو قاعدين يقرون
ذابحهم التلفزيون والنت


ساعات مثل ماقلتي حبوبه االف قصص اذا حبيت اوصل لهم شيئ معين
تدرين شنو مشكلتهم بالقراءه

ان التعليم عندنا للغه العربيه زفت
فتلاقين العيال مايحبون يقرون لان صعبه القراءه عليهم
وهذا جزء من اسباب عدم القراءة

 

[عهود الحب]

الحمدلله انا أقرا لعيالي و يقرون لي ويتنافسون
بس ولدي شوي مشتط صوب اللعب والسوني ومايحب الكتب هالكثر
بس بناتي لا يحبون القراءة حيل


برجع بعدين عقب الفطور
فطور هني