شلون تغسلون السنيكرز؟

[كويتية أصيلة]

السلام عليكم ورحمة الله

شلونكم وشخباركم

يا بنات وايد سمعت ان في ناس يغسلون السنيكرز بالغساله ويطلع جنه يديد

السنيكرز اللي اهو (جوتي الرياضه بو خيوط)

فياليت اللي مجربه تقولي شلون بالضبط لاني مره جربتها بالكويت وافصل الجزء الفوقي عن الجزء التحتي بالجوتي ما ادري هل لاني خليت النشافه على حراره عاليه او ما ادري شنو بالضبط الغلطه

فياليت اللي متعوده تغسلهم بالغساله تقولي الطريقه شلون

وما قصرتو مقدما

 

[nice-girl]

انا لمه اغسل السنيكرز
اشيل الخيوط واقطه بالغساله
وبس وتاي يطلع شوي يكون ناشف الاه يشوي
احطه بالشمس وبسسسسسسسسس سلامه عمرج يطلع جنه يديد

 

[كويتية أصيلة]

قواج الله باجرب الحين باشوف شيصير

ولا لا بانطر لي باجر عشان احطه بالشمس

 

[glow 'n' show]

انا لمه اغسل السنيكرز
اشيل الخيوط واقطه بالغساله
وبس وتاي يطلع شوي يكون ناشف الاه يشوي
احطه بالشمس وبسسسسسسسسس سلامه عمرج يطلع جنه يديد

نفس الطريقه

 

[irresistible]

انا اقطة بالغسالة بخيوطة يطلع جنة يديد

 

[زيـنـه]

احنا دوم نغسلهم بالغساله .. مع خيوطهم .

و تالي علشان ينشفون حطيهم بالشمس .

يطلعون جنهم توه شارينهم .. بس شوي يضيج .. بس عادي عقب اول او ثاني استعمال يرد طبيعي

 

[موزة ام فارس]

نفس الطريقة

 

[أغلى حبيبه]

انا على طول بالغساله

ومع خيوطه

 

[الجودي]

انا الخيوط غسيل بالايد و الجوتي نفسه لا والله نفركه بالمفراكه بالايد و نحط كلوركس و يلق عقب

بس احس الغساله صعبه مع الملابس

 

[روزالكويت]

تصدقين توني ادري انه اسمهم سنيكرز انا اسميهم لابجين <<<عتيــــــــــجه هههههههههههههه
بس انا اغسلهم بيدي بالمغسله مع البروش حق الزوليه وفراك فراك فراك والخيط انقعهم وتالي فراك فراك فرك ويلقوووووووون

 

[شووكولاته]

والله أنا أقول في أحد يغسل كاكاو سنيكرز شسالفه---------وتالي فهمت خخخخخخخخخخخخخخخخخخخخ

 

[كوب حليب]

مشكووورين يا بنات ... والله انا بعد استفدت ... انزين اذا عندي شحاطه وانتو بكرامه خام لا وابيض بعد وقاعة الريل مع الاستعمال صارت غامجه مع انه باجي الشحاطة من برا ما اسودت ولا شي بس من داخل باطن القدم وصوب الاصابع صار لونه رمادي شلون انضف شحاطتي خاصة لا رحت اصلي وفصخت الشحاطه استحي لما البنات يشوفون شحاطتي من الداخل مو نظيفة

 

[ذهبيه مرصعه بألماس]

بالنسبالي عيالي بالغساله عنونيين و أقطهم كلهم مع بعض و شوية فانيش و تايد للغسيل مفيش مستحيل و عقب بالنشافه بس أشيل خيوطهم و عقبها بالشمس

زوجي لا يبيله شغل يدوي لأن الاخ يقول أخاف يختربون بالغساله الله يخلي خدامتنا إهي تتولاهم يدويا و يطلعون نظاف شحلوهم نحطهم بالشمس ينشفون بنفس اليوم...

و سلامتكي و تعيشيييين

 

[الشيهانة]

احطهم مع خيوطهم بجيس خام وبالغساله ولما تطلع احطهم بمكان فيه شمس..... بس لا تحطين الغسيل على حراره عاليه

 

[جوجو.]

والله شكيت بالاسم سنيكرز عاد
مشكوره

 

[أساور]

مايختربون بالغسالة؟

 

[ام^^حمودي]

انا اسمع انه الجوتي اذا غسلتيه يطلع ريحه خايسه

 

[تعبتني طيبتي]

وليش تغسلونهم ؟؟


وعو وبالغساله ...

دايسه على طين على وصخ ..؟؟

وتحطونه بالغساله ؟؟


وليش ما تفركونه من بره بس بشوي صابون ؟؟؟

ويصير يلق .. وإلا تبون تغسلوونه من داخل يعني عن العرق ..؟؟

ما أدري بس أفضل أقطه و أشتري جديد ... إذا عفن ... من العرق


بس أغسله بغسالة هدومي و ملابسي الداخليه و كله .. أمممممم ما أحبذ. .؟


وأمووووووووووووت باللغه .. يا سنيكرز ؟؟


زين محد يعرف شلون يغسل المارس ؟؟

 

[بحر الرمال]

قوه..

طريقه الغساله انا استخدمها حق غسل السليبر مال البيت اقطه بالغساله (بروحه)و احط تايد و كمفورت و يرد جنه يديد..حتى الحين في انواع تلقين مكتوب على الليبل machine washable ..و السنيكر عندي واحد بس ماتوصخ للحين بس ينفع ينحط بالغساله لانه ربل من تحت..