افكاري في تقديم الهدية بشكل مميز.. تعالي اعلمج :)

[ساره ستايل]

العفو

 

[قـــمـــرهم]

ماشاء الله تبارك الرحمن شغلج شييييييييييييي

 

[مس باتشي]

يعطيج العافيه

 

[ساره ستايل]

تسلمون

 

[عهود الحب]

انتي مبدعه انا متابعه لج

بس من زمان مانزلتي لنا شي جديد
شدعوة ؟؟
وين الشغل يلا ناطرينج حبيبتي

 

[ساره ستايل]

انتي مبدعه انا متابعه لج

بس من زمان مانزلتي لنا شي جديد
شدعوة ؟؟
وين الشغل يلا ناطرينج حبيبتي

صح من زمان ما نزلت شي يديد .. وهذا دليل فعلي على متابعتج لموضوعي :tek:

والله عندي اشياء وااااااااااايد وفناتق وايد بالتغليف وهالامور

بس للاسف ان ماكو تشجيع من الاداره أو من المشرفات للموضوع

صح انه مثبت ولله الحمد ..

لكن موضوعي والله اتعب تعب على ما اطلع الدرس الواحد ابصورة حلوة

ومتكامله وسلسه بالصور الواضحه والخطوات المتتابعه والمفهومه لكل الزائرين

غير ان طرق التلغليف اللي اعرضها .. من ابداعي وتعبي وشغل ايدي

ف من جذي ما اتشجع اني احط اي شي يديد ..

واكتفيت بالدروس السابقه :tek:

ف ارجو منج تفهم وضعي .. وكل الشكر مره ثانيه على متابعتج المستمره :ggdw: ..

واي شي تبينه عن التغليف والهدايا .. انا حاظرتلج عالخاص وبأي وقت ياقلبي :tek:

 

[بنــت ** الشيخ]

يعطيييييييييييييييييييييييججج الف الف عافيه

 

[m00n_14]

مافيه صوره

بس يعطيك العافيه يامبدعه

 

[أمـيـرة الشــوق]

ماشاءالله عليج

إبدااعات روووووعه

الله يعطيج الف عافيه

 

[عهود الحب]

ليش ياستايل ؟
بالعكس كلنا متابعينج
والتشجيع من البنات يسوى بلد
انا لما اسوي شي ماانطر التشجيع من احد
كلمة مشكورة جزاك الله خير تسوالها ديرة واحنا نبي الاجر من الله ما ننتظر اجر من احد
ادري والله ان التصوير متعب وصعب
انا مثلج جربت التصوير خطوة خطوة متعب


بس لما احد يتعلم مني معلومة حلوة ويستفيد تسوى التعب كله


ياحلوة لاخير في كاتم العلم
احنا نتعلم ونعلم ونستفيد يالغاليه من بعضنا
انا مااقصد التغليف وبس
بامور حياتنا كلها
اعتبريني اختج الكبيرة وتقبلي كلامي لاتزعلين


بالنسبة للتشجيع مادري شسوي بس تشجيع البنات بنظري قمة وكافي لي سنين جدام




لاتنحبطين انتي ابعدي الاحباط عنج وبتكونين ريلاكس وشحلاتج


يلا تسلم يمناج عساها ماتجيها النار قولي امين



الله يوفقج ولاتزعلين ولاشي الحياة حلوة

 

[ساره ستايل]

ليش ياستايل ؟
بالعكس كلنا متابعينج
والتشجيع من البنات يسوى بلد
انا لما اسوي شي ماانطر التشجيع من احد
كلمة مشكورة جزاك الله خير تسوالها ديرة واحنا نبي الاجر من الله ما ننتظر اجر من احد
ادري والله ان التصوير متعب وصعب
انا مثلج جربت التصوير خطوة خطوة متعب
بس لما احد يتعلم مني معلومة حلوة ويستفيد تسوى التعب كله
ياحلوة لاخير في كاتم العلم
احنا نتعلم ونعلم ونستفيد يالغاليه من بعضنا
انا مااقصد التغليف وبس
بامور حياتنا كلها
اعتبريني اختج الكبيرة وتقبلي كلامي لاتزعلين
بالنسبة للتشجيع مادري شسوي بس تشجيع البنات بنظري قمة وكافي لي سنين جدام
لاتنحبطين انتي ابعدي الاحباط عنج وبتكونين ريلاكس وشحلاتج
يلا تسلم يمناج عساها ماتجيها النار قولي امين
الله يوفقج ولاتزعلين ولاشي الحياة حلوة

هلا قلبي

انا كللش ومو منطبعي اني اكتم اي معلومه عن اي احد

بلمنتدى او برا المنتدى -- وكل من عارف ساره منو

والله ان في بنات يطرشونلي عالخاص اسئلة عالتغليف والقرقيعان والهدايا ..
وربي شاهد اني ما اخش اي معلومه مفيده عن اي احد

واعامل الناس مثل ما احب انهم ايعاملوني

وكلام البنات ورودودهم على عيني وراسي ورب الكعبه
حتى لو قالو ( موفقه - ولا : مشكورة ) هالشي يرفع المعنويات واعرف ان شغلي لاقى اعجاب
أو حتى أثار اهتمام زائر

وانا ما سويت هالموضوع اللي صارله اكثر من سنتين الا لهم

مع التعب اللي فيه من اعداد وتجهيز وتصوير وتحميل صور

كلله لكم يا قلبي :tek:

بس اسالفه انا حازة ابخاطري من منظار ثاني .

وانشالله بس افضى من امور التجاره والمعارض

بنزل موضوع لعيونج .. ولعيون باجي البنات اللي والله ينحطون عالجرح يبرا :ggdw:

 

[عهود الحب]

أدري والله


فديتج معدنج طيب

وتستاهلين الطيب



شنو تبين بس امريني انا بعد اساعدج لو حابه



لاتزعلين مني كلش تراج غاليه


شكثر مستفيدة منج وشكثر بدعي لج


والموضوع لوتحبين تسوينه عشان صديقاتج وخواتج بس وعشان منتدانا نحبه نموت فيه



ماعرف رقم الوردة ولاجان سطرت لج ورد المنتدى كله




يلا نزلي جديدج عسى ايدج ماتجيها النار





لايكون زعلانه مني بس

 

[ساره ستايل]

لا ياقلبي انا ما ازعل على احد الا الجايد بس

انشالله بس افظى والله لأن ماعندي وقت هالايام لوية قرقيعان اعيالي
والعيد
والمعرض الاسبوع الياي

 

[دلـع ^ العجـمان]

مشكوووره

 

[نونيتا]

ساااره ستااايل

يعطيج الف الف عاااافيه

وانا مع عهوووود

لاتنطرين تشجيع من احد

والله انتي فدتيينا بهالموضوع

ولو تردين على تساؤلات البنات عن الهدايا اهنيه وايد احسن
يمكن يكون شي حلو ينفعنا بس مايطري على البال صح ولا لا

والله اليوم شفت الموضوع من اول صفحه لي اخر شي قلت لازم اليوم اشوووفه كله
عشان استفيييد اشوي

ويعطيج ربي الف عاااافيه

 

[لولو الصغيره 1997]

مشكوره
مشكوره
تسلمين
تسلمين
مشكوره تسلمين

 

[ساره ستايل]

نونيتا : يااااااااااااااااابعد قلبي والله
انشالله والله بحط موضوع بس ابي وقت

الحين مع امور التجاره الصغيرونه حدي لااااااااااهيه

بس في البال هديه انا امغلفتها وبحدها لكم انشالله باقرب فرصه

لولو : العفو
العفو
العفووووووووو

حياج ياقلبي

 

[Om_Ksha]

مشاااااااالله عليييييييج الله يوفقج انشاااااااالله ويعطييج على قد نييييييتج ....

الافكار تشوق بس حسااافة في جم صوووره ماطلعت بس تسلميييييييين عالافكار الحلوه ..:*

 

[ساره ستايل]

عدنا والعود أحمدوووو :eh_s(6):

هالفكره عرضتها سابقا لكن كانت ابموضوع منفصل .. وبحطها مره ثانيه لأن وايد يطالوني بعرضها لأنهم ما شافوها

توزيعات الاستقبال (هدايا الزوار )

- المناسبه : ولادتي الثانيه اب ولدي الحلو العسل ( محمد ) ادعوا ا ن الله يحفظه لي مع اخوه خالد يااارب

- التاريخ : شهر 12 سنة 2006 م .

ممكن تطبيق الفكره لأي استقبال: ولاده - بيت يديد - رجوع من السفر - ترقيه بالوظيفه
- توزيعات لعيد الفطر او الاضحى - توزيعات رجوع من الحج .

المستلزمات + الطريقه :

- اكياس قطن لون ازرق وسماوي اصغار جدا - نلزق عليهم اكسسوارات مناسبة ولادة طفل بللون الازرق والفضي
قبل لا نلزقهم .. نلزق ورده سماوية اصغيره .. ثم عليها هالاكسوارت :



- احواض زجاجيه شفافه :واحد طوالي - والثاني مدور ومفلطح وله فتحه واسعه من فوق ..
عشان نقدر اندخل الطوالي داخل المفلطح المدور ..

وبعدين :

انقط حوالين الطوالي ( يعني داخل الحوض المدور ) صخور مالت أحواض السمج إللي على الوان متعدده ..
ولونها شفاف وبلاستيكيه

ونثري معاها بعد نفس الاشكاال اللي لزقتيها علاجياس اللي فوق

وبعدين صبي ماي( على الباجلا ههه :eh_s(6) .. داخل الحوض المدور ..
بس ديري بالج لازم احد يساعدح لأن احتمال مع صب الماي يرتفع الحوض الطوالي أو يتحرك ..

- بعد ما اتصبين الماي .. ييبي سمج زينه من اي شكل تبين .. بس فضلت استخدام السمك البرتقالي
يسمونه ( GOLDEN FISH ) + سمك ( مولي ) لأنه يقدر يعيش بدون اوكسجين لفتره شبه اطويله

وييبي التوزيعات اللي بالاكياس الصغار وحطيهم داخل الحوض الطوالي
انا كنت حاطه ككاوات من باتشي .. تقدرين اتحطين ربع تولات عود - أو اي شي يناسب ذوقج لهالمناسبة

وطبعا لازم اتحطين السمج بلحوض حده حده قبل الاستقبال ابوقت اقصير
عشان حرام ما اتخلينهم بلحوض بدون اكسجين ويموتون عقب

انا حطيتهم بلحوض وانا ابكشختي قبل لا ايدشون الناس :eh_s(6): ..
وساعدوني خواتي وقتها جزاهم الله الف خير
وعقبها حطيناهم ابحوض سمج اكبير وايد في بيت اختي
لأن استقبالي كان في بيتها (( ماقصرت والله ))

وراح يصير عندج الحوض من داخل جذي :


وهالصورة للاحواض على جنب :


طبها تلزقين على الحوض المدور : ورد صناعي وفراشات .. واتعلقين سلاسل من لولو متدليه بسن الورد وبين الفراشه

وهذي الصورة النهائيه : ( ايد امي اللي بالصورة الله يطول ابعمرها يارب )


تنبيه :
ممكن انه يصير عندج الحوض فيه اشوية ضباب او رطوبه ..
ترا عادي لأن توج صابه الماي
وعقبها لما يطقه الهوا .. بيروح الضباب إلي داخل الحوض ..

اشرايكم ؟؟

انا طبقت هالفكره مره ثانيه بلمدرسه / كان عندنا درس نموذجي لمدرسه رفيجتي الغاليه معانا بلقسم

وحطيتلها الاحواض .. وحطينا للضيوف واهما طالعين ككاوات متنوعه

ياخذونها بيدهم واهما طالعين أو مع شربهم للقهوة وكان شكله مذذذذذذذذذهل للجميع

وسلامتكم :ggdw: ​

 

[عهود الحب]

خووووووووش فكرة
بدعتي ساره تبارك الرحمن


عاشت عاشت سويرة انا محظوظة اني اول من شاف جديدج
واصلي جزاك الله خير