مشكلتي.العصبية الزايدة. دشو يا بنات

[Om_RayooMa]

السلام عليكم
خواتي انا اعاني من مشكله وهي العصبيه الزايده
وهالشي زاد لما يبت بنتي الثانيه وماشالله عليها حناااااااانه طول الوقت وممله
يا بنات ماني قادره اتعود على الوضع عمر بنتي سنه احيانا لما اعصب اطقها تخيلوا..!!
سنه ماتفهم ادري بس موبيدي ما اقدر واذا حاولت ما اطقها اصرخ عليها بشكل يخوف
زوجي اكثر من مره يكلمني بهالسالفه اني اعصب من كل شي وعلى اىشي لكن والله وبالله الكريم
اي فعلا مو قادره امسك نفسي
انا يا بنات اقرا القرآن والحمدلله اصلي
على طول متوتره احيانا ايدي ترجف من غير سبب ولا اقدر اوقفها
قمت افكر بشغلات مادري افكر بالموت وايد افكر ان امي تموت او زوجي او بناتي او انا
افكر دايما ان لما اكبر بعد بكون تعيسه ودايما اشوف المستقبل اسود و غامض
والله العظيم اني ما كلمت احد في هالموضوع اخاف يضحكون علي
لكن صج انا تعبانه وهالموضوع شاغلني
تهقون لازم يشوفني دكتور نفسي! مااتخيل نفسي بروح حق دكتور نفسي
والصراحه احس السالفه محرجه شقول لزوجي؟
لو في حبوب او وصفه او اى شي يهديني ارجوكم دلوني عليه

 

[Om_RayooMa]

رد: مشكلتي.. دشو يا بنات

,,,,,,,,,up

 

[ii DareeN ii]

رد: مشكلتي.. دشو يا بنات

تم تعديل العنوان بواسطة مشرفة القسم الرجاء الاطلاع على القوانين

 

[الفزاعة]

اخذي عمرج وسيدة حق معالج نفسي او طبيب نفسي اذا مانفع المعالج
في دكتور شمري نسيت اسمه بالجابرية يمدحونه حق مثل حالاتج
لاتخلين عمرج جذي باجر اتقطين اعيالج من الدريشة ولا تتطلقين من ورا هالعصبية
واحتمال يكون اكتئاب بعد الولادة قلب وياج عصبية ولا ماعندج خدامة او احد يساعدج او هرموناتج فيهم خلل
جيكي الهرمونات وشوفي الطبيب يمكن يعطيج حبوب مهدئة بس لاتدمنينها عاد

 

[Om_RayooMa]

مشكوره الفزاعه على ردج
انا عندي خادمه بس ما اقدر اثق فيها على عيالي
وشغل البيت تقدرين تقولين مشاركه
لان الخدم برابيس شغلهم
اشلون اجيك عالهرمونات؟

 

[أم منصور]

الخل في الهرمونات يسبب العصبية والرجفه باليد وطبعا اختي في امور اخرى نجهلها قد تكون السبب توجهي حالا للدختر وسلامتك حياتي

 

[Om_RayooMa]

مشكوره ام منصور
بس لو وحده معالجه عند دكتور معين تفيدني

 

[whitish]

ام ريومه يا حياتي الله يشافيج و يهدي سرج

شوفي انا اعرف وحده نفس حالتج وكنت بنفسي اوديها للدكتور تعالج

والحمدلله الحين عيال ومرتاحه ووايد خفت

كنت اوديها للدكتور الظفيري والله نسيت اسمه

وعيادته بالفروانية خلف الهوليدي ان واهو بعد مطوع يعني يخاف الله ويهتم حيل بالمرضي

لدرحة يعطيهم رقمة الخاص في الحالات الصعبة علشان اي وقت يحتاجونه يريحهم

ان شاء الله اطلعلج اسمه ورقمه

وماتشوفين شر ويخليلج بناتج وريلج واهلج

 

[whitish]

وعلي فكره اختي لا تحاتيين تري وايد نفسج

يعني لا تفكرين انج وحيده بهالحالة في ناس وايد بس مجتمعنا والحياة تفرض الكتمان بهالسوالف

انا اقولج هالحجي جوود يخفف عنج

ويا حياتي لا تغفلين عن ذكر الله

تري كل العلاج بذكره سبحانه باذن الله

 

[أغادير]

حبيبتي احتمال تكون غدة لانها تسبب عصبية ورجفة في الايد

روحي جيكي عن دكتور للغدة سو ي فحوصات لان الاعراض اعراض غدة

انا نفس الحالة فيني عصبية مو طبيعية بس الحمدالله خفت بعد ماعالجت الغدة اطلعت اهيا السبب

روجي عند الانصاري وايد ممتاز

 

[عيمية^والقلب^كندري]

حبيبتي ام ريوومة شوفي انا اخصائية نفسية وحبيت اوضحلج جم شغلة....

اولا الحالة اللي انتي فيها ما انخلقت فجأة او بدون اسباب لابد من وجود اشياء مكبوتة بداخلج سواء قلة اهتمام من الزوج او مشكلة نفسية قديمة او ظروف جديدة وضغوطات موقادرة تنظمين حياتج معاها وعلى فكرة اول سبب واهم سبب عصبية الحرمة اهو يكون بالاغلب بسبب الزوج اهمال او نقص مشاعر او جفاء بالعلاقة وبنفس الوقت ولادة جديدة وتعرفين فترة النفاس بروحها ثقيلة وتقلب احوال الحرمة فوق تحت وياريت بينج وبين نفسج تقررين وتعرفين شنو السبب

قعدي حطي حياتج بين ايدج وسألي نفسج هذي حياتي زوجي وطفلين وبيتي ودوامي شنو اللي مو عاجبني؟ شنو محتاجة ومو قادرة احصله؟ حب؟ اهتمام؟ شنو اللي حاسة انناقصج ومسببلج هالعصبية


ثاني شي واهم شي والهدف اللي ابيج تغيرين حياتج عشانه واهو (((((((عيالج)))))) ابيج بس وقت نومهم تروحين تطلين عليهم واهما نايمين روحي يم الفراشوابيج تطالعين ويه بنتج وطفلج الثاني سواء بنت او ولد وبعد ماتتحسسين هالويه البرئ سألي قولي حق نفسج مو حرام هالياهل الصغير اللي الله عطاني ياه نعمة وهدية اطقه؟؟ واخليه يـتألم ويبجي عشان انا عصبية؟؟

وهذا الطفل شذنبه؟ اهو يفهم لم سوى الغلط؟ اهي لم تصارخ وتحن وتكسر مو هذي فترة طبيعية كل طفل طبيعي عاشها ؟ هل انا اعترض على صراخ ولعب وحنت بنتي؟ مو حرام علي تنام واهي متعورة بسبتي ولا باجية؟
هذول اليهال ترى مسؤوولية كبيرة برقبتنا والاهم والاهم ان اهتمامج وتربيتج الصحيحة تحميهم من الامراض النفسية انتي تبينهم يعيشون نفس عصبيتج؟

تدرين اكثر ما ينمي استقرار الطفل النفسي وبالتالي الاجتماعي والمدرسي اهي النفسية الحلوة اللي تربى عليها وعطف وحب وحنان الوالدين؟ ابيج بس تلقين نظرة سريعة على قسم الامومة بالمنتدى اللي محرومين من هالنعمة وراح تحسين بقيمة عبالج وخاصة انتي اساس تربيتهم وصحتهم ومستقبلهم

العلاج بالنسبة لج قبل ماتفكرين تروحين طبيب نفسي جربي تكونين انتي طبيبة نفسج ترى الانسان يقدر يبرمج مخه واعصابه وتصرفاته بنفسة بدون تلقين من احد والروحة للطبيب النفسي اعتبرها اخر مرحلة ومرحلة فقط لليائسين جدا

انتي زوجة وام يعني احلى واغلى النعم حصلتي عليها باقي عليج بس تعرفين شلون تستمتعين بهالنعم وترضين ربج لان قعد يطالعج وبقولج شي واحد بس هل انتي شايفة الدنيا وايد تسوى عشان نعصب ؟ ترى كلها سنوات تمر وتروح بلمح البصر فليش اعيشهم واعيش اللي معاي بهالاعصاب؟

تدرين انا شسوي انا دايما اروح افتح اليوتيوب على الحروب على العراق ولبنان والبوسنةوالهرسك واشوف الناس شقعد يصير فيهم هني تدرين شكثر احس بنعمة ربي+ تدرين كل مشاعر الغضب او الاعصاب او اي شي يصير تافه عندي واحمد ربي زيادة وواصير حنونة على زوجي وبنتي زيادة رغم ان محد بالدنيا خالي من الهموم حبيبتي بس لازم تتغيرين وباسرع وقت لان مرحلة الخمس سنين من حياة الطفل اهم شي اهم شي اهم شي بعدها ما ينفع شي فخافي عليهم وابدي غيري نفسج ترى ماكو شي يسوى واهتمي بحياتج وسوي نيولوك لشكلج وشعرج وحبي زوجج وخليه يحس بالهدوء

كل ريال بالدنيا يعشق الحرمة الرقيقة اللي صوتها منخفض اللي مالها حس عالي وهذي نصيحة مني ثقي فيها وكسبي زوجج بدون اعصاب خلج هادية وحنونة وانسي الاعصاب

والله يهديج ويوفقج

 

[الفزاعة]

ام مهدي على رااااااااااسي على هالكلام
شحلو كلامج ماشالله يريح نفسيا
تسلمين

ام مريومة دكاترة الهرمونات والغدد وايد لاتخلين نفسج حبيبتي
وبالنسبة للخدامة حاولي تغظين النظر عن الاشياء البسيطة عشان ماتعيشين بهم ونكد طول الوقت وتتشتتين ماتعرفين شتجابلين
طوفي والحياة تمشي

 

[غزل بنات]

انا بعد حييل عصبيه الاتفه الاسباب وخاصه كرمكم الله وقت الدوره

انفس حيييييل واسير عصبيه بطريقه موطبيعيه ومن عصبيتي صايره عصله يابنات

 

[Om_RayooMa]

ام ريومه يا حياتي الله يشافيج و يهدي سرج

شوفي انا اعرف وحده نفس حالتج وكنت بنفسي اوديها للدكتور تعالج

والحمدلله الحين عيال ومرتاحه ووايد خفت

كنت اوديها للدكتور الظفيري والله نسيت اسمه

وعيادته بالفروانية خلف الهوليدي ان واهو بعد مطوع يعني يخاف الله ويهتم حيل بالمرضي

لدرحة يعطيهم رقمة الخاص في الحالات الصعبة علشان اي وقت يحتاجونه يريحهم

ان شاء الله اطلعلج اسمه ورقمه

وماتشوفين شر ويخليلج بناتج وريلج واهلج

الله يجزاج خير على هالنصيحه

 

[Om_RayooMa]

حبيبتي احتمال تكون غدة لانها تسبب عصبية ورجفة في الايد

روحي جيكي عن دكتور للغدة سو ي فحوصات لان الاعراض اعراض غدة

انا نفس الحالة فيني عصبية مو طبيعية بس الحمدالله خفت بعد ماعالجت الغدة اطلعت اهيا السبب

روجي عند الانصاري وايد ممتاز

انشالله بروح وبفحص وشكرا حبيبتي لاهتمامج وردج

 

[ريمه الكويت]

ماتشوفين شر حبيبتي يمكن ضغوطات الحياه خلتج عصبيه انتي وقت عصبيتج غيري وضعج اذا اكنتي واقفه قعدي والعكس صحيح وهم طلعي من الغرقه غيري مكانج وقت ماتكونين معصبيه وحاولي تقرين اسماء الله العظمى خاصه ياهادي كرريها الله يهدي نفسج يارب

 

[Om_RayooMa]

حبيبتي ام ريوومة شوفي انا اخصائية نفسية وحبيت اوضحلج جم شغلة....

اولا الحالة اللي انتي فيها ما انخلقت فجأة او بدون اسباب لابد من وجود اشياء مكبوتة بداخلج سواء قلة اهتمام من الزوج او مشكلة نفسية قديمة او ظروف جديدة وضغوطات موقادرة تنظمين حياتج معاها وعلى فكرة اول سبب واهم سبب عصبية الحرمة اهو يكون بالاغلب بسبب الزوج اهمال او نقص مشاعر او جفاء بالعلاقة وبنفس الوقت ولادة جديدة وتعرفين فترة النفاس بروحها ثقيلة وتقلب احوال الحرمة فوق تحت وياريت بينج وبين نفسج تقررين وتعرفين شنو السبب

قعدي حطي حياتج بين ايدج وسألي نفسج هذي حياتي زوجي وطفلين وبيتي ودوامي شنو اللي مو عاجبني؟ شنو محتاجة ومو قادرة احصله؟ حب؟ اهتمام؟ شنو اللي حاسة انناقصج ومسببلج هالعصبية


ثاني شي واهم شي والهدف اللي ابيج تغيرين حياتج عشانه واهو (((((((عيالج)))))) ابيج بس وقت نومهم تروحين تطلين عليهم واهما نايمين روحي يم الفراشوابيج تطالعين ويه بنتج وطفلج الثاني سواء بنت او ولد وبعد ماتتحسسين هالويه البرئ سألي قولي حق نفسج مو حرام هالياهل الصغير اللي الله عطاني ياه نعمة وهدية اطقه؟؟ واخليه يـتألم ويبجي عشان انا عصبية؟؟

وهذا الطفل شذنبه؟ اهو يفهم لم سوى الغلط؟ اهي لم تصارخ وتحن وتكسر مو هذي فترة طبيعية كل طفل طبيعي عاشها ؟ هل انا اعترض على صراخ ولعب وحنت بنتي؟ مو حرام علي تنام واهي متعورة بسبتي ولا باجية؟
هذول اليهال ترى مسؤوولية كبيرة برقبتنا والاهم والاهم ان اهتمامج وتربيتج الصحيحة تحميهم من الامراض النفسية انتي تبينهم يعيشون نفس عصبيتج؟

تدرين اكثر ما ينمي استقرار الطفل النفسي وبالتالي الاجتماعي والمدرسي اهي النفسية الحلوة اللي تربى عليها وعطف وحب وحنان الوالدين؟ ابيج بس تلقين نظرة سريعة على قسم الامومة بالمنتدى اللي محرومين من هالنعمة وراح تحسين بقيمة عبالج وخاصة انتي اساس تربيتهم وصحتهم ومستقبلهم

العلاج بالنسبة لج قبل ماتفكرين تروحين طبيب نفسي جربي تكونين انتي طبيبة نفسج ترى الانسان يقدر يبرمج مخه واعصابه وتصرفاته بنفسة بدون تلقين من احد والروحة للطبيب النفسي اعتبرها اخر مرحلة ومرحلة فقط لليائسين جدا

انتي زوجة وام يعني احلى واغلى النعم حصلتي عليها باقي عليج بس تعرفين شلون تستمتعين بهالنعم وترضين ربج لان قعد يطالعج وبقولج شي واحد بس هل انتي شايفة الدنيا وايد تسوى عشان نعصب ؟ ترى كلها سنوات تمر وتروح بلمح البصر فليش اعيشهم واعيش اللي معاي بهالاعصاب؟

تدرين انا شسوي انا دايما اروح افتح اليوتيوب على الحروب على العراق ولبنان والبوسنةوالهرسك واشوف الناس شقعد يصير فيهم هني تدرين شكثر احس بنعمة ربي+ تدرين كل مشاعر الغضب او الاعصاب او اي شي يصير تافه عندي واحمد ربي زيادة وواصير حنونة على زوجي وبنتي زيادة رغم ان محد بالدنيا خالي من الهموم حبيبتي بس لازم تتغيرين وباسرع وقت لان مرحلة الخمس سنين من حياة الطفل اهم شي اهم شي اهم شي بعدها ما ينفع شي فخافي عليهم وابدي غيري نفسج ترى ماكو شي يسوى واهتمي بحياتج وسوي نيولوك لشكلج وشعرج وحبي زوجج وخليه يحس بالهدوء

كل ريال بالدنيا يعشق الحرمة الرقيقة اللي صوتها منخفض اللي مالها حس عالي وهذي نصيحة مني ثقي فيها وكسبي زوجج بدون اعصاب خلج هادية وحنونة وانسي الاعصاب

والله يهديج ويوفقج

كلامج وايد مريح ام مهدي خليني اكلمج شوي
انا زوجي يحبني و مهتم فيني والحمدلله
انا عارفه ليش انا جذي وادري شنو السبب لكن ماني قادره اتأقلم مع المشكله
اهي مشكله مؤقته بس مادري لي متى ...
اموري كل مالها وتتصعب
انا احب بناتي وانا اروح اطل عليهم بالليل وشكثر ابجي واتألم لاني اصرخ عليهم
واحيانا احس اني مو كفو اكون ام
بس من يصير موقف انسى كل شي وارد اصرخ واعصب من اتفه الاسباب
ودي اتحكم بنفسي ودي اكون هاديه اكثر من جذي
ودي اكو ابره اخذها واظل طول اليوم بارده وهاديه
والا حبه تهديني وتريحني
انا مالي قلب اشوف الحروب والقتل ماقدر صدقيني
اذا شفت مشهد مؤلم اظل يومين بس افكر واحس اني متوتره
بس في كلمه قلتيها اهتمي بنفسج وغيري اللوك مره امي قالت لي حبي نفسج شوي ذكرتيني فيها
انا فعلا اهملت نفسي شوي
والله مادري شقول بعد اتمنى تكونين فهمتيني
يعطيج الف عافيه ويخليلج مهدي وبومهدي انشالله

 

[Om_RayooMa]

ماتشوفين شر حبيبتي يمكن ضغوطات الحياه خلتج عصبيه انتي وقت عصبيتج غيري وضعج اذا اكنتي واقفه قعدي والعكس صحيح وهم طلعي من الغرقه غيري مكانج وقت ماتكونين معصبيه وحاولي تقرين اسماء الله العظمى خاصه ياهادي كرريها الله يهدي نفسج يارب

مشكوره حبيبتي عالنصيحه انا احب التسبيح واحب اذكر اسماء الله
ماشالله عليج يعطيج الف عافيه

 

[عيمية^والقلب^كندري]

حبيبتي الله يساعدج بس اتمنى ماتفكرين بالابر والحبوب نصيحة مني انا اعرف هالاشياء مابيج تدمنين عليها وتخربين اعصابج زيادة اتمنى ما تفكرين وتنسين هالحل وانا مو عارفة شنو ظرفج الطارئ اللي صايرلج من جذي مو عارفة اقييم مدى تأثرج ومدى اهمية وتأثير الظرف وهل اهو يستدعي هالاعصاب هذي


وبقولج شي انا اكثر منج في الخوف والتأثر بالمشاهد هذي بس قتلج لابد مامرت علي اوقات كنت عصبية فيها وبنفجر بس القصد ان لم الواحد يشوف حياة الشعوب الثانية وشلون البشر يعانون معاناة لا تحتمل ولا تطاق هني بتحسين شكثر مشاكلج تافهه وماتسوى هالدنيا لحظة نضيعها باعصاب واذية اغلى الناس عندنا:eh_s(14):

انتي الام يعني سند البيت سعادته وتعاسته بيدج والحمدالله ان زوجج يحبج بس اكيد الحب هذا يبي اهتمامم وراحة وهدوء واستقرار هذا مطلب كل ريال مهما كان يعشق زوجته وثقي بكلامي وانا مثال زوجي الحمدالله يحبني حيل بس اكتشفت بعدين ان حبه وعطاءه هذا يبيله مقابل واهو حب وعطاء مني اكثر يعني انا اكتشفت صج اني مقصرة اوكي يحبني وانا؟؟ مولازم احبه اكثر وابينله هالحب شلون؟ اكيد اني ادور راحته واخليه يعيش ببيئة كلها هدوووء ورومانسية وسعادة فمايصير نعتمد على ان زوجي يحبني وخلاص الريال يبي حنان وحب ورااااااااااااحة وهدوء عشان حبه هذا يزيد اكثر وارتباطه يزيد
:fun:
وبالنسبة للشكل ممكن تمر عالوحدة فترة تهمل بشكلها لظروف او اي شي بس صدقيني ان انتي حبيتي نفسج وكشختي بتحسين براحة اكبر روحي صبغي شعرج وهالايام كل شي موجود لتغيير اللوك اهي صبغات اهو رموش اهو تركيب شعر عدسات مكياج لبس غريب وستايل ماتعودتي عليه سوييه والاهتمام بالشكل مو معناته اتم 24 كاشخة لا بالعكس ابسط مافيها شوية كحل وجلوس وبيجامة حلوة ذربة وشعرج اتغيرين فيه وبس يعني باختصااااااااااااااار اهتمي بنفسج اولا حق نفسج وثانيا لزوجج وييتج
:sfg:
ياريت تفكرين اكثر وتدرين انا بيوم من الايام قعدت مع شيخ مو كويتي هذا شاف بحياته من البلاوي اللي لو اي انسان ثاني جان انتحر قالي باختصار واهو يبتسم انا كثر ما اتييني مصايب اضحك وابتسم لسببين اولا اضحك لان الله يحبني ويبيني اخذ اجر ويختبر صبري اكيد الله يحبني وثاني سبب اضحك واقصد بالضحكة اني اضحك على المصيبة واسخر منها واصغرها بعيني عشان مو اهي اللي تضحك علي وكثر مااا كبرت المصيبة كثر مااا اصغرها بعيني وابتسم:eh_s(7):

ياريت حبيبتي تهدين وتستانسين بحياتج وتطلعين مع زوجج عشا بمكان رومانسي ييبله هدية جددي حيااااتج يابنية الدنيا ماتسوى فرفشي ونعنشي واستانسي حبيبتي:hearting:

 

[Om_RayooMa]

كلامج حلو يا ام مهدي
ويريح
انا بحفظ كلامج عندي وكل ماحسيت بضيج
راح اقراه
عسى الله يحفظج ويحفظ اهل بيتج ويعطيج مرادج يا رب