مشروعي الصغير

[sara al3soola]

قوووه بنات اشلونكم

انا بلشت بمشروع علب الهدايا وسلال المواليد والافراح وكنت منزله موضوع حاطه فيه اول ديزاين لي وللاسف الاداره مسحته لان ماعندي عضويه سيده اعمال وطبعا احترم راي الاداره..

انا ماابي اعرض الموديلات بس انا انتهيت من كذا تصميم وحابه اعرضهم لان ابي انتشر والناس اتعرف شغلي

وماعرف لسوالف المعارض اشلون طريقتها ووين لايغركم النك ام خالد بس انا صغيره يعني ماعندي معارف يساعدوني بكيفيه البدايه وانا استحق اكمل بمشروعي لان جد اسوي شغلي بحرفيه وبأمانه واتعب واقضي وقت طويل بعمل التصاميم لازم الشغل يطلع للنور والناس اتعرفه


ياليت تدلوني على اكثر الاماكن اللي تصلح لبيع هالصناديق والسلال على مااثبت اريولي بهالشغله والسايت انشالله بالطريج


اتفيدوني بخبرتكم...


شكرا مقدما حبايبي


ناطـــرتكم

 

[sara al3soola]

القســــــــــم هــذا ميـــــــت ليش مافيه حركـــه؟؟

 

[إنسانه بكل حالاتي]

ههههههههههههههههههههههههه لا مو ميت بس الظاهر الناس مشغولين برمضان شوفي عندج بياع الورد اللي بحولي سرداااااب مليان من هالشغلات هاذي وموفقه:ggdw:

 

[sara al3soola]

اي حبيبتي عارفه ان بياع الورد فيه هالشغلات

بس انتي مو فاهمتني انا كلامي واضح عن المعارض واشلون الاشتراك فيها لان عندي شغلات حابه انها تنشاف


واي ليش محد يرد شنو 21 وحده تقرا ووحده بس اترد!!

 

[akadenia]

حبيبتي سهلة

شوفي الجريدة وبالتحديد الوطن في معارض بتنزل والحين زحمة معارض اتصلي وسألي بجم الارضية

وروحي صفي شغلج وعرضيه

سوي كاتالوج فيه نماذج

او اخذي عينة من الخامات والاحجام اللي عندج

يعني اقوى المعارض حاليا هو الدانة
وقاعة سلوى بالمارينا

والفنادق

وكان في نادي الفتيات بس اعتقد خلص المعرض او على النهاية

بس

الله يوفقج

 

[supermarket]

شوفي المول وراح تلقين بنات يعلنون عن المعارض

سجلي باللي يناسبج ... موفقة

 

[sara al3soola]

حبيبتي سهلة

شوفي الجريدة وبالتحديد الوطن في معارض بتنزل والحين زحمة معارض اتصلي وسألي بجم الارضية

وروحي صفي شغلج وعرضيه

سوي كاتالوج فيه نماذج

او اخذي عينة من الخامات والاحجام اللي عندج

يعني اقوى المعارض حاليا هو الدانة
وقاعة سلوى بالمارينا

والفنادق

وكان في نادي الفتيات بس اعتقد خلص المعرض او على النهاية

بس

الله يوفقج

مشكوره حبيبتي عالرد بس في شغله مستحيه اسئلها لكم طيب انا اروح اشترك بمعارض واصف اغراضي مثل ماقلتي بس منو يوقف يبيعهم طبعا لازم احطلي احد بس شلون وبجم ؟


مشكوره حبيبتي عالنصيحه الحلوه والدعوه الاحلى وياليت اتفيدني بسؤالي

 

[sara al3soola]

شوفي المول وراح تلقين بنات يعلنون عن المعارض

سجلي باللي يناسبج ... موفقة

حبيبتي حلو طيب اذا لقيت معرض مناسب وسجلت رسوم الاشتراك منو يبيع الاغراض مالتي طبعا مو انا أأجرلي وحده ولا شلون النظام لان جد انا جديده بسوالف المعارض حببتي ومشكوره عالدعوه تسلمين

 

[supermarket]

تقدرين انتي تقعدين

او احد يعرفج رفيجتج اختج ... الخ

وفي ناس تقعد مندوبة... بس لازم تدورين الثقة والامينة

 

[sara al3soola]

مشكووووووره حبيبتي

بس شكلج حبيبتي اتروحين معارض حببتي مناك تنباع علب الهدايا؟؟

لان حابه ابيع معاهم اكياس حق العلب و بطاقات حلوين بس انا كل اللي اسمعهان هالمعارض اكل ولبس بس؟؟

 

[sara al3soola]

up





up

 

[sho0omo0o3]

حبوبه موفقه ان شاء الله

شوفي ديفا تعرض لج منتجاتج بالمعارض


جربيها ماراح تخسرين

وموفقة مره ثانية

 

[DALALEY]

حبيبتي شوفي اي وحده من رفيجاتج اي بنات صغار يقعدون عند الطاوله مو مشكله عادي يعني او انتي قعدي

يوم 16 \ 9 في معرض بالسفير وانا اللي اشوفه ان معارض السفير قووووويه

 

[sara al3soola]

مشكورين حبايبي عالردود الحلوه

 

[bint_looda]

الله يوفقج انشالله ويرزقج من اوسع ابوابه

 

[sara al3soola]

ياقلبي تسلمييين

 

[ياشايل الظبى]

الله يوفقج
بس ياليت تعرضين شغلج

 

[V i o L e T a]

شوفي حبيبتي اذا ما لحقتي على المعارض اللي الحين ولا رحتي سجلتي بواحد في طريقه حلوه تعرضين فيها اللي عندج !!
طبعا اكيد تعرفين "الفيس بوك" ... سجلاي فيه وسويلج قروب باسم الكلوكشن مالج وصوري بضاعتج بطريقه شويه حلوه وخلاي الشباب والبنات اللي بعايلتكم او تعرفينهم يدشون القروب ويضيفون ربعهم عندج وراح تلقين اهناك همن بنات ثانيين عندهم شغلات يسوونها يدويه حلوه خلهم يحطون قروبج عندهم علشان اللي يدش عليهم يدشلج!!
ترا هالطريقه واااايد تفيد خصوصا الحين 3\4 الكويتيين مسجلين فيه والشي الحلو فيه بسرعه ينتشر ..وربي يوفقج انشالله ويسهلج كل امورج وتكون هالشغله فاتحت خير عليج

 

[q8tia27]

حلوه فكره الفيس بوك بس مشكله اذا طلبو شلون يشوفون البضاعه عرفتي؟ خاصه اذا الواحد ماعنده مكان يعني احسن شي فكره المعارض وترا اغلب الاماكن فيها معارض ومستمرين على طول بس الحين موسم للعيد وموفقين جميعا

 

[مواســم]

حبيبتي عندج معرض افكاري اللي ورى سنتر بوينت عليه اقبال
وتلاقين اماكن فاضيه ويوميته ب25 جنه وفيه خدمات وكل ماله يتطور اكثر
اللي عليج تحجزين هناك وتسوين لج دعايه اهني بالمنتدى كتبي موضوع عن شغلج ووين تعرضين وحطي بموضوعج نمونه او ثنتين
عشان يتشجعون العضوات ويروحون لج

وموفقه يارب