بنات تكفون علموني اشلون اسوي قهوة عربية اطير العقل ..؟؟؟

[dream]

السلام عليكم ...!!

تكفووون بنــات علموني اشلون اسوي قهوة عربية اتجنن واطير العــقل ...؟؟

طعم لذيذ + تعدل الراس

والله البنات لهم ابداعات غريبة عجيبة بالقهوة اللي اتقولج حاطة فيها نيسكافيه واللي اتقولج حاطة فيهــا كرنيشن ..؟؟

تكفوووون علموني ...!!

 

[ام عباااااااااادي]

شوفي حبوبه 4كاسات كبار ماي حطيهم بالدله اللي بتغلين القهوه فيها وخليهم لين تغلي وبعدين حطيها على العين الصغيره وقصري عليها وحطي عليها 3ملاعق كبار قهوه( انا استعمل بريه )وشويه زعفران وخليها تطبخ على راحتها مده 20دقيقه وبعدين حطي بالترمز حق القهوه ملعقه وسط هيل مطحون وعليه شويه زعفران وصبي القهوه بالترمز وخليه حوالي ربع ساعه يركد الهيل (اذا صبيتي القهوه بالترمز حطي المشخال الصغير حق القهوه )وبالعافيه

 

[dream]

عليها 3ملاعق كبار قهوه( انا استعمل بريه )

يعطيج العافية ام عبادي ...ما اتقصرين

انا وبصراحة ما افتهم شي بالطبخ وقلت حق نفسي ابي اتعلم اشوي اشوي قلت ليش ما ابتدي اسوي الاشياء اللي احبها بالاول ... وانا اموت على القهوة العربية بس في نفس الوقت ما احب المرة والثقيلة حيل ..

الحين لو بشتري القهوة نفسها اروح وين ؟؟ شنو احسن محل يمدحون قهوتهم ؟؟ اشرايج بمحل العميد وغيرهــم ...؟؟؟

 

[جارة القمر]

مشكووووووره

 

[الست اصيله]

مادري

 

[dream]

مادري

شكرا جزيلا للمرورج حبوبة ..

 

[dream]

مشكووووووره

اي والله تستاهل ام عبادي الشكر

 

[نايفه]

اهلين دريم بالنسبه لي استعمل القهوه الهرريه اول كنت احمس بالبيت الآن متوفره بره بمحلات القهوه واشتري 1.50 و1.25 واخلطهم وهذي بعد تجارب لقيتها افضل شيء والعائله كلها تعمل كذه والطريقه زي ام عبادي اللهم اني اضع بقط حليب او ربع ملعقه صغيره كافي ميت وهذا يعطيها اللون الجميل وبين لون الزعفران

اختكم
نايفه

 

[روزالكويت]

اختى تبين القهوه النسائيه اللي تقعد الراس وانا اصلا لي قهويت من قهوتى الكل يطلبها مره ثانيه..
روحي البرحي سنتر اللي بالفحيحل وترى عندهم خدمة تووصيل بس ماعرف رقمهم اطلبي منه كيلوا قهوه السبع حاجات اسمها جذى ليش مادري المهم اطبخي ماي مقدار فوق فتحتة الغوري الداخليه ولي فاح الماي حطي فنجال ونص قهوه ولي طبخ كذا مره خليه يركد ويصفي تالي جيبي مطارتج تكونين حاطه فيها مقدار زعفران شويه وتحطين حليب بوقوس كرنيشن او كوفي مت اللي متوفر عندج وتالي صبيها بالهناء والعافيه..واذا تحبينها مركزه اكثر ظيفي خلطة القصيم تلقينها باغلب الجمعيات قفشه صغيره بالمطاره وصبي وبس ياقلبي

 

[^SwEeTa^]

ماكو على القهوة الشقره

جربت كذا قهوه .. ماكو على الشقره

بس فوحي الماي و حطيلج فنجانين قهوه في الدله

و بالمطاره حطيلج نص فنجان هيل .. أو حسب رغبتكم

و إذا تبين تزيدين زعفران زيدي

و بس .. عقب ما تخلص قهوتج صفيها داخل المطاره و بالعافية

 

[خشف العوازم]

تسلموووووووووون بنات

 

[dream]

اهلين دريم بالنسبه لي استعمل القهوه الهرريه اول كنت احمس بالبيت الآن متوفره بره بمحلات القهوه واشتري 1.50 و1.25 واخلطهم وهذي بعد تجارب لقيتها افضل شيء والعائله كلها تعمل كذه والطريقه زي ام عبادي اللهم اني اضع بقط حليب او ربع ملعقه صغيره كافي ميت وهذا يعطيها اللون الجميل وبين لون الزعفران

اختكم
نايفه

مشكورة يا نايفة وما اتقصرين ..

بالنسبة للقهوة (الهررية) اسمها جذي مــو ..؟؟

من وين احصلها من اي محل ..؟؟

واحط الكافي ميت في الدلة مع الزعفران مــو ؟؟ ولا مع القهوة واهي تغلي ..؟؟

 

[dream]

اختى تبين القهوه النسائيه اللي تقعد الراس وانا اصلا لي قهويت من قهوتى الكل يطلبها مره ثانيه..
روحي البرحي سنتر اللي بالفحيحل وترى عندهم خدمة تووصيل بس ماعرف رقمهم اطلبي منه كيلوا قهوه السبع حاجات اسمها جذى ليش مادري المهم اطبخي ماي مقدار فوق فتحتة الغوري الداخليه ولي فاح الماي حطي فنجال ونص قهوه ولي طبخ كذا مره خليه يركد ويصفي تالي جيبي مطارتج تكونين حاطه فيها مقدار زعفران شويه وتحطين حليب بوقوس كرنيشن او كوفي مت اللي متوفر عندج وتالي صبيها بالهناء والعافيه..واذا تحبينها مركزه اكثر ظيفي خلطة القصيم تلقينها باغلب الجمعيات قفشه صغيره بالمطاره وصبي وبس ياقلبي

اي اي اي ابي قهوة تعدل الراس والكل يطلب اني اقهويه مرة ثانية ..!!

بس اول شي مشكورة روز الكويت ...

القهوة اسمهــا ( السبع حاجات) مــو ..؟؟ ما اقدر احصله من مكان ثاني غير البرحي سنتر..؟؟

يعني جم احط من حليب الكرنيشن او ابوقوس او كوفي ميت وايهو الاطيب والاحلى ابرايج ..؟؟

 

[dream]

ماكو على القهوة الشقره
جربت كذا قهوه .. ماكو على الشقره

بس فوحي الماي و حطيلج فنجانين قهوه في الدله

و بالمطاره حطيلج نص فنجان هيل .. أو حسب رغبتكم

و إذا تبين تزيدين زعفران زيدي

و بس .. عقب ما تخلص قهوتج صفيها داخل المطاره و بالعافية

مشكورة اسويتــا على الرد

قهوة الشقرة من وين احصلها او اشتريهــا ...؟؟؟

نص فنجان هيل مو جنه وايد ..؟؟

 

[^SwEeTa^]

حبوبة القهوة الشقره تحصلينها بكل مكان .. انا اخذها من بن البدوي أو مطحنة الفوز --- (مطحنة الفوز يخورونها لان ساعات يحمسونها زيادة عن اللزوم.. بس اذا ضبطها تصير تهبل أحلى قهوة شقرى)

و نص فنيان هيل مو وايد كلش!!

الهيل يكون مبروش خشن مو ناعم بودر .. و الفنجان . فنجان القهوه الصغير!!

 

[أم سالـمـين]

احسن شي بن البدوي

اخذي قهوه عربيه شقره خطيييره ولما تسوينها حطي خلطة القصيم تطلع رووعه

 

[أم عبدالله Q8]

مشكورين بنات انا داشه أتعلم بس بقيت أسألكم في وحدة قالتلي أشتري من سوق الصباح اللي في الفحيحيل خلطة القهوة العربية تقول وايد حلوة اشرايكم انتو واللي مجربتها تقولي