ليش نخاف نراجع الطبيب النفسي؟؟

[الذهبية]

شلوووووووووووووووووونكم بنات ..........

حبيت اطرح موضوع يقرقع بقلبي من زمااااااااااااااااااااان ... _03BA:

ودي اشاركم النقاش فبه بهالشهر الفضيل ...

ليش نخاف او نستحي ان نراجع الطبيب النفسي ؟؟؟

ليش ما نعتبره حاله حال اي طبيب ثاني ؟؟

ليش عادي عندنا نعالج الضغط والسكر والقلب والسمنة و و و و..... والصحة النفسية لاااااااااااا والف لاااااااااا ؟؟؟؟؟؟؟؟؟

ابي ارائكم بهالموضوع ......( لا تنسون التصويت ) للتصويت ... عادي تراجعين الطبيب النفسي او لا ؟؟؟

 

[blue diamond]

انا عادي عندي (( ابي طبيبه مو طبيب )) هههههههههه

اعتقد ان نظره المجتمع اللي تنظر للناس اللي يراجعون الطبيب النفسي كأنهم مرضى نفسيين او ميانيين اهيا اللي خلت الناس تخاف او تستحي انهم يروحون للطبيب النفسي

ومشكوره حبوبه على الموضوع اللي قرقرع في قلبج

 

[الاسطورية]

عادي بالنسبه لي انا تخصص علم نفس واحنا نعاني اصلا من النظره لتخصصنا ماعندهم الا كلمه ميانين

تفكير عربي متخلف بصراحه ولا المفروض ان شي طبيعي ان الواحد يحتاج مسانده نفسيه بس من راجع طبيب قالو معقد ولاعنده مشكله

هذا كله بسبب تفكير عربي خاطئ منتشر وراسخ لايمكن يتغير عكس دول برا وامريكا خصوصا

 

[الذهبية]

هلا فيج بلو دايموند نورتي الموضوع ......... ما قصرتي

هلا الاسطورية منورة الموضوع حبيبتي ........ وصاااااااااااااجه بكل كلمة قلتيها

مشكوريييييييين على المرور والمشاركة القيمة .. يعطيكم العافية

الباجي شحقه مصوتين من غير ردوووووووود .. ؟؟؟؟؟؟؟

على العموم مشكورين على التصويت ..

 

[الذهبية]

ان اشوف ان الوضع تحسن وااااااااااايد عن قبل يعني نظرة الناس خفت عن علم النفس شويه وبدى يصير فيه وعي واهتمام اكثر من السابق وتفهم للموضوع ..بس لحد الان اغلب الناس يراجعون الطبيب النفسي بسرية وانا بصراحة شخصيا اؤيد هالشغلة لسبب واحد ... وهو اقضوا حوائجكم بالكتمان .. وهي حديث للرسول صلى الله عليه وسلم مهم جدا .. وخصوصا في الكويت بلد صغير وفيه بعض الناس الله يهداهم صايرين فطوم علوم اللي مع ام خماس هالسنه ههههههه.. ما تخلصين من حجيهم..واحنا الكويتين كلنا عيال قرية وكلن يعرف اخيه..كل شي ينعرف..فالواحد يتعالج بعييييييد عن عيون الناس ابرك وعلى فكرة حتى العلاج العادي الجسدي نفس الشي ما احب اسوي عنه نشرة مفصلة للناس .. فالزبدة مراجعة الطبيب النفسي مهمة وااااااااااايد ومو شرط الا فيج اكتئاب ولا مرض نفسي ولا وسواس قهري ولا شي جايد (الله يكافينا الشر) ويسحبونج حق هالطبيب تسحب لأ... لازم يصير شي دوري .. مثل ما انتي تروحين للطبيب العادي حق معدتج او راسج او بتسوين check up لصحتج الجسمانية همن سويها للنفسية ..بس للاسف الناس يهملون هالجانب .. وما يدرون عن اهميته وخطورة اهمالة على مدى سنيييييييييييييييييييييين طويييييييييييييييييلة .. والله يعين ...


والباجي شراااااااااااااااااااااايكم شاركونا خل نستفيد من بعض ....

 

[blue diamond]

صح كلامج صج ان نظره الناس خفت
بس استل نظرتهم دونيه للناس اللي يراجعون وحتى انهم يستصغرون هالمهنه

 

[اتحي^_^]

انا اشوف عادي بس بدون لحد يدري
لان الشماتين وايد ويفسرون كل شي بمزاجهم
وبعدين اللي تمسك مصحفها واتجابل جبلتها ما تحتاج لطبيب نفسي

 

[الذهبية]

حياج حبيبتي اتحي نورتي الموضوع ...... تسلمين حبوبة

انا معاج كلام الله افضل علاج بس همن تعدد العلاجات افضل

الحمدلله على كل حال

 

[اتحي^_^]

حياج حبيبتي اتحي نورتي الموضوع ...... تسلمين حبوبة

انا معاج كلام الله افضل علاج بس همن تعدد العلاجات افضل

الحمدلله على كل حال

انا معاج كلام الله افضل علاج بس همن تعدد العلاجات افضل

اختي لو سمحتي راجعي هالجمله علشان لا تستاثمين
ادري انه مو قصدج بس ما يمنع انبهج
لان مافي شي افضل من كلام الله

ومشكوره على هالموضوع

 

[الذهبية]

اختي لو سمحتي راجعي هالجمله علشان لا تستاثمين
ادري انه مو قصدج بس ما يمنع انبهج
لان مافي شي افضل من كلام الله

ومشكوره على هالموضوع

ليييييييييش استأثم ؟؟؟؟؟؟؟؟؟؟؟؟؟؟؟؟؟

اكيد ما فيه شي افضل من كلام الله

بس انا قصدي انه لازم مع العلاج القراني علاج نفسي وعلاج جسدي

يعني انا مؤيدة لمنهج التكامل بالعلاج او الشموليه من غير تقسيم والاعتماد على مصدر او علاج واحد

والقصة مو قصة افضلية .. والقران قبل لا يكون علاج اهو منهج حياة ودين مو بس نلجأ له في اوقات معينه

المفروض دينا داخل في كل شي في حياتنا بشكل عام ..

ومشكورة اختي على التنبيه .......

 

[الذهبية]

ويييييييييييييييييييييييييييييييييييييييينكم باجي البنوتات الحلوات ؟؟؟؟؟؟

 

[أمواج البحر]

بالنسبه لي عااادي والوضع طبيعي جداااا

و وايد اتمنى اروح لدكتور واقعد اتحجى واتحجى و اتحجى لمااااااااااا اقول بس

خاصه ان الدكتور النفسي ماراح يحكم علي

وبالمقابل احمد ربي اني مسلمه و في عندي من الجأ له

لا ضاقت فيني الوسيعه توضيت و صليت لي ركعتين و قريت قرآن

وللاسف المجتمع الشرقي عندهم نظره دونيه للشخص اللي يعالج عند دكتور نفسي

والله يبعد عنكم الهم و الضيقه

 

[اميرة المحبة]

للاسف يا اختي ان نظرة المجتمع العربي ان الشخص لما يروح يستشير طبيب نفسي معناه انه مينون
لكن المفروض ومافيها اي شي ابدا ان الواحد ان كان محتاج يروح وخلاص الحين الدنيا تغيرت والكل صار عنده وعي بس هذه شغلة ربوا عليها الناس ان المريض نفسيا يعني مو صاحي


انا شخصيا ماعندي اي مانع اروح استشير طبيب نفسي في حالة احتج وانحديت



ومشكوووووووورة ياقلبي عالموضوع المهم

 

[الريادة]

للاسف يا اختي ان نظرة المجتمع العربي ان الشخص لما يروح يستشير طبيب نفسي معناه انه مينون
لكن المفروض ومافيها اي شي ابدا ان الواحد ان كان محتاج يروح وخلاص الحين الدنيا تغيرت والكل صار عنده وعي بس هذه شغلة ربوا عليها الناس ان المريض نفسيا يعني مو صاحي


انا شخصيا ماعندي اي مانع اروح استشير طبيب نفسي في حالة احتج وانحديت



ومشكوووووووورة ياقلبي عالموضوع المهم

صااااجه, صح لسانج .. نفس الكلام اللي بقوله .

 

[cute-girl]

انا عندي عادي بس الحمدالله ما احتااج
او يا ناس ما عليكم من الي يقوووول انه الي يروووح حق الطبيب النفسيه مينووون انتو هل اياام ما تشوفون كل من هب و دب سمه رووحه مينوون اهبل خبل ؟؟ ..... الحمدالله والشكر

 

[كندية]

ماادري عندهم طب النفس حق ميانين وان الي يرووح لهم يكون ايماانه ضعييف...لان الواحد لازم يشي لله سبحانه وبس...
بس طبيب النفس له فواائد واااايد وماافيها شيء اذا طلبتي مسااعدة من احد مختص...

 

[** باربي **]

والله انا ودي المرات الواحد يضيع بالدنيا من احزانه وما يقدر يصارح فيها اي احد عشان يعطيه الحل وحتى لو استشار احد من الاقارب ما راح يفهمه مثل خبرة الطبيب النفسي وانا افضل طبيبه ووبخاطري فوزية الدريع احبها فديتها احسها فاهمه على شعور الكل وخاصه مشاكل المرأة بس انشالله الله لا يحدنا ولو انحدينا شي عادي الحين يعني نروح حق نعالج امراض عضويه وما نروح نعالج النفسيه والي اهي اهم من العضويه لانه النفسيه لها تأثير وايد على جسم الانسان ويمكن اغلب الامراض العضويه والي يحتارون الاطبه منها سببها نفسي انا ايد بالسر لانه عقول الناس قواطس وما تفهم وبتحجى وما يخلون احد بحاله وبيمونها المينونه وبالمعاير ولو فيج خير ما عالجتي بالطب النفسي صح ولا لا

 

[ShaGRa NoiSya]

امممممم انا بصراحه عادي عندي

لان الوالده من توفى اخوي صار فيها حاله نفسيه ووايد تتعب فاقامت تراجع طبيب نفسي طبعا كل هذا لاني حطيت

هالفكره براس ابوي واهو اقنعها وماعتقد فيها شي اذا رحنا للطبيب النفسي

ومادري ليش في ناس يقولون شنو مينونه انا !!

 

[Om_RayooMa]

والله انا احس اني محتاجه لكن مارحت
ومو مهم عندي الناس لانهم على كل شي يتكلمون

 

[سعوديه بينكم]

أنا بصــرآآآآحـــه أأيد الدكــتور النفســـــــي وبقوووه بعد
وأحس لما احتاج له خآآطري ارووح له بنفس الوووقت
وأحـــاول بقد مااقدر مايهمنــــــي كلام النآآس
اتصووورو جتني فتره تعبت حيييييل ورحت للدكتـور النفسي
وحده من قريباتي تقولي بسم الله عليك انتي مجنونه
من صدقكك تروحين للطبيب النفسي انتي مافيك الا العافيه
بس بتخلينا كلام بحلوووق النآآآآآآآس تركيه بس لاتروووحين
!!!!!!!!!!!!!!!!!!!!!!!!!!!!!!!!
عن جد الناس عجيبه
يعني انتي لما يعوركـ ضرسك بتروحين لمن ؟
أكيد لـطبيب الأسنان
لمـــا يعورونكـ عيـــــــونكـ ؟بتروحين لمن ؟
أكيد لطبيبه العيون

انزين ..

لما تعـــوركـ نفســـك وتتعبين منها ...؟!
شتسووين !
تخلينها تتعب زيــآده وتتدهــور !!
أكيد لا
.................................!

عشآن كذا ياريت مجتمعنا يشيل هالفكــرهـ من رآآسه
ويتطـور شويه وتزيد ثقـــــآفته ..

<< صراحه اختي

موضوعكـ جاء بـــوقته