حملة القراءة الحرة ¶§¤*°^°*¤§ مميز ¶§¤*°^°*¤§¶

[منايه]

مرحبا يابنات اشلونكم حلو موضوعكم
انا والله احب القراءه واقرا وايد بس مشكلتي اني انسى اي كتاب اوموضوع اقراه بسرعه وهذا شي مضايقني وايد ومادري شسوي،ومشكورين عالموضوع

 

[miss_avocado]

بما ان رمضان قررت ما اقرى الا قران ولما تيني الدروره راح اقري كتاب العظمه لقائض القرني و امس بديت فيه يابنات الكتاب روعه يدخلج في اجوا روحانيه موطبيعيه

 

[sara-q8]

بما ان رمضان قررت ما اقرى الا قران ولما تيني الدروره راح اقري كتاب العظمه لقائض القرني و امس بديت فيه يابنات الكتاب روعه يدخلج في اجوا روحانيه موطبيعيه

اي والله زين تسوين..

انا بنضم مع الحمله لاني احب القراءه بس عيبي ملوله بس

اانشالله بعد العيد بأقرأ كتاب عائض القرني لاتحزن شكثر مادحينه لي

 

[SweET^LiKe^chocolate]

سلام عليكم بنات الصراحه مووضووعكم وايد وايد حلو وانا الصراحه وايد احب القراة الصراحه ادخلج بعاالم ثااني وثقافات ثانيه وانتي قاعده بمكانج


وانا واايد قريت كتب بس مافي شي ابالي بس اخر كتاب قريته اسمه زهرة الصحراء
الكتاب روعه شويه علييه الكتاب مذكرات وحده صومالية تتحجى عن بدو الصومال شلون كانت حياتها ومن ضمنها تتحجى عن الختان الموجود في مجتمعهم الصراحه الكتااب يشدج ودج تخلصينه بيوم واحد

والحين انا قاعده اقرا the secret
واذا خلصته ببدي بقرا كتاب اسمه eat pray love حق الكاتبه elizabeth gilbertوايد مدحوه لي وراح اقراه وانشالله اقولكم عنه وهذا اول كتاب انجليزي ببلش بقراة

وانشالله تقبلوني عضوه معااكم :tek:

 

[End Girl]

انا خلصت من كتاب ملائكه وشياطين
بصراحه مانصحكم في
يشد بالنهايه بس

وقريت كتاب رحلتي الى كراتشي وكان عادي يعني
مو هذاك الزود

والحين بقرا موسوعه الظلام وبرد اعلق عليه

 

[NouNoO]

خلصت الحصن الرقمي الروايه جدا رائعه

وما ادري شنو راح ابدي فيه لما اقرر ارد لكم

 

[0(مـــســـ(مطير)ــــــك)0]

السلام عليكم
شلونكم موضووعكم حيييل شدني

انا قاعده اقرا زهرة الصحراء شفت وحده منكم تمدحها وشريتها ..

وان شاء الله اذا خلصتها برد بقولكم شنو ببدي بعدها ..

 

[planka]

انا احب القراءة بس عيبي اني انسى واااااايد واحاول اقرا الكتاب مرتين عشان اتذكر
احب اقرا روايات رومانسية وبولسية اغاثا كرستي امووووووووت عليها
واحب اقرا سير
وانشالله باجر ببدي اقرا قصص الانبياء مع ان كتاب معروف وقارية تقريبا نصبه بس احب اقراه خصوصا ان احنا الحين في شهر رمضان يعني اربط اللي اقراه بالكتاب مع الايات

 

[SweET^LiKe^chocolate]

السلام عليكم
شلونكم موضووعكم حيييل شدني

انا قاعده اقرا زهرة الصحراء شفت وحده منكم تمدحها وشريتها ..

وان شاء الله اذا خلصتها برد بقولكم شنو ببدي بعدها ..

حبيبتي انشالله يعجبج الكتاب واذا خلصتي عطينا رايج :ggdw:

 

[0(مـــســـ(مطير)ــــــك)0]

حبيبتي انشالله يعجبج الكتاب واذا خلصتي عطينا رايج :ggdw:

فظيييييييييييييييييييييييييعه خلصتها بيومين ... بس احس شوي فيها قلة ادب ماادري جرأه بزياده
واغلب الروايه تتكلم عن الختان عاد انا اعرف وحده صوماليه ودايما تسولفلي عن الصومال وعن الختان وخايفه يسولها مسكيييييييييييييينه وتعرفت على وحده تصيرلها وصارت علاقتي قويه حييييل معاها جان تقولي ان فلانه اللي هي رفيجتي الاولى مسويلها ختااان من زمااان كــــــــســـــــــــــــرت خاطري :eh_s(2): مع انها جذبت علي بس حسيت انها تفرغ طاقتها بالجذب الله يعينهم ويتخلصون منها..
عاد الروايه لها تكمله بنات الصحراء وفجر الصحراء .. قريتيهم ؟

 

[math2020]

سلام عليكم بنات الصراحه مووضووعكم وايد وايد حلو وانا الصراحه وايد احب القراة الصراحه ادخلج بعاالم ثااني وثقافات ثانيه وانتي قاعده بمكانج


وانا واايد قريت كتب بس مافي شي ابالي بس اخر كتاب قريته اسمه زهرة الصحراء
الكتاب روعه شويه علييه الكتاب مذكرات وحده صومالية تتحجى عن بدو الصومال شلون كانت حياتها ومن ضمنها تتحجى عن الختان الموجود في مجتمعهم الصراحه الكتااب يشدج ودج تخلصينه بيوم واحد

والحين انا قاعده اقرا the secret
واذا خلصته ببدي بقرا كتاب اسمه eat pray love حق الكاتبه elizabeth gilbertوايد مدحوه لي وراح اقراه وانشالله اقولكم عنه وهذا اول كتاب انجليزي ببلش بقراة

وانشالله تقبلوني عضوه معااكم :tek:

هلا يا قلبي
كتاب eat pray love كانت اوبرا امسوية مقابلة مع الكاتبة بس ما دش مخي :gr4uu:

 

[math2020]

اشلوووووووونكم يا المثقفات واشلون القراءة وياكم انا الصراحه قطعت فترةى ابسبب ظروف حملي
وانشالله عقب ارمضان اقولكم كل ما هو جديد
وكل عام وانتم بخير

 

[SweET^LiKe^chocolate]

لا والله للحين ماقيريتهم بس شوفي زهره الصحراء صح فيه شوية قلت ادب بس انا مالومها من الكبت والانغلاق اللي عاشت فيه شنو تتوقعين تسوي لمن تحررت اكيد بتجر كلشي لانه ماكو تعليم
وانا الحين خلصت من الصومال رحت الصين لووول

رواية اسمها زهرة الثلج والرورحه السريه واايد مدحوه ولي وبديت اقرا والكتاب باين من عنوانه حلو
والقصه عن بنتين صينيات يتبادلون الرسايل ويتعرفون على بعض عن طريق المهفات الصينيه يكتووبن فيها الرسايل بلغة الحرريم الخاصه اللي بالصين ويد وايد حلو انصحكم فيه

 

[A7la 7la]

انا من يومييين شريت كتااب The secret وأخيرآآآآ حصلته .. قريت أول 25 صفحه .. وراح ألخص شنو استفدت من هال25 صفحه في موضوع الخاااص بقاانون الجذب ..تاابعوني .

 

[A7la 7la]

.
.

لخصته وكتبته ...

راح تلاااقونه بهالرااابط ... وانشالله تستفيدووووووون :


http://q8yat.net/showthread.php?p=5356594#post5356594
.
.

 

[نووووونا]

بصراحه فكره روعه تسلمين ماث عالهالبادره الحلوووووووووووووه

 

[مناير خزنة التاير]

:aha: مرحبا بنات ، بصراحة الحملة واايد حلوة و فكرتها روعه مع اني ادخل القسم بس اول مرة انتبه عليها
ويشرفني اني انضم معاكم :aha:


ولي عودة

 

[مناير خزنة التاير]

من الكتب اللي قريتهم و عجبوني
كتاب رؤيتي للشيخ محمد بن راشد ال مكتوم ، بصراحة الكتاب حلو تستفيدين منه

كتاب الاب الغني و الاب الفقير ، هم مفيد و فكرته حلوه شلون اتخلين الفلوس تشتغل لج مو انتي اللي تشتغلين عشان الفلوس
قريت الكتاب الاول و الثاني بديت فيه بس دخل رمضان وما كملته

امس بديت بكتاب لاتحزن لعائض القرني ، شكله حلو و بسيط

و من فتره قريت روايه اسمها حافيه على الطريق لتوفيق العلالي بصراحة اهي وااايد طويلة و كملتها اب اشووف الهدف و االزبدة بس كلش ما منها فايده و رومانسيه بايخه

 

[أجاثا^كريستي]

أنا عن نفسي احب الروايات البوليسية الراقية خصوصا المترجمة للعربية مثل روايات اجاثا كريستي وهم اهم اي كتاب يتكلم عن ماوراء الطبيعه مثل كتاب الحافة وخلف اسوار العلم وشكرا حبوبة موضوعج يهبل

 

[MaZaji CoOL]

من الكتب اللي قريتهم و عجبوني
كتاب رؤيتي للشيخ محمد بن راشد ال مكتوم ، بصراحة الكتاب حلو تستفيدين منه

كتاب الاب الغني و الاب الفقير ، هم مفيد و فكرته حلوه شلون اتخلين الفلوس تشتغل لج مو انتي اللي تشتغلين عشان الفلوس
قريت الكتاب الاول و الثاني بديت فيه بس دخل رمضان وما كملته

امس بديت بكتاب لاتحزن لعائض القرني ، شكله حلو و بسيط

و من فتره قريت روايه اسمها حافيه على الطريق لتوفيق العلالي بصراحة اهي وااايد طويلة و كملتها اب اشووف الهدف و االزبدة بس كلش ما منها فايده و رومانسيه بايخه

قووة حبوبه ..

كتاب Rich Dad,Poor Dad... وين حصلتيه؟؟؟
وشنو استفدتي منه ؟؟

ودي اشتريه .. لإني بقراه عقب كتاب The secret ..._03BA:_03BA:
.

.