حملة قراءة سورة البقره كل يوم

[ملح بدويه]

انا صارلي 10 ايام من قريتها

ويارب يارب يارب ارزقني ووفقني

ادعوووووا معاي بهالشهر القضيا ان الله يعوضني بالزوج

 

[مناير خزنة التاير]

حبيبتي منوره صلي قيام الليل واقريها في القيام لاتخلينها حبيبتي

انا محتارة ، عشان ودي اختم القران اكثر من مرة من جذي كل ما اقرا اكمل ختمتي حتى بقيام الليل اكمل ختمتي
بس من بداية رمضان و انا اصلي التروايح فيها بس مو كامله المسيد اللي اصلي فيه بدا بالبقرة وكل يوم تقريبا 4 صفحات
فالحمدالله انا مو قاطعتها كلش ..

يعني انتي هقوتج اقيم فيها الليل ؟؟
والله من صج محتااارة :0bee2e8d89:

 

[مناير خزنة التاير]

انا صارلي 10 ايام من قريتها

ويارب يارب يارب ارزقني ووفقني

ادعوووووا معاي بهالشهر القضيا ان الله يعوضني بالزوج

الله يتمم عليج .. يارب يوفقج و يرزقج كل اللي تتمنينه اميـــــن
:tek:

 

[*حنونه*]

مساءكم خير

ابشركم بدية وقريت سورة البقرة والحمد الله بجد تحمست وبمر كل يوم وبعطيكم شنو صار معي
بس انا من فكرة اقراءة السورة وانا صابني ضيق مو طايقة عمري ولا احد حولي
ومن قمت وصليت وقريتها وانا احس بضيق بصدري واصوات غريبه ببطني كل ما قريتها
بس استمرية ادعوالي تكفون

 

[مناير خزنة التاير]

مساءكم خير

ابشركم بدية وقريت سورة البقرة والحمد الله بجد تحمست وبمر كل يوم وبعطيكم شنو صار معي
بس انا من فكرة اقراءة السورة وانا صابني ضيق مو طايقة عمري ولا احد حولي
ومن قمت وصليت وقريتها وانا احس بضيق بصدري واصوات غريبه ببطني كل ما قريتها
بس استمرية ادعوالي تكفون

اهم شي تستمرين ، وحنا كلن معاج

واذا قريتي المشاركات القديمة حق البنات راح تلقييين اشياء واااااايد تفيدج

الله يوفقج و يرزقج كل شي تتمنينه

:tek:

 

[بــ زايد ــنت]

السلام عليكم ورحمة الله وبركاته

الله يجزااكم خير خواتي

وانا وياكم بناات

 

[*حنونه*]

اهم شي تستمرين ، وحنا كلن معاج

واذا قريتي المشاركات القديمة حق البنات راح تلقييين اشياء واااااايد تفيدج

الله يوفقج و يرزقج كل شي تتمنينه

:tek:

اللهم امين وياك اختي مناير

اختي يعطيك ربي لين يرضيك

بستمر وان شاء الله ربي يشفيني ويشفي كل مريض وجزاكم الله خير الجزاء

 

[Cherrrry]

بنات اللي قاعده تمر بظروف على الرغم من انها قاعده تقرا البقره كل يوم

ترا الله يبي يختبرج لو واثقه منه او تسوين هالشي مجرد ان البنات يقولون اقريها لقينا فايده و بركه


هالشي راح تشوفينه و تحسينه لو قريتي وانتي مخلصه النيه حق الله و واثقه ان مافي احد يغير حالج غيره

صدقوني لو وصلتوا للمرحله اللي واثقين من كل خطوه تسونها فيها خير لكم من الله بتشوفون الخير

واذا مو اثقين و تسوين الشي مجرد ان سمعتو زين لا تعبون نفسكم

والله اقولكم هالشي لاني احبكم في الله و ابيلكم الخير

خلوا ثقتكم كبييييييييييييييييييره برب العالمين

مافي اعظم منه و الوحيد قادر على ان يغير كل شي

استمروا واللي تقدر تقيم الليل خل تقيم الليل ترا فيها فضل و اجر عظيم و تعتبر معجزه و حل لكل مشاكلنا

بس في وايد مايدرون عن هالشي


الله يعطيكم كل اللي تتمنونه و يفرج همكم

 

[بــ زايد ــنت]

اللهم امين الله يجزاج خير على الكلام الطيب

مشكوره

 

[ملح بدويه]

الحمدالله صارلي 12 يوم من قريت سوره البقره

يارب يارب ارزقني يارب

 

[مناير خزنة التاير]

أم منصور وينج ؟؟ مالج عادة تقطعين عنه جذي ؟؟
عسى المانع خير ، فقدناج ؟

جيجي ؟؟ من غير شر من زمان ما شفنا ردودج الحلوة ، عسى ربي يوفقج

الكادي ، اميرة الورد .. هم قطيتو !!

اكيد عشان رمضان و لهوته ربي يوفقكم

بنـــات كلكم شلونكم ؟؟ مستمرين بالقرايه ؟؟

 

[مناير خزنة التاير]

الحمدالله صارلي 12 يوم من قريت سوره البقره

يارب يارب ارزقني يارب

الحمدالله الله يتمم عليج و توصلين 40 يوم يارب

يارب يرزقج كل اللي تتمنينه

 

[مناير خزنة التاير]

السلام عليكم ورحمة الله وبركاته

الله يجزااكم خير خواتي

وانا وياكم بناات

حــياج الله معـــانا
:aha:

 

[الكادي-83]

شلونكم يابنات ان شاء الله بخير

أبشركم

بدا دوامي

ولله الحمد والمنه البنات اللي فيه يهبلون الله يتمم علي ومايتغيرون

وأبشركم بعد خذيت الليسن

الحمدلله أحس حياتي كل مالها تتحسن واموري تتيسر

بقى بس

الزوج الصالح والذريه الطيبه

وأسأل الله في هذا الشهر المبارك ان يبلغني وكل بنت باللي نتمناه

 

[هاله السلطان]

بنات هاذي قصة البقره اوعقدة البقره حلو كثير يفسر الشيخ عائض القرني السوره بشكل مبسط
عقدة سورة البقرة -للشيخ عائض القرني
http://audio.islamweb.net/audio/index.php?page=audioinfo&audioid=20228

 

[*حنونه*]

صباحكم نوووور
كيفكم بنات اليوم الحمد الله صارلي ست ايام من قريت السووووره الحمد الله

يارب ثبتني والله بالبداية حسيت بضيق وابي اصيح وبعدها كل ما قريت احس بطني كنه طبله مره منفوخ بس وقت ما اقرااااء

الله يجزاكم كل خير

الحمد الله داومة على قيام الليل وعلى الاستغفار
ابتعدة عن سماع الاغاني
اللهم ثبتني وزدني ايماااناً

بنات ادعولي ان ربي يشفني انا مصابه بعين وحسد ولا اقدر اداوم على الشيوخ

قلت بحاول ان شاء الله ابدااااء علاجي بنفسي ساعدوني وكوني معي

وبسمع الرقيه بصوت فارس عباد

بنات ادعولي ان ربي يشفيني ويرزق بالزوج الصالح ووظيفه حكوميه بدل المدارس الاهليه والحين استغنو عني لانهم قفلو المدرسه

ومالقيت شغل

يارب فرج همي وههم كل مسلمه
يارب ارزقني الزوج الصالح وبنات المسملين

 

[القلوب الساهيه]

بنات بغيت اسال وفيدوني قرائة القران لازم جهريه يعني بيني وبين نفسي ولا علانيه بصوت عال اسمعه اناا ايه افضل ولا ماكو فرق فيدوني يزاكم الله خير ​

 

[DAM3AH]

السلام عليكم بنات

جزاكم الله ألف خير على هالحمله

وجعلها فب ميزان أعمالكم ..

آنا انضميت لحملتكم بالسر وصار لي الحمدلله 3 أيام والله يقدرني وأكمل 40 يوم..

بس يابنات أول يوم قريت حلمت حلم يخرع يمااا قمت حدي خايفه واتعوذ من ابليس واستغفر..

وثاني يوم عيني قامت تعورني وانتفخت,, بس أمس حيل حيل تعبت حاشني صداع مو طبيعي

وعيني حسيت انها بتطلع من الألم بس تحديت روحي وقريت البقره كامله ومره وحده..

ولو أقولكم شيصير فيني وانا أقرا ما تتخيلون خصوصا أمس حسيت راح يغما علي وانا أقرا..

الله كريم انشالله..

وانا حابه استمر معاكم تشجعوني واشجعكم..

 

[أم منصور]

هلا بالغاليين

اشوة غيرو قائمة الابتسامات وبما انهم غيروها فبدخل عليكم بالقطوة :001: ام منصوووووووووور


ميوووووووووووووووووو هل من مجيب


بنات لا تلوموني استخفيت صار لي جم يوم غايبة عنكم قاعده أعد الفلوس :lololoe: هالحركة اهداء حق وحده اهي عارفة قصة هالصورة وقصة الملايييييييييين .



الحين الكلام موجه للبنات الي داخلين معانا في سورة البقرة ويشوفون اشياء او يحسون في اشياء بجسمهم

اولا في بداية قراءة سورة البقرة وانتو عارفين ان الشيطان ما يقدر عليها فيهمهه ان يضعف همتكم ويثبط عزيمتكم حتى لو ما فيكم شي يعني تكونين انسانه طبيعيه هذي وحده .

الثانيه في حالة ان الانسان فيه ضرر بسيط قد يكون حسد ومن فينا وخصوصا بالكويت ما ينحسدالحسد صار مرض متفشي حتى بين الصغار وصار مثل العبه يلعبونها شرايك احسدك انتي لازم تتمنين الخير للناس مثل ما تتمنينه لنفسج وتعرفون مداخل الشيطان كثيرة فيدخل لج من باب انتي قبل مرتاحه وما تحسين بشيئ وشلج بالتعب خليج مثل ما كنتي مرتاحه ومن هالوسواس يتفنن في اغرائك بانك مو محتاجه وانك من قريتي تعبتي في حياتج ويحاول يعقد اللأمور في حياتك بحيث قد تلاحظين بعض الأحلام المزعجة او تتعقد بعض الأمور بحياتج وتربطيتنها بقرائتك لسورة البقرة .

في بداية الأمر لا تركزين على الأحلام الي ترينها لانها من الشيطان وتخويف وايهامك بالضرر استمري بالقراءة دون انقطاع وسترين الفرق وسترين احلامك واضحه ولها معني وسترين التغير الكبير في حياتك البركة في رزقك والصحة وتحصين نفسك وبيتك واولادك من الضرر ستظهر امور غائبه عن عينك ثقي تماما بان هذا ما سيحدث وانك ستكونين في حفظ الله .
وشي بتشوفين وجهك له نور وجماااااااااال ( مهند ) من اله سيكسب من يتحدث معك الراحة .

اتمنى من تقرا كلامي تنتبه لما كتبته هذا من واقع تجربة والأخت السائلة الي تقول احس بتفاخ ببطي ابيها خلال قراءة سورة البقرة تخلي جلن ماء وبالنهاية تنفث فيه بنية الله يشفيها وتقرا عليه الفاتحه سبع مرات والمعوذتين وآيات السحر في الأعراف وطه وتطلب من الله الشفاء والرحمة وبعدها تشرب منه ثلاث كووس في اليوم .

والفضل انها تغتسل بتسشوف النتيجة والله مجربة ايات الرقيه حتى بدون قراءة سورة البقرة لو حسيتي الشيطان متملكك في امر معين وحاسه بغضب اقراي ايات الرقية على كاس واشربيه ومسحي على وجهك وصدرج وبتشوفين هذي طريقة مستعجلة لطلب الشفاء من وسوسة الشيطان عند الغضب وعدم الراحة ( النرفزة وضيقة الصدر بدون سبب ) وبتدعون لي .

لا تنسوني بالدعاء حبايبي .


منورة حبيبتي انا انشغلت والمنتدى كان مسكر وتركته صج عندي شغل واليوم رديت وادري انك والبنات بتسدون عني جزاكم الله خير.

الكادي مبروك على الوظيفة وموفقه وانشالله الثالثة ثابته باذن الله .

جيجي انا خلاص

اي ووش ماي هاند وذ ووتر اند سوووووووووب :eh_s(6):

 

[مناير خزنة التاير]

مـــبروك يا الكادي تستاهلين كل خير ربي يوفقج و يسر امورج و يرزقج بالخير كله

ام منـصور استانست بشوفتج