ذبحني النمل شاسوي

[%عسولة الحلوة%]

السلام عليكم ورحمة الله وبركاته

شلونكم حبيباتي الحسناوات
شخباركم

خواتي

انا باقولكم عن شي مأذيني حييييييييييل


النمل

ذبحني بشقتي
وين مااروح القى نملة تمشي تمشي وتركض تركض وقلبي مايطاوعني اذبحهم:eh_s(2):

ذبحووووووووني:lkmnkl:


وخاصة اذا صار البيت هدوء يطلعون

وانا ماادري وين بيتهم شاكة بمكان بس اخاف افتن عليهم عند زوجي يروح يذبحهم:tongue22:


قولولي شنو اسوي فيهم:eh_s(2):
وشنو استخدم بالضبط
ابي شي انتو مستخدمينه

الله لا يحرمني منكم ياخواتي


:aha:ناطرة ردودكم ياخوات ام الخدود النظيفة:aha:​

 

[Pinkish Lady]

شوفي انا بقولج بس مو تضحكين علي
انا ما جربت الطريقه بس خالتي مجربتها ونفعت معاها
كلميهم :×
ترى النمل يسمع كلام الانسان
وهدديهم اذا ما رحتو راح اذبحكم
ترى من صجي مو غشمره
بس اول شي تأكدي انه النمل مو يايج من علبه شكر ولا في اكل طايح وانتي ما تدرين
وهذي الطريقه خالتي مجربتها وتحلف انها نفعت معاها
بس مو تكلمينهم جدام ريلج بعدين يقول مو صاحيه

 

[%عسولة الحلوة%]

شوفي انا بقولج بس مو تضحكين علي
انا ما جربت الطريقه بس خالتي مجربتها ونفعت معاها
كلميهم :×
ترى النمل يسمع كلام الانسان
وهدديهم اذا ما رحتو راح اذبحكم
ترى من صجي مو غشمره
بس اول شي تأكدي انه النمل مو يايج من علبه شكر ولا في اكل طايح وانتي ما تدرين
وهذي الطريقه خالتي مجربتها وتحلف انها نفعت معاها
بس مو تكلمينهم جدام ريلج بعدين يقول مو صاحيه

بصراحة مو قادرة اتخيل نفسي اكلمهم

بس يسلمو
ماقصرتي ياوخيتي​

 

[مس*فلحه*]

اي صح انا بعد سمعت جذي واكبر دليل ان نبي الله سليمان لما كلمهم سمعوه واهو سمعهم.
وعمتي حاطه دعاء لترحيل النمل وانشالله اخذه منها واحطه لكم والله تقول ان نقعها وهي كتيته على ورقه وحطتها بمكان تجمع النمل وتقول انهم راحو وهي ارتاحت بعد رحيلهم

 

[مس*فلحه*]

* تقول ان نفعها وهي كتبته على ورقه*
سوري عالاخطاء المطبعيه

 

[NiFeeSHa23]

جربي ترشين خل ابيض يخففهم

 

[الغاليه نونو]

ماعليج منهم خليهم النمل وقته الحين يلقط رزقه من الاكل من بيتي وبيتج وبيت غيرج ويودونه بجحورهم حق الشتا لانهم مايطلعون بالبرد"

النمل عندي مدلل مااااااااااااذبحه سبحان الله احسه كائن ضعيف لاحول له ولا قوه
"

 

[طفوش]

قولى دعاء النمل

(((يانملة بابنت النمال اخرجى من بيتى بالحال والا ارسلت عليك جنود سليمان )))

كل يوم كررى الدعاء وراح يروحون وحطى مكانهم ملح خشن مكان البيت او ماى مقرى وراح يختفون باذن الله

 

[%عسولة الحلوة%]

وي عاد انا
لو شنو يصير مااذبح النمل
سبحان الله
حتى لو كنت باتسبح ولقيت نمل بالحمام
مااتسبح ليمن يروحون
لا وانقذهم اذا صارو بالماي


الله يهدي النمل يارب
ويشيلهم من بيتي بدون لا يتأذون

 

[Om 3o0o0omar]

انا سمعت هالمعلوومه بس ما طبقتها بس قريب انشالله
ان تحطين خيار عند مدخل بيتهم ومارح يطلعون لو شنوو
وتقبلي مروري

 

[Little_Queen]

حاولي تدورين بيتهم .. و غسلي حواليه بجاز .... ادري الريحة بتصير كلش مو شي .... بس ميخالف مسحي المكان بشوي جاز و بعدين فتحي الدرايش و بخري على كيفج ... انشالله يروحون ...

 

[فراشه ورديه]

شوفي حبيبتي خلي عنج كل هالطرق انا استخدمت كل الطرق ولا نفع يرد يرجع مالج الا طريقه وحده ناجحه 100%

تتصلين على مكافحة حشرات ويرشون البيت وماتغسلين البيت يوم كامل وثاني يوم اتغسلينه ولاتنامين بيتج انا رشولي شقتي ب 8 دنانير

والحمدلله والله سنه كامله ماشفت النمل من العام شهر 8 بالصيف وكل سنه بشهر 8 ارش والحمدلله عمري ماشفت ولانمله

ديري بالج ترا النمل راح يوصلون لغرفة النوم لايصير فيج مثل ماصار بحماتي دخلت نمله باذنها وتلعوزت

واهم شي خل يرشون الشقه كلها عزج الله الحمامات والمطبخ وكبت المطبخ وغرفة النوم بكل زوايا البيت لاتقولين هذا المكان مافيه نمل خل يرشون بكل مكان

 

[%عسولة الحلوة%]

مشكورين ماقصرتو

 

[ღ Prettyღ♥ღWoman ღ]

انا سمعت انه النمل مايحب النعنااع او الريحان وينحاش منه انتي قطي جم ورقه بالمكان الي تشوفينهم في وااايد او الي شاكه فييه

 

[!! شوق !!]

شي كمووون .. او ماي مذوب فيه ملح

 

[%عسولة الحلوة%]

نورتوني

مشكورين ما قصرتو

 

[كويتيه بالرياض]

ياي انا في بيتي وااااااااااااااااااايد نمل
دايم اشوووووفهم
بنات انا دايم ارش عليهم الماي ويغرقون هههههههههه استغفر الله
لانهم وايد ويكونون متجمعين وصراحه اخاف منهم ههههههههههههههههه

 

[jareeeda]

والله آنا قريت عليهم سورة النمل والحمدلله طلعوا من داري كلهم

 

[جوك احلى جو]

في عده طرق ممكن سمعت انج تحطين خط طباشير

او كمون

او مبيد حشرات خخخخخ وفكي
عمرج

 

[طوق البنفسج]

فعلا كلميهم النمل يفهمون و قوليلهم بالي ناويه اتسوينه ..

والله يفكج منهم