صدور الدجاج بجبنة البارميزان ... يممم يمممم

[NoOoN]

قوه يالحلوين ... :q8:

وهاذي صدور دجاج فوقها جبنة البارميزان لذيذه لذيذه لذيذه حق احلى بنات كويتيات ...

طبعن انا شفتها وين وين؟؟
كانت مسويتها راتشيل راي على ام بي سي 4

يلا نبدي ..

المقادير: :gr4uu:
صدور دجاج طريه ( يعني طازجة) بدون عظم وبدون يلد طبعن
بقدونس طازج
زيت زيتون
ملح + فلفل اسود
صلصه الطماطم (المارينارا) او معجون الطماطم نفسه
ليمون + ثوم
جبنة البارميزان ، جبنة الموزيريلا
قطع زبدة

الطريقة: :gr4uu:
نضع في بادية ( ملَه) زيت زيتون + بقدونس مفروم + ملح + فلفل اسود ...

نتبل صدور الدجاج فوق وتحت بأستخدام فرشاة بالخلطة السابقة ...

في مقلاة بها زيت زيتون شويه توضع قطع الدجاج وتقلى قليلا لمده 5 دقايق ...

في نفس المقلاة .. نضع صلصة الطماطم ( مخلوطه مع الثوم والليمون) فوق كل قطعة دجاج ثم نضع جبنة الموزيريلا ثم جبنة البارميزان المبشور وقطعة زبده .. طبعن هالشي راح ايصير فوق كل قطعة دجاج ..

وبس يدش الفرن حتى يتحمر ... وذوقاو ^-^


عليكم بالعافية جميعا ان شاء الله يعجبكم ... :tek:

 

[جارة القمر]

مشكووووووووره

 

[NoOoN]

مشكووووووووره

العفوووو ياقلبي فديييييييييييييييييييتج ...

 

[RoOoz]

تسلم ايدج

 

[ام كتكوت]

مشكووووره وتسلم ايدج
وعليج بالعافيه
بجربها باقرب وقت لان صج شكلها عيييييب
بس بالنسبه لصلصه الطماطم (المارينارا)من وين احصلها؟؟

 

[شقرديه]

ميرسي واااايد ياقلبي

 

[NoOoN]

مشكووووره وتسلم ايدج
وعليج بالعافيه
بجربها باقرب وقت لان صج شكلها عيييييب
بس بالنسبه لصلصه الطماطم (المارينارا)من وين احصلها؟؟

:gr4uu:
اتلاقين في مركز سلطان او تقدرين تستخدمين معجون الطماط العادي !!
انا لقيت بالجمعية صوب صلصه البيتزا كان في صلصه المارينارا ...

ايعافيج ويسلمج ربي من كل شر


ومشكورين عالمرور شقرديه & رووز :q8:

 

[Ťђё Ĕηđ]

تسلم ايدج حبيبتي

 

[NoOoN]

تسلم ايدج حبيبتي

حياااااج الله وعليج اب الف عافية

:aha:

شكررررن عالمرور ...

 

[الاطلالة]

مشكورة واللة يعطيج العافية

 

[nice-girl]

تسلم الايادي

 

[ناعمه العود]

تسلم ايدج ششكلها حلو ابي اجربها

اسالج شكثر احط بقدونس وزيت زيتون الكميه
وجبنه البارميزان شنو هذه اول مره اسمع عنها خبرج مو عليميه بالطباخ

 

[ناعمه العود]

ناطره الرد لاني مزهبه الورقه والقلم

 

[NoOoN]

تسلم ايدج ششكلها حلو ابي اجربها

اسالج شكثر احط بقدونس وزيت زيتون الكميه
وجبنه البارميزان شنو هذه اول مره اسمع عنها خبرج مو عليميه بالطباخ

امممممممممممممم
شويه مو وايد اختي يعني قولي فنجان القهوه بس مو كله لأ نصه بس تخلطينه ويا الزيت زيتون كميته اتكون كافية حق انج تمسحين فيها الدياي اللي عندج يعني اب باديه حطي زيت زيتون ربع البادية وشويه هالبقدونس وبس بالفرشاة مسحي الدياي!! مثل تتبيلة... واذا بقا منه خو عادي قطيه

لا اقص عليج سوي شويه على مقدارج ...

جبنه البارميزان هاذي ضروريه عندي . تلاقينها عند الاجبان علبه اسطوانية ..

اممممممممممممممممممممممم :gr4uu:

صبر اصورها لج وادزها عالخاص ...


وعليج اب الف عافية نطريني شوي ...

 

[NoOoN]

الاطلالة & nice-girl

شكررررن عالمرور ومطرح مايسري يمري ^-^

 

[ناعمه العود]

اوكي ناطره فديتج باجر مسويتها حق اهلي

 

[NoOoN]

حاولت ادز الصوره عالخاص ماااااااااااااااااااعرفت ...
:gr4uu:

مني واخيرررررن نزلت :eh_s(6):

شوفيها تلاقين بالجمعيات عند الاجبان بالثلاجات ...

وعليكم بالعافية ...:q8:

 

[ناعمه العود]

يعطيج العافيه ماقصرتي علىالطبخات الحلوة مثلج مشكوره

ابي اوح اصلي وارجع اكتب طبخاتي يعطيكم العافيه

تقبل الله منكم مقدما

 

[أثير الورد]

تسلم ايدج
وين الاقى الجبنه

 

[NoOoN]

تسلم ايدج
وين الاقى الجبنه

بالعافية ياقلبي ...

بالجمعيات عند الأجبان اللي بالثلاجات!! ومرات عند ركن الاجبان والزيتون تسألين الريال وايكون يمه ...

وانا فوق حاطه الصوره حق نوعين من هالجبن ..

:q8: